زايد حلاها500
New member
- إنضم
- 22 أبريل 2009
- المشاركات
- 35
- مستوى التفاعل
- 0
- النقاط
- 0
السلام عليكم ورحمة الله وبركاته
اسعد الله ايامكم خواتي الغاليات انا عضوه جديدة بالمنتدى اللي اكثر من رائع
اللي فتره افتر في الاقسام كلها بصراحه قمة الذوق والذرابه بكل شي بجد انتم مميزات .
واكثر شي عجبني قسم القصص والله قريت المواضيع كلها هههههههههه
استانس على سوالف وتجارب الاولين .
عاد قلت لازم اشارك معكم واقوللكم على القصص اللي اعرفها ...
عشان تستفيدون مثلي ان شاء الله .
ابوي يوم توفى الله يرحمه كان بعمر 115 سنه تقريبا وبما اني اصغر خلفته
والبنت الوحيده له كان يحبني حيل وعلى طول انا كنت ملازمته من فتحت عيني
على الدنيا لين توفى 21 سنه وانا اسمع واتعلم منه كل شي .
عرفت اشاء كثير منه يمكن لو جلست عمري كله اتعلمها باي طريقه ثانيه ما راح استفيد مثل مااستفدت منه الله يغفر له ويسكنه الجنه .... لا اوصيكم اللي عندها بالبيت
اقارب كبار بالعمر تستغنم الفرصه وتجلس تسولف معهم تراهم كنز يعطونك خلاصة تجارب الحياة ... طولت عليكم اعذروني
كل فتره انشاء الله راح انزل قصه
اول قصه اليوم عن (((( كيد النسااااااء ))))
دايم كان ابوي يوصيني انتبه من زميلاتي وقريباتي ومن النساء بوجه عام ويقول لي ( خافي من المرة ولا تخافين من الرجال ) وكان كل ماسمعه احد يقول هالكلام يزعل ويقول والله ماينخاف غير من الرجال ولا الحرمه ماعندها سالفه ضعيفة
اول شي يرد فيه انه يقولهم ذي القصه وعقبها الكل يسحب كلامه ههههههههههه
السالفه انه كان في حرمه تسولف مع رجلها واخذتهم السوالف لموضوع المقارنه بين النساء والرجال .
مثل ماتعرفون الرجال اهون عليهم يموتون ولا يعترفون بان الحريم اذكا وافطن منهم هههههههههه
لمى زاد النقاش قالت له يابو فلان تصدق كلام الله ؟
قال كلام الله حق .
قالت انزين الله قال ان كيدهن عظيم وهو اخبر منك بخلقه.
قالها تعقبــــــين وتخسيــــــين المره ناقصه عقل قمي عني ولايكثر هرجك ز
قالت له اثبت لك كلامي اذا ودك ؟
قا ل لها رحي يالحرمه مابقي غير تحدييني
سكتت وصممت انها تكيد له لانه استهان فيها .
مثل ماتعرفون البدو يشدون مره بالصيف ومر بالشتاء هني بالسعوديه اذا جاء الشتاء يشدون قريب الساحل عشان الدفى واذا جاء الربيع يعودون نجد
يوم نزلو يم الساحل بآخر يوم لهم راحت يم البحر وصادت سمكه صغيره وحطتها
بالقربه ملتها من ماي البحر ثم دستها بين حمولتها ورجعوا لديرتهم بنجد واخذا
فيها 4 شهور وطول الفتره هذي والحرمه تعتني في سمكتها وتغير مويتها ومحد يدري عنها ....... لين كبرت السمكه وصارت نص حجم القربه .
طلعتها ونظفتها وشبت نارها وجهزت القدور ... وراحت يم رجلها وقال يابو فلان ترى اليوم ترى اليوم بعشيك صيد بحر اذا تبي تنادي الجماعه ياكلون معك
ناظرهاا رجلها وقال :
انتي صاحيه وشبلاك يامره من وين لنا سمك بوسط النفوذ ؟
قالت : أي والله اني صادقه وعان السمكه معي وورته السمكه .
هو صدقها وسالها من وين جبتيها قالت :
عطيت الرحمن تبي تنادي احد من الجماعه ترى بيشرهون عليك اذا درو انك ماعزمتهم ؟
قال: خلاص انا باناديهم وانتي زهبي العشاء.
وراح يم ربعه ويعزم فيهم على العشاء وكل ماعزم واحد يجلس يضحك ويقول انت صادق ولا تمزح. من وين لك سمك بوسط نجد ؟
وحرمته رجعت خيمتها وسوت قدرين واحد فيه السمك وواحد بس رز لحاله .
عقب استواء الاكل خذت القدر اللي فيه السمك ولفت عليه من خلاقينها وطمرتها بحفره كانت مزهبتها تحت بيتها وبسطت فراشها على الحفره وجلست تنتظر رجلها وربعه.
بعد ماتجمعو الرجال .....جاء رجلها وقال اغرفي العشاء غرفت الرز واقبلت عليه يوم شاف الصحن ماعليه سمك صاح عليها وين السمكه ..؟
قالت بسم الله عليك أي سمكة ؟
شبت النار فيه وقام يصارخ السمكه اللي نبي نتعشاها ..اللي جبتيها اليوم .
وقالت وانا من وين لي سمك وشبلاك ؟؟؟
وهو يمسكها ويطقها وتجلس تصارخ ويسموعونها الرجال ويجون ويمسكونه عنها
وهو يتهدد ويتووعد وهي تصيح وتبكي .. وتقول تكفون انا داخله على الله ثم عليكم
تفكوني منه مدري وش بلاه الرجال مختلف اله فتره وانا ساكته ومتحمله وهذا انتم تشوفون وتسمعون ... يطقني ويقول هاتي السمك اللي جبتيه ا ليوم .. واحنا لنا 4شهور بالبر من وين لي سمك ؟؟
وهو يصارخ انا شفتها بعيني والله شفتها بعيني
طبعا ما أحد بيصدقه كلام مايدخل العقل استغلت الحرمه الموقف وهو يهددها وقالت الظاهر انه لاحقه مس .
يتبع......
اسعد الله ايامكم خواتي الغاليات انا عضوه جديدة بالمنتدى اللي اكثر من رائع
اللي فتره افتر في الاقسام كلها بصراحه قمة الذوق والذرابه بكل شي بجد انتم مميزات .
واكثر شي عجبني قسم القصص والله قريت المواضيع كلها هههههههههه
استانس على سوالف وتجارب الاولين .
عاد قلت لازم اشارك معكم واقوللكم على القصص اللي اعرفها ...
عشان تستفيدون مثلي ان شاء الله .
ابوي يوم توفى الله يرحمه كان بعمر 115 سنه تقريبا وبما اني اصغر خلفته
والبنت الوحيده له كان يحبني حيل وعلى طول انا كنت ملازمته من فتحت عيني
على الدنيا لين توفى 21 سنه وانا اسمع واتعلم منه كل شي .
عرفت اشاء كثير منه يمكن لو جلست عمري كله اتعلمها باي طريقه ثانيه ما راح استفيد مثل مااستفدت منه الله يغفر له ويسكنه الجنه .... لا اوصيكم اللي عندها بالبيت
اقارب كبار بالعمر تستغنم الفرصه وتجلس تسولف معهم تراهم كنز يعطونك خلاصة تجارب الحياة ... طولت عليكم اعذروني
كل فتره انشاء الله راح انزل قصه
اول قصه اليوم عن (((( كيد النسااااااء ))))
دايم كان ابوي يوصيني انتبه من زميلاتي وقريباتي ومن النساء بوجه عام ويقول لي ( خافي من المرة ولا تخافين من الرجال ) وكان كل ماسمعه احد يقول هالكلام يزعل ويقول والله ماينخاف غير من الرجال ولا الحرمه ماعندها سالفه ضعيفة
اول شي يرد فيه انه يقولهم ذي القصه وعقبها الكل يسحب كلامه ههههههههههه
السالفه انه كان في حرمه تسولف مع رجلها واخذتهم السوالف لموضوع المقارنه بين النساء والرجال .
مثل ماتعرفون الرجال اهون عليهم يموتون ولا يعترفون بان الحريم اذكا وافطن منهم هههههههههه
لمى زاد النقاش قالت له يابو فلان تصدق كلام الله ؟
قال كلام الله حق .
قالت انزين الله قال ان كيدهن عظيم وهو اخبر منك بخلقه.
قالها تعقبــــــين وتخسيــــــين المره ناقصه عقل قمي عني ولايكثر هرجك ز
قالت له اثبت لك كلامي اذا ودك ؟
قا ل لها رحي يالحرمه مابقي غير تحدييني
سكتت وصممت انها تكيد له لانه استهان فيها .
مثل ماتعرفون البدو يشدون مره بالصيف ومر بالشتاء هني بالسعوديه اذا جاء الشتاء يشدون قريب الساحل عشان الدفى واذا جاء الربيع يعودون نجد
يوم نزلو يم الساحل بآخر يوم لهم راحت يم البحر وصادت سمكه صغيره وحطتها
بالقربه ملتها من ماي البحر ثم دستها بين حمولتها ورجعوا لديرتهم بنجد واخذا
فيها 4 شهور وطول الفتره هذي والحرمه تعتني في سمكتها وتغير مويتها ومحد يدري عنها ....... لين كبرت السمكه وصارت نص حجم القربه .
طلعتها ونظفتها وشبت نارها وجهزت القدور ... وراحت يم رجلها وقال يابو فلان ترى اليوم ترى اليوم بعشيك صيد بحر اذا تبي تنادي الجماعه ياكلون معك
ناظرهاا رجلها وقال :
انتي صاحيه وشبلاك يامره من وين لنا سمك بوسط النفوذ ؟
قالت : أي والله اني صادقه وعان السمكه معي وورته السمكه .
هو صدقها وسالها من وين جبتيها قالت :
عطيت الرحمن تبي تنادي احد من الجماعه ترى بيشرهون عليك اذا درو انك ماعزمتهم ؟
قال: خلاص انا باناديهم وانتي زهبي العشاء.
وراح يم ربعه ويعزم فيهم على العشاء وكل ماعزم واحد يجلس يضحك ويقول انت صادق ولا تمزح. من وين لك سمك بوسط نجد ؟
وحرمته رجعت خيمتها وسوت قدرين واحد فيه السمك وواحد بس رز لحاله .
عقب استواء الاكل خذت القدر اللي فيه السمك ولفت عليه من خلاقينها وطمرتها بحفره كانت مزهبتها تحت بيتها وبسطت فراشها على الحفره وجلست تنتظر رجلها وربعه.
بعد ماتجمعو الرجال .....جاء رجلها وقال اغرفي العشاء غرفت الرز واقبلت عليه يوم شاف الصحن ماعليه سمك صاح عليها وين السمكه ..؟
قالت بسم الله عليك أي سمكة ؟
شبت النار فيه وقام يصارخ السمكه اللي نبي نتعشاها ..اللي جبتيها اليوم .
وقالت وانا من وين لي سمك وشبلاك ؟؟؟
وهو يمسكها ويطقها وتجلس تصارخ ويسموعونها الرجال ويجون ويمسكونه عنها
وهو يتهدد ويتووعد وهي تصيح وتبكي .. وتقول تكفون انا داخله على الله ثم عليكم
تفكوني منه مدري وش بلاه الرجال مختلف اله فتره وانا ساكته ومتحمله وهذا انتم تشوفون وتسمعون ... يطقني ويقول هاتي السمك اللي جبتيه ا ليوم .. واحنا لنا 4شهور بالبر من وين لي سمك ؟؟
وهو يصارخ انا شفتها بعيني والله شفتها بعيني
طبعا ما أحد بيصدقه كلام مايدخل العقل استغلت الحرمه الموقف وهو يهددها وقالت الظاهر انه لاحقه مس .
يتبع......
