اول بيبي عندي علموني......؟؟

[غلا_الكويت]

مرحباااا















بنات انا اول بنووته عندي توها خالصه 4 شهوور يعني اول الخامس الحين

بغيت اسئلكم متى اوكلها؟؟
لانه يقولولي الحين لازم تعطينها سريلاك بلمميه مالت الحليب يعني مع الحليب

علموني متى اوكلها وشنووو اوكلها وجم مره ؟؟؟

 

[كتكوته22]

حتى ودي اعرف

 

[دانة بعين بحاري]

الله يخليها لج حبيبتي ابدي وكليها من الحين عطيها وجبه باليوم ونصيحه لاتعطينها سيريلاك عطيها الرز من ميلوبا لان السيريلاك يمكن يسببلها حساسيه وممكن تعطينها تفاح والخضروات بس اهم شي بالتدريج عشان تعرفين شنو اللي يناسبها وشنو اللي تتحسس منه وممكن تحطيلها بسكوته بس مره وحده برضعه الليل عشان تنام شبعانه

 

[ديم الفرح]

هلا حبيبتي
اول شي ذوفيها الجزر المهروس مقدار قفشة..وبعد اسبوع ضيفي معاه القرع والكوسا..
والحليب لا تهملينه..وبعدين ضيفي العيش طبعا كله مهروس..والسيريلاك مرة باليوم لانه موزين كثرته..والفواكه حزة العصر..والماي لاتنسينه بالرضاعة الصغيرة..وعسى الله يبلغج فيها ويعطيها طولة العمر...

 

[meen_ana]

حبووبه بالبدايه ابدي مرة باليوم لمن تتقبله بعدين خليه مرتين

واذا حطيتي لها السيريلاك قفشه مع الحليب وزيدي اشوي بالماي عشان يذوب

وترى راح تقل كميه شربها للحليب الانه يشبع فلا تخافين ادري قرقت عليج حبووبه

 

[ام اغلى الناس]

ابدي من خمس شهور او خمس شهور ونص
و شوفي موضوع زيارتي للدكتور فهد فيه جدول اكل

 

[ام يارا]

البنات ماقصروا

بس نصيحه حبيبتي لاتعطينها سريلاك بالرضعه كلش كلش هذي كانت من اكبر مشاكلي مع بنتي الله يحفظها

خلي كل شي لي وقت 6 شهور قبله لااااا و ابدي معاها بالعيش و الخضره بعدين السريلاك و البسكوت

و عسى الله يححفظها لج

 

[(100%)]

انا ولدي كان عمره خمس شهور وكلته شصار فيني كرهت عمري يبجي ليل ونهار ولما قلت حق الدكتور يقول معدة الطفل اقل من 6 شهور ما اتحمل وترا من ياهل لي ياهل يفرق

 

[* فطامي *]

اللحين ولدي كمل اربع اشهر

وبديت اوكله بسكوت اللي بعمر اربع اشهر

اذوبه بحليبه واعطيه كمية صغيره

هذا الشي اليديد عليه وناوية اعطيه اكل عيش او جزر مطحون ومن هل الاشياء بس ناطره شوي يتاقلم علي البسكوت ويتعود عليه

هذا اللي اسويه من خبرت الاهل اللي عندي وبالتوفيق