اولياء امور طلبه شيخان الفارسي ( السلام )

[Dana_777]

السلام عليكم
شلونكم يا امهات انا حطيت هالموضوع عشان نناقش الامور اللي تصير في مدرسه شيخان الفارسي

المهم
خل نتكلم عن المدرسه بجميع نواحيها ايجابياتها و سلبياتها و المدرسين الزينين يعني كل شي

كل وحده تدخل تقول لنا ولدها في اي صف

بالنسبه حق ولدي ثانيه ابتدائي
والسنه اللي طافت ما اعجبتني المدرسه يمكن لان المدرسات مو فاهمين شلون يوصلون المعلومه
واللي ولدها تشوفه زين تقول منو ابلته ؟

وشكرا

 

[أم حمودي]

ولدي يروح رابعة ابتدائي
وهذي أول سنة له في شيخان الفارسي
العام كان في عبدالله خلف بمنطقة الزهراء

 

[Dana_777]

هلا أم حمودي شلونج ؟؟؟
شنو السبب اللي خلاج تنقلين ولدج من عبدالله خلف ؟؟

 

[أم حمودي]

آسفه على التأخير
عبدالله خلف مافيها اهتمام بالطلبة والمدرسات مالهم خلق
يعني لا من الإدارة ولا من المدرسات

 

[&أمواج&]

انا بعد ولدي بشيخان الفارسي العام باولى ما اعجبتني
كلش الادارة تعسفية ووكيلتهم وايد تعسفية والمدرسات ما يوصلون المعلومة عدل
ما اعجبتني كلش لا من ادارة ولا مدرسات

 

[malekatsabaa]

اهلا وسهلا

انا ولدي العام بسنه ثالثه
وولدي منقول من مدرسه عاديه ..وبصراحه حسيت بالفرق ..
مدرسة الاداب ابله سلوى وايد شديده وساعات تخوره بالحجي وتلقينها تقول كلام من غير ما تثمنه ..
بس لما تكلمينها ..تلقينها ..اليهال مطلعين عينها واحيانا تفصل..لوول ...
وصفها تقريبا احلى وانظف وارتب صف..
من الناحيه التعليميه والتحصيليه ولدي ما اختلف معاه الا شي بسيط وللافضل
بس من الناحيه النفسيه وايد فرق معاه..عن مدرسته القديمه والحمدلله

اما بالنسبه للاداره ..والله الاخصائيات متعاونين وحليوين بس عندهم وكيله ....مادري شوصفها فيه ..اهي متعنته>>بالفصحى
بس عطيها طاف وسوي الي تشوفينه صح

وحسيت المدرسه عموما وصخه شوي عن المدارس الثانيه...بس يمكن بسبب اعداد الكبيره للطلبه

بس وسلامتج وكل عام وانتو بخير..والله يوفق عيالنا

 

[Dana_777]

انا بعد ولدي بشيخان الفارسي العام باولى ما اعجبتني
كلش الادارة تعسفية ووكيلتهم وايد تعسفية والمدرسات ما يوصلون المعلومة عدل
ما اعجبتني كلش لا من ادارة ولا مدرسات

هلا فيج امواج ؟؟ انا نفس الحاله الوضع ماعجبني ؟؟
انتي ولدج اي صف ؟؟ اولى جم

 

[Dana_777]

وينكم يا امهات

 

[أم حمودي]

كلامكم خوفني
الله يستر على ولدي

 

[Dana_777]

والله انا ودي انقله بس الهوى ضدي

 

[&أمواج&]

هلا فيج امواج ؟؟ انا نفس الحاله الوضع ماعجبني ؟؟
انتي ولدج اي صف ؟؟ اولى جم

انا ولدي اولى ثالث

 

[Um Hasan]

انا عيالي الأثنين بالمدرسة ... والسنة اللي فاتت كانت اول سنة لهم بالمدرسة ...
صراحة وايد طلعتوا المدرسة شينة ... مو لي هالدرجة ... اللي كان مضايقني صج بالمدرسة تكرمون الحمامات ...صج الحمامات وصخة وعربي ... شخباري
حتى قلت هالملاحظة حق الإدارة
بس الأشياء الثانية ... صراحة اشوفهم احسن من باجي المدارس وأبلاتهم متعاونين ويا أولياء الأمور

 

[booba]

مرحبا بنات انا ولدي العام كان بثانية رابع
بالعكس انا اشوف المدرسة وايد زينه مقارنه بباجي المدارس
والادارة ايضا حبوبين وناظرتهم بعد حبوبه وحليوه

 

[أم حمودي]

اللي عندها خبرة بمدرسة شيخان الفارسي
يطلبون دفاتر ؟
ولا بس يطلبون ملف ؟
وبالنسبة لشعار المدرسة متى نشتريه ؟

 

[Um Hasan]

حبيبتي ام حمودي ... يطلبون منج دفاتر وفايلات عشان الطالب يحط كتاب كل مادة مع دفترها بملف ... عشان اذا عنده واجب ياخذ الملف وييبه البيت...
بالنسبة حق الشعار تشترينه من المدرسة ... يكون عند الوكيلة وسعره نص دينار .. اذا الإدارة داومت تقدرين تروحين تشترين

 

[zoozoo Q8]

هاي بنات

عيالي الاثنين السنه اليايه بشيخان الفارسي

ما ادري احس نفسي ضايعه

الصغير باولى ابتدائي والكبير بيروح ثالثه


يقولون غيروا المنهج حق اولى صج ؟؟
ولا بس كلاااام !!!

 

[Um Hasan]

اللي أعرفه ان غيروا منهج العربي ...

 

[malekatsabaa]

اللي عندها خبرة بمدرسة شيخان الفارسي
يطلبون دفاتر ؟
ولا بس يطلبون ملف ؟
وبالنسبة لشعار المدرسة متى نشتريه ؟

انا ولدي العام بثالثه

الي اذكره بس ابلة العربي والعلوم اطلبو...اما الانجليزي كان من الوزاره..
وكل ماده يبون لها ملف عشان يحطون الكتب فيها.

وبالتوفيق.

 

[zoozoo Q8]

شدوووو حيلكم يا أمهات طلبة مدرسة شيخان الفارسي

 

[أم حمودي]

منو ولدها بصف4/1
أبي كلمات الإملاء حق باجر الأربعاء ضروري