اول شي راحت حق عمي بعدها لاخوي !! شقصدها !!؟؟

[Bent lq8]

السلام عليكم

بدون مقدمات بقول لكم السالفه بختصار

كنت اعرف وحده وعلاقتنا كانت حيل مع بعض من ايام الثانويه وبعدها بسنتين صارت سالفه بينا وحجي ما ينقال منها بعدها ابتعدت عنها حاولت تعتذر وتبيني اردلها نفس قبل بس انا ما قدرت انسىى كلامها وابتعدت وخليتها واهي بعد ابتعدت ومادري عنها شي ... المهم اهي تكتب بجريده انصدمت انها رايحه مسويه مع عمي لقاء لانه دكتور بالجامعه وقايلتله انها اتعرفتي واني انا رفيجتها عمي يقولي فلانه رفيجتج وانا انحرجت شكو اتقوله يعني واذا عرف انها رفيجتي يشيلها على راسه مثلا !!!

وتوني قبل يومين شفت لقاء ثاني مسويته عن موضووع عادي يعني مثل اراء الشباب .. ورايحه حق اخووووي الي باط جبدي وين راحت له وما اقدر اسأل اخوي لانه مساااااافر وهالمقاااااله من زمان مكتوبه وتوني انتبهت عليها شفتها بالانترنت فجأه!!!!!!!!!! كانت اسأله عاديه ومن ضمن الشباب الي سائلتهم اسم اخوووي موجوووود يعني مافي الا اخوووي وعمي !! هذي شتبي شنو قصدها اتوقعون !!!!؟؟؟؟؟؟؟؟؟؟؟؟؟؟؟؟؟؟؟؟؟؟؟ لا اتقولون عادي وبالصدفه اخوووي مو موظف او طااالب اخووي شغله كله برا الكويت كل جم اسبوع مسااافر شلون سوت هاللقاء معاااااااااااه !!!!!! :gr4uu:

 

[Tulips]

مادري والله شتفكر فيه .. بس راقبيها وشوفي شنو اخرتها معاها

 

[بولندية]

مادري والله سالفتج غريبه

بس كيفها بالطقاق يمكن تقهرج و تحرج بهالحركه دام انج واثقة من عمرج كيييييفهااااا

 

[∫ ∫ ∫ ∫ جــوان ∫ ∫ ∫ ∫]

عطيها احلى طاااااف

 

[المغفره يالله]

رد : اول شي راحت حق عمي بعدها لاخوي !! شقصدها !!؟؟

طنشيهااااااااااااا

 

[Bent lq8]

بنات انا مطنشتها ولا بينت لها اني ادري او اني قريت هالموضوعين لانها معااي بدوام بنفس المكاان وكلش ما بينت لها او كلمتها لاني احسها قاصده الي تسويه ......... بس مادري حق شنو بتوصل او شنو الي تبيييييييييه !!!!!

 

[ملاك العنزي]

ليش ماتكلمينها وتسالينها مو احسن


ولا اشرايك تحاولين ترجعين لها بس هالمره كوني حريصة معاها

وبذكائج اعرفي ميتها على قولت اخوانى المصريين

 

[Bent lq8]

حتى لو سألتها ما راح اتقولي الي اهي ناويه عليه او الي تقصده بالضبط !!!

 

[*احلام*الدجى*]

يمكن صدفه لا تحرين روحج عليها حبوبه

 

[Un-6be3iya]

انا من رايي تروحين حق عمج تقوليله عمي ترا هاذي مو رفيجتي انا فليت عنها من زمان و ان سأل ليش قوليله الله يستر عليها و خلاص
ونفس الحجي تقولينه لأخوج
عشان لو كانت راسمة على شي ينتبهون لها

 

[يالبيه 17]

رد : اول شي راحت حق عمي بعدها لاخوي !! شقصدها !!؟؟

الله يكفييييييييييييج شرهـآآآ يارب

 

[Bent lq8]

اييي عمي قلت له اني ما اعرفها وكانت معاي بالثانويه بس !! لانه يوم قالي فلانه رفيجتج قالي اياها بطريقه مو حلوووووه حسيت انه افتشل منها ومعصب اني مرافجتها ! بس اخوووي ما يعرفها ولا يدري عنها

 

[Bent lq8]

اييي والله هذا الدعاء الي محتاجته الله يكفيني شرها ويكفي اهلي من شررهاااااااا

 

[الليدي رانيا]

رد : اول شي راحت حق عمي بعدها لاخوي !! شقصدها !!؟؟

لا
يمكن فهمتيها غلط
يعني يمكن تبي تتقرب لج وترد الماي لمجراها عارفه !
ويمكن صج بالصدفة يعني عادي
الله يهديج ويهديها

 

[فطفط نجد]

اتوقع تبي تنتقم منج والله اعلم بالنوايا.....غصب طيب تبيج تحاجينها هذا اللي واضح معاي

الله يكفييييج شرها اذا فيها شر لج

 

[عسولة الكويت]

رد : اول شي راحت حق عمي بعدها لاخوي !! شقصدها !!؟؟

حبيبتي تقولين من الثانوية ماتدرين عنها شي
عقب معاج بنفس الدوام ؟؟؟

 

[Bent lq8]

ايي ما ادري عنها ولا عن اخبارها معاااي بنفس الدواام بس مو نفس المكان يعني مو نفس القسم

 

[Bent lq8]

انا كنت محتاره بين شيين يا انها تبي اتحرني بروحتها لاهلي او تبيني غصب اروح اسألها او اكلمها .. مثل ما قلتووووووا والله اعلم بس كنت محتره وبشوووف رايكم مشكورين بناات على كل الي ردووووووووووووووووووووا

 

[مرمووور]

رد : اول شي راحت حق عمي بعدها لاخوي !! شقصدها !!؟؟

لا
يمكن فهمتيها غلط
يعني يمكن تبي تتقرب لج وترد الماي لمجراها عارفه !
ويمكن صج بالصدفة يعني عادي
الله يهديج ويهديها

حتى آناا اتووقع جذي ..

 

[حور العيون]

رد : اول شي راحت حق عمي بعدها لاخوي !! شقصدها !!؟؟

انا اقوول عطيها اكبرر طااااااااااف وطنشيهاا