رد : اول مادشيت طمووحي الجامعه بس من شفت البنات متكاسلين ابي انحج وبس شجعوني
نصيحة أختي والله ،،
انا الحمد الله تخرجت السنة اللي طافت من الثانوية علمي بامتياز والحين بالجامعة ،،
ما ودي أبخل عليج بالنصايح ..
أول الشي الغش تبعدين عنه نهائياً ، تذكري قول الرسول صلى الله عليه واله وسلم " من غشنا فليس منا "
لازم تشاركين مع الأبلات علشان تضمنين الشفوي كامل ، هذا شي سهل حرام ماتضمنين درجاته =)
و حاولي يومياً تراجعين اللي خذيتوه علشان لا يا وقت الامتحان تكونين دارسة كل شي و ماتتعبين نفس البنات
اللي يأجلون " كل يوم باجر ندرس " غلــط !
ووقت الامتحانات نامي مبجر و لاتهملين روحج من ناحين الأكل ترا واايد مهم هالشي ،، كثري من العصاير الطبيعية
و الخضراوات و السمج ،،
و درسي و سوي كل اللي تقدرين عليه والباجي على الله ،، خلي عندج ثقة كبيرة بربج
" اللي يتعب ويجتهد الله مايضيع تعبه " ..
لأن بهالزمن ماتنفعج غير شهادتج ، لا تشوفين البنات اللي وياج يغشون ومو هامتهم الدراسة و حسبالهم كل وحدة
بتدش الجامعة سهالات ،،
لا و الله الجامعة كل سنة قاعدة ترفع نسب القبول ، و أعداد الطالبات واايد كبير
يعني شدي حيلج عشان تدشين الجامعة و تدشين الكلية اللي تبينهـا ،،
و إذا عندج وقت فراغ ، روحي الجامعة شوفي الكلاسات شوفي شلون الدراسة مناك
و إذا عنج أحد بأي كلية حضري معاه أي محاضرة استماع ،،
راح تستمعين وايد صدقيني .. وتتشجعين
عاد ماعرفنا شنو طموحج أي كلية
؟!
الله يوفقج إن شاء الله و تتخرجين بنسبة عالية وتدشين الجامعة والكلية اللي تبينهـا ،،
و إذا عندج أي استفسار راح أكون سعيدة وانا أجاوبج
,,
