اول مرة ما احط لي جدول حق رمضان

[bella 81]

اشلونكم. بنات مادري من وين ابدي بس جدا. تعبانه ضيقة وهموم ومشاكل وقلة بالرزق وكل ما حاولت اسعى تسكرت البيبان في ويههي المعاش اقساط وديون ومو ملحقة غير قضاياي بالمحاكم والقضاه الي ماخافوا الله باحكامهم واتعاب المحامي الي ماتخلص ونصيبي الي واقف مع اني مو قاصرني شي بشهادة الكل من الشكل والاخلاق تعبت حتى الخطابات نصبوا ماخليت قيام ليل ولا صدقات ولا استغفار ولا دعاء وامي والناس الله سخرهم يدعون لي لان الحمدلله قلبي طيب ومع ذلك هموم وابتلاءات سنين وانا صابرة والله اعرف بنات ومطلقات الي حقودة والي زنت وكاهم تزوجوا الله يهنيهم انا صج غلطت بس تبت من زمان مع ان الذنوب مالها شغل لان وايد ناس عندهم ذنوب قوية وامورهم من احسن مايكون رزق وخير وسفر والله سفرة مو طايلة عليي منع سفر والسبب ديون مو قادرة اسدد وكل رمضان احط لي جدول للعبادات والقران واكون متفاءلة وايي رمضان الي عقبه والحال اسوأ الحين حاشني برود انا الي طول عمري ينضرب فيني المثل بالصلاة ماهد فرض صرت متكاسلة يمر عليي يوم كامل ما اصلي ولا احس بتانيب ضمير تدور في بالي افكار توصلني للشرك انا ما عمري صار فيني جذي كله اصبر وادعي واستغفر بس خلاص مليت لا رزق ولا سفر ولا زواج وديون وهموم ومصايب حتى عيالي مو قادرة اجابلهم اخذ حبوب اكتئاب وتنوم بس انام والله كل شي ابيه اشوفه بالاحلام احلم اني مسافرة واحلم اني متزوجة واحلم اني غنية واحلم بعد برؤيا مبشرة بس اصحى لواقع مر وشلون بحل مشاكلي وهمومي تعبت خذيت اجازة برمضان اول مرة مو عشان اتفرغ للعبادة قلت بقزرها نوم مابي احد مالي خلق احد خايفة ادعي ويسوء الحال نفس كل مرة ماعندي سند اخوان مايسندون ماكو رجولة ورا حريمهم وابوي سندي متوفي ابي اتزوج ابي اعف نفسي تعبت من تلميحات الشباب والفتن وايد محتاجة لخضن زوج بالحلال محتاجة اشياء وايد اولها مشاكلي وديوني تنحل واتمنى النصح باحترام لان الي فيني ممكن يصير فيكم فلا تتشمتون ابي دعاء ابي حل قمت انطر الليل عشان انام واحلم عالاقل اشوف نفسي فيها مثل ما ابي حتى قواتين الجذب طبقت وماكو فايدة حتى سورة البقرة واضبت عليها بس ماشفت الشي الي ابيه

 

[bella 81]

اشدعوة ما القى حتى مواساة او تخفيف منكم

 

[ماكواسم2]

حبيبتي ،،، ماعندي كلام الا بمواصلة الالحاح والدعاء ان شاءالله راح يصير اللي تبينه ولكن الله قاعد يختبرج

 

[M!SS.LOBY]

ما بعد الضيقه إلا الفرج كثري من الاستغفار

 

[أماراتيةكول]

فديتج والله الله يكون فالعون نفس الحال الله يفرجها علينا ياربي

 

[أماراتيةكول]

ارقيء نفسج يمكن احد مسولج شيء ولا حاسدنج حبيبتي تصير ونحن في زمن

 

[bella 81]

ماقصرتوا الله يجبر بخاطر كل وحدة دعت لي بالغيب سواء ردت عليي او ماردت

 

[Pink_Roses]

الله يهون عليج ويرزقج بس لازم تردين حق صلاتج هذا ابتلاء من الله واهم شي بالدنيا الصحة مو الفوس والزواج

 

[أم مهره وميثاء]

الله يهديج

 

[Tom ♥ Jerry]

.


حياتي الا ربج لا تبتعدين عنه..
لانه حياتج رآح تسوء آكثر اذا ابتعدي عن رب العآلمين..

كلا نصيب و النصيب بايد الله و الله مآ يبتلي الا العبد الي يحبه
صبري و تالي الصبر فرح و خيره لج صدقيني

لا تشوفين غيرج و تقولين ليش اهيه أي و انا لا ..
لا تحسدين لا تحطين بقلبج شي .. عشان الله يعطيج على قد نيتج!
خلج قنوعه و عيشي يومج و اشغلي وقتج بمواهب و أشياء مفيدة
اشتركي بدورات طوري من نفسج

استفيدي من وقتج إيجابيا.. و خلي كل شي على رب العالمين!
لانه بالنهايه مآ رآح تشوفين بحياتج غير الي الله كآتبه لج
فـ ليش التعاســـة ؟