اول مشوار لج بالسياره

[LOVE KUWAIT1]

مرحبا بنات..

باركولي اخذت الليسن من جم يوم...ودوامي يبدأ الأحد لأنه اجازتي خلصت..

بس انا محتاره اطلع بسيارتي للدوام ولا اروح مع السايق؟

حدي خايفه ومتوتره اول مره راح اطلع للشارع بسيارتي..مادري متردده اخاف ثقتي بنفسي

تخذلني..واخاف واتوتر واذا بروح مع السايق الى متي يعني؟؟

شسوي انا بالغصب افتكيت من المدربه وتدربت معاها مع انه ابوي للحين خايف من سواقتي

ولو بيده يخليني بعد اتدرب شهر زياده! نا قلت له اللي الله كاتبه بيصير لو اني اسوق من 20 سنه

الواحد ماراح يرد القدر لابد في اخطاء لو مو مني من الناس اللي بالشارع لكن ما اقتنع بكلامي

شسوي بنات والله تعبت من التفكير

 

[أم توتو]

يشرفني اول وحده ارد عليج انتي حاولي هاليومين تطلعين فيها داخل حارتكم ولا تحاتين ولا شي السواقه شي موهين خاصه اللي اول مرة مثلج مع الوقت راح تتعودين ودايما خلي اتكالج على ربج واللي كاتبه بيصير والله يوفقج
ملاحظه: تراني سعوديه ماسوق بس اتمنى

 

[LOVE KUWAIT1]

مشكوره يا الغاليه

 

[LOVE KUWAIT1]

ابببببب

 

[•Brown•Sugar•]

دام انج للحين خايفه لاتروحين للدوام بروحج
خلي طلعه الدوام مع السايق لان الصبح زحمه والمواقف ماتحصلين
واذا حصلتي يكون موقف صغير ولويه
يعني الدوام روحي مع السايق
والطلعات العصاري والمغربيات انتي طلعي مع خواتج ولا البنات
لين تاخذين ع الوضع وتتمكنين

 

[LOVE KUWAIT1]

بالعكس اختي الصبح انا ممكن اروح مبجر قبل الزحمه وبعدين شوي شوي ابدأ اطلع بوقت الزحمه

اما في الليل الشارع يصير يخوف اكثر من النهار لأني مره طلعت بالليل وقلبي يرقع

انا محتاجه السياره علشان الدوام لأنه السايق مايقدر مافي وقت الظهر

بس مو سالفة خوف كثر ماهي ارتباك من الوضع لأنه الوضع جديد علي..

مشكوره اختي

 

[ή๑ή๑ ..♥]

تدربي الحيين فرفري شوي بالحاره وروحي الجمعيه وجذيه
عششان تتعوديين ..

لا تخـآفيين مراح يصير شي الا الي كاتبه لج ربي

 

[منار البربرية]

حبوبه انتي للحين ههه

بدز لج على الخاص ​

 

[LOVE KUWAIT1]

مشكوره اختي انا مشكلتي انسي اطالع بالمرايا الجانبيه قبل لا اطلع من حاره لحاره وانسى اطق اشاره هههههههه

 

[LOVE KUWAIT1]

ههههههههههههههههههه

شفتي القراده للحين

 

[LOVE KUWAIT1]

اببببببب

 

[Heaven Light]

جربي بشارعكم مني ليوم الاحد .. روحي الجمعية .. جربي تصفطين بموقف .. شلون تطلعين منه ..
وما في شي اسمه انسى وانتي واقفه قبل لا تطلعين طالعي يمين يسار ما في احد امشي
ولما تكونين بشارع رئيسي قبل لا تروحين للحارة اللي تبينها طالعي المنظرة عشان لا تلفين على احد وتدعمينه
ونصيحه قبل لا تطلعين بالبيت تذكري بمخج الطريج اللي راح تمشينه كل لفه وكل اشارة عشان ما ترتبكين لا طلعتي

​

 

[LOVE KUWAIT1]

مشكوره اختي وان شالله بحاول انه انتبه مع الشارع

 

[هيبة ملك]

الله يحفظج

دامج ماتخافين يعني ماعندج عقدة الخوف كل شئ هين
توكلي على الله وطلعي مبجر وعالراحة وطلعي من الدوام متأخر

وشوي شوي راح تتعودين وأول يوم خل أبوج يركب معاج

 

[LOVE KUWAIT1]

جزاج الله خير اختي

كلامكم ريحني والله

 

[انوار87]

الصبح زحمه يمكن لانج مو متمكنه لاقدر الله تسوين حادث ف انتي هاليومين سوقي العصر بروحج
وبعد اسبوعين خلاص سوقي بسيارتج

 

[انوار87]

اي ولاتنسين دعاء الركوب

 

[مسك حياتي]

عالبركه حبيبتي و عقبالي ان شاء الله ...

انا اقول توكلي على الله و روحي الدوام بسيارتج ...

و لا تنسين دعاء الركوب كل ما ركبتي السياره و ربي يحفظج ...

 

[LOVE KUWAIT1]

مشكورين بنات..

مسك حياتي نصيحه اذا بديتي تدريب اخذي لج مدربه ثقه ومجربه

وان شالله اقولكم شصار معاي

 

[ρeαrℓ]

توكلي على الله وكشخي بسيارتج , واللي كاتبه ربج بيصير
تقبلي مروري