انا غرامي الروج الاحمر .. من كثر ما احبه صار عندي خبره :dddds:
لاني واايد دقيقه بهذا اللون بالذات و مو اي شي يعجني .. مرات يصير الاحمر يميل على وردي :cxxxp: كلش ما يعجني ، احب الروج الاحمر يكون rich و اللون واااضح و صريح
عرفت انتي شنو تبين بالضبط .. تبين اللون الاحمر الاحمر و تبينه مااات
نوبا رقم 7 تينن مثل ما قالوا البنات بس لونه احمر احمر مو احمر صارخ !!!
بس نصيحه شوفيه لا يفوووووتج
جربي ريشن ريد من ماك
او روبي اوو من ماك بعد <=== اعتقد هذي بتعجبج لانها احمر شااب شوي و مات
هذولي احلا درجات احمر من مدينا ميلانو ، كلهم لونهم احمررر في فرق بسيييط بينهم
وحده منهم شوي قلوسي .. عاد ما ادري ايهي لانهم عجبوني و سيفت ارقامهم بموبايلي
5319 - 5323 - 5406
مدينا ميلانو تلاقينها بجمعيه الشاميه ، ضاحيه عبدالله السالم ، الروضه (بس اللحين يسون للجمعيه تعديل و حدهم حووشه)
و اتذكر شفت خووووش لون احمر عند دياغو دال بالما ما اتذكر الرقم بس كان لونه وااايد حلو و مات
تلاقين دياغو بجمعيه الشاميه ، ضاحيه عبدالله السالم ، الخالديه (الفرع اللي يم كلية الهندسه) ، الروضه
مره قريت موضوع هني بالمنتدى .. عن رومج ارماني لونه احمر اعتقد رقمه 8 او 9 ؟؟
في روج احمر حلو عند نارس .. في روج و في على شكل قلم متين عذريني ما اتذكر ارقامهم او اسمائهم بس اهو واحد ما في غيره ، تلاقينه بفافافووم الافنيوز
هذولي تقريباً احلاا ما شفت من الروج الاحمر ... بالتوفيق
