اول مره أسافر أوربا

[باربي22]

:ggdw:
السلام عليكم ورحمه الله وبركاته


طبعا مثل مهو واظح من العنوان اول مره أسافر اوربا مع ريلي وين تنصحوني أروح خصوصا ان ميزانيتي ألفين ؟؟
وين تكفي لمده 15 يوم شامل تذاكر وسكن ومصرف انا وريلي بس
وانا هالمره متنازله عن السوق عادي


تكفون لاتكشتون فيني يالخبيرات ناطره الردود

 

[سارونه*المزيونه]

رد : اول مره أسافر أوربا

رفع لعيوونج :eh_s(7):

 

[Om_Ksha]

روحي زلمسي ,, وميونخ

 

[ام خوووخه]

رد : اول مره أسافر أوربا

ميونخ لا ما انصحج فيها لانها بس سوق روحي 5 ايام فيينا و5 ايام زلمسي او سالزبورغ ونصيحه قللي المده عشان تستانسين اذا قللتي المده سافري مثل سفرتي لمن كانت ميزانيتي مثلج بالضبط رحت 5 ايام باريس و 5 ايام ديفون والرده من جنيف بصراحه استانست ورحت اماكن حيل حلوه

 

[اللولو الحلوه]

وانا اقول روحي فيينا 5 ايام وزلامسي يومين او 3 بالكثير لأن مافيها شي يسوى لأيام كثيره ، واذا تبون سالزبورغ بعد روحولها يومين ، وهالمناطق تقدرون اتروحون لها عن طريق القطار يعني مافيه طيران داخلي ولا شي .​

 

[om_dodo]

موفقه
:eh_s(17):
:eh_s(17):

 

[Tender Heart]

شوفي انا اكلمج من خبره شخصيه ولاني رايحه معظم دول اوربا احلى دوله النمسا تحديدا زلمسي وضواحيها لاتطوفينها دام انها اول مره لج خلي جدول رحلتج 6 ايام زلمسي لاتقولين وايد لان رحلاتها ماتخلص ووممتعه حتى لو ماكو رحله يكفي قعده البحيره والقوراب والجو الحلو و4 ميونخ و4 فينا او تقدرين اتبدلين فينا بسويسرا ( جنيف \ زيورخ ) منها طبيعه و ترفيه وتسوق بميونخ وترا ميونخ اذا رحتيلها لاتقعدين فيها ...يعني تسوقي وخلي لج يوم طلعي برا ميونخ بالقطار طبعا يا تروحين يوروب بارك او قارمش وانتي وكيفج

 

[باربي22]

بعد قلبي ياكويتيات ماقصرتوا بس ياليت توظحولي جم احط مصروف اكل وشرب ومواصلات وجم احط تذاكر وسكن حق 15 يوم

وتنصحوتي يأي سفريات؟؟
وهل تنصحوني بقروب لأني اول مره عشان مانتوهق:eh_s(2):

واسفه اذا ثقلت عليكم

 

[Om_Ksha]

سفريات ريتز حولي


عند وليد
66044457

هب ريييييييييح يضبط السفره قوليله نبي احسن اماكن للفنادق وبسعر كذا ويضبطكم .. موفقين انشالله

 

[om_7sin]

نفسي بنات انا اول مرة بروح اوروبا ناوية كابرون وميونخ ويمكن جم يوم في فينسسا بنات قولولي شلوم كابرون ريلي مايبي يسكن بزلمسي يقول كلا عرب مانبي عرب

 

[Tender Heart]

هلا باربي شوفي حسبي 80 دينار كل يوم تقريبا للتكسي والاكل انا عن نفسي ماحب القروب بس اذا انتي مو من النوع الي تمشين نفسج انصحج بقروبات وعندج الرابيه والمستقبل يمدحونهم بس للامانه ماجربتهم

ام حسين والله الكل يمدح السكن بكابرون بس انا ماحبيتها صج طبيعتها حلوه بس حيييل اديه ومافيها حركه انا احب العجئه على قولت البنانين وزلمسي افضل السكن فيها لان فيها وايد انشطه سياحيه

 

[Samurai]

ام حسين .. افضلج انج تبتعدين عن تجمع العرب وكابرون حلوه ..
باربي .. ابتعدي عن التكاسي وحاولي يا تأجرين سياره أو تمشين نفسج بالقطارات والباصات

 

[om_7sin]

مشكوورين يااعسل عالردود اليوم رحت سفريات ريتز وطلع وليد مسافر رحنا عند فواز خال ريلي دازنا حق هالسفريات بنات اي طيران احسن القطرية ولا الإماراتية ولا لافتنزا ؟*

 

[om_7sin]

tender haert حبيبتي شنو الرحلات السياحية الي بزلمسي ؟ وقارمش وين صايرة وشنو فيها ؟ وشلون بلاك فوريست ( الغابات السودا) تسوي اروحلها وأبي منطقة زينة للسكن بالمانيا

 

[Tender Heart]

هلا باربي حبوبه ... شوفي زلمسي رحلاتها وايد وبحاول اذكرلج الي يحضروني الحين : مرتفعات كابرون تونس حدها \ الزحلاقيه الصيفيه وناسه ومغامره \ فلوج بلاتز طيران انفرادي انا عجبتني بصراحه \ شلالات كريمل حلوه وطبيعتها حلوه بس صعود الشلالات متعب نوعا ما \ البحيرات السبع او بحيرات التجمع مانصح فيها وممله \ متحف الشوارفسكي حلو وشي يديد \ قريه الملح مادري ماعجبتني والناس اذواق يلبسونج لبس وتنزلين منجم قصه وماتسوى العنوه \ عندج سالزبورغ واخنسي تقدرين تروحين واتمشين فيهم

قارمش حبوبه اهي مثل بحيره وحواليها منتزه نفس طريقه زلمسي وتقدرين تروحين بالتلفريك للثلج وتبعد ساعه تقريبا عن ميونخ

الغابات السودا والله سامعه انها قريبه لهولندا بس مارحتلها للامانه وماعرف شي عنها احسن منطقه للسكن اكيد ميونخ وسوقتها حلوه ماينشبع منها واهم شي اهلنا الاماراتيين مطيحين فيها ياحليلهم

 

[عبير-الشرق]

حياتي انا رحت النمسا وميونخ وسويسرا وفرنسا ولندن والتشيك ماشفت احلي من طبيعه النمسا والنشاطات وايد فيها خاصتا زلمسي وكابرون حيل هاديه لاتروحين سويسرا اغلي دوله اوربيه زرتها وبعدين انصحج تروحين بقروبات من مكتب الدبوس اسعاره مناسبه ومايوهقون وعندهم رحله دايما ينزلونها فيينا زلمسي ميونخ لاني جربت اوربا بقروب اريح كل شي يسويه القايد من حجز الرحلات والباص اللي بين المناطق وانتي مرتاحه وجربت نروح بروحنا ركبنا قطار بالغلط وتوهقنا وساعات نضيع بس وناسه لان التمشي باوربا شي ممتع واذا تبي التفاصيل عن هالدول وعن الفنادق راسليني علي الخاص وانا حاضر

 

[عتيبيه عوبه]

رد : رد: اول مره أسافر أوربا

ماعندي خلفيه بس الحمدلله ماقصرو وياج العضوات

 

[بلا ميعـــاد]

الله يسعدج

 

[ميوسه]

ااااااااااااااب لعيونج

 

[Samurai]

ام حسين وين بطبين اول شي ؟ اولا كلهم ترانزيت بس عندي اللوفتهنزا افضل وخاصة الحين عندها عرض جيكي عليها ..