اول مناسبة حضرتيها عقب الطلاق ؟؟

[سحابة امل]

مرحباا حبوبات شلونكم

عندي سؤال صغير

للمطلقة

متى اول مناسبة او عرس حضرتيه عقب طلاقج ؟

هل كنتي متاثره او خايفه من المواجهه


بليز شاركونا بتجاربكم :eh_s(17):

 

[ماكواسم2]

اللي اتفكرين فيه يبين عليج .
والناس طبيعي ناس مالها شغل وناس تتشمت وناس متعاطفه ..
الله يعينج على نفسج اللي حاطه الناس على بالج

 

[موناي]

حبيبتي انا حاسه فيج وعارفه شنو شعورج الحين خايفه من نظرات الناس لج وخصوصا المقربين
في البدايه اذا كنت بتنعزمين على عرس فروحي العرس وانتي بأحلى كشخه وخلج واثقه من نفسج حيل ولا تحطين في بالج الا شغله وحده اللي اهي انج رايحه بتستانسين بالعرس وبس وانسي وخلج عادي قعدي رقصي وضحكي ادري بتقولين صعب وماعرف اسوي جذي بس ميخالف سووي عشان لا تكسرين نفسج

 

[روعة الشرق]

اللي يبي يشوف الناس مايخلص ياقلبي

 

[M!SS.LOBY]

جبيبتي لازم تكونين قوية وعندج مواجهة وردة فعل للكل حركة

 

[سحابة امل]

اللي اتفكرين فيه يبين عليج .
والناس طبيعي ناس مالها شغل وناس تتشمت وناس متعاطفه ..
الله يعينج على نفسج اللي حاطه الناس على بالج

مشكووورة على الرد حبوبه
والمشكله مو لي حق صديقتي

وشي طبيعي تفكر بالناس دامها عايشه مع الناس

 

[سحابة امل]

حبيبتي انا حاسه فيج وعارفه شنو شعورج الحين خايفه من نظرات الناس لج وخصوصا المقربين
في البدايه اذا كنت بتنعزمين على عرس فروحي العرس وانتي بأحلى كشخه وخلج واثقه من نفسج حيل ولا تحطين في بالج الا شغله وحده اللي اهي انج رايحه بتستانسين بالعرس وبس وانسي وخلج عادي قعدي رقصي وضحكي ادري بتقولين صعب وماعرف اسوي جذي بس ميخالف سووي عشان لا تكسرين نفسج

مشكورة حبوبه
ردج يبرد الجبد واستانست منه رفيجتي
صاااجه ياقلبي

 

[سحابة امل]

اللي يبي يشوف الناس مايخلص ياقلبي

اي والله
ياما نصحتها بالكلام اقول لها ماعليج وطاف للكل

 

[سحابة امل]

جبيبتي لازم تكونين قوية وعندج مواجهة وردة فعل للكل حركة

اي والله كلامجي صحيح ميه بالميه

مشكورة حيي

 

[سحابة امل]

بنااات

ترا المشكلة حق رفيجتي موو لي اناا

مشكورين على الرد وعلى المشاركة

 

[زوجة عزيز]

كان عرس بس عادي ماكنت مهتمه وايد لاني كنت فرحانه بعرس وحده من الاهل

 

[امـ خــزامـى]

صديقتي وصلت ورقتها المغرب وراحت للعرس بعدها بكم ساعه
وفرحانه وتزغررررررررد بعد

مع انه تحبه ويحبها

 

[granted]

عادي تحضر مناسبات وتستانس وتسافر وتسوي كل الي بخاطرها شكو اهي مثلها مثل غيرها
انتوا لاتحبكونها فديتكم الدنيا سهالات والي يطلعج بنص عين بطي عينه
الله والناس عاد الي يتحجون بخلق الله تلقين كل البلاوي عندهم

 

[صعبه]

حضرت وججنه العيد عندي ورقصت

مو كفو حد ايي ويجرحني

 

[نـعـومـه]

يعتمد اذا الوحده تطلقت بأرادتها او لا

بس انا اقول الوحده خلها تتقرب من ربها وتصلي قيام اللليل وتدعي بكل صلاتها ةمع الايام بتنسى

وخلها تتحاول تكون قويه عشان الناس لاتحس

 

[هوت ميل]

انا بحضر زواج بالعطله وبيكون اول مناسبه لي بعد طلاقي ولله الحمد على قضاه وقدره
مع العلم اني سويت دايت ودخلت نادي وسويت تقويم واهتميت ببشرتي وسويت روكتان ولله الحمد غيرت بشكلي كثير
والدنيا ماتوقف على احد
راحو الي اعلى منه

 

[swarvoski^girl]

مرحباا حبوبات شلونكم

عندي سؤال صغير

للمطلقة

متى اول مناسبة او عرس حضرتيه عقب طلاقج ؟

هل كنتي متاثره او خايفه من المواجهه


بليز شاركونا بتجاربكم :eh_s(17):

والله رحت حفلة بنات ببيت عمي
وكشخت ولبست وتمكيجت مكياج خفيف
وعادي اضحك ومستانسه
لدرجة ان اهلي كل من شافني قالولي (لي هالدرجه الطلاق يحلي )
حبيبتي عيشي حياتج ولاتفكرين بالناس لانج راح تتعبين

الله يفرجها عليج يارب ولاتنطرين كلام الناس
راح تتعبين

 

[مشتطـه]

بصراحه انا شفت وحده تصيرلي قريب انقطعت على حد الشهرين ماتروح

ووالثانية هم تصيرلي قريب تروح وترد ونقدو عليها جها فرحانه تفشل استغفر الله


اوكي لا تحط الناس على بالها


بس لما يشوفونها حيل فرحانه بيشكون ان السبب منها وان الحياة عادي وماشية


والمفروض المطلقة تكون حزينة بهالوقت

مادري لو انا مكان رفيجتج الله لا يقول بتم اقل شي 3 اسابيع ما اروح مناسبات


لاني متضايقة حزتهااا

 

[نسيم المحبة]

اهو قاعد ويا ربعه و طالع و داخل و فرحان بحياته
و انتي معورة قلبج و معكرة مزاجج ليش !
تقربي من ربج و طلعي و روحي الصالون عدلي روحج ولا يهمج كلام الناس ترى رضا الناس غاية لا تدرك

 

[سحابة امل]

كان عرس بس عادي ماكنت مهتمه وايد لاني كنت فرحانه بعرس وحده من الاهل

الله يعوضج خير
يسلموووو على المشاركة