اول مره امي تدعي علي تقول (( الله يرسبج في امتحانج , يارب تطلعين من الجامعه ))

[كيوت قطر]

السلام عليكم ورحمة الله وبركاته

بنات انا حدي نفسيتي صفر ,
امس تهاوشت مع امي , لان انا وراي امتحانات ومن يقدم امتحانات اكون في حالت قلق
وتوتر وخوف

لان المقرر دسم والدكتوره الله يسامحها ماتشرح وعندي امتحان ثاني في نفس الوقت وتكاليف وبحوث
وشغلااات واايد

امس خالتي وبنتها كانو بيزورونا , قلت يايمه انا مب فاضيه استقبل حد
انا حددي حددي مشغوله

وكلمتها اكثر من مره مانفع معها وتصارخ علي بيجون يجون ليش شنو ماعندج وقت عشان تدرسين
عندج بكره ادرسي 24

قلت لها ضغظ والله ضغظ الكتاب اكثر 380 وعندي مقرر ثاني , قالت بيجون بيجون


وعقب اتصلت في بنت خالتي قلت لها انا بذاكر مع رفيجتي قالت اوكي

المهم امي عصبت واني طولة لساني عليها ,

وعقبها طقتني بالجوتي اكرمكم الله وقالت , يااااارب ترسبين في الامتحان ياااارب , وعساج تطلعين من الجامعه

يالله وهذا ويهي اذا نجحتي .

المهم بجيييييييييييييييييييييييييييييييييييت اول مره اسمع منها هالحجي ,
ليش ليش يعني بس علشان قلت مضغوضه وابي ادرس

زفتني والمشكله ابوي معاها

وانا اللحين كلش مالي خلق ادرس نفسيتي تحت ع الارض

انـــــــااا وااايد احبج يااايمه ليش تدعين علي , عشااان مايزعلون منج
الله يسامحج

 

[كيوت قطر]

سوووري بنات كلامي مب واضح
كتبته بسرعه بسرعه
تدرون يوم فضفضت ارتحت شوووي ,

عسى ربي القى رضاك و رضى امي وابوي ,

 

[الأميرة جوري]

ياقلبي صدقيني موووووووووو من قلبها ....منقهره وماتدري شنو تقول تبي تحرج مثل ماحريتيها ....انا بنتى مرات تقهرني اقولها ماراح ادرسج وخليج كسلانه وتسقطين وتحرنى تقول عادي ههههه ياهل ....درسي وتعوذي من ابليس ...

 

[كيوت قطر]

مشكوووره حبيبتي

بس خفت اول مره تدعي علي ,

 

[خالة لانا]

اعوذ بالله لا ان شاء الله مافيها شي بس هذي لحظة غضب تلقينها هي نادمه على اللي قالته لك وهي كانت مستعجله ومافكرت فيك يعني لا تحطينها بنفسك

اذا راحو اهلك كلميها لحالك قوليلها والله اسفه ماقصدت بس عنديضغط كبير وماقدرت اشرحلك طولت لساني عليك بالغلط وهي ان شاء الله بتصارحك واكيد ماراح ترضى ببنتها ترسب وحتى لو ماقالت لك شي لا تزعلين يمكن تحط بنفسها كلام بس ماتعبر عنه لك..

ان شاء الله اني افدتك والله يخليكم لبعض ان شاء الله..

 

[كيوت قطر]

مشكوره خاله لانا

بس هي عادي اتكلمني , بس انا شوي صاده عنها ,
قاعده ارضيها بتصرفات معهااا

بس ان شاااء الله بدرس بس كلش مافي نفسيه كل افكر بكلمها
قبل ماطلع اروح الجامعه بحب راسها وبقول لها تدعي لي

لانه اكثر اوقات دوامي احب على راسها
بس ان شااء الله تكون راااضيه عني

 

[ثنايا الورد]

طبعا واكيد من ورا قلبها كلام حزت غضب
ابدا لا تفكرين انها جادة فيه تلاقيها ياعمري
زعلانه انها قالت لج جذي وربي امهاتنا بلاسم
ربي يخليها لج روحي بس حبي فوق راسها وبتلاقيها
خذتج بحضنها
تقبلي مروري عزيزتي​

 

[Tom ♥ Jerry]

,.


آلغلط منج آهيه قالتلج كلمه خلاص نفذيها !
ليش تروحين تسوين شي من وراها .,،
انا مقدره آنه لج آمتحان ومآده صعبه بس مو معناتهآ تكسرين كلمه آمج

و صدقيني الكلمه الي قالتها مو من قلبها ,،
كل الآمهآت أو الاغلب لمآ يعصبون على عيالهم يقوولون دعاوي و كلآم خرآبيط يعني :/
بس مآ يكون طآلع من القلب :***

روحي تسامحي من آمج و طيحي على راسها و بوسيها !
هاذي آمج جنتج و نآرج ,، :*

 

[نــggر]

صدقيني من القهر دعت علييك

اهم شيء انتي الحيين روحي بوسي راسها واطلبي رضاها وقوليلها تكفيين يمه ادعي لي بالتوفيق

اهم شيء رضاها عليك

وبالتوفيق حبيبتي

 

[سكوتي بذوقي]

كان طاوعتيها

وجلستي معاهم شوي بعدين استأذنتي منهم

وقلتي لهم بروح ادرس

بس صدقيني هذا الكلام قالته بلحظة زعل بس

مو من قلبها

ادرسي ويارب الاختبارات تكون سهله

موفقه يارب

 

[عادت ذكرياتي]

الله يرزقج رضاها


تعوذي من إبليس ودرسي عدل

 

[NEW WOMEN]

["ربي يصلح ما بينك وبين امج انه هو البر الرحيم]

 

[نسايم ليل1]

الله يرزقج رضاها


امييييييين اهم شي الام

 

[رنين]

وخير ان شااااالله امتحان ...هذي امج بدونها وين تلقين توفيق بحياتج؟؟؟

الجهاد و هو الجهاااااد ما سمح النبي صلي الله عليه و سلم للريال يجاهد لنه طلع و امه و ابوه مو راضين قال هد الجهاد و روح ونسهم.......


بغت تستانس بأخيتها قومي فيها و بوناستها تلقين هال380 صفحه لو مو دارسه منهم غير 10 صفحات و الله ما يجي الامتحان الا من الي درستيه ببركة توفيق الله لج من وري رضاها و هالشي مججججججججرب و صار مع رفيجتي بالجامعه و جدام عيني.

بس المشكله اولوياتنا صايره منعفسه فوق حدر و خواطر الي لازم نراعي خواطرهم مو بالحساب
الله المستعان

 

[روانتي 12]

ما اتوقع من قلبها .. يمكن رفعتي ظغطها بردج

الله يحل مشكلتج بأقرب وقت .., ويصلح بينج وبين امج ياررب

 

[حلآ الدنيآ]

الله يعينج

 

[ليناالعالية]

الله يوفقج دنيا وآخرة يااارب

 

[شذونه]

يابنت الحلال احمدي ربك على اومك

اومي تدعي علي بسب وبدون ولاعمري زعلت منهاا بلعكس اخدمهاا وادعي لهاا
حتى لاكل اسويه لهاا وكل شي

واهي بكل شي حتى واهي راضيه تدعي واهي زعلانه تدعي
حتى مره دعة علي واهي متوضيه تبي تصلى العشاء

عاد اول مرا بحياتي اتجرا واقول يايمه ترا مايصير حرام علييك اخاف فيه ساعه اجابه وتستجيب دعوتك ويجيني المرض :eh_s(2):

شسووي اصبرر واحتسب وراي عقاب وراي دنيااا


صدقيني بس لانها زعلاانه وانت جادلتيها
روحي بوسي راسهااا

:eh_s(17):

 

[صانعة الحياة]

الله يلوم الي يلومك والله حاسه فيك الجااامعه ضغط ولازم وقت كافي عشان تذاكرين

شوفي حبيبتي روحي لامك واتفقي معاها انه ايام الامتحانات ماحد يدخل بيتكم لاعزايم ولاغيره

والايام العاديه ان بغوا ينامون عندكم الناس مو مشكله

لازم حبيبتي تتفقون مو كذا بس اي وقت عزايم

وامك ان شاء الله تستغفر وتدعيلك بالتوفيق

 

[كيوت قطر]

مشكورااااات بناااات يعطيكم العافيه كل كل وحده الى ردوو علي ,,
ردودكم حسسني انكم خواتي , فديتكم والله

الله يسلمكم , ردة المياه لمجاريهاا ههههه
يعني نسيت الموضوع , الحمدالله انا وامي مثل ربع وخوات وجي , بس امي الله يحفظهااا بسرعه تعصب خخ
في اليوم اللي بعده بعد ماقريت ردودكم , قمت من بدري ساعدت امي عشان اليهال يروحون المدرسه , وبعدها قعدنا نسولف وقمنا نضحك الحمدالله
وانا البجر في البيت فجي انا وامي كلوز مشااء الله , الله يحفظج يااايمه

بس ماطريت لها سالفة اللي صار بينا , بس قمت اخدمها , واقول لها يمه تبين شي اسوي لج شي
يعني مثل قبل واكثر والحمدالله

وامس قبل ما اروح الامتحان حبيت على راسها , وقلت لها ادعي لي يايمه .

وامتحنت توكلت على الله , والامتحان الاول كااااان صعب صعب بس الحمدالله
وامتحان الثاتي كان سهل خخ

بس الحمدالله على كل حاااال (( صج اهم شي رضى الوالدين , من وين يجي التوفيق اذا امي مب راضيه عني
والله يخلينا لبعض ان شاء الله )) . ^.~