السلام عليكم و رحمة الله و بركاته
مساكم الله بالخير والسرور
شلونكم بنات شمسوين ان شاءالله كل شي تمام ؟
اليوم حابه نغير شوي جو القسم و نفرفش
خلونا نتكلم عن اول سفره لج مع زوجج سواء كانت شهر عسل ولا عطلة صيف ولا سفره جذي وتذكرون المواقف الي تضحك وفيها احراج بس بضحك وكل ماتتذكرينها تضحكين
ببتدي انا بالاول
اول سفره لي مع زوجي حبيبي كانت بشهر العسل ثالث يوم عرسنا سافرنا و كانت لفرنسا ولندن
و انا فيني فوبيا من الطيران مع اني دايما اسافر حتى قبل ماتزوج مع اهلي بس للحين فيني فوبيا والله ماقدر اتحكم بهالشي:eh_s(2):
المهم انا ماقتله من قبل اني اخاف من الطياره عشان خفت يضحك علي او يقول هاذي جاهل
بالبدايه كنت كله مبتسمه وابو الثقه :rerrerek:
بس الله وكيلكم من بدت تتحرك بالارض عشان تطير وانا جتني بجيه هو تفاجا فيني و استغرب لاني كنت كله اضحك وبالمطار مستانسه معاه وسوالف وضحك
قالي شفيج قلت انا وحده اخاف من الطياره اول ماتطير بس ماحبيت اقولك من البدايه وقبل كنت كله امسك ايد امي ولا اخواني او ابوي اول ماتطير اول شي تم يهديني ويقول تعوذي من ابليس اكلي علج فكري بشي زين خليني اسولف انا وانتي عشان ماتتوترين ولاتشدين نفسج وهالكلام بس مايدري انا ماينفع وياي هالشي واصلا حزة الاقلاع ماحب اسمع احد واتم ابجي جني داخله حرب:krkrkr:
و اول ماخلاص ارتفت الطياره والله مادري شلون صرخت قلت يماااا :eh_s(2): بس زفني وقال فضحتينا شوفي الجهال كلهم ساكتين وانتي تبجين قلت شسوي مو بيدي المهم من وصلنا وهو طايح فيني ضحك وضغط بالفندق
المهم بعدها بجم يوم
كنا بيورو ديزني وااااااي وناسه استانست حيل وكله العب وزوجي يصورني و اصوره بعدها تعبنا ورحنا نتعشا دخلنا مطعم المطاعم بديزني تهبل واكثرهم فيهم عروض من داخل
المهم انا دراستي انجليزي كلية التربيه وزوجي ماشاءالله عليه يعرف انجليزي وفرنسي و المنيو كانت كلها كلام فرنسي انا مافهمت بس شفت كلمه تشابه الدجاج قلتله ابي هذا قالي متاكده قلتله اي قالي زين شنو عرفتيه بالاول قلت اي دجاج قالي لا مو دجاج عاد قلت بتفلسف عليه لازم تعرفون نستهبل اول العرس ونسوي روحنا عارفين كل شي وحركات دلع وجذي :eh_s(22):
المهم قالي خلاص الي تبينه واول ماوصل الطلب وقعدنا ناكل انا حسيت بطعم بس وربي كان حلو يعني مو شين تميت اكله قالي عجبج قلت اي يهبل ومن كثر الجوع والله كنت مو ماكله شي من قبلها بالليله لان كنت كله نايمه من التعب والفراره
خلصت الصحن علي بالعافيه بالاول قالي هني وعافيه حبيبتي قلت الله يعافيك حياتي قال عرفتي شكليتي قلت اي الدجاج حلو بس طعمه غريب لكن مو شين فطس ضحك علي انا استغربت قلت شفيك
قالي الله يسلمج انتي كليتي بط مشوي انا عيوني صارو جذي:eh_s(1):
من صجك قالي اي والله شفتج مصره قلت خلاص خل تاكله وانا قلت بعدها يوو ليش واتحلطم عليه وهو يضحك يقول عشان مره ثانيه ماتتلقفين و تستعجلين صج انا مرات في عجله شوي ولقافه خفيفه بس ههههههههههه
ومن يومها الله وكيلكم للحين يذكرني فيها وانا كل ماشفت شي يشابهه البط اضحك
بس ترا حلو والله اكلوه هههههههه
خلاص قرقرت حيل هههههههههههههههه
السمووحه عالاطاله بنات
اترك المايك لكم كل وحده تقول مواقف تضحك باول سفره لهم مع بعض :eh_s(17):
مساكم الله بالخير والسرور
شلونكم بنات شمسوين ان شاءالله كل شي تمام ؟
اليوم حابه نغير شوي جو القسم و نفرفش
خلونا نتكلم عن اول سفره لج مع زوجج سواء كانت شهر عسل ولا عطلة صيف ولا سفره جذي وتذكرون المواقف الي تضحك وفيها احراج بس بضحك وكل ماتتذكرينها تضحكين
ببتدي انا بالاول
اول سفره لي مع زوجي حبيبي كانت بشهر العسل ثالث يوم عرسنا سافرنا و كانت لفرنسا ولندن
و انا فيني فوبيا من الطيران مع اني دايما اسافر حتى قبل ماتزوج مع اهلي بس للحين فيني فوبيا والله ماقدر اتحكم بهالشي:eh_s(2):
المهم انا ماقتله من قبل اني اخاف من الطياره عشان خفت يضحك علي او يقول هاذي جاهل
بالبدايه كنت كله مبتسمه وابو الثقه :rerrerek:
بس الله وكيلكم من بدت تتحرك بالارض عشان تطير وانا جتني بجيه هو تفاجا فيني و استغرب لاني كنت كله اضحك وبالمطار مستانسه معاه وسوالف وضحك
قالي شفيج قلت انا وحده اخاف من الطياره اول ماتطير بس ماحبيت اقولك من البدايه وقبل كنت كله امسك ايد امي ولا اخواني او ابوي اول ماتطير اول شي تم يهديني ويقول تعوذي من ابليس اكلي علج فكري بشي زين خليني اسولف انا وانتي عشان ماتتوترين ولاتشدين نفسج وهالكلام بس مايدري انا ماينفع وياي هالشي واصلا حزة الاقلاع ماحب اسمع احد واتم ابجي جني داخله حرب:krkrkr:
و اول ماخلاص ارتفت الطياره والله مادري شلون صرخت قلت يماااا :eh_s(2): بس زفني وقال فضحتينا شوفي الجهال كلهم ساكتين وانتي تبجين قلت شسوي مو بيدي المهم من وصلنا وهو طايح فيني ضحك وضغط بالفندق
المهم بعدها بجم يوم
كنا بيورو ديزني وااااااي وناسه استانست حيل وكله العب وزوجي يصورني و اصوره بعدها تعبنا ورحنا نتعشا دخلنا مطعم المطاعم بديزني تهبل واكثرهم فيهم عروض من داخل
المهم انا دراستي انجليزي كلية التربيه وزوجي ماشاءالله عليه يعرف انجليزي وفرنسي و المنيو كانت كلها كلام فرنسي انا مافهمت بس شفت كلمه تشابه الدجاج قلتله ابي هذا قالي متاكده قلتله اي قالي زين شنو عرفتيه بالاول قلت اي دجاج قالي لا مو دجاج عاد قلت بتفلسف عليه لازم تعرفون نستهبل اول العرس ونسوي روحنا عارفين كل شي وحركات دلع وجذي :eh_s(22):
المهم قالي خلاص الي تبينه واول ماوصل الطلب وقعدنا ناكل انا حسيت بطعم بس وربي كان حلو يعني مو شين تميت اكله قالي عجبج قلت اي يهبل ومن كثر الجوع والله كنت مو ماكله شي من قبلها بالليله لان كنت كله نايمه من التعب والفراره
خلصت الصحن علي بالعافيه بالاول
قالي هني وعافيه حبيبتي قلت الله يعافيك حياتي قال عرفتي شكليتي قلت اي الدجاج حلو بس طعمه غريب لكن مو شين فطس ضحك علي انا استغربت قلت شفيكقالي الله يسلمج انتي كليتي بط مشوي انا عيوني صارو جذي:eh_s(1):
من صجك قالي اي والله شفتج مصره قلت خلاص خل تاكله وانا قلت بعدها يوو ليش واتحلطم عليه وهو يضحك يقول عشان مره ثانيه ماتتلقفين و تستعجلين صج انا مرات في عجله شوي ولقافه خفيفه بس ههههههههههه
ومن يومها الله وكيلكم للحين يذكرني فيها وانا كل ماشفت شي يشابهه البط اضحك
بس ترا حلو والله اكلوه هههههههه
خلاص قرقرت حيل هههههههههههههههه
السمووحه عالاطاله بنات
اترك المايك لكم كل وحده تقول مواقف تضحك باول سفره لهم مع بعض :eh_s(17):
