اول مره اخيم شتنصحوني

[ombaza]

قوة بنات
حطيتلي خييمه مع حمولتي وهذي اول مره اخيم حدي متدووودهه
شريت اغراض وخذيت من امي سوااالف بس جني محتاره ومادري شسوي واحط
شنو اقتراااحاتكم عطوني من خبرااتكم
للعم عندي بنت 4 سنوات وولد 7 اشهر وانا وريلي بس

 

[شندوخه]

شنو تقصدين بالاغراض ؟
الخيمه بس اول ماتنصبونها رشي على ارضها رشاد عشان ما اييلكم العقارب والسوالف هذي
اذا تبين شغلات لتخزين اخذي الاجرار البلاستيك وهناك خلي شغلج كله بلاستيك ببلاستيك انظفلج

 

[ombaza]

حطينا الخيمه وفرشناها زوليه وحطينه قعده ارضيه زاويه صغيره
بس هم مادري شحط

 

[ombaza]

شكرا شندووخه خذيت كبت بلاستك من بيت اهلي

 

[* عباية راس *]

عالبركه وان شاء الله تستانسون

أنا مع شندوخه رشي رشاد

ولا تحطين شي عالارض خلي كل شي مرتفع ومعلق علشان لا يجيكم دواب مع ان بالمربعانيه ماكو شي بس احتياط


و شنطة اسعافات أوليه

لأن عيالج صغار أخذي المناديل المبلله مالت جونسون حيل مفيده بدال لاتغسلين ايد عيالج بالماي كل شوي وتبللون مسحيهم فيها


أهم شي تاخذين مصحف

وأشتري لج جربة ماي اللي تنباع بالصيدليه مالت الماي الحار

حطي فيها ماي حار قبل لاتنامين علشان اذا قمتي لصلاة الفجر يكون الماي عندج دافي وتتوضين للصلاة ماتحاتين الماي البارد

وسلامتج

 

[ombaza]

بعد قلبي عباية راس عجبتني افكارج
شريت جوله عين واحد واكب قوري ماي بالعالم بسخنه وبعدين بخليه عالدفايه عشان مايبرد
بس عجبتني سالفة المطاره اللي فيها ماي حار بحطها بفراشي عشات تدفيني

 

[احلى كويتيه]

اهم شي لا تنامين بالخيمه وفيها دفيايه شغاله او دوه فحم

وحطي علبه كبيره الي فيها غطا البلاستك حق ممية ولدج واغراضه عشان النظافه واخذي فرش زياده وبطاطين وحق ولدج في سراير على الارض عشان تغطين السرير بالبطانيه اسم الله عليه صغير وتكثر حركته ولا تنسين البساكيت والبطاطات والشبس والعصاير ومستلزمات السهلره والوناسه والحب والمكسرات والله يعينكم على البرد

 

[احلى كويتيه]

لا تحطين جوله بخيمتج عندج عيال خلي الخدامه تسخنلكم الماي وخلي عندج مطارتين الي لتر ونص وتعبيهم لج احسن وطشتين وجركل الصغير فيه ماي اذا بتوضين حطي من الماي الي بالجركل وشويه الي بالمطاره وغرفي وتوضي بالطشت الثاني

 

[supermarket]

اخذي كلينكس رول وسوالف النظافة
واخذي لعيالج العاب والوان

 

[دعاء الكروان]

شوفي حبيبتي في شغلات لاتنسينها مثل :-
1- كلينكس مرطب للحفاظات أهم شي لان الدنيا برد وأسهلج في البر وأحسن لعيالج01
2- سرير مال الرحلات تلقينه في سوق السلاح في المباركيه علشان ترفعين عليه الفرش والكنابل 0
3-ليت أحمر حق بالليل علشان عيالج لما يقعدون ماتتوهقين 0 تراني مجربه أم االعيال ههههه 0
4- أهم شي الصندوق اللي تحطين فيه أكل هممممممم حقج وحق عيالج وهاللله هالله في الأكل ترا العيال في البر مايشبعون 0000ونصيحة اشتريلهم من عالم الحلويات بالفحيحيل مقابل الشاهبندر تلقينه زحمه وقت البر000
5- ونصيحة اذا عندكم بلاك وكهرباء بالبر اخذي الدفاية الزيتيه اللي يسمونها أم ضلوع منها احسن للجهال مايتعبثون فيها ومنها اذا بتغسلين ملابس بسره تنشف عليها 0
ولاتنسين الجاكيتات المطرية حق العيال أهم شيييي0
وشكرا والله يوفقج في هالطلعة وتستانسون0

 

[كلي تفاؤل]

بما اني اول مره خيمت السنه اللى فاتت فاستفدت شغلات من الى حواليني كانت ما تطري علي مثل:

1-لازم قبل تفرشين الخيمة تحطين طربال على القاع او من هالزوالى البلاستيكية اللى تجي كأنها اعواد ملونه مخيطة مع بعض ((اتمني فهمتيني ))متوفرة بكل مكان ...فائدتها الله يسلمج لما ينزل المطر او بالبرد الشديد الارض تندي فتبتل الزولية بماي الندي ويصير برد زياده تعالى عاد نشفي الزولية ..فإختصارا لعوار هالراس حطي طربال وافرشي عليه الزوليه عشان يمنع هالشي ..

2- طبعا الحمام الخاص فيج راح يكون متصل بالخيمة عشان الصغير ما يتغربل بالبرد بالحمامات المكشوفه من فوق ....ولاتحاتينه لآن بصراحة كانوا يقولون الريحة شلوووون ومن هالحجي ...بس صدقيني مافي ريحة ولا شئ ...جهزي الديتول 24 ساعه كتي بمغطاته على الحوض وفي بعد هالمنظف رووووعه ريحته اخذي اللون البرتقالى منه على خوخ كل ما دخل احد الحمام دخلت بعده حطيت منه شوي على المرحاض عزج الله ...

متوفر بالجمعيات ...

3- نصيحة لآن معاج صغير ...العام طاحوا ربعنا بترامس الماي مثل اللى بمكه حق ماي زمزم ...يحطونها بالحمام عزج الله ويترسونها ماي حااااااااار الصبح فيحفظ الحرار لى المغرب وحزت نومتكم سخني ماي وحطيه فيه روووعه بصراحة بدل هالسخانات اللى على الفحم ....اخذي لج 2 واحد ما يكفي ...صدقيني راح تدعيلى


4_ تعرفين عيالنا اغلبهم صدوووور وحاله ...فطبعا دفايه الجااااز ممنوعه راح يتنكون ....الدكتور اللى نراجع عنده قال حطوا دفاية الغاااز ...يبيعونها بمحلات البر ...اللىي هو غااز المطبخ ...لاريحة ولا هم يحزنون بس تأكدوا ان توصيلاتها مضبوطة وثبتيها عدل على الارض وماكو الا العافية ...مع عدم ترك الدفايات شغاله وانتو نايمين ...... ان شاء الله لو درجه الحراره صفر ...لان في نهى عن النبي وارد بهالشغله ...وما ينطق عن الهوى عليه الصلاةوالسلام .......


امممممم احاول اتذكر بعد .....
اتمنى اني فدتج والخوات ....لآنها معاناه خاصة اني ما احب البر ...واي سؤال انا حاضرة



اي قبل انسى ديري بالج ترشين رشاد اذكر بنت عمي ((مرة كبيرة ))تقول ما عمري حطيته وهالسنة نصحوها ناااس تحطة تقول لقيت حية وعقرب ...والله يبعد عنا وعنكم كل شر

وهااابي بر :016:

 

[كسرة عود]

شالحكمة من الرشاد ؟؟؟؟

 

[بنت رؤس القبايل]

فيدتهم البنات ماقصرووووووووو تروحين وتستانسين ان شااء الله انتى وعيالج وريلج


وتردون بالسلامة