اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

[كويتيه في روما]

هاي كويتيات انا اول مره حط موضوع في هالقسم اللذيذ

وعفيه ساعدوني ..انا بايطاليا و بعزم ناس كويتين عندي بالبيت عالغذا اول مره يدخول بيتي

و موعارفه شنو اسوي ؟؟؟؟؟:eh_s(2):


انا فكرة اسوي

1- مجبوس لحم و دقوس

2- ورق عنب بدبس الرمان و الصبار

3- سلطات و مادري شنو بعد :gr4uu:




:33_1185028183:

عفيه لا تخلوني :eh_s(2): والله مخي وقف ماني عارف شختار ياربي​

:aha:

 

[Om_Ksha]

اى حلو كافي

 

[كويتيه في روما]

رد : اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

احس بعد لا زم اسوي شي

 

[شندوخه]

رد : اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

اذا فيج شده سوي مرقوق او محروق صبعه
ولاتنسين الحلو

 

[كويتيه في روما]

رد : اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

الله يجزاج خير شندوخه ..الحلو كنت بنسااااااااااه

بسوي بسبوسه

بس ودي اسوي سوالف صوني الدجاج بس اي نوع ؟؟؟؟

 

[كويتيه في روما]

رد : اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

24 مشاهده ثنتين ردوا علي بس !!!!

ليش جذيه والله زعلتوني وانا شده الظهر فيكم

 

[دلوعه زوجها]

حبيبتي سوي اي نوع من الباستات يعني بالكريمه ولا لازانيا
سوي رولات مسخن اكله لذيذه وسريعه
سوي مرق باميه وعيش مشخول
صينيه دياي بحلقات بطاط وزيت الزيتون والليمون
سوي مربين مع دقوس صبار
سوي كبب مقليه وسمبوسات
سوي سمجه محشيه بالخضره واشويها بالفرن
سوي صينيه مسقعه بالفرن
هاذي الافكار اللي عندي واذا تبين طريقه اي شي منهم دزيلي مسج علي الخاص
وهذي صفحتي بالفيس بوك فيها وايد وصفات لذيذه وسريعه

http://www.facebook.com/pages/mtbkh-smr/140283639350380?v=wall

اختاري اللي يعجبج وان شاء الله تكون عزيمتج حلوه

 

[دلوعه زوجها]

حبيبتي سوي اي نوع من الباستات يعني بالكريمه ولا لازانيا
سوي رولات مسخن اكله لذيذه وسريعه
سوي مرق باميه وعيش مشخول
صينيه دياي بحلقات بطاط وزيت الزيتون والليمون
سوي مربين مع دقوس صبار
سوي كبب مقليه وسمبوسات
سوي سمجه محشيه بالخضره واشويها بالفرن
سوي صينيه مسقعه بالفرن
هاذي الافكار اللي عندي واذا تبين طريقه اي شي منهم دزيلي مسج علي الخاص
وهذي صفحتي بالفيس بوك فيها وايد وصفات لذيذه وسريعه

http://www.facebook.com/pages/mtbkh-smr/140283639350380?v=wall

اختاري اللي يعجبج وان شاء الله تكون عزيمتج حلوه

 

[*الأثــــــــير*]

حاسه فيج ياقلبي

انا عندي باجر راح انسخ لج السلطات انا مجربتهم روووعه


سلطة بتتبلية الزعتر والشبت

المقادير ..

خس أمريكي او خس عادي
مقطع طوال ..
زيتون شرايح سواء أخضر او أسود
خبز مقطع ومشوحينه على النار مع زيت الزيتون
والزعتر << كمية الزعتر كثيرة شوي تغطي الخبز تمااام



التتبيله
علبة زبادي
علبة سوس رانس للسلطات
نص حزمة شبت وملعقتين زعتر وممكن تكون بقدونس او كزبرة
بس شخصياً بالشبت أطعم كثير حسيتها ..
ملح وليمون وزيت زيتون..
نخلطهم بالخلاط الكاس لحد ما يصير اللون أخضر


نحط بالطبق اللي نقدمة الخس بعدين رشة زيتون
بعدها نرش عليها الخبز وبالأخير السوس
ونرجع نكرر نفس الطبقات ..
آخر طبقة رشيت عليها شوية بابريكا وزعتر

 

[*الأثــــــــير*]

سلطة الناشووووز هم ناسختها لج بس انا مجربتها رووعه


* اول شي المكونات :

خس (وانا استخدم الامريكي لان احس الكويتي فيه مرورة!)
ملفوف احمر (اللي لونه بنفسجي شكو مسمينه احمر مادري لول)
ملفوف ابيض (انا ما استخدمته ولا مرة حطيت الجزر بداله)
ذرة
جزر
جبن تشدر كرافت
فلفل هلابينو (اذا عندكم يهال لا تحطون انا ما احط وايد بس شويونة يعني نكهة ولحد يحط وايد لان احس يخرب السلطة حلاته بس نكهة)
ناتشوز (اختارو اللي بالجبن)

*الصوص:

قفشتين مايونيز
3 قفاش صلصة فرنسية (لونها برتقالي)
قفشة زيت زيتون
قفشة خل ابيض
نكهة ثوم يعني شي ما يذكر كلش
شوية ملح

والحين الطريقة :

قصصو الخس+الملفوف وكل ما صغر الحجم كان احسن
بشرو الجبن+الجزر
ضيفوا الذرة والهلابينو

الحين بلشو في مقادير الصلصة وخلطو المقادير عدل مدل

والحين صبو الصوص على السلطه وخلطوهم عدل مدل....

واخيرا ييبو الناتشوز وكسروه يعني فتفتوه بس مو وايد وصفوه فوق السلطه وبالعااااااااافية

 

[*الأثــــــــير*]

الحلا::::




ميني تشيز كيك



كلمة روعه ولذيذ قليله فيه .. واسهل منه مافيه .. بجد بجد لايفوتكم ..





كلمة روعه ولذيذ قليله فيه .. واسهل منه مافيه .. بجد بجد لايفوتكم ..
والاهم منهم ان اغراضها موجوده بكل بيت ..



المقآدير والطريقهـ ..



هآتي آوراق البلآسيه ..

حطي الطبقه الاولى ..


بسكوت مطحون و زبده




::
..




الطبقهـ الثآنيهـ



في خلآط الكآس ..


علبة قشطهـ .. نص كآس سكر .. 5 حبآت جبن كيري .. 3 ملآعق كبيرهـ حليب بودرهـ ..



وبعدين حطيهآ فوق البسكوت والزبدهـ ..


..
:






وندخلها الفرن بصينية كبيرهـ ..



وبعدين نطلعها ونخليها تبرد اشوي


ونزين الوجه باللي حآبين


( اللي عملتهـ آنا .. )


فليك مبشور


اوريو مجروش مع هيرشي شوكولاته


عين الجمل مجروش + هيرشي الشوكولاته <== رووووووووووووووووووعه هالحركه


بآي فيلينق بالكرز

تويكس شرآيح ...

 

[*الأثــــــــير*]

واذا في اي سؤال راسليني عالخاص لان الموضوع اللي ادخله ما ارد له

 

[جارة القمر]

رد : اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

تفضلي طلبك

http://www.q8yat.net/showthread.php?t=488406


http://www.q8yat.net/showthread.php?t=530203
http://q8yat.net/showthread.php?t=564140

 

[<<لمار>>]

سوى باستا او صينبة دجاج بالفرن وحل بارد وسلطات

 

[ام الدرر]

لاني كنت بغربة اتصور كل شي يذكر بالديرة لذيذ
اختياراتج حلوة العيش وملحقاته مع ورق العنب حامض حلو
زيدي عليه مرقوق او يريش او قبوط اذا فيج شده
وسوي حركة حلوة بلاليط مع البيض والحلو محلبيه وخليها باكواب صغيرونه بتصير اليمعة حلوة وتذكر بالديرة​

 

[أنين الماضي]

رد : اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

وااااااي ربي يعينج

وبالتوفيق للأسف ماعندي خلفيه عن هالسوالف

 

[((نوونوو))]

رد : اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

حبيبتي الله يعطيج القوه انشالله
حلووو اللي بتسوينه وزيده فوقهم صينيه الفطر مع البطاط
عجيييييييييبه ةالكل راح يسالج عنها لانه مجربتها
موفقه انشالله

 

[كويتيه في روما]

رد : اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

بعد قلبي كل الي ردوا علي ماقصرتوا الله لا يحرمني منكم بنات ديرتي

عسى ربي يوفقكم انشالله

 

[Ameeraaaaaa]

اللله يعينج ويقويج
ذكرتيني يوم كنا بالغربة
انبهج شوية تنبيهات لازم تكون سفرتج منوعة يعني فيها اللحم والدجاج والسمك والخضار مثلا
عشان تراعين جميع الاذواق
اعتقد مجبوس اللحم خوش اختيار
وممكن تسوين صينية مصقعة بالفرن
او صينية دجاج وبطاط مثلا
اقتراح خواااتي مال اليريش وايد حلووو
ممكن تسوين نوع ثاني من العيش مثل عيش مع اشبنت وخضرة وقطع دجاج اصغار
خلني مائدتج منوعة بس مريحة بالطباخ يعني اريح شوي ان تسوين كذا نوع عيش
يعني لو تبين مقتراحاتي
انا اسووي دايما مجبوس الدياي مع دقوس طماط
برياني ربيان
صينية مصقعة بالفرن
جريش
شوربة عدس مع قطع خبز محمص
سلطة خضرة

وعوافي

 

[sondos]

رد : اول مره يجوني ضيوف و انا بالغربه ؛؛؛تعالوا ساعدوني قبل يوم الخميس

ماقلتى كم شخص بيكونون؟؟.........لان الاكل حلو منوع بس اذا العدد قليل مايسوى تتعبين نفسج على اكل ماراح ينوكل


يعنى من خمس ل 10 اشخاص (ورق عنب +نوع سلطه+مجبوس دجاج مع الحشو والدقوس+جريش لحم او قبوط او مرقوق+طاجن ربيان مشووى)واايد مناسب واهم شى ان ماتختارين نوع فيه قلي عشان ماتتعبين بالتنظيف ولا بالريحه ويكون اكل انتى شاطرة فيه.....وماتنسين الحلو بسبوسه او جيس كيك بقلاصات صغيره او براونى مع ايس كريم