اوف من جيرانا بلا احساس

[الاهله]

السلام عليكم

انا ساكنه بشقه كويسه وواسعه وبابها مستقل يعني مو مدخل واحد

المشكله جيراني للاسف مافي احساس الي ساكنه تحت اغاني اعلى صوت عندهم سماعات كبار

ويعلون الصوت لاعلى شي

والي فوق عيالها ركض وتدبك في كل وقت وكل يوم بتسحب الاثاث

كلمنا الي تحت راعين الاغاني مافي فايده صرت اعلي صوت القران عشان تحس توطي الصوت ولافي احساس

كلمت الهيئه قالي تعالو قدمو شكوة واحنا نكلمهم بس خفت يسوون شي فينا بعد الناس ماعادو ثقه

احنا مانعرف ننام الا اذا نامو مدري شلحل المشكله الشقه تمليك

 

[Tom ♥ Jerry]

,


حياتي جربي انتي تروحين تكلمينها باسلوب حلو بالكلمه الحلوة
أو عزميها على يوم علي جاااي عندج
و قوليلها الي بخاطرج ,, ليش تشتكين عليها على طول
و اذا ما فاد بعدين تصرفي تصرف ثاني

 

[rose2012]

ادعي بصلاتج

 

[سلاسل ذهبيه]

واجهيهم باسلوب يفرض عليهم احترامج

 

[M!ss CoLoRz]

خلي السالفة تنحل بين الرياييل أحسن

 

[Patcholli]

الله يعينكم قلة ادب الصراحه

 

[غآآية الرضاآ]

الله يكون بعونكم
صحيح مايستحونن
بس خلو الامور تمشي بالحسنى
مهما كان انتو جيران
والمشاكل ماهي حلوهه بينكم
اتمنى لك التوفيق

 

[جوري الصالح]

حبــــــوبه لا تفتحــــين عالنفــسك أبـــواب مقفله
خلــــي الـــرياييل يتــــفاهمـــــون بينــــهم لا تتــــدخلين بالمـــــوضوع انتي

 

[الاهله]

شكرا لكل الي رد الله يعطيكم الصحه

سبق وزوجي كلمهم مافي فايده

ومره قلت بتعرف عليها يمكن تستحي صارت كل يوم تطق الباب بتجي وانا ماافتح لها الباب لانها ماتطلع الا الفجر

 

[دلوعةمآمآ]

وعليكم السلام ورحمة الله وبركاته

من جِد الله يعيينك على هالجيران !!

لاتشكيهم ولا شيء خوفك تحطك برأسها وتنتقم لك بشيء ماتضمنين !

كلميها بأسلوب حلو وقولي ترى فوق ذنب الاغاني اللي تسمعونها تأخذوون ذنبنا واحنا مانبي نسمع الاغاني..

او يكون لك جاره ثانيه تمون عليها تكلمها ويمكن تحسس على دمها

الله يوفقك ويكفيك شرها يارب

 

[مدّهره !]

إذاا مانفع كلام زوجج معاهم شنو بينفع !!


كلمتيهااا أنتِ ؟؟؟؟



الله يعينج عليهم ...’

 

[مودي كويتي]

الله يكون بعونك بجد قلة ذوق شغلي القران عندك وخليه اعلى بحيث ماتسمعين أي شي

 

[M!SS.LOBY]

الله يعينج

 

[الاهله]

شغلت القران وطولته واجد ولافي فايده ماوطت على صوت الاغاني

 

[مدّهره !]

بهالطريقه هي تعرف إنج قاعده تعاندينهاااا


زوريهااا وكلميهااا قولي أناا مااأسمع أغااني غير جذي مااأقدر أرتاح وأنام ببيتي من الصوت !!!!!

 

[Shinexo]

اللي فوق ماتقدرين تقولين لهم شي كلش

لان عندهم يهال

يهال حبيبتي مب ملائكه اليهال يركض وينط ويروح ويجي ف بيتهم ماقاعدين ياذون حد

و صوت الاثاث هي حره تحرك اللي تبيه شدعوه فديتج ماتستحملين هالاصوات عاد ؟

بس اللي تحت وياج حق .. كلموا المؤجر يكلمهم ولا كلمو اهلهم اذا جفتوهم ..

الله يعين

 

[الاهله]

صاجه الي تحت اهما الي مزعجين اكثر والله كلمناهم وكلمت وحده تعرفها قلت يمكن تسمع منها نشوف شصير

 

[M!SS.LOBY]

الرسول عليه الصلاة والسلام وصى بالجار
ودين الاسلام حرص على عدم إيذاء الجار

 

[M!SS.LOBY]

لا حول ولاقوة الا بالله العلي العظيم

 

[زوجة حياتي]

قومي بالتلت الأخير وادعي ربج يفرجها عليج اعرف هالاشكااال ماينفع معهم شئ انا حاسة فيج أعاني نفس معانتج الله يفرجها علينا ويصبرنا