اول مره اشارك ردو علي لاتحقروني

[مهره 76]

مسا الخير عالجميع :eh_s(7):
اول مره اكتب في هالصفحه وصراحه ما كتبت الا ابي منكم مساعده
لاني احضر مجالس حريم بس ماعندي جراه اني اسولف ودايما هاديه وما تطلع مني سوالف احاول يمين شمال بس الصمت ميزتي
لاااااااااااااااااااااااااااااكن لا رحت لهلي يسكتوني ويجعموني من كثر ما سولف

فسرولي هالشي شنو

 

[غلا-زوجي]

مافيج شي .. طبعج هادي انا كنت نفسج حيل هاديه ومرة قال استاذ حق امي بنتج خجوله حيل وهاديه وساعات تصير شيطانه بس بتسوي مقالب امي قامت تضحك جان يقولها تدرين اذا تزوجت راح تتغير شخصيتها هذي وتصير متوازنه وفعلا مع الزواج شخصيتي تغيرت صرت هاديه اكثر وقت الهدوء هدوء ووقت الغشمرة غشمرة لكن شي واحد غلط اني صرت عصبيه حيل وصار فيني ضغط
بما معنى شخصيتج طبيعيه باجر موقف يغيرج او زواج او علاقه او او او .....
تقبلي مروري

 

[۞ F A N T A S Y ۞]

اكيد خجل و من النوع الي ما تتعودين عالناس بسرعة ،،
عادي تخيلي انهم من اهلج و انج تعرفينهم من زمان او يمكن عندج خوف من
الإنتقاد او شي فعند اهلج عادي تاخذين راحتج و عند الناس لا

اذا هالشي مضايقج حاول تغيرين و تعودين نفسج بس اذا لا عادي خليج مثل
ما انتي احسن و اريح و الله ،، انا طبعي هادية احب اسمع اكثر من اتكلم بس
مو خجل بس هدوء و حتى ببيتنا هادية بعد << بس بالنت اشارك و اكتب بكثرة

بس عادي احسن جذي كل ما قللتي كلام و استمعتي اكثر احسن لج ،، و هيدا رأيي

 

[مهره 76]

هلا بخواتي اشكر مروركم غلا زوجي وفنتاسي
وفعلا هذا الي قاعد يصير انا دايما هاديه في الجمعات وخصوصا بيت زوجي خالتي تقولي سولفي شفيج ساكته بس ياربي ماعندي علوم وسوالف عن الناس مثلهم واخبار المجتمع كله ماشاء الله عليهم اسولف بعض المرات عنالي صير بالدوام وبيت اهلي سوالف خفيفه

 

[غلا-زوجي]

دام جذي معناته الغلط منج .. ليش ماتبطلين التلفزون وتشوفين الاخبار عالوطن والمقابلات الممثلين والسياسين و يوم الزوارة قوليلهم شفنو المقابله الفلانيه شفتو الممثله الفلانيه شمسويه بعمرها ,,
ياكثر بلاوي هالوقت ..
قولي مثلا شفتو هدى حسين مسويه غمازات على هالعمر اللي اهيا فيه صايرة بنوته ... شفتو عبدالجليل واللي تكلم عنه .. تهقون البرد متى يدش علينا .. ماشالله الوقت قام يتأخر الاذان الله يعينا برمضان .. جذي

 

[مهره 76]

في هذي صج ماعندي اي فكره عن الاخبار والجرايد ماواطنها ولا المجلات مستحرمتها
كلامج صحيح وشكرا عالمرور بحاول اقرا جراااايد يمكن ينطلق لساني

 

[๓ίşś зśŏłả..!]

انتي مبين عليج هاديه وايد
حاولي تتغلبين على هالشغله يعني لما تقعدين مع الحريم حاولي تفتحين انتي موضوع وبتشوفين نفسج تاخذين وتعطين معاهم

 

[مهره 76]

شكرا خواتي على الردود وماقصرتو

 

[أأأحبه]

انتي مثلي
انا عند اهل زوجي هاديه ومااتكلم
ومع اهلي وصديقاتي سووووالف ماتخلص


طبيعي الناسسس الى متعوده عليهم وبينكم سوالف مشتركه بتتكلمين معاهم
والعكسسس صحيح
فاانتي ششوفي وش اهل زوجك يحبونه من سوالف وسولفي

 

[أم توتو]

عادي كلنا جذيه لا تحاتين مع الوقت بتسولفين الله يوفقج

 

[مسك حياتي]

هههههههههههههههههههههه ...

انا جذي بعد حتى ساعات مع رفيجاتي اكون هاديه ...

عادي احس شي طبيعي ...

بس تقدرين تغيرينه اذا قالوا سالفه شاركيهم ...

اذا شفتي الصمت عم المكان بطلي موضوع ...

 

[D a m a s]

حآولي تمسكين العصآ من النص يعني مو اللي هآدية مرة وحدة ومآلج صوت ولآ اللي يقولون عنها بآلعة رآديو

سولفي معآهم بمواضيع عآمة وشآركيهم برآيج في الموآضيع اللي يتناقشون فيهآ

 

[غنج اهلها]

عادي ماتعتبر حاله ولامرض فيج

بس ينقصج بعض الجراءة اشوي

حاولي تسولفين مع اللي يمج بالجمعات اقلها شاركي بابتسامه تعليق

وانا اشوف نوبربلم من هالشئ ياحلو الصمت اوقات خاصه بالجمعات

وجهه نظر ^^