اول مرة اروح لندن بليز ساعدونى

[نـــــور]

بنات ابى اروح لندن و انا اموت على شى اسمه سوق و سمعت عن الاستوكات للماركات بالاوت لت وين صاير الاوت لت و شنو سوق الاحد و السبت بليز ساعدونى ابى اماكن اسعارها معقولة و حلوة عادى اذا ستوكات و تسوى ناطرة رودكم :0bee2e8d89:

 

[نـــــور]

ابى بعد مجمعات فى لندن و اماكن سياحية

 

[سمبوسة]

حبيبتي الأوت لت فيليج اسمها بيستر فيليج تقريبا أربعين دقيقة عن لندن وهذا موقعها
http://www.bicestervillage.com

سوق الأحد انا أشوفه ما يسوى بس روحي له عن الحسافة يصير اخر اجوررود

شارع اكسفورد ما يخلص وفيه الغالي والرخيص
فيه مجمع اسمه بلو ووتر بره لندن بشوي حلو

والسياحة عندج طبعا الهايد بارك وريجنت بارك وساعة بيج بن وقصر بيكنهام والحدايق اللي يمه ومتحف الشمع ولندن بريدج وفي اجوررود بتشوفين المكاتب العربية فيها بروشورات عن رحلات لمزارع ورحلات لبرايتون وغيرها شوفيهم
واذا تحبين تروحين منطقة البحيرات حلوة بس بعيدة عن لندن يمكن 5 ساعات بالقطار واي شي ثاني سأليني يا قلبي

 

[اميرة الغيد]

اسواق لندن الرخيصه سوق شبرد بوش حلو بس السبت والاحد احيانا تلقين فيهم شي يسوى ، ياقي اسواقها روعه ماتملين وانتي تفترين فيها ، من اول اجوارد رود السوق تكملين يطلع لج ماربل آرش واكسفورد سوق طويل ، اذا تبين الماركات بوند ستريت ، احلى شي محلات woolworths ق الهدايا والككاو ومحل c& A معروف بكل اوروبا بعد سوق برنت كروس شوبينج سنتر.
رحله سعيده

 

[معلمة روضه]

حبيبتي انتي جم مدة روحتج؟؟

لندن حلوه إذا معاج مجموعه

اما إذا بروحج بيضيق خلقج

بالنسبه لبيستر فيليج مخصصه للماركات الاوت لت (اغلب البضايع مضروبه وفيها عيب ما يترقع)انا رحت لها اكثر من مره وصراحه ما تسوى العنوه لها طبعا تقدرين تروحين لها عن طريق محطة ايوستن بالقطار وتقريبا مدة الرحلة 45 او 30 دقيقه
وعقبها تنزلين وياخذج باص يوصلج لها
إذا حابه تروحين افضل وقت الصبح تطلعين وتردين منها عالعصر يعني تغدي هناك بيكد بوتيتو
ديري بالج ترى يسكرون مبجر
وعلى فكره من نفس المحطه اللي تحجزين فيها حق بيستر فيليج تقدرين تحجزين حق مدينة بلاك بول مدينه رائعه بس يبيليج فيها 3 ايام عالاقل وتقدرين تحجزين عن طريق المكاتب العربيه في فندق هيلتون او إذا انتم مغامرين وحابين تجربون في اشكثر غرف لإيجار وعلى نظر عينكم طبعا لا تطوفون برج بلاك بول وبالاخص السيرك عجيب في داخل البرج وبعد الاسواق حلوه .

ممكن تروحون من المحطه بعد حق برمنجهام انا مارحت لها بس يمدحونها حييييييييييييييييييييييل يقولون احلى من لندن وهي اكبر مدينه ويفها مثل شارع اكسفورد

وبعد إذا ودكم تروحون لإيرلندا مثل جلاسجو وادنبره من خلال هالمحطه او لمدينة مانشستر

او تروحون من خلال المحطه حق مدينة الملاهي التون تاورز وفي عندهم طريقه حلوه انج لما تحجزين قبل اسبوع السعر يكون ارخص من لما تحجزين بنفس اليوم والسعر شامل لتذاكر الدخول للمدينة وتوصيلة الباص بس عاد هاه ديري بالج طلعي قبل الوقت بربع ساعه علشان ما يخيلج الباص...صارت فينا مره بسبب الحمام ههههههه ودفعنا فوق البيعه


بالنسبه للأسواق في شارع اكسفورد الحمدلله كلها موجودة بالكويت وماكو شي غريب

يمكن احلى شي الشالات الموجوده عند وحده عراقيه بسوق شبردبوش وفي خوش مطعم عراقي يسوي كباب وخبز روعه وبعد واحد سوداني يسوي فلافل عجييييييييييييه لا تطوفج ترى الفلافل عندهم غير


بالنسبه لسوق السبت بكل فريج في مكان لسوق السبت طبعا يعتمد انتي وين ساكنه في واحد موجود بنهاية اجوررود وهذا اللي تقصده سمبوسه وهو سوق السبت مو الاحد
اما سوق الاحد فأنا كنت اروح له عن طريق الباص وصراحه بعيد بالباص وتقدرين تروحين له بالاندر جراوند وتاخذين اي محطة اندر جراوند وتطلبين تذكره حق هالمحطه Liverpool street
عيب المحطه اللي كانت عندي انها ما توصلني مباشره يعني لازم انزل في محطه واغيرها علشان اوصل فكنت اخذ الباص لأنه وناسه اشوف العالم عالاقل بس عاد ديري بالج لازم تسألين عدل قبل لا تقصين التذكره احلى شي انهم في كل مكان تلاقين لندن انفرميشين بكل محطه ويعطونج خريطة للباصات والاماكن اللي تروح لها ونفس الشي للاندر قراوند
في محل مشهور حاليا عندهم واسعاره جدا مناسبه مقارنه بأسعار لندن اسمه بري مات او بريمات ......تلاقين لهم فرع في امتدام شارع اجوررود انا كنت اخذ الباص اللي عند السيفوي ويعدي فيني من بعد الجسر ويكمل سيده لحد ما اشوف المحل على اليمين .

في مكان حلو للتسوق بعيد عن زحمة الاكسفورد ونفس البضايع فيه وبعد فيه اشياء غريبه اسم الشارع نوتنج هيل دخلي محل بروت بلوا ماركت يونس

وبالنسبه لبلو ووتر

اقووول الصج المجمع حلو ووناسه بس عاد هاه ديري بالج من اخوانا العرب لا تخلينهم يودينج بسياره

لأن انا سألت وقالو لي نوديكم ب 90 باوند يعني تقريبا 45 دينار وننطرج بالساعه يعني كم ساعه تقعدين نحاسبج عليها

وهونت قلت ما يسوى اروح اشدعوه!!

المهم ظلت بنفسي ورحت سألت بلندن انفرميشين وبصراحه عن طريق النت ولقيتهم يوصلوني من خلال محطة القطارات والباص بسعر بلاش تقريبا 8 باوند او اقل بعد للشخص الواحد والسعر شامل روحه وعوده مع توصيلة الباص

تقدرين تروحين لها عن طريق محطة ووترلو وبالهمحطه سألي عن المكان وبجم مع الروحه والعودة وترى المجمع يسكر الساعه 9 اظن بس انتي لازم تعرفين متى اخر موعد للباص اللي يروح للمحطه وإذا مستانسه بالمكان عادي اخذي تاكسي يوصلج للمحطه اذا طافج لن مو بعيد بعكس مدينة التون تاورز بعيد المكان شوي

ومن نفس محطة ووتر لو تقدرون تروحين حق مدينة بورتسماوث هاربر وهي مدينة بحرية فيها مجمع مشهور اسمه جنوورف وهو بعد نفس الشي حق الاوت لت بس والله ما تسوى الشغلات اللي اوت لات هناك رحنا له وصراحه كان هوا قوي وبرد وقعدنا نتخشش بهالمحلات وما عجبنا شي وكان مسكين ولد عمي وده يركبنا عباره بحرية كبيره تودينا حق جزيره بس ما قدرنا بسبب الهوا

المهم حبيبتي لندن وااايد غاليه ومافيها من البضايع اللي تسوى انج تشترينها..نصيحتي استمتعي أكثر من انج تتسوقين

والحياة تجارب

روحي للبيكاديللي واستانسي هناك بلعب البولينج والتمشي....ترى انا هذي حالتي هناك لعب بولينج وفرفره من غير شراي بس اشترى للبلعه

بالنسبه للأكل جربي مطعم كلبه ايراني إذا تبين عيش يم يم

ومطعم ديب بان بيتزا بالاكسفور مجابل سيلفريدجز يم يم عجيبه البيتزا خصوصا المارجريتا والخضار

الفلافل لا تطوفج اللي بشبردبوش
والمطعم العراقي هناك بعد

وبعد في مطعم هندي خلف نكست اللي بأكسفورد نسيت اسمه ........يمه عجيب من داخل خياااال مع انه من برا ولا في العين شي كانج داخله عماره مسكره بس لما دخلت المدخل لوعه...وعقب ياماما شنو هذا عالم اخر زرع ونخل ومنور اشكبره تدخل منه الشمس وعالم اشكثرهم قاعدين المكان اشكبره!!! صج عجيب

بعد عندج مطعم عراقي نسيت اسمه نفس الشي خلف نكست وكنتاكي بشارع اكسفورد اكله عجيب
وعندج الماكدونلد والبيتزاهت


رحلة سعيدة حبيبتي

 

[معلمة روضه]

اي صج انا رحت لبرايتون

ضااااااااااااااااق خلق فيها

مدينه على البحر وما تسوى الروحه مع هالمكاتب لن يودونج بباص ويقطونج مالهم شغل فيج

رفيجتي سكنت بالمدينه ووايد استانست لأن معاها يهال

احسن شي اذا حابه تشوفينها روحي عن طريق محطات القطار وايد اريح لج

واخذي تكسي خليه يفر فيج عالاقل راح تستانسين

خصوصا ان التاكسي يعرف وين اماكن السياح

يقولون سوقها حلو بس صراحه ماشفته

لأن قعدنا بمدينة الملاهي وماعرفت وين اروح توهقنا صج بهالروحه ماكو احد

ومن عقبها قلت توووبه ما اروح مع هالمكاتب أسأل احسن لي


للتمشي روحي للهايد بارك إذا فيح حييييل تروحين من الهايد بارك حق الشارع اللي فيه سفارة الكويت للقز والتمشي ...بتطلع روحج بس عادي الرده اخذي تاكسي ههههههه
طبعا عندج بشارع السفارة هارودز ومجمعات فخمه ما تقدرين تشترين منها لأنها تقطع الميزانيه عدل
انتي بس عليج التفرج والتمشي

وعندج الريجنت بارك حلوه واهدى من الهايد بارك
فيها حديقه حيوان ومو بعيد عنها متحف الشمع
وترى كل شي غااااااالي هناك الاكل والمواصلات والسكن بهالفتره ناااار بعد

الله يعينكم عالمصاريف

 

[نـــــور]

حبيبتى سمبوسة و سالمية ما قصرتوا خوش معلومات بس شكثر تطلفنى ميزانية

معلمة روضة حياتى تعبتج معاى و احاتى المصرف انا اول مرة اروح

 

[نـــــور]

وين صاير برنت كروس

 

[*+$كويتية$+*]

انا حبيت اساعدج


طبعا اول ما تروحين لندن حديقة هايد بارك هذي الحديقة حق التمشي ولا تنسين تركبين القوارب الي بالحديقة وهم بعد في ركوب الخيل وروحي مكان الوز والبط ولا في الخيال وروحي نافورة الاميرة طبعا احنا نضحك عليهم نتمنى ونقط فلوس

وعندج متحف مدام تزود هذا المتحف حلوا فيه المشاهير العالم والشخصيات الهامة

طبعااا لازم تروحين ساعة بيج بين ساعة بيج بين حلوة القعدة البرا وفيها نقازية حلوة وقصر بيكنج هام راح تشوفون الحرس الملكي وراح تشوفون الاثار المطلية من ذهب وفي يوم من الايام ما اتذكر بس تدخلون ربع القصر

وفي حديقة البحيرات السبع ولا في الخيال وعندج حديقة لندن زو تعالي وشوا المخلوقات الي ولا في عالمنا شفناها سبحان الله وتشوفين الرسامين يرسمون اللوحات

وحديقة الفواكهة حديقة تدخلينها ب20 باوند بس اذا دخلتي الحديقة اي فاكه تاكلينها بلاش وناسة والجو منعش

وتروحين حق اي لندن eye london هذي عاد تخليج تشوفين لندن كلها وحلوة الرحلة فيها

وانا رحت رحلة برا لندن اسمها سفاري بارك تأجرين منهم سيارة والحيوانات منطلقة تشوفين الاسد عند البحيرة واشياء ما تنوصف

ولما تخلص الرحلة في بسفاري بارك مدينة الالعاب
وانتي في برا لندن اكو مجمع اسمة سلفرج الي برا لندن اكبر من الي بلندن هذا مجمع ولا في الخيال الماركات العالمية من مياج والعطورات والاكسسوارات والملابس والحلويات موجودة فية

والحين نبتدي بالمطاعم اكو مطاعم عراقية مطعم اسمة المسكوف تعالي وذوقي الكباب العراقي وجيلوا كباب وشاي العراقي ومطعم منقله العراقي واايد حلو

ومطعم اللبناني اسمة مروش تعالي وذوقي الشاورما عندهم والحمص والورق عنب
ومطعم طربوش وااايد حلو

والمطاعم الهندية حلوة
وعندج مطعم البيتزا اسمة بيتزا فاكتوري اول مرة بحياتي اذوق بيتزا بهطعم واايد حلو

والحين نجي عند الاسواق الشعبية

عندكم سوق السبت هذا السوق في كريم لافال هذا الي ييبونا بضاعة وسوق لا يطوفكم ميداس البيت والخضرا والفواكه عندهم طازجة وتلقين من الشالات والملابس والبجايم الحلوة

وعندج سوق الاحد بس هذا السوق يبيلج ريال يروح معاج سوق كبير وهذا السوق الماراكت الاصلية تنباع فيه مرة اشتريت من جاكيت ولما رجعت الشقة لقيت ماركة فندي الاصلية

وسوق شبربوش تكفووون لا تنسون تاكلون الفلافل مالتة عجيبة من السوداني نظيف ولا في الخيال وسوق حلو

عندج شارع اجوارود يتميز في محلات وليز ودزني لاند وورث هذا يتميز بأنواع الشوكولاتة والحلويات الي ما نليقيها في ديرتنا
وفيه ملابس للأطفال وتتميز جاكيتاتهم بالجودة العالمية

ومجمع سلفرج لا يطوفكم في كافية غالي بس حلو

وفي محلات تتميز بذكرى للندن وهذا الشارع يتميز بالسوق الي ماله نهاية

وفي شارع اسمة كنزوي وفي مجمع بعد حلو اسمة وايلت واييد حلو


وفي مجمع هارودز للمالك المصري اسمة محمد الفايد هذا المجمه غالي بس اغلب اهل الكويت يشترون الجاكيتات وملابس للأطفال والشوكولاتة
واتمنى لكم سفرة حلوة

 

[أميرة الحزن:)]

ابي اعطيج معلومه روحي H&M ترى محل شعبي هناك

 

[نـــــور]

حبيبتى كويتية اشكرج على هذه المعلومات فعلا زدتى معلوماتى

كويتية كيوب لج الف شكر و اكيد راح اتسوق با اتش اند ام

 

[sho-sho_93]

سي اند اي سكر و انا بلندن شريت بلوزه من مارك سبنسر ب 30 باوند و لقيتها بسوق السبت 15 باوند و ما انصحج يسوق شبر بوش يشبه سوق الجمعه وفي محل واايد رخيص وحلو بري مارك ب اوكسفورد ستريت وله عده افرع ولا تشوفين الدور الي عند الكاشير طويل لكن كل شي من ملابس فيه

 

[معلمة روضه]

حبيبتى سمبوسة و سالمية ما قصرتوا خوش معلومات بس شكثر تطلفنى ميزانية

معلمة روضة حياتى تعبتج معاى و احاتى المصرف انا اول مرة اروح

مافيها تعب ويارب تستانسين

حبيبتي المحل مو بري مارت طلع بريمارك

ترى هذا الوحيد اللي اسعاره مناسبه ورحلو شغله

وبالنسبه لماركس اند سبنسر اسعاره عناك غير يعني هناك إذا القميص سعره ب 12 باوند يكون عندنا بالكويت 13 دينار يعني بس يشيلون الباوند ويحطون بدالها دينار مع انه الباوند قيمتة دبل الباوند صج حراميه!!

الميزانيه تعتمد انتي جم ييوم قاعده؟؟

ومع منو بتروحين (كم شخص)

وهل الرحلة سياحيه ولا لغرض العلاج لا سمح الله؟

بناء على هالمعلومات اقدر افيدج

وبعد عمرج يهمني,,,لأن البنوتات الحلوات الصغيرونات مصاريفهيم مو هينه:dddds:

وبالنسبه لبرنت كروس هذا مجمع مافيه زود صراحه وتقدرين تروحين له من محطة الباصات اللي بشارع اكسفورد بس قبلها تأكد من الفندق كم رقم الباص اللي يوديج حق برينت كروس وقبل لا تركبين الباص قولي له انج تبين هالمجمع علشان يقول لج إذا وصل ...اللي احلى من هالمجمع بلو ووتر bluewater

وبالنسبه للباص اللي يوديج لهارودز اذكر رقمه 77 او 74 بشارع اكسفورد وخلال الطريق راح تشوفين اكثر من مجمع ...ترى احلى شي بلندن التمشي...وناسه يطيح منج كم كيلو وما تحسين بالتعب من الوناسه والجو...بس اللي يضيق الخلق الجيب ههههههه

على فكره البنات قالو لج عن الفلافل اكليها وتذكرينا

اسم المطعم العراقي قالت وحده من البنات ونسيته علقه مادري مقله أكله حلو

 

[نـــــور]

حبيبتى شوشو ما قصرتى و اذا ما يسوى السوق العنوة ما اعتقد اروح


حبيبتى الغالية معلمة روضة يزاج الله الف خير انا ودى اروح بكستر فيلج وايد سمعت عنها و بشوف بعد المجمعات اللى حطيتهم حبيبتى اما بالسبة للسفرة احنا رايحين سياحة انا و زوجى و لدى عمره 4 سنوات و بالنسبة للمصاريف ما ادرى بس ترى مو ماخذه وايد هذه اول مرة اروح ريلى مو راضى كله سوقبس انا اللى قاعدة احن جنى مو شايفة ملابس من قبل علشان جذيه وايد اسال لانها اول مرة و عمرى فى اواخر العشرينات

 

[نـــــور]

بالنسبة لبوتيك بربرى عندج فكرة اذا اسعاره اقل او اكثر و اقدر اشوف كوليكشن اكثر من الكويت

 

[معلمة روضه]

هلا نور

دامج اواخر العشرين يعني مقاربه لعمري )

وعمر ولدج زين يعني ماراح يأذيج بالالعاب


بالنسبه لبيستر فلج bicester village
تروحين لها عن طريق محطة اسمها إيوستن euston

وبربري موجود لهم محل بالقرية بس لوعه والله لو تاخذين لج تقليد وايد أحلى من الاستوكات...انا صراحه ما حبيت هالقريه لأن شغلها كله طاير
لأنها معروفه كأرقى مركز نسوق....مع انها حيييل عاديه بس عسى اذا رحتي يكون الجو زين

إذا تحبين تروحين لبلاك بوك و منطقة البحيرات (ماعجبتني ليك دستركت لأن مافيها ذيج الوناسه)ومناطق ايرلندا مثل ادنبره وغلاسكو من نفس هالمحطه وترى هالمناطق ابرد من لندن يعني الجاكيت لولدج مهم


بالنسبه لبلو ووتر bluewater
وهذا المجمع اللي صراحه استانست فيه فتقدرين تروحين له عن طريق محطة قطارات بلندن اسمها waterloo
ولما تقصين التذكره قولي له مع قيمة الباص والقيمه للكبير 6,5باوند يعني 3 دنانير والصغير نص السعر

من نفس محطة ووترلو تقدرين تروحين حق برايتون او مدينة الملاهي ثورب بارك.

إذا مالج خلق روحي بلندن حق مجمع اسم تروكديرو trocadero
حلو ووناسه صراحه والمنطقه هيصه لأن بالبيكاديلي سيركس

إذا تحبين المرتفعات ركبي عين لندن london eye
صراحه ما جربتها احس تخرع بس ركبت المراكب بنهر التايمز

رحت بعد لسجن القلعه السري,,,الله لايوريج ذكرني بدواعيس مصر وما انصحج مع ولدج تروحينه له احنا كنا كلنا شباب وانا البنت الوحيده وذبحوني تخرع

حلوه منطقه ترافلجار سكوير ولدج راح يستانس عالحمام والنافوره وبالهايد بارك راح يستانس بالسناجب ...بس ديري بالج من الكلاب



بالنسبه للمجمعات عندج المجمعات الفخمه
بشارع اكسفورد
ماركس اند سبنسر طبعا غير عن الكويت
وسيلفردجز
وجون لويس
وبعد في واحد ما اذكر اسمه بس عليه علامة غزاله

هارودز و محل هارفي نيكلز قراب عند بعض وصوب الشارع اللي فيه سفارة الكويت والباص اللي يوصلج حقهم من شارع اكسفورد رقمه 74



اما المحل اللي قلنا لج عليه واسعاره مناسبه وهو بريمات تقدرين تروحين له عن طريق باص 98

والباص اللي يوديج حق شبردبوش رقمه 94
وهالباص يمر على منطقه دايم يسكنون فيها الخليجين اسمه كوينز وي تونس تري فيها العاب ومحلات بسيطه ...ميزة هالشارع أهدى من اجوررود

بعد إذا تحبين تروحين لمجمع برنت كورس عند الباص بشارع اكسفورد رقمه 113 واتذكر محطته قريبه جنب شارع بوند ستريت وميزة هالباص انه للمعاقين بعد فتقدرين تركبين دراجة ولدج بسهوله والمكان وسيع ومريح مو مثل باصاتهم القديمه

انتي لما تروحين لشارع اكسفورد خلج منتبه حق محطات الباص علشان إذا بغيتي تروحين لهالاماكن تعرفين وين المحطه وقبل لا تركبين سألي وتأكدي من سايق الباص,,,ترى اغلبهم عرب من اليمن او هنود


نووووور امانه ديري بالج من الشارع ترى راح يفتر مخج لما تعبرين الشارع وخلج ملتزمه بالدور ولا تعبرين إلا بالمكان المخصص

ترى كلش قطيعه ما يرحمون

 

[مريم81]

ربي يعطيهم العافية البنات ..ماخلوا شي ماشاءالله .. بس حبيت أقولج عن مجمع اسمه Blue Water بره لندن ..وايد وايد حلو .. وفي كل شي يخطر على بالج من ماركات غالية ورخيصه .. وإذا إن شاءالله نويتي تروحيله لاتنسيـــــــــــــــــــــــــــن جوتي الرياضه ( عزج الله ) .

وتروحين وترجعين بالسلامه إن شاءالله

 

[نـــــور]

حبيبتى معلمة روضة ما قصرتى و الله يعطيج الف عافية على هالمعلومات انا قاعدة اشوف شنو كاتبه و اكتب بورقة علشان ما انسى انا اموووت على بربرى برايج اخذ من بوتيكهم الاصلى ترى جنه احلى من بوتيك الكويت

 

[نـــــور]

حبيبتى مرايم لج الف شكر و الله يسلمج و اى شى تبينه انا حاضرة انتى مع كل البنات اللى ساعدونى و خصوصا حبيبتى معلمة روضة

 

[عسوله$$]

رد : اول مرة اروح لندن بليز ساعدونى

شوفي حبيبتي عندج هذيل
بريمارك سوق رخيص وحلو وبجايمه تهبل يا حلاتهم
الاوت لت سوق فيه كل الماركات الي تبينهم باسعار ارخص بوااايد من عاصمة لندن نفسها
وفي اسوااق وايد تروحين لهم بالاندر جراوند الي اهي القطارات ما تخلصين منها

اما اماكن ترفيهيه
لندن اي عيون لندن واايد حلوه حق اليهال
وعندج نهر التايمز تاخذون لكم فره فيه
اما اذا بتروحون من لندن الى باريس او اي مكان ثاني ففي امااكن وااايد حلوه وفي مدينه العاب كبيره تهبل
الهايد بارك شحلاتها مو هايد بارك الكويت صفره لوول:nocommint:

اما المطاعم
احنا رحنا مطعم التنور عجيييييب
كله مشويات والكافيهات ما تخلص

وان شاء الله تروحين وتستانسين يا حياتي تروحين وترجعين بالسلامه:33_1185028183:
وعاد هالله هالله بالصوغه لا تنسيني
لووول اتغشمر علييج بالعافيه:eh_s(8): يالله بااي