اوش ياجرحي سكوت

[زقرتيه الديره]

هذه القصه للكاتبه

فقدت احبابي

*****
​

فطوم 22 سنه ، وتوها متوظفه بوظيفة ادارية بالمدرسه
طيبه وعلى نياتها ، وتدش مع الناس لوعطوها ويه .

فوز 20 سنه بالجامعه وايد فصله وهبله ، وعندها الحياه من غير حلوين ما تنعاش ، لكن محد يقص عليها ، لانه شخصيتها قويه وقت الجد .

فواز 16 سنه بالصف ال 11 ، يعشق القز والكشخه ( مشروع مغازلجي )

فجور 14 سنه بالصف التاسع ، عندها الدنيا ملل ، ومحد تارس عينها ، وكل الناس فاضين وماكو شغل ( على اساس انها اهى البزي )

**
الساعه 6 الصبح طق المنبه الكل قعد ماعدا فوز وفواز
فجور تتحلطم وتدعي على وزارة التربيه ، وفطوم بكل نشاط قامت لانها مستانسه على وظيفتها اليديده .

ام فواز : وبعدين وياكم انتو دايما تغثوني بالقومه ، خلاص انتو موصغار .

فوز : ابوس ايدكم ليش تقعدوني الحين ، انا بالجامعه موبمدرسه عشان ماأطوف الطابور.

فواز ومغمض عيونه: يمه الله يخليج ،الحلم قوووى تكفين .

ام فواز : راح اييك طراق اقوى !!

فواز : فديت امي الحنونه .

فجور رايحه الحمام وليلحين تدعي على وزارة التربيه

***


فطوم خلصت لبس ، شكلها اصغر حتى من اختها فوز
والكل يعطيها عمر ال 18 سنه

ام فواز : يمه فطوم تعالي تريقي مع خوانج

فطوم : يمه انا اتريق مع رفيجاتي بالدوام

ام فواز : مداهم صاروا رفيجاتج .

فطوم : لوووول اى .

فوز ليلحين نايمه ، وحاطه المنبه على الساعه 11 الظهر لانه محاضرتها 12 ونص

فواز يتريق مع فجور ويستعبط عليها : ابيج يااختي ترفعين راسي بالدراسه

فجور ماسكه اعصابها وصارت تدعي عليه مع وزارة التربيه
ام فواز : اكل وانت ساكت

بو فواز متوفي من 5 سنين وام فواز كانت لهم الام والاب ماقصرت عليهم بشى .
**
فطوم بالمدرسه تفتح قلبها للكل ، وكل شى تقوله ، على عكسهم .
ماتدري فطوم انه مجتمع المدرسه مجتمع حريم وحش .

كانت اقرب وحده بالمدرسه مع فطوم لطيفه ، بنت حبوبه وطيبه واكبر من فطوم ب4 سنين.

فطوم ماتفهم النغزات اللي تنقط حواليها ، لانها على نياتها ، واللي معاها بالقسم غير لطيفه ، امل واسماء .

امل 22 سنه تاكل الكل بلسانها الحلو وطبعها الاجتماعي
لكنها من داخلها انسانه ماتحب الا نفسها وتغار من الكل .

اسماء بعمر امل ، نفس الطينه ، واللي تحش فيهم امل خلاص تاخذ عنهم فكره


لطيفه : ماشالله فهمتي الشغل بسرعه

فطوم : مايبيله فهم

امل : حسره على ، من المشاكل مخي مقفل

اسماء : بعض الناس مرتاحين ليش مايفهمون

لطيفه : لاحول ولاقوة الا بالله

فطوم على نياتها : صاجين والله

**
امل : اقول اسوم

اسوم : هلا

امل : ماتلاحظين عليها حاقرتنا

اسوم : لوووول عشان ماتهاوشت معاج

امل : ممم ، بس فهمت نظامها تسمع وتطنش

اسوم : احلى شى ، ودي اصير جذي

امل : حدها تلوع الجبد ماحبيتها

اسماء : ولاانا

والحقيقه انه فطوم احلاهم بكل شى حتى الطبع ، بس الغيره مشكله ..

***
الكل رجع من المدرسه فطوم فجور فواز ، ماعدا فوز اللي بالجامعه .

فوز : رحموا حالتي النفسيه ، ليش الحلوين بكل مكااااااااان !!!

امون : اى والله حتى نفسيتي تعبت

عايشه : الحمدالله والشكر .

فوز : عفيه امون سكتيهااااا .

امون : عيزانه ، انتي سكتيهااا

فوز : خلاص المره اليايه نسكتها

امون : اوك

عايشه : الحمدالله والشكرر

فوز وامون نفس الفصله ونقطة ضعفهم الحلوين
عواش ماتهمها هالسوالف ومكبره دماغها .


بالمحاضره

امون : واى شحلاته هالدكتور ، تهقين متزوج

فوز : اسحب الماده لومتزوج

عواش : على جذي متى تتخرجون ؟؟

فوز : عادي مومهم ، المهم النفسيه مرتاحه .

امون : صاجه شلون ادرس والدكتور وويع

عواش : عاد الجياكر الله مكثرهم ، اقدر اقول راح تعمرون اهني !!

فوز : استغفرالله : شاللي حادنا على الجياكر

امون : ذكريني بعد شوى اطقها

فوز : انشالله

عواش تطلع لسانها موعاجبها !!!

**
في بيت فطوم

الساعه 6 المغرب ، توها قاعده فطوم من النوم وحاسه بضيقه
وعاتبت نفسها جم مره كنت اقول مابي انام الظهر
نومت الظهر تحسسني بالضيقه لما اقعد

راحت لغرفة فوز لقتها نايمه ، وفجور تهذر مع رفيجتها مسن
وفواز طالع براااا

فطوم : الوو ، يمه وينج

ام فواز : حبيبتي انا رايحه بيت يدج شوى تعبان

فطوم مخترعه : شفييييه !!!!

ام فواز : السكر والضغط مرتفع عنده

فطوم : طمنيني عليه يمه

ام فواز : انشالله لاتحاتين انتي

فطوم روحها معلقه في يدها سالم ، لانها تشوف فيه ابوها ، ويدها اقرب احفاده اهى ، ودايما يقول حق ام فواز اللي راح يبر فيج من عيالج فطوم
ديري بالج عليهااااا

***
الساعه 7 المغرب
وفوز تتمغط بفراشها ، وعلى طول تجيك على فونها ، كان مس كووول واحد من امون

فوز : قطيعه مس كول واحد ، شدعوه وين اصدقائي ( قالتها بطنازه )

نزلت تحت والا تلقى فجور شابكه مسن وبزي بالكتابه
فوز : رحمي النت شويه ، من زين سوالفكم عاد
فجور جنها ماسمعتها وكملت كتابه

فوز : ووي هذي حقرتني ، ماعلينا انا يوعانه ، ولما ايوع مااعرف افكر .

فجور تتحلطم : على اساس لما تكونين شبعانه تبدعين بالتفكير .

فوز : اقول في اخت ثالثه ماشفتيها ؟؟

فجور : استغفرالله موزين اعصب

فوز باستعباط : انا اقول ابحث عنها بنفسي موزين انطق المغرب

لقت فطوم بالصاله تتابع مسلسل ، وفوز وايد تكسر خاطرها فطوم ، تدري انه وايد ناس يستهزؤون فيها ، رغم انها الكبيره ، والمفروض تكون شخصيتها اقوى

بس بعض الناس اذا اللي جدامهم مسكين وعلى نياته يشوفونه موضوع طنازه

بس اذا اللي جدامهم لسانه يلوط اذانه ومايستحي يحترمونه ويعملون له الف حساب
ويحشمونه

لكن المسكين طايح حظه

فوز عقلها اكبر من عقل فطوم ودايما تحاتيها

فوز : شلوون اللي معاج بالدوام ؟؟

فطوم : وايد يهبلون وطيبين

فوز : والله محد طيب غيرج

فطوم : عيل ماقعدتي معاهم

فوز : مايحتاج ، الحريم اذا اجتمعوا بمكان واحد مشكلـــه

فطوم : لوووووول

فوز : خلج ذكيه ، موكل شى تقولينه لهم ، وانا اقول الاحسن لاتحتكين وايد مع احد

فطوم واهى تطالع التلفزيون : ماقلت لهم شى

فوز : اختي واعرفج

فطوم : ماصار لي غير شهرين معاهم

فوز : هالشهرين قلتي فيهم قصه حياتج ادري

فطوم : لوووووول


فوز :شفيج جنج متكدره !!

فطوم : يدي سالم تعبان .

فوز : شفيييه !!

فطوم : مرتفع الضغط والسكر عنده .

فوز : امي تدري !!

فطوم : امي اهي اللي قالت لي ، واهى عنده الحين

فوز : يدي الله يهداه يحب الككاو ، انا اول مره اشوف شايب يعشق الككاو

فطوم : حرام يشتهيه

فوز : حبيبي والله .


فطوم تتصل على امها

ام فواز : لا الحمدالله احسن ، جنه البخت

فطوم : عطيني بكلمه

يدها سالم : هلا بالغاليه بنتي

فطوم : هلا يبه شلونك

يدها سالم : الحمدالله زين ، ووصيت امج تخطب لي بعد

فطوم : لوووول بس انا موموافقه

يدها سالم : خلاص بطلنا

فطوم : لوووووول

فوز : عطيني احاجي عندما تعشق الشوكولاته

فطوم : شيطلع هذا بعد

فوز : نك يدي بالفيس بوك

فطوم : لوووووول هاااج

فطوم : هلا بالحـــــــــب

يدها : هلا بالنزغه

فوز : علينا هالحركات ، قول زوجوني ، نظام فيلم عربي ااخ ياقلبي وبطيح ليش يعني ؟؟

فطوم : فووووز عيب

فوز تأشر بيدها ل فطوم يعني سكتي

اليد سالم يستانس على سوالف فوز وشطانتها ، بس الاقرب لقلبه فطوم .


فطوم تعاني من تأتأه واضحه باللسان ، وتزيد لما تتوتر من موقف معين .

وهالشى ماكان معاها من قبل ، لكنه حصل بسبب وفاة ابوها لانه مات بالسياره واهو بحضنها .


قبل 5 سنوات

فطوم عمرها 18 سنه وتوها ماخذه الليسن وفرحانه بسيارتها اليديده

بوفواز يعاني من الصغر من انسداد الشرايين بالقلب
وأى خبر يفرحه حيل او يزعله حيل يأثر فيه للأسوأ

بوفواز طيب مع عايلته وزوجته ومومقصر على اهل بيته في شى

وكان يتمنى يشوف عيال عياله
بس الله ماكتب

في يوم من الايام ، كان راجع من معرضه ، كان يملك معرض للعطور ودهن العود .

وحاس بألم شديد بصدره ، ومن غير وصفه اخذ من الصيدليه علاج يتعارض مع ادويته

لانه مو كل علاج يناسب المريض بالقلب وهالشى خطر انه يتصرف من كيفه

فطوم ماكانت تدري انه اخذ وصفه من كيفه

وكانت خايفه وماعرفت تتصرف
وحست انها نست السياقه

وطلبت من امها انها تسوق

قعدت مع ابوها ورى وكان حيل تعبان
وفطوم بس تنزل دموعها وتطمنه انهم قربوا من المستشفى

وام فواز كل شوى تطالع زوجها من المنظره وخااايفه عليهاااا

وقبل لايوصلون المستشفى بوفواز التفت على فطوم يبي يكلمها
والا يلفظ انفاسه الاخيره وهو بحضنها .

كانت صدمه قويه صدمه اقوى من فطوم
اقرب الناس مات بحضني
وكان يبي يكلمني


مع الايام تحسنت نفسية فطوم ، بس اثارها موجوده بالتأتأه

الكل في البيت مايشوفون فطوم الكبيره
والكل يعاملونها معامله حلوه ومايغثونها

عكس لما يعاملون بعض ، عادي يتكافخون

عادي يغثون بعض بالكلام

بس عند فطوم stop

**
فجور : يمه يعني انا مو بنتج

ام فواز تقرى الجريده وحاقرتها

فوز بطنازه : يمه يه الوقت اللي فيه نعترف لها بالحقيقه

ام فواز : انا اقول بلعي العافيه احسن

فوز : فجور امج مو امج

فجور : يمه سكتيها وربي مالي خلق لها

ام فواز : لا خليها بشوف تاليتها شنو ، انا مو امها عيل انا شنو

فوز : انتي ابوها يمه

ام فواز : ذلفي دارج درسي لج كلمتين انا اقووول

فوز : باجر لاتزوجت مزيون والله لااشفط لكم مااييكم كلش وبتفقدوني

فجور : وايد مصدقه بنفقدج

فوز : خلي ايي هالمزيون بس

ام فواز : وجدامي بعد

فوز بعياره : مو احسن من وراج يمه !!

فجور : يمه خليها تولي ، رفيجاتي كلهم بيروحون عيد الميلاد بالمطعم ، ليش انا لا

فوز : لانج بنت البطه السوده

فجور : استغفرالله

ام فواز : مااحب سوالف اعياد الميلاد ، تعطين رفيجتج هديتها وتمشين

فجور : شنو امشي يمه كل رفيجاتي بيقعدون
وبعدين عيد ميلادها بقسم بروحه الناس موعندنا والله يمه

ام فواز : خلاص لاتحنين اقطج ، وبروح السوق ، وبعدها اخذج تفهمين

فجور مستانسه : اى يمه مشكوووووووووره

**

في بيت اليد سالم

مع يد فطوم ساكن عمها بوسالم وعياله

الكبير سالم على اسم يده

سالم 26 سنه متزوج ويشتغل باحدى الوزارات الحكوميه

طيب وبار في والدينه ، ومتحمل لسان امه النسره

وليد 24 سنه ليلحين بالجامعه ، وحالف انه راح يتخرج ، بس مايدري متى بالضبط .

مستهتر ويحب وناسته ، اخر اهتماماته دراسته ورضى والدينه .

خالد 21 سنه بالجامعه مع اخوه ، مايحب الازعاج ، ويحب يرسم ويكتب خواطر على رسوماته
وبسبب هوايته الرومانسيه صار طنازه لاخوه

وخالد مومهتم لانه مقتنع انه هوايته فن مايفهمه الاغبياء .

بوسالم مغلوب على امره ، بمعنى سكانه مرته

وسالم العود موعاجبه حال ولده ، ويتمنى لو طلع على اخوه الصغير المرحوم بوفواز

ويتمنى لوكانت ام سالم نفس طيبة ام فواز

**
ام سالم حاطه امل انه سالم العود يسجل البيت باسم ريلها

وخايفه يموت ويتقاسمون البيت مع عايلة ام فواز

وتعتقد لو احسنت اكثر معاملته راح ينكر حق ام فواز وعيالها من البيت

ويصير البيت من نصيب زوجها وعيالها بس

سالم العود فاهم كل شى
وبعده ماخرف عمره 67 سنه

زوجة سالم شيخه : انا طقت جبدي ومليت

سالم : تبيني انزل اطق امي مثلا

شيخه : ماقتلك طقها ، بس شوفها شتسوي معاى ، وانا ماييتك من الشارع

سالم يدري بأذية امه لزوجته ، بس موبيده شى ، ومايبي يهد البيت عشان امه وابوه

***

فوز منسدحه على القنفه وحاطه ريل على ريل
وتاكل حب ، ومجابله المسلسل التركي

وكل شوى تعلق ، ياحلوووك ماكو منك بالكويت اتزوجه

على فكره فوز متابعه المسلسل من اول حلقه
وماطوفت ولا حلقه
ومع هذا ماتدري شنو القصه ولا شسالفتهم

اللي تعرفه انه هالمسلسل فيه واحد مزيون وموحافظه اسمه بعد

فجور : اذا بيصير قحط بالمزايين بالكويت ترى بسبتج .

فوز من غير ماتطالعها : ليش انشالله

فجور : بسبب شفاحتج عليهم

فوز التفت على فجور تبي تتفلسف : انتو شعرفكم !! انا انسانه اقدر الجمال

فجور : وتقدرين الهياته

فوز : ولاتزعلين الهياته بعد

فجور ارتفع ضغطهاااااا

راحت فجور تسولف بالفون مع رفيجتها ، وفوز كل شوى تعلق هلا بالزين ، هلا بالحب ، الله اكبر

رفيجة فجور : شفيها اختج تأذن ؟؟

فجور : دش البطل اللي تحبه

رفيجة فجور : ووي شكلها تحبه وااااايد

فجور : واهى خلت احد ماحبته ، الوحيد اللي ماحبته انااااا

رفيجة فجور : لوووووول


لوبنتكلم عن كل واحد من شخصيات القصه

والشغلات اللي لازم نصلحها في حياتهم

نبتدي في فطوم

فطوم اللي كل شى تقوله لزميلاتها وصديقاتها
والمفروض مو كل شى ينقال ، لازم الشخص يتعلم يكون له خصوصيه ومايكشف اسراره للناس

الناس ترى دايما ياخذون من اسرارك وسوالفك
سوالف لهم ومرات يتطنزون عليك بسبب اللي قلته لهم

ومرات يفضحونك لو حصل بينكم زعل

ندري كلنا نحتاج نفضفض ، بس الناس الغرب لاتفضفض لهم
لانهم لو انصحوك مراح ينصحونك بضمير وحرص مثل ماينصحون اهلهم

اكشف همومك لاهلك وبس ، ولو مالقيت اللي من اهلك يفهمك

خذ ورقه وقلم واكتب فيها كل اللي تبي تطلعه
وبعدها شقق هالورقه وقطها
صدقني راح ترتاح

**
فجور اللي بعمر 14 وحياتها نت وفون وملل

ماتعلمت لما تدش النت تدش عشان اشياء تفيدها
او حتى اذا سولفت تسولف باللي يفيدها

تعودت بهذا العمر الصغير انه الوقت ماله قيمه

ماتعلمت شلون ماتطوف صلاتها ، بس هذره بالمسن والفون مستحيل تطوفها

الرقابه انعدمت ومستغربين ليش عيالنا يعرفون كل شى
وعيونهم مفتحه

ليش بعمر فجور الصغير تشوف الدنيا ملل

لانها شافت بالنت كل شى ، المسموح والغير مسموح

حتى صارت حياتها خاليه من الطعم
لانها شافت كل شى


وفوز اللي حلمها تتزوج مزيون

اوك هذا حلمج محد يمنعج

لكن عينج تزوغ وتشهق مع كل مزيون
هذا غلط

وهذا بالدين يعتبر " زنا النظر "

واحنا متساهلين هالامور لما نقول مزيون ويهبل واينن

" النظره الاولى لك والثانيه عليك "
بمعنى اذا طاحت عينك بالغلط على ريال او مره ان كنت ريال
الله مراح يحاسبك على نظرتك الاولى
بس ان رجعت تطالع وتخز مره ثانيه
الله سبحانه وتعالى اهني راح يحاسبك
على نظرتك الثانيه
لانك هالمره متعمدهااا

لا تقللون من قيمة النظره فالعين تزني

**
فواز 16 سنه وابتدى بالمغازل مبجر
يعني ذنوب ابجر
واذا استمر على هالحال
راح يطيح بشر اعماله
لانه بنات الناس مو لعبه
تتحرش فيهم وتغازلهم

المفروض من الحين يركز بدراسته ويخطط لحياته
الحياه وايد احلى بالتخطيط
والحياه الخاليه من المعاصي


وسالم انسان طيب
لكن ماعرف يتعامل مع الفجوه اللي بين امه وزوجته
لو استخدم ذكائه جان قدر يغلق هالفجوه

بطرق بسيطه ولو فيها بعض الحيله
لكنها ناجحه
مثال يقول حق امه انه زوجته تمدح فيج وبطبخج وتموت فيج

ويطلب من زوجته تشتري لامه هدايا كل ماراحت السوق
مودايما بس من فتره لفتره

على قولتهم " اطعم الفم تستحي العين "

ونفس الحال مع زوجته يقول لها امي شكثر تحبج وتموت فيج
هالطريقه لها مفعول السحر

بس محد له خلق يفكر مستعيلين على الهوشات

نصيحتي لكل متزوجه عندها ام زوج نسره
صدقوني التطنيش احلى شى

خليها تقول اللي تقوله لاتحرين عمرج
قوليلها انشالله

اعتبريها امج ومومعقوله بتتهاوشين مع امج

ومثل ماتحبين مرت اخوج تعامل امج وتصبر على كلامها
طبقي هالكلام على نفسج

**

وليد من النماذج الفاشله في حياتنا
لاهدف لااستقرار ، ولاحياه واضحه

والانسان اذا استهتر في رضى الوالدين
شنو ننتظر منه يعني

الدنيا مو بس لعب وتسليه

لازم يكون لحياتنا عدة جوانب
جانب تسليه وجانب جد

لكن معظم الناس للاسف اختاروا لحياتهم جانب واحد بس

اما التسليه فقط ، او الجد فقط


الشخص الاخير معانا خالد
اهو الشخص الايجابي اللي اختار لنفسه هوايه يحبها

موعيب لوكانت هوايتك رومانسيه وناعمه

كافي انك مبدع فيها
والاهم ماتغضب ربك

والناس رضاهم غايه لاتدرك
المهم تشغل نفسك بشى تحبه ويفيدك


السبت الساعه 12 الظهر

فطوم تلبس تبي تروح بيت يدها سالم مع خوانها وامها يتغدون عندهم

لابسه جينز وبلوزه مع جاكيت قصير ولامه شعرها

ام فواز تكره تروح تشوف النسره ام سالم

بس عشان خاطر ابو زوجها

وتدري شكثر يحبها ويحب عيالها

فجور : نتغدى وعلى طول نرد

ام فواز : يصير خير

فوز : لا نبي نقعد نتطمش على مغامرات ام سالم وشيخه

ام فواز : شالحجي

فوز : اى والله يمه ، استانس عليها من نقعد
ياهي نغزات تفطها على شيوخ المسكينه

القعده من امه تصير اكشن

ام فواز : الله يعين اللي بياخذج

فوز : الله يعينه على حبي موووو ؟؟

ام فواز : اى بس سدي حلج

فطوم : يلا يمه نمشي

كان شكل فطوم وايد كتكوته

ام فواز : وين فواز ؟؟

فطوم : يمه خذى مفتاح السياره يشغلها على مانجهز

ام فواز : لايكون تعطينه مفتاح سيارتج يسوقها تراه ياهل يايمه

فطوم بالتأتأه اللي تميزها : يمـــه ادري


ام سالم تتحلطم بالمطبخ ، وتشرف على طباخ الخدامه
واهى بعد ماتحب ام فواز
بس تجامل وتنافق

سالم العود : يلا يايبه جهزوا غدانا ، ام فواز وعيالها يايين

ام سالم : انشالله ياعمي كل شى جاهز

بوسالم : وين عيالج ؟ يقعدون مع الناس ، مو يانجبنا نزلوووووا

ام سالم : والله ياحبيبي موكافي اني صرت طباخه ل ام فواز وبناتها ، روح انت ناد عيالك

سالم العود سمعها واهى عبالها مايسمعها

**
شيخه : ام فواز احبها واحب بنتها فطوم

سالم : والباقي !!

شيخه : مومحتكه فيهم واحس مااندمج معاهم عكس فطووم

سالم : اكيد اهما نفس اختهم

شيخه : موشرط

سالم يكلم نفسه صح موشرط والدليل انا ووليد

***

وليد كان قاعد مبجر ورايح الحلاق حالق وطالع معرس ، كله لعيون فوووز

اما خالد كان يحط لمساته الاخيره على لوحته
حتى يوريها ل فطوم
كان يحبها رغم انه اصغر منها

جرس البيت

سالم العود : بطلوووا الباااااااب

ام سالم مادري منو اللي ياينا عاد

واول مادشت ام فواز اشتغل النفاق عند ام سالم

وليد يلقي على نفسه بالمنظره اخر نظره

ولابس هالجينز الغالي وال تي شيرت الغالي

وخالد كان لبسه بسيط جينز عادي وتي شيرت عادي

اما سالم نازل بالغتره والعقال ومعاه شيخه اللي طالعه حلوه

كانت كل العايله قاعده في صالة الاستقبال
وخالد حط لوحته ورى الباب عشان
بعد الغدى تشوفها فطووم


ام سالم شغلت اسطوانه الشكوى كالعاده
مابقى شى ماقالت انه يعورهاااا

وام فواز تعودت على هالاسطوانه

فوز تتعلج ونست روحها جان تسوي بالعلجه بالونه وتبطها وكان الصوت عالي

ام فواز تخز فوووز

فوز بلعت العلج من الخرعه

فطوم كانت لاهيه بالسوالف مع شيوخ

وشيوخ كانت تتعمد تخلي فطوم تكلمها وماتكلم خالتها

لانها تدري انه خالتها يبين عليها انها تضحك على تأتأة فطوم

رغم انه هالشى محليها زود
خاصه شكلها الكيوت

فوز منتبهه على وليد المزيون ، وكان ستايله على مزاجها


فطوم سوالفها حلوه وبسيطه

واذا سولفت تسولف من كل قلبها

ماعندها خبث ولاجذب

وهالشى محببها عند شيوخ

اما عاد فوز من قعدت ولا 100 جذبه قطتها

وفجور كل شوى تلتفت عليها يرحم امج بس كافي

وفوز كانت مستمره بلاااااا توقف

طبعا وليد كان يقط نفس الجذب

اما خالد الهادي كان مستانس لوجود فطوم كان يرتاح لها

شيوخ حاطه فطوم ببالها تبيها حق اخوها عادل المتخرج من امريكا هندسه كهربائيه وعمره 25


بعد الغدى وحتى ماغسل ايده ، راح خالد مستعيل اييب لوحته
وعطاها فطوم اللي انحرجت ومدحت لوحته وايد
فطوم : غريبه هالمره موكاتب عليها خواطر

خالد : لاني بهديها لج وخليت الخاطره على ذوقج

فطوم : مادري

خالد : ممم شرايج اختار انا

فطوم : لوحتك واكتب اللي تبي فيها

خالد : انا بهديها لج

فطوم ارتبكت : من ذوقك

خالد مايبي يفضح نفسه بخاطره غزليه لها

خلاص بكتب اهداء الى بنت عمي العزيزه
فطوم : حلوووو

خالد واهو يكتب الاهداء كان راح ينسى ويكتب بنهاية الاهداء احبج

فوز ووليد من كثر ماشلخوووا على بعض
راسهم صدع وداخواااا

وكان يبيلهم وقت اضافي حتى يكملون الشوط الثاني من الجذب

وكانت الحكم فجور اللي قررت النتيجه تعادل بالتشلخ



بسيارة فطوم

فوز : والله شغل عدل فطوم صار لج معجبين

ام فواز : هذا نفس اخوها وجدامنا عطاها اللوحه

فطوم ساكته شنو بتقول

فوز : انا راضيه يعطوني من وراكم بس المهم يعطوني

ام فواز : فوزوه لسانج بقصه

فجور : تسوين خير يمه لو تقصينه

فوز : ولو قصيتوه شلون بحش بخلق الله

فجور : مو اهى بتقصه رحمه بحالج ، ذنوبج اكثروا بسبب الحش

فطوم مافكرت انه خالد اهداها لانه يحبها ، اعتبرت الموضوع شى عادي

فواز لاهي بالبلاك بيري موفاضي لهم

**
شيخه صعدت لدارها اول ماراحوا عايلة ام فواز ، وام سالم تسمع شيخه ااى اكلي ومشي ايدج بالطووفه

سالم : يمه شفيج ، الخدم شكثرهم بالبيت ، يعني شيخه شنو بتسوي

ام سالم : لا شفتني اهاوش مرتك سد حلجك ، لاتقوي شوكتها على

سالم : لاحول الله ، انا رايح الديوانيه ، تبين شى ؟

ام سالم : اى سنع مرتك

سالم : انشالله يمه

سالم العود كان منسدح بالصاله والراديو عند راسه وغفى المسكين


فوز : اشك ان خالد يحبج

فطوم : يحبني انااا !!!

فوز : اى انتي ، وليش مايحبج ؟

فجور : كل شى فيج اصلا ينحب

فوز : مع احترامي لج فجور اول مره تقولين شى سنع

فجور : اشكرج اختي

فوز : العفو ماسوينا شى

فطوم : لوووووول

فوز تدري ان اختها محتاجه شويه ثقه بالنفس وتصير تمام

**

ام فواز : باجر الاحد عبالكم بنسى انكم لاامس ولا اللي قبله بطلتوا كتبكم

فجور : يمه انا تطمنت على كل كتبي موجوده بالجنطه

فواز : وانا بعد يمه

ام فواز : شبي فيها دام موجوده بالجنطه وماتبطلونها !!

فواز ل فجور : ترى يمدي ننحاش

فجور : تهقى

فواز : جداااا

ام فواز : والله الظاهر بشتريلي خيزرانه

فواز : امي لوخليناها راح ..

فجور تكمل : راح توصل للشروع بالقتل

فواز : بالضبط

ام فواز قامت عليهم وانحاشوا كل واحد اييب جنطته يدرس


الاحد 6 الصبح

فجور ليلحين تدعي على الوزاره ، وفواز ليلحين يبي يكمل الحلم

فوز ليلحين تترجاهم شكو مقعدينها معاهم

وفطوم نشيطه نفس كل يوم


فطوم بالدوام قاعده تطبع اوراق حتى توديهم للسكرتاريه

اما واسماء وراها قاعدين وموعاجبهم انها تشتغل
مادري على نظرتهم لها جنها مسويه جريمه

لطيفه كانت ماخذه استأذان صباحي لانها تبي تروح اجتماع ولدها


امل : فطوم ماشالله عليج

فطوم : ليش !!

امل : من الصبح وانتي تحوسين

فطوم : شسوي الاوراق شكثرهم

اسوم : قصدج ماكو غيرج يشوف هالاوراق

فطوم : انا ماقلت جذي

اسوم : موشرط تقولين الكلام واضح

فطوم المسكينه ضاعت بين هالثنتين وموقد لسانهم

فأحسن حل تسكت ، والمشكله يفسرون سكوتها حقران لهم

امل : ترى عيب عليج تحقرين

فطوم : ماحقرت

اسوم : احنا مويهال عندج ، والا تبين تطلعين بالصوره الحلوه جدام الاداره

فطوم : الله يهداكم بس

امل : الله يهدانا ، شنو مينن جدامج

اسوم : مادري عنها

امل : مروا على اللي يبون يصعدون على ظهور غيرهم ، نظام بس احنا اللي نشتغل

فطوم : الحين شسالفه

اسوم : البراءه على فكره مو لايق

امل ل اسوم : اقول امشي ناخذ قهوتنا ونشربها عند قسم ثاني ابرك

اسوم : يكون احسن

فطوم سرحانه وصارت تنسخ اكثر من الحد المطلوب
كانت تفكر شفيهم هالناس
ليش يبدون دايما الشر وسوء الظن !


لطيفه : السلااااااام عليكم

فطوم وواضح عليها الزعل : وعليكم السلام

لطيفه تطالعها واهى تقط عبايتها : فطوم شفيج ؟

فطوم : سلامتج ماكو شى

لطيفه : ممم اكيد ماكو شى

فطوم تهز راسها : اى اكيد

لطيفه شكت بالوضع : عيل وين ريا وسكينه ؟

فطوم منصدمه : منو ريا وسكينه ؟

لطيفه : امل واسماء ياقلبي

فطوم : لووووول مادري

لطيفه : فطومه

فطوم : هلا

لطيفه : شفيج ، اليوم موعاجبتني

فطوم وزايده التأتأه ولاحظت لطيفه هالشى

فطوم : امس مانمت زين

لطيفه : اذا احد قط عليج كلمه غلط قوليلي ، ولو اني عارفتهم

فطوم : مابي المديره تقول توها متوظفه وسوت لها مشاكل
بيطلع العيب مني

لطيفه : بيطلع من اسماء وامل

فطوم : الظاهر منقرصه منهم

لطيفه : مومره قولي مرااات انقرصت

فطوم : وشنو كنتي تسوين

لطيفه : اذا اهما فيهم لعانه ، انا ماني قليلة شر
فطوم تبتسم : شسويتي يعني !!

لطيفه : ياقلبي اهني بالمدرسه الكل يحش بالثاني واللي تحشين معاها ، اول ماتقومين منها حشت فيج

الخبث اهني والعجاف مليان

فطوم : بس انا مااحب العجاف

لطيفه : انا صج ماعرفتج الا من شهرين ، بس عرفت قلبج

فطوم : يقولون تبين تخربين علينا

لطيفه : لانه الحسد ماليهم
مايبون يشتغلون ولاغيرهم يشتغلون
حتى لايطلعون عند الاداره مقصرين ، فهمتي


فوز تتهاوش مع قلمها موراضي يكتب

وغصب تبيه يكتب

امون : خلاااااااااص حرام عليج ، القلم قرب يبجي

فوز : انا وقلمي ننياز

عواش : شاللي قطني مع العاهات

امون : رجاءا عواش ، فوز تمر بأزمه

عواش : الحمام موجود

فوز : ووويعه ، الازمه اللي انا فيها مالها شغل بالحمام

عواش : اهاا عيل لها شغل بشنوو

فوز : يعني لوقتلج راح تفهميني

عواش بطنازه : اكييييد

امون تشرب العصير وعيونها طايره متابعه الحوار

فوز : اليوم بعد المحاضره

عواش واهى تمد الكلمه : ااااااااااى

فوز : شوفي عواش انا من صجي موتطنزين

عواش : ماتطنزت

فوز : عيل سمعي ، انا من الصبح اضحك مع الدكتور بالمحاضره واتغشمر مووووو

عواش : مووووو

فوز : جان يقولي تعالي مكتبي ، ليش قال جذي ؟

عواش : لانج خفيفه

امون تطق بيدها عالطاوله غشت ضحك : كااااااااك قويه قويه

فوز : ويعه اى شى خفيفه

عواش : الناس عليهم بالظاهر ، شدراه انج تتغشمرين

فوز : يعني يبي يسوي شى موزين معاى بمكتبه

عواش : اى شى طبعا لا ، بس بيطيح الميانه اكثر

فوز : شرايج اروح ابط راسه

عواش : انا اقول لو تنجمعين بكل المحاضرات احسن

امون : اى والله احسن

***
الساعه 8 الليل

ام فواز : انشالله مايصير الا كل خير ، مع السلامه

فواز : جنه موضوع زواج !!

ام فواز : هذي خالتك ام محمد تبي فطوم حق ولدها

فواز : وام محمد شنو تبيع

ام فواز : استح شنو شتبيع ، هذي اهلها جيران اهلي قبل بالسالميه

فواز : يعني سنة الف وحطبه

ام فواز : يلا عاد اعقل

فواز : وفطوم موافقه !!

ام فواز : لاحول الله توني مسكرته من الحرمه ، متى قلت ل فطوم !!

فواز : اى صح ، الغباء هالحزه موزين

ام فواز : هالحزه بس !!!

***

ام فواز : هلايمه ماخلصتوا من الجمعيه ؟

فطوم : شووى ونرد انشالله

فطوم حق فجور وفوز : يلا خلصوناااا

فوز : ويت احس ناسيه شى

فطوم : انتي مومسجله اغراضج

فوز : امبلاا ، بس احس ناسيه شى

فجور : انا خلصت

وبعد ماطلعوا من الجمعيه

فوز : بليز يمه احنا براا طلعي الخدامه تشيل الاغراض

ام فواز : الحين تطلع لكم



فطوم ويهه قمري ، طولها زين 156 ، وزنها 58

شعرها اسود ناعم حيل ، لحد جتوفها

بشرتها حنطاويه وناعمه

فيها شبه كبير من الممثله لمياء طارق


فوز نفس الويهه القمري طولها 161 ، وزنها 63
شعرها لجتوفها اشقر بخصل ثلجيه
حنطاويه

فجور بشرتها افتح ونفس الويهه القمري

شعرها اسود قصير حيل وبالغصب الشباصه تمسكه
وزنها 50 طولها 152

قريبه بالطول من فطوم


فواز شكله اكبر من عمره ، طوله 169 وزنه 65

تعطيه بالعمر 20 واهو 16

مثل بشرة فجور فاتحه حيل


بعد مارجعوا من الجمعيه وتيمعوا بالصاله

ام فواز كانت مستحيه تفتح موضوع الخطبه

بس البركه في فواز اللي فتح الموضوع بس بدفاشه

فواز : ناس يااايين يخطبون

فوز انقزت : انشالله انااااا

ام فواز : ياربي هالبنيه فصخت الحيا كلش

فجور باحباط : فاضحتني فاضحتني

فوز :يمه رجاء اا من الحين شرطي مزيون ، تقوليلي حليو مملوح يقلب ويهه

ام فواز : يعني شنو يشتغل شنهي اخلاقه ودراسته مومهم عندج !!

فوز واهى تحط ريل على ريل : زينه يغطي على كل هذا يااااايمه

فواز يدور على شى يكفخها فيه : جـــــب

فجور : وايد عليك تعبت عمرك

فوز : ماعليج منهم ، قولي التفاصيل

فواز : ياملقوفه الخطبه حق فطوم

فطوم انصدمت ماتوقعت الموضوع كلش

فوز تشققت من الوناسه : ومنو ولده ؟؟

ام فواز : كانوا جيران اهلي قبل

فوز : يمه من زين اهلج عاد ، الولد شنو اعرابه من الحياه

ام فواز : ووويعه
الحين صاحبه الموضوع مابطلت حلجها
انتي ليش ملقوفه

فجور : اللهم لاتحاسبنا بما فعل السفهاء منا يارب العالمين

فوز : سمعتج

فطوم : بس يمه انا مابي اتزوج الحين

ام فواز : ليش يايمه ، الحمدالله موناقصج شى وتوظفتي ، مابقى غير الزواج

فوز : اذا ماتبيه انا موجوده !!!

فواز ليلحين يدور على شى يكفخها فيييييه

فجور : وانته ليلحين تدوررر !!!


بعد العشاء
وبعد ماصار وقت النوم
الكل راح لغرفته ينام

فوز تطق الباب على غرفة فطوم

فطوم : الباب مفتوح

فوز دشت الغرفه وقعدت يم فطوم
تبي تفتح معاها موضوع الخطبه

خذت فوز الكوشيه ولمتها على صدرهاا

فوز : شرايج بالموضوع

فطوم منسده بظهرها على فراشها : مابي الحين

فوز : ليش ؟؟

فطوم : موضوع الخطبه صار فجأه ، شى كلش ماتوقعته

فوز : ماصار فجأه ، هالشى كان مفروض تتوقعينه في أى لحظه

واحنا ماقلنا تزوجيه الحين وروحي معاه
ليلحين بنسأل عنه ، وبتقعدين معاه

فطوم حست برعشه بجسمها مثل رعشة البررررد



اليوم الثاني الساعه 4 العصر

ام فواز : اليوم الناس راح ايون بيشوفونج

فطوم بخوف : ماسألنا عنهم ليش ايون

ام فواز : يايمه ادري بس الحين بيقعدون معانا مراح يصير شى
يايمه انا اعرفهم خوش ناس ، بس الولد ماعرفه بسأل عنه

فطوم : امس اتصلوا واليوم يايين

ام فواز : لانهم سائلين من قبل

**
ام فواز ل فوز : هالله هالله بالتكانه والثقل عند الحريم

فوز بغرور : انتي انتي اخترتي الانسانه المناسبه لهذي المواضيع

ام فواز : موبكيفي اخترتج ، حدتني الدنيا عليج

فوز : يمه عفيه سأليهم ماعندهم ولد مزيون زايد مايبونه يعطونه حقي

ام فواز : ككاو اهو يعطونج حقج ، ماقول غير الله يعدي هالزياره على خير

فوز : لاتحاتين ياام فواز


فواز : يمه انا بقعد بالديوانيه عشان الريال

ام فواز : فديت ريال البيت

فجور : لاتنفخينه وايد لاينفجر علينا

فواز طالع زقرت بالغتره والعقال


الساعه 7 المغرب

الضيوف وصلوا ام المعرس محمد واخته الكبيره نوره كبيره بالعمر وماتزوجت عمرها 39 سنه

ومحمد قاعد مع فواز بالديوانيه

استقبلتهم ام فواز ، وباشرت بضيافتهم فوز

بلشوا بسوالف عاديه ، بعدها افتحوا موضوع الخطبه

ام فواز : والنعم فيكم بس لازم نسأل عن الولد

ام محمد : من حقكم ، الولد اسمه محمد وعمره 28 سنه
وكيل نيابه ، ومصلي ، راتبه زين ، وشقته جاهزه
بس لو تحب تعيش بروحها ماعنده مانع

ام فواز : انشالله هالامور بنتكلم فيها لوصار نصيب

نوره : انشالله نصيبه عندكم ، وين فاطمه تقعد معانا ، وتشوف محمد ويشوفها

ام فواز ل فوز : نادي اختج

فوز واهي تمشي جدامهم كانت قمه بالنعومه والرقه والانوثه
بس اول مااختفت عن عيونهم
رفعت تنورتها وراحت هروله لغرفة خواتها
حتى كانت بدش بالطووفه لولا لطف رب العالمين


فوز : يلا يلا الناس تحت يبونج

فطوم ارتبكت : فشله استعرض لهم

فجور : انتم السابقون ونحن اللاحقون

فوز : احلى شى اصلا بسوالف الخطبه الاستعراض

وبعد محاولات نزلت فطوم ومعاها وصيفتها فوز

ونوره استأذنت ام فواز تدق على محمد عشان يدخل

محمد كان شكله مقبول ، له عوارض ومعضل ، اسمر
من اول نظره اعجبته حيييل

ولاحظ التأتأه وحس انه موبسبب الارتباك
وانها موجوده فيها
بس مااهتم لانها وايد اعجبته
وماشاف انها عيب

فطوم بس طالعت محمد نظره وحده ، وطول الوقت منزله عينها

بعدها قام محمد وفواز للديوانيه

نوره : انشالله متى تردون لنا خبر

ام فواز : عن قريب انشالله

فطوم حست بفرحه بس كانت من الزواج بكبره والحياه اللي راح تتغير عليها

ام فواز طلبت من خوال فطوم يسألون عن الولد
ولما صار الموضوع رسمي بلغت عمها بوسالم وسالم العود


بيوم الملجه

كان متواجد خال فطوم الكبير وعمها بوسالم

وتمت الملجه

سالم العود وام سالم كانوا في بيت ام فواز يباركون لهم

ولما رجعوا البيت كان بالصاله قاعد
خالد وليد وسالم

اول مادشت ام سالم وسالم العود

سالم : مبروكين

خالد ووليد مايدرون شسالفه !!

سالم العود : يبارك فيك والفال لخوانك

ام سالم : انشالله

خالد ووليد : شصاير

سالم : بنت عمكم ملجت

خالد ووليد بصوت واحد وبخوووف : اى وحده

سالم واهو صاعد لداره : فاطمه

وليد خذى انفاسه وبصوت واطي : اشواااا

لكن خالد ماقدر يتنفس
ونزلت من عينه دمعه والغريب محد انتبه

كان واقف مثل الصنم واكثر

ام سالم ماحست فيه وراحت تبدل ملابسها

ووليد صعد لداره واهو يغني

وسالم العود يكلم خالد بس خالد ماكان يسمعه

سالم العود يتحلطم : ماوراكم فايده وراح يصلي

لهدرجه هذي كان يبيها
بجى عشانها

كان محتاج يصرخ وخايف احد يسمعه

وضاعت من يدينه لانه كان خايف يعترف

رف راسه للسما وقال :

الخوف ضيعها مني



في دوام فطوم

الكل صار يبارك لها

لطيفه : الف مبروك ، وانشالله يستاهلج

فطوم : تسلمين

اسماء وامل كانوا منقهرين ، بس باركوا لها

**

امل : عليها حظ ، توها متوظفه وعلى طول ملجت

اسماء : ووكيل نيابه بعد

امل : حظوظ ، ورافعه خشمها

اسماء : على شنو ، من زينها ، والا من فصاحة لسانها

امل : سكتي بس ، والله قاهرتني

اسماء : الحين محد يحاجيها

***

للاسف اغلب الناس يشوفون الناس بعين بطبعهم

ولو محد يتدخل بشؤون غيره جان الكل ارتاح

ومثل ماقال المثل

" من راقب الناس مات هما "

مرت على ملجة فطوم 3 شهور

وفطوم لاحظت انه محمد دايما يتصل عليها الفير
يدق دقه ويسكره
ولما ترجع تتصل عليه يقول بالغلط داق

ومرات يدق واذا شالته يعصب ليش مونايمه

ماتدري انه داق يجيك ، اذا فونها بزي الفير والا لا

ولما تطلع معاه يتعشون ، تلاحظ اغلب القعده استجواب

كلش ماارتاحت من اسلوبه


شوى شوى تلاشت فرحة فطوم في محمد

وصارت تعيش خوف انه بيكون جذي بعد الزواج

محمد : اليوم حجزت الصاله تاريخ 25/8

فطووم : اليااااى !!!

محمد : اى الزواج 25/8

فطوم : يعني بعد 5 شهور ، انا ماسويت شى ليلحين

محمد : 5 شهور ماتكفيج

فطوم : المفروض تاخذ رايي ، ماني مستعده

محمد : مومستعده حق شنو بالضبط !!

فطوم انقهرت من طريقته : من كل شى

محمد : الصالون تقدرين تحجزينه بيوم واحد

ونفنوفج الابيض اعتقد بشهر واحد تقدرين تخلصينه
وملابسج ومكياجج باسبوع واحد تشترينهم

يعني بقى عندج 4 شهور فاضيه !!

فطوم : مومستعده للزواج الحين

محمد : اهاا جذي السالفه

فطوم : محمد شفيك !!

محمد : انتي تبين تقضينها طلعات معاى ، وبالليل يتسكر عليج بيت اهلج

بس لاصارت الصجيه وصرنا زوج وزوجه ويتسكر علينا باب واحد ماتبين

فطوم : شنو يعني !!

محمد : يعني انتي ماتبين مسؤوليه

فطوم : انت دايما تفسر كلامي غلط

محمد يتطنز على تأتأة فطوم ويقلدها

حركته جرحتها حيييييييييل ونزلت دموعها


ام فواز تدري انه بنتها مومرتاحه مع زوجها

كان شكاك وعصبي

وتلاحظ مرات يتصل على فون فطوم

ويطلب منها تتصل من فون البيت

والحركه واضحه يبي يتأكد انها موجوده بالبيت

اصعب شى لما يكون الريال مريض بالشك

هالشى مصيبه ويتعب الحرمه حيل

***

محمد بالسياره مع فطوم

يتناقشون بأمور الزواج وتأجيله

انفعل محمد مثل المينوون وصار يتهاوش

بطريقه هستيريه وموطبيعيه مع فطوم

محمد يصارخ : اقوووولج جب ، موحرمه تمشي كلامها على

فطوم تبجي وخايفه منه : انت شفيك !!

محمد : نزلـــــــي من السيااااااره

فطوم : شنو انزل احنا بالشارع

وصار يصارخ بهستيريه نزلي

والموضوع كلش مايستاهل كل هذا
بس الاعصاب مشكله

فطوم نزلت من السياره تبجي
واتصلت على امها


في بيت ام فواز

فطوم بين فجور وفوز ، وفوز ضامتها

فواز معصب : والله مااخليه ، ينزل اختي بالشارع

ام فواز مرتفع ضغطها : شلون يسوي جذي وينزل زوجته جدام الناس

فواز محروق دمه ، يبي يطلع يتهاوش معاه

امه ترجته مايروح : مانبي مشاكل ياولدي

وحق اختك بناخذه


ام محمد : هذا ابليس ودش بينهم ، والواحد يعصب

ام فواز : ابليس مادش الا في ولدج

ومعصب على شنو ، وحتى لو معصب ماينزل عرضه للشارع
اللي جذي مو أمين على بنتي

ام محمد : ياام فواز تعوذي من ابليس

ام فواز : لسان بنتي موطويل وجذي سوى فيها
باجر لوتبطل حلجها موبعيده يذبحهاا


فطوم كانت واقفه تسمع ، وبعد ماسكرت امها الفون
نادت فطوم لحضنها

ام فواز : لايهمج ، الدنيا موواقفه عليه

ورزقج موعنده انشالله

فطوم لمت امها حييييل وبجت

مابجت عشانه لكنها بجت عشان كرامتها

كانت كبيره بحقها نزلتها للشارع

من غير ذنب


مرات الاشياء اللي موزينه تصيب الاشخاص
الطيبين

" المؤمن دائما مبتلي "

**
بمسح دموعي واذكر الله واصلي

والله مابه شخص يسوى دموعي

واللي نكرني وراح خله يولي

ماطاح من قلبي اخف لضلوعي

***

بعد ملجة دامت 6 شهور تم الطلاق

وضع انها صارت مطلقه حطمها بس من الداخل ، خاصه بمجتمع مايرحم .

لكنها قدرت تمثل عدم الاهتمام جدام اهلها .

**
ورساله لكل مطلقه

لاتنكسرين ، الطلاق ماهو نهاية المطاف

واعتبريها تجربه ومانجحت

وهالشى مايقلل قيمتج

التوفيق والنصيب بيد الله سبحانه

خلي نظرتج دايما حلوه للحياه والامور

صدقيني بيدج بروحج تغيرين من طعم حياتج

سواء للاحلى او للاسوأ

دايما قولي هذا نصيبي اللي ربي كاتبه لي

ودايما طالعي اللي مشاكلهم أسوأ منج

راح ترتاحين

لاتطالعين اللي احسن منج

راح تتعبين

قولي انا اخذت نصيبي ، وفي بنات خذوا نصيبهم مره او مرتين

وفي بنات النصيب كلش ماخذوه

هذي الدنيا ماتعطينا كل شى

كل واحد فينا محروم من شى

واذا فشلتي في زواجج ، فأنتي ناجحه بأمور ثانيه

***

ام فواز لـ فوز :احاتي فطوم انها بالليل تبجي وماتنام وماندري عنها

فوز : يمه لاتحاتين ، اهى نايمه بالعسل

ام فوز : اخاف تمثل علينا !!

وكان نفس شعور فوز بس ماتكلمت حتى لاتضايق امها

وفطوم فعلا تخربطت نومتها

وكانت تبجي بفراشها

واذا احد طق عليها الباب سوت روحها نايمه

**
الاربعاء الساعه 6 الصبح

الكل قعد ماعدا فوز وفطوم ، اللي صارت مومتحمسه للدوام نفس اول

صارت الساعه 9 الصبح وليلحين فطوم تتقلب بفراشها

ام فواز تطق الباب عليها : فطوومه

فطوم : هلا يمه

ام فواز : اليوم مراح تداومين ؟؟

فطوم : امبلا راح اداوم راح اروح 9 ونص
ماخذه استأذان

ام فواز : فيج شى ؟؟

فطوم : لايمه بس تأخرت بالقعده وخذيتها
استأذان

ام فواز راحت لغرفة فوز

ام فواز : يلا قومي موتقولين محاضرتج 10

فوز : ااى

ام فواز : يلا تأخرتي

فوز : انشالله


فوز بعد ماجهزت رافعه شعرها فوق

وماسكه بيدها السويج وفونها ونظارتها الشمسيه

وراحت تطق الباب على فطوم

فطوم : دخلي

فوز : حلو يعني جاهزه ، يلا نطلع يميع

فطوم : اوك


فوز حاسه في فطوم وبنفس الوقت مستغربه منها

لانها تعودت على فطوم اللي قلبها مفتوح للكل
ليش تحس الحين قلبها مقفول وماتبي تبطله
وتتكلم

كان ورى صمت وتجاهل فطوم لموضوع طلاقها
حزن وجرح كبير
بس عرفت ترسم البسمه غصب

**
في دوام فطوم

مابقى غير شهر وتخلص الدراسه

وتكون العطله الكبيره

كانت فطوم تتمنى الايام تركض وينتهي الدوام

على كثر مازعلوا امل واسماء لملجة فطوم ، على كثر مااستانسوا لطلاقها

رغم انها مااذتهم ، بس بعض البشر غريبه 0


لطيفه لـ فطوم : اليوم يايبه معاى قهوه وحلو0

فطوم : من توظفت صرت اشرب القهوه وايد ، وانا موراعية قهوه

لطيفه : لوووول انا كنت جذي بعد

امل واسوم يطالعون بعض بنظره فيها استهزاء عليهم
وابتسامه خبيثه

امل : القهوه لنا نصيب فيها ؟؟

لطيفه مالها خلق : لج نصيب ليش مالج

امل : عبالي حق ناس وناس

لطيفه : والله يعتمد على مزاااجي 0

امل احترت لانها عرفت ترد عليها لطيفه

فطوم : عطيني اصب القهوه

لطيفه : لا ياقلبي انا بصب


لطيفه تستانس تعاند امل واسماء ، وتعمدت تصب بس حق فطوم

وحطت مطارة القهوه

امل واسماء شكلهم غلط محد عبرهم ، ماتوا من الحره
قامت اسوم وصبت لها ولـ امل

واهى عافسه ويهه مويايز لها

امل واهى تاكل من الحلو : اقوول فطوم

فطوم : هلا

امل : مارفعتي على اللي كان ريلج قضيه

لطيفه تنرفزت : وانتي شعليج

طبعا محد يدري سبب الطلاق، كل اللي يعرفونه من فطوم انهم ماتفاهموا ، ماقالت عن سوالفه

فطوم ساكت وطالع لطيفه وكملت شرب قهوتها

اسوم : شفيج كليتيها ، بنعرف بينهم قضايا والا لا

لطيفه : السؤال سخيف وماله داعي

امل : اهى حاطتج وصيه عليها

لطيفه : انتو عديمين احساس

اسوم : الحين فطوم ماتضايقت ، ليش انتي متضايقه !!

فطوم من غير ماتطالعهم : لا مارفعت قضيه

لطيفه طالعت فطوم واهى معصبه عليها ، بنظرة شكو تقولين اصلا

امل : بس خلاص ، صار شى ، كلمه ورد غطاها

اسوم بنص ابتسامه : اى والله سؤال وردت عليه

بعد ماطلعوا من الغرفه امل واسماء

لطيفه كانت حيل معصبه ، وساكته ماكلمت فطوم

فطوم : انتي ليش معصبه الحين ؟؟ ماقالوا شى غلط

لطيفه ماردت عليها وعطتها نظره

فطوم تضايقت اكثر : على العموم مشكوره على القهوه والحلو

وراحت خذت ملف وطلعت من الغرفه

لطيفه خذت نفس وقالت : استغفرالله

حيل كسر قلبها منظر فطوم ، حست انه

هالبنت مراح تعيش مع هالناس لوظلت جذي


لطيفه تتصل على فطوم : وينج ؟؟

فطوم : بالسكرتاريه

لطيفه : مطوله

فطوم : لا ليش ؟؟

لطيفه : تعالي ابيج

دشت فطوم ولطيفه قاعده بالمكتب تبتسم لها
بس فطوم مابتسمت

لطيفه : انا اسفه ، وانتي قهرتيني

فطوم ساكته وطالعها

لطيفه : انتي مثل اختي الصغيره، ومابيج تكونين طماشه لحد

فطوم ليلحين ساكته

لطيفه : تكلمي ليش ساكته ؟؟

فطوم : شقول ؟؟

لطيفه : جذي تزعليني من نفسي اني ضايقتج

فطوم : موزعلانه ، ولاتزعلين من نفسج عشاني

لطيفه : امبلا بزعل ، انتي غاليه على

فطوم : مشكوره

لطيفه : امل واسماء يبون يضايقونج ، لاتاخذين وتعطين معاهم

فطوم : اوك

لطيفه حست بالذنب : فطوم

فطوم : هلا

لطيفه : خلاص ولاشى

فطوم وبالعه العبره : اوك


امل واسوم قاعدين مع شلتهم

شلة الحش

وكلوا في لحم فطوم ، فطوم الغافله

طلعوا عنها سوالف ، واظلموها انه الريال اكيد شايف عليها شى

بنفس الوقت اللي كانوا ياكلون بلحمها

كانت فطوم تدعي ربها يساعدها وتستغفر

شلون عينهم بعد الظلم تقدر تغفي وتنام

" لاتظلمن اذا ماكنت مقتدرا

فالظلم ترجع عقباه الى الندم

تنام عينك والمظلوم منتبه

يدعو عليك وعين الله لم تنم "

***

في بيت سالم العود

شيخه تكلم اخوها عادل بالفون : بتغدى عند اهلي اليوم ، بتكون موجود

عادل : انشالله

شيخه شالت فطوم من بالها من بعد طلاقها

رغم انها تدري انها خوش بنت

بس النصيب حكم

***

خالد معاه لوحاته ورايح يوديهم لمعرض الفنون التشكيليه لانه مشارك معاهم

كل لوحاته حازت على اعجاب رواد المعرض ، كانت قمة بالجمال

وحتى احد الاساتذه قال لــ : انت عاشق ؟؟

خالد ابتسم : تقريبا

وتفاجئ الاستاذ انه خالد موطالب في كلية الفنون التشكيليه

وانه مجرد مشارك من برا

استاذ الفن التشكيلي : وين تدرس ؟

خالد : كلية الاداب

الاستاذ : وشنو تخصصك ؟

خالد : الاعلام

الاستاذ : وموهوب بالرسم جذي

خالد انحرج : انشالله اكون موهوب

الاستاذ : وليش مادخلت معهد الفنون التشكيليه ؟؟

خالد : بسبب الاهل

الاستاذ : الصراحه رسوماتك تدل على دراسه ماشالله

خالد : الحمدالله وهذي شهاده اعتز فيها

تمنى خالد لو فطوم تيي تشوف مشاركته واعماله
وكان يبي هالشى حييييييييل

***

الساعه 3 الظهر

توه راجع خالد من المعرض ومهدود حيله من الوقفه

نام بفراشه ومابدل ثيابه من التعب

في عز نومه رن الفون

خالد مغمض عيونه وتعبان : الووووو

فطوم : الوو خالد

خالد : منوو ؟

فطوم : انا فطوم

خالد نقز من فراشه : انتي وينج ليش تأخرلتي على ؟؟

فطوم : ماتأخرت

خالد : كنت ابيج معاى اليوم بالمعرض

فطوم : كنت موجوده

خالد : وووين ماشفتج

فطوم : حبيت اشوفك من بعيد

خالد : لهدرجه هذي تحبيني ؟؟

فطوم : واموووت فيك

خالد : قوليها مره ثانيه بسمعهاااا

فطوم : اموووت فيك

خالد : مره ثانيه بعد


طاااااااخ طاااااخ طاااااخ بســـــك نــــوم

خالد قعد من النوم مخترع


سالم العود كان يطق الباب على خالد : لاغدى لاعشا لاصلاه

خالد ضاق خلقه : اثاري كان حلم

سالم العود : قوم الساعه 10 بالليل

خالد : انشالله يايدي

وصار يعاتب يده بينه وبين نفسه الله يسامحك قعدتني من احلى حلم

نزل خالد للصاله بعد ماتسبح وصلى

خالد : شلونك يدي

سالم العو : الحمدالله ، كل هذا نوم

خالد : كنت تعبان

سالم العود : عسى ماشر

خالد : اليوم معرضي اللي نسيته

سالم العود : اوووه سامحني ياولدي

خالد : اصلا محد مهتم برسوماتي وتعتبرونها شخبطه

سالم العود : انت عارف رايي انها فن وموشخبطه

خالد : ادري

سالم العود : انشالله اعجبتهم

خالد : وايد ، وفي استاذ مدح رسوماتي ساعه كامله

سالم العود : انت تستاهل كل خير

**
خالد واهو يتعشى مع يده يبي يفتح موضوع

بيت عمه بس موعارف شلون

خالد : خالتي ام فواز من زمان مامرت علينا

سالم العود : تدق كل يومين تسلم على

خالد : ممم ، بس بالعاده تمر

سالم العود استغرب من خالد : وانت ليش تحاتي ؟؟

خالد توهق : لا ، حبيت اتطمن عنهم ، بعد طلاق فطوم

سالم العود تضايق : هالبنت هذي مالها حظ وماتستاهل

خالد يبيها من الله يتكلم عن فطوم : ادري ماتستاهل

سالم العود : اللي مايخاف ربي ومايستحي منزلها بالشارع

خالد انقهر : لاتذكرني بالسالفه

سالم العود : الحين اللي مايخافون ربهم بيطلعون كلام غلط على هالمسكينه

خالد بعصبيه : اقص لسان وراس من يتكلم عليها بحرف

سالم العود يطالع خالد : لانها بس بنت عمك بتسوي جذي !!!

خالد تخسبق : اااى

سالم العود : ممم ، كفوو والله

خالد بلع اللقمه غصب حس بينكشف


الساعه 11 الليل

شيخه توها راجعه من اهلها ومعاها ولدها الصغير وبنتها

ام سالم : الحمدالله على السلامه

شيخه تتحلطم : بلشنا

ام سالم : ماتقولين بالبيت خالتي موجوده استأذن منها واعطيها خبر اني طالعه

بدال لااعمل حسابج وحساب عيالج وخدامتج على الغدى

شيخه : انشالله المره اليايه

ام سالم : الشرهه مو عليج

شيخه التفت على خالتها ومتصنعه الابتسامه : تبين شى قبل اصعد داري ؟؟

ام سالم صدت عنها تطالع التلفزيون

***

بنفس الحزه

في بيت ام فواز

فطوم تمثل وتسولف سوالف تضحك

نظام شوفوني اضحك وماني مهتمه

بس ماتدري انه التأتأه لما تزيد عندها

الكل في البيت يدري انها متضايقه

فجور متسنده على القنفه وماده ريولها للطاوله ، وتطالع فوز بنظره تراها متضايقه

فوز بادلت فجور نفس النظره

الكل كان مستمع لها وفوز منزله راسها وملتفته على فطوم

وتجاملها فجور وفوز بالضحك

قامت فوز وقعدت يم فطوم وقالت لها : دني شوووى ، شلون مااقعد يعني

فجور تطالع فطوم وبداخلها تتمنى لوبيدها ترجع الزمن وتشطب محمد من حياة فطوم

فوز حطت ايدها ورى ظهر فطوم وقربتها منها.

فطوم تطالع فوز بنظره شنووو !!

فوز بحنيه : كملي السالفه

فجور نزلت عينها وسرحت حست

بعجز ناحية اطيب انسانه

لا فوز ولا فجور كانوا منتبهين للسالفه اصلا

كثر ماضايقتهم التأتأه اللي زايده

فوز تتأمل فطوم واهى تسولف وبداخلها تقول

قولي الصج كافي تمثيل

***

فواز نايم بالصاله

وياليت بس نايم كان يشاخر وبقوووه

فوز مرت صوبه وتطنز: شفطني شفطني

فجور فطوم : لوووووول

ام فواز : باجر دوام ، المفروض نايمين من زمان

فطوم : انشالله يمه كلنا بنقوم

فوز : الله يخليكم هالمخلوق لحد يصعده داره

ام فواز : واخلي ولدي من غير لحاف

فوز : يمه لوصعد داره مراح اقدر انام من شخيره

ام فواز : شالعياره

فجور : يمه وبعدين منو بيشيله ماشالله

فوز : انا يالله اشيل عمري

فطوم : شالذكاء نقعده

فجور : اذا بايعه عمرج حاولي تقعدينه

فطوم : ليش ؟؟

فجور : اقول والا اخلي فوز تقول

فوز : انا بقول ، بتحصلين ذيج الرفسه ،

اللي فيها بترجعين اكل اسبوع

فجور : انا رجعت شى ماكليته من قوة رفسته

فوز تهز راسها : صاجه اختي صاجه شوف عيني

ام فواز : اذا احد بيرفسكم الحين انا ، يلا عاد تعيبون على اخوكم

فطوم : لووووول هونت مراح اشيله

فوز : خلوا هالعيوز تبتلش في ولدها

فجور : لوووووووول

فطوم : لووووول

ام فواز : نشوفج باجر مع عيالج

فوز : وحياتج فناقر بعطيهم

ام فواز : يلاااااا نامووووووا


11 الصبح بالجامعه

كلية الاداب

فوز وشلتها نفس التخصص " تاريخ "

ومرات تصادف عيال عمها اللي اثنيناتهم نفس

الكليه بس تخصص " اعلام "

فوز : ودي سكيب على المحاضرات

عواش : شالطاري

فوز : فصله

عواش : حتى انا مالي مزاج ، بس ننطر امون

فوز : من الحين بتقول وياكم

عواش : بتاخذين صيفي

فوز : اخاف صج ، وانتي

عواش : اذا ماسافرنا باخذ

فوز : يامعوده نامي

عواش : بالعكس استانس ، نسيتي اني احب قعدت الصبح

فوز : لا مانسيت

عواش : ممم فوز ، في شى مكدرج ؟؟

فوز تطنز :ماشفت اليوم أى مزيون

عواش : لا الصج ، شفيج !!

فوز : اختي فطوم ، معوره قلبي

عواش : ممم عشان تطلقت ، عادي اهى مو اول وحده تتطلق ، وموعيب

فوز : ادري ، بس اللي مضايقني انها تحرق بروحها وتخش

عواش : دام نوعها كتومه ...

فوز قاطعتها : المشكله عمرها ماكانت كتومه

عواش : ماعليه يافوز ، دام ماتبي تتكلم انتي

قعدي وحاولي معاها ، لاتنطرون منها تتكلم

فوز : معاج حق


امون وصلت

عواش : اليوم بنسحب على المحاضرات .

امون : احلى شى سويتووه

فوز : قتلج رفيجتي تموت على السكبات

امون : نروح البدع

عواش وفوز : نروح


شلة فوز رايحين للسياره

شافت فوز ولد عمها وليد ومعاه بنت

حست انها تضايقت واستغربت شكو اتضايق

ركبت السياره وعينها عليهم

على طول طردت الفكره من بالها وانشغلت

مع رفيجاتها

***
لما مرت السياره صوب وليد ، انتبه عليها

هذي سيارة فوز ، ورفيجته تحاجيه وحاقرها

لايكون شافتني !!!

****
خالد معاه دفتر محاضراته ومره يكتب اسم

فطوم بالعربي ومره بالانجليزي

كان فنان حتى بالخط ، وفطوم محتاجه

لانسان مثله رومانسي وفنان


حمد : راح تموت لو ماقلت لاهلك

خالد : الموضوع الحين صار اصعب ، قبل قلت بيقولون اكبر منك بسنه ، بس في امل

بس الحين تطلقت

حمد : والطلاق موعار ، مااتفقوا وصار الانفصال

خالد : قول هالحجي ل امي

حمد : اعتقد هالموضوع يخصك ، موكافي

مادشيت المعهد اللي تبيه عشان اهلك

الحين مستعد تخسر الانسانه اللي تبيها

خالد : اااخ ياحمد احترت بعمري

حمد : راح تحتار اكثر لما تضيع من يدينك مره ثانيه

خالد : تضيع من يديني مره ثانيه !!!!!

حمد : اى

خالد : لا مراح اسمح لهذا الشى يصير ويتكرر

***

في بيت سالم العود

الساعه 3 العصر

خالد توه داش وناوي يبطها

ام سالم : تبي

خالد اخترع : لا مابي شى

ام سالم : شفيك اسم الله عليك

خالد : هاااا لا لا ماكو شى

ام سالم : فيك شى

خالد : لا لا بروح انام

***


دخل خالد لغرفته

حذف كتبه على الفراش

وقال جبان وراح اظل طول عمري جبان

قط نفسه على الفراش

وصار يسمع اغنية راشد الماجد

" ياحبي افهم "

ياحبي افهم انك بخافقي شي
وان العيون اللي تحبك سهارى

ياضي عين اللي يحبك وياضي
كل الدروب اللي بعيني حيارى

انت الذي مايشبهك بالملا حي
مالوم من سمّاك سيد العذارى

يابو عيونٍ كل ماناظرت في
اتوه وسط الناعسات السكارى

لاشفت وجهك قلت ياحي وياحي
وجهٍ كساه النور مثل النهارى

انت الحبيب اللي رويت الحشا ري
تروى بك عروقٍ لحبك تبارى

في غيبتك ارسمك لامن طرى لي
جمالك اللي يستحق افتخارا

مدري متى برتاح ياوردة الحي
واشوف همي بعد شوفك توارى

يمكن ليا شفتك نزح همي شوي
ويمكن ليا شفتك جروحي تدارى

والا انت تدري انك النور والفي
وانك يمين ودرب غيرك يسارى

واكبر دليل ان قلت في خافقي شي
ان العيون اللي تحبك سهارى



في نفس الحزه 3 العصر

فطوم توها طالعه من الحمام

والفوطه على راسها

راحت للمنظره ، تتأمل نفسها

كانت مشغوله وتفكر بشى ، مدت اطراف

اصابعها على شفايفها تلمسهم ، غمضت

عيونها ثواني ورجعت تبطلهم

ورجعت مدت اطراف اصابعها من يديد

لـــ شفايفها تلمسهم

وحاولت تتكلم بطريقه مافيها احراج لها

نفس لما كانت تتكلم قبل خمس سنين

حاولت وحاولت وحاولت

بس ماقدرت ماعرفت

هالمره لما غمضت عينها دمعت

مرت جدامها كل الوجوه اللي ضحكت على طريقة كلامها

مر عليها محمد واهو باستهزاء يقلدها

ضغطت بيدها حيل وضمتها لصدرها

لو المنظره تحس جان دمعت معاها .

فوز كانت تطق الباب عليها ، التفت فطوم للباب

ورجعت للمنظره تطالع جنها ماسمعت

لما راحت فوز كل ظنها نااااااااااايمه

شالت الفوطه وصارت تمسح على شعرها

وصارت تكلم صورتها بالمنظره

ليش احس اني بديت اكرهك !!!

وماابيـــــــــــك

**
مرات تمر علينا لحظات نكره فيها انفسنا

ونكره الطيبه اللي فينا او الشر

نتمنى لوكنا غييييييير

لوكنا موجذي

****

الساعه 5 العصر

ام سالم : انت ماتستحي ماتقول هذا بيت عايله

وليد : شمسوي انا ؟؟

ام سالم : راجع امس البيت سكران ، اللي

مافي احد من اهلك شرب هالسم

على منو طالع انت .

وليد : موسكران راجع تعبان

ام سالم : وتجذب بعد ، لو درى ابوك بيذبحك ، ويدك بيروح فيها .

وليد : يووووووه ، ترى ذبحتيني حنه حنه

محد له شغل فيني ، وانا ريال اسوي اللي اسويه

ام سالم : ياللي ماتستحي وتصارخ بويهي

وليد : تبين اهد لج البيت واطلع هذا اللي تبينه

ام سالم :شفيك زود عن خوانك ليش ماطلعت

مثلهم

وليد : انا هاد لج البيت وبذلف

ام سالم : روح باللي مايحفظك ، حسبي الله ونعم الوكيل فيك

شيخه سمعت اللي صار كله وحن قلبها على خالتها

شى مو سهل الضنى يكون عاق بوالدينه

وتخيلت نفسها مكانها


بعد ساعه

نزلت شيخه تحت لـ خالتها وبيدها صحن حلو

شيخه : مايا هاتي القهووه

ام سالم كانت ساهيه وماحست بوجود شيخه

بنت شيخه الصغيره 3 سنين ركضت حق يدتها

انتبهت عليها ام سالم هلا يايمه ولمتها

عبالها نازله مع الخدامه ماتوقعت شيخه مع بنتها نازله

لانه شيخه عازله نفسها ماتنزل

ام سالم طالعت شيخه وصدت

تمنت شيخه لو تعاملها مثل بنتها ، المعامله

الحلوه والحنان تأثيره كبير على الناس

بس وين اللي يعرف له

" عامل الناس بأخلاقك لا بأخلاقهم "

شيخه قعدت يم خالتها : خالتي

ام سالم بنفسيه : هلا

شيخه : ذوقي هالحلو انا مسويته لج

ام سالم حنت : لي !!!!

شيخه استانست وماصدقت على الله : اى

وطريقته سهله مايبيلها شى

ام سالم مستغربه منها

الانسان اللي ينكسر قلبه على موقف شافه

جدامه مثل شيخه لما شافت وليد وخالتها

وماتشمتت ، فهى اكيد فيها خير وطيبه

ام سالم بعتاب : اى جذي نزلي وقعدي معاى

شيخه : انشالله ياخالتي

ام سالم : وان شفتيني اهاوشج ماعليج مني

لاتزعلين

وبجت ام سالم كانت متضايقه

باست راسها شيخه : لاتبجين ياخاله مالج الا

اللي يطيب خاطرج


***

كلش ماكان شى صعب لما تعامل الناس

باسلوب حلو ماهو عيب ترى

وماطاح منك شى



فواز يغازل بالفون وطاحت عليه فوز

جان يتوهق البطل

فوز : من صجك تغازل

فواز يبي يسد الفون: يلا مع السلامه

فوز : ليش ليش سديته ؟

فواز : شنو اغازل عيب هذا رفيجي

فوز : رفيجك وتقوله انا بعد احبج

فواز عرق : ماقلت

فوز: بالله بفهم اللي تكلمها مواليد جم

فواز نسى انه مجذب : عمرها 16 كبري

جان يستوعب انه قال لها رفيجي

فوز : لوووووول اخواني مامنكم فايده

فواز : انتي شتبين الحين ؟؟

فوز : اذا بتغازل مو اهني ، عشان لاتفتح عيوني على اشياء مااعرفها

ولاتنسى امي لوطاحت عليك عارف شنو بتسوي فيك

فواز : لا شنو بتسوي

فوز : راح تناديني عشان ادوس في بطنك

خو انا من زمان مودايسه بطن احد

فواز : شكلي عطيتج ويهه

فوز واهى تهز راسها : واااايد

فواز : قلبي ويهج

فوز : انشالله


بعد مرور شهر

في غرفة نوم شيخه

سالم منسدح بفراشه وشيخه تتعدل

تبي تنزل تحت

كانت نفسية سالم وايد مرتاحه ومستانس

للعلاقه الحلوه اللي صارت بين امه وزوجته

ولاحظت شيوخ هالشى

لاحظت انه صار يحب بالبيت اكثر

قبل كان يتهرب من البيت والحنه

شيخه : بقول حق خالتي عن حفلة الميلاد

اللي بسويها ل حمني لانه تم سنه

سالم : اوك

**

شيخه نازله من الدري

ام سالم هلا بالحبيبه ام عبدالرحمن

شيخه : هلا ب خالتي

ام سالم : اليوم دوري سويت لج حلو

شيخه : فديتج مابي الا سلامتج

ام سالم : تستاهلين انتي زوجة الغالي وانتي صرتي الحين غاليه

شيخه : تسلمين ، خاله انا بسوي حق حمني

عيد ميلاد اهني بعد اذنج

ام سالم : يايمه البيت بيتج

شيخه : الحفله بتكون الاربعاء هذا

ام سالم : اليوم اليمعه صح

شيخه : اى خالتي ، وتعرفين انتهت الدراسه

هالاسبوع

ام سالم : اى خالد ووليد عطلوا بعد من الجامعه

شيخه تتصل على ام فواز تعزمها على الميلاد

وراح يكون عادل بالحفله موجود

وبيشوف فطوم

بحضور خالد


الاربعاء

يــوم الحفله

ام فواز : الساعه 7 نكون عندهم

فوز واهى معاها اكثر من بدله : يمه احترت شلبس

ام فواز : لبسي اى شى

فوز : افا اى شى

ام فواز : وانا شعرفني

فوز : يمه عايلتنا هناك والبس اى شى

ام فواز : روحي سألي خواتج

فجور : مشكله الجكر ،انا لو البس خيشه

اهبل

فوز : لو كان في وقت جان خليت هالصاله

حلبة مصارعه

فجور : يمدي لووووول

ام فواز : فطومه

فطوم : كاني يايه

ام فواز : موتنسون هداياكم

**

فطوم بهذا اليوم طالعه ملااك نازل من السما

مرات الحزن يجمل الشخص


فطوم ماكانت تبي تروح خاصه اغلب العايله بيكونون هناك

وراح يشوفونها اول مره من بعد طلاقها

بس تحاملت على روحها وراحت

***

خالد كان فرحان ومستانس من زمان

موشايفها وحاط ايده على قلبه ماتيي

لكنها يت


وكانت الحفله خفيفه

بس ماكانت خفيفه على قلب فطوم

خذت لها زاويه وقعدت فيها طول الوقت

والحفله كان فيها اهل شيخه وعايله ام فواز
بس

فوز : موتقولين كل العايله بتيي

ام فواز : شيخه ماعزمت غير اهلها واحنا

فوز : كنت ناويه اتحرش في بنات عايلتنا شوى

ام فواز : وانتي منو بقى ماتحرشتي فيه

فوز : يمه لما اغث اللي جدامي

احس الدنيا بخير

ام فواز : انا يبت بنت هبله

فوز : اشكرج ، ماكو الا اني اتحرش ب حمني

ام فواز : حسبي الله عليج عقلي ، اختج هناك تحرشي فيها وغثيها

**

خالد واقف بعيد يبي يروح يسلم عليها

بس موقاعده تطالعه

اذا طالعتني بروح لها

سالم العود : خالد ليش بعدك واقف روح سلم عليها

خالد انصدم : على منو ؟؟

سالم العود عطى ظهره ل خالد وراح : على فطوم

خالد جنه ضربته صاعقه يعني درى

درى اني ، اني احبها

قرب اكثر لما انتبهت عليه فطوم

ابتسمت له وقامت

خالد : شلونج فاطمه

فطوم : تمام ، وانته

خالد : انا الحين زين

فطوم تعجبت من جوابه

خالد : قصدي الحمدالله

فطوم : دوم يارب

خالد ويهه صار احمر وانتبهت فطوم حييييل

تبين اييب لج شى تشربينه ؟

فطوم : مشكور انا رايحه اشرب الحين

خالد : ممم عيل اروح معاج


خوات شيخه دشوا مع عيالهم وباقي بس

عادل اللي ماحضر

دقت عليه شيخه : لا والله تقول لي حمني غالي واول عيد ميلاد له ماتيي

سكرته منه ووعدها انه بيي خلاص

فعلا عادل ماله باعياد الميلاد ومستحي

يدش على بيت بو سالم

بس عشان لاتزعل اخته


فاطمه نست وجود خالد يمها

وخالد كان بخاطره يقول لها

احبج من زمان

و باللحظه اللي كانت الكلمه بطرف السانه

التفت عليه فطوم وارتبك

و مو بس التفت عليه

على اللي توه داش

على عادل اللي اول مره تشوفه

واول ماطاحت عين عادل عليه

كانت فطوم

خالد المسكين يجمع الكلمات وايده ترتجف

وفطوم راح بالها مع ها ل عادل

ونفس الشى كان عادل

وخالد موعارف من وين يبدي

وكان اليد سالم

من بعيد منتبه عليه

فطوم : بعد اذنك خالد

خالد : هااا وين

فطوم : برجع مكاني


خالد خذى العصير وشربه كله

من كثر مانشف ريجه

وكانت نظرته تكسر القلب

كأنه يعاتبها ليش تروحين عني !!!

عادل : كل عام وحمني بخير

شيوخ : وانته بخير ، عارف لو ماييت شسويت فيك

عادل : لووووول ، ممم شيوخ منو هذيج البنت ؟؟

شيوخ : هذي اللي كنت ابيها حقك ، فطوم

بنت ام فواز

عادل : اى تذكرت انج قلتي لي عنها

شيوخ : بس تطلقت

عادل : متى تزوجت ؟؟

شيوخ : ملجه كانت بس

عادل : والعيب من منو

شيوخ : منه ، العيب ماكو منها

عادل : ممممم

شيوخ : شفيك !!

عادل : هاا ، سلامتج

**
مايدري عادل انه هال فطوم بتكون عن قريب زوجته ونصيبه

ولااهى كانت تدري انها راح تتزوج

هالـ عادل اللي لفت انتباهه من اول مره


مرت شهور العطله

وابتدى العام الدراسي

***
وليد قاعد مع ابوه : انا ابي بنت عمي فوز

بوسالم : والله مومستعد ازوج واحد فاشل

ومو مسؤول لـ بنت اخوى

وليد : انا ولدك يايبه

بوسالم : وهذي بنت اخوى ، ولو كان عندي

بنت مارضيت ازوجها لواحد نفسك

وليد : انا موقاصرني شى

بوسالم : اصرف على نفسك بالاول

والا تبيني اعطيها مصروف معاك

وليد : راح اشتغل وادرس شالمشكله

بوسالم : ماني موافق ، انتهى الموضوع

**
وليد ماله الا امه اللي رايها اهو اللي يمشي

وفعلا قرارها اللي مشى

خاصه انها شايفه ان الزواج راح يعقله

بعد ماعرف اليد سالم بالسالفه ماوافق

وتهاوش مع وليد وام سالم

ام سالم : كل الرياييل بعد الزواج يعقلون

سالم العود : مومستعد اجرب في حفيدتي

اذا وليد يعقل والا لا .

وليد : يدي ماتوقعتك تكرهني ، البنت ابيها

سالم العود : انا مااكرهك ، بس اكره اخلاقك

وليد : والله يايدي اني تغيرت والله

سالم العود : اقولها بويهك انا ببري ذمتي

جدام ام فواز وفوز وبقولهم عنك كل شى

وليد : يدي

سالم العود : خلاص قتلك

***

في بيت ام فواز

ام فواز : انا موموافقه

فواز : يخسي يتزوجها ، لو خالد موافق بالعشره

فوز : اعتقد ماسألتوني عن رايي

ام فواز : وانتي لج راي غير راينا

على كل اللي سمعتيه من يدج عنه

فوز : بس انا موافقه

فطوم : انتي من صجج الولد خربان

فوز : اسنعه

ام فواز : ماسنعه ابوه تسنعينه انتي

***

وايد بنات مثل فوز

يغترون اما بالمظهر او المنصب

والاخلاق عندهم شى سهل يغيرونه

مايدرون انه هذا انسان طول العمر بيعيش

معاج ، مو يوم ويومين

والطبع والاخلاق مو بريموت نضغط وتتبدل

للاحســــــن

شنو ابي اذا الويهه جميل والقلب

من داخل قبيح واسود

شنو بينفعني زينه ، اذا لسانه

متبري منه ويجرحني فيه

وشنو يهمني فيه منصبه ، اذا بخيل

ويعاملني اسوأ معامله

واذا مزيون ومنصب ومايخاف ربه شنو استفدتي

واللي مايخاف ربه خاف منه

مومعنى مزيون ومنصب اكيد موزين

لاطبعا مااقول جذي

بس المعنى انه لاتغركم المظاهر اسألوا عن الاخلاق

وفي جياكر وعينهم قويه بعد

اتمنى فهمتوا اللي بوصله لكم

حبايبي


الساعه 1 بالليل الاحد

فطوم مانامت وباجر دوام

راحت تطق الباب على فوز

فوز كانت نايمه بس قعدت وفتحت الباب

ونص عين مبطله : فطوم شفيج ؟

فطوم لامه يدينها على صدرها وصوتها مبين

كانت تبجي : لاتتزوجينه

فوز وخرت شعرها عن عيونها

وسحبت فطوم لداخل غرفتها

فوز : شفيج حبيبتي

فطوم ماكان كلامها مفهوم وتأتأه زادت عن كل مره

فوز : حبيبتي شوى شوى ، شفيج ليش طاقه

الباب على ؟؟

فطوم قامت بتروح لغرفتها

فوز سحبتها : وين رايحه ، قعدي اييب لج ماى

وقوليلي اللي تبينه عقب

فطوم تشرب الماى وفوز تطالعها واهى خايفه

عليها

فطوم : اااااا نـــا مممابييج تتتزوججينه

فوز فهمت عليها : مراح اتزوجه خلاص ياقلبي

وخذتها لحضنها

بالنسبه ل فوز ممكن تستهين بكل شى

الا اختها فطوم



فوز : بتنامين عندي اليوم

فطوم : بس اااا نــا مممافيني ششى

فوز قامت : انا قلت بتنامين عندي ، ويلا باجر

دوام

نامت فطوم بحضن فوز اللي خذتها لصدرها

واللي ماكانت تدري فطوم انه فوز بهذي

اللحظه عيونها دمعت

عمر فوز مااعتبرت فطوم اختها ، كانت تشوفها

بنتها اللي من غير امها ممكن تضيع

غفت عين فطوم ، لكن فوز ماقدرت

فكرت بزواجها من وليد اللي تبيه بس لانه عاجبها

وبــ فطوم اللي رافضه هالزواج ..


الساعه 9 الصبح

بهدوء قامت فوز تبدل ملابسها

فوز : صباح الخير يمه

ام فواز : صباح النور ، فطوم اليوم راحت

دوامها مامرت على

فوز : فطوم ماراحت بغرفتي نايمه

ام فواز مخترعه : ليش شفيهااا ؟؟؟

فوز : كانت سهرانه عندي ونامت ، ممم يمه انا هونت عن وليد

ام فواز منصدمه : غريبه ، ليش ؟؟

فوز حاطه ايدها على خصرها : شفت انه

مليان فسق وفجور ، لو فسق بس جان

رضيت بس وياه فجور للاسف

ام فواز : الله الهادي يابنتي


ركبت سيارتها ولبست نظارتها الشمسيه

ثبت المنظره تعدل شكلها

وشخطت بالسياره

***

عادل كانوا اهله يخطبون له ، بس كان دايما

يرفض ويتحجج

ام عادل : فضحتنا بالناس ، مابقى بنت ماطقينا بابها

عادل : شسوي فيكم قتلكم مابي الزواج الحين

شيوخ : دام جذي ، ليش تخلينا نروح للناس !!

عادل : مومني منكم ، ماافكر بالزواج الا بعد 3 سنين

ام عادل : موبكيفك عاد ، تتزوج غصب

عادل : دام معزمين ، انا عاجبتني بنت عم ريلج

وداشه مزاجي ولو مابي الزواج الحين

شيوخ متفاجئه : فاطمه !!!

عادل : اى موتمدحينها انها مومن بنات هالوقت وعاقل ، وعارفه اخلاقها

ام عادل : منو فاطمه ؟؟

شيوخ : بنت ام فواز يمه

طبعا ام عادل بعد ماعرفت انها مطلقه رفضت

بس بفضل شيوخ وافقت بعد جهد جهيد

خاصه انه شيوخ شالتها من بالها كل ظنها

انه عادل مراح يوافق عليها


شيوخ فاتحت سالم بالموضوع ورحب ب عادل

بس الراى الاول والاخير ل بيت ام فواز

***

شيوخ وسالم نازلين يتغدون ، وناوين يبلغونهم

بالخبر

وكان الكل متواجد

شيوخ : انشالله اليوم بنخطب حق اخوى عادل

ام سالم : الله يوفقه ، منو بيخطب ؟

شيوخ : بنصير نسايب مره ثانيه ، بنخطب فطوم بنت ام فواز

خالد كان ياكل ووقفت اللقمه ، رفع راسه :

منو بيخطب منووووو ؟؟؟؟

شيوخ : فطوم بنت عمك

سالم العود كان يطالع خالد اللي ماستوعب

الخبر ليلحين

ام سالم : والله بعد مارفضوا ولدي ، مالي

شغل بأى خطبه تصير من طرفهم .

وليد كان ياكل ورافع حواجبه مومايز له موضوع بيت عمه من الاساس
خاصه بعد مارفضته فوز

شيوخ : اليوم بنكوون عندهم

خالد مخنوق : شتقوووولين انتي

سالم معصب : شفيك انت ؟؟

خالد ويأشر بصبعه على صدره : هذي بنت عمي محد بياخذها مني

ام سالم : من متى هالكلام ، لوتنطبق السما على الارض ماتاخذهااااا

خالد وخانته دموعه : اخذها غصبن عن الكل

الكل ساكت ومنصدم

خالد جدامهم صار مثل الياهل يبجي

كأنه كان كاتم وبلحظه انفجر



شيوخ : والحين شلوون ؟؟

ام سالم : ماعليج منه ، مراح اخطبها

سالم العود ماكان يبي يتدخل ويخرب العلاقه بين خالد وامه

لكن لما صعد يشوف خالد ، ولقاه يحوس بداره مثل المينون اللي ضايع منه شى

سالم العود : شنو تدور عليه ياولدي ؟؟

خالد يبجي : توه معاى ، توه كان بيدي

سالم العود : شنو ؟؟؟

خالد : تلفوني يايدي

سالم العود : واللي بيدك شنو ياولدي !!!!

خالد بنظره كلها انكسار : انا شفيني !!!!

سالم العود : اللي فيك حبك لها

خالد وموعه يمسحهم : احبها والله احبها

سالم العود : لاتبجي انت ريال ، ومحد بياخذها غيرك ، واليوم نروح لهم

خالد يحضن يده : مشكووووووور يايدي

**

في بيت ام فواز

ام فواز بحالة صدمه : ياعمي مادري شقول لكم انتم فاجئتوني

سالم العود : مااظن الغريب احسن من ولد عمها

ام فواز : ادري ، واحنا ماعطينا للناس خبر

خالد كان قاعد وملامحه تكسر القلب جنه يقول لاتصدموني

ام فواز استأذنت عمها تروح لــ فطوم

فطوم : خالــــد !!!!!

ام فواز : الولد يبيج من زمان ، وانا منصدمه بعد

فوز: اخذي اللي يبيج لاتاخذين اللي تبينه

فطوم : حتى عادل عادي عندي ، بس خالد ماتوقعته

ام فواز : هالمره يدكم ياي معاه

فطوم : بس خالتي موراضيه ، واهو اصغر مني ، واحنا رافضين وليد من قبل
يعني السالفه من اولها مشاكل

فوز : انا مع فطوم مبين من اولها مراح ترتاح

ام فواز : ونزعل يدكم

فطوم : يمه مابي اتطلق مره ثانيه


رجعت ام فواز لــ سالم العود وخالد

واول مادشت عليهم وقف خالد وكان شابك اصابع يدينه في بعض

ام فواز : ياعمي البنت موموافقه

سالم العود معصب : ناديها ليش ترفض !!

ام فواز فهمت عمها السالفه

خالد : ناديها لي انا اكلمها

ام فواز : يايمه كل شى قسمه ونصيب

خالد : ناديها لي انا اكلمها

سالم العود : بس ياخالد

خالد : قول لها تناديها لي

سالم العود : ماكو شى غصب ياولدي

خالد : انتو بس نادوها

ام فواز : لاتحرجني وتحرجها

خالد : عادل موزين انا سمعت عنه موزين

سالم العود : لاتجذب ياخالد وتظلم الريال

خالد : خالتي

ام فواز : هلا يمه

سالم العود : كافي لاتذل روحك


فوز : شكله يحبج صج

فطوم : ماعاد فيه حب

فوز : لاتصير نظرتج جذي

فطوم : نصيبي مومعاه ، ومابي اكرر طلاقي


خالد طلع واهو يبتسم حق يده سالم

كانت ابتسامه جذب مومن القلب

سالم العود قال بقلبه ياليتك ماابتسمت

ياخالد كسرتني

لما ركبوا السياره اصفطت جدامها سيارة عادل واهله

وتم الزواج


بيوم زواج فطوم

خالد طالع برا البيت وعينه على الساعه كل شوى

ولما انتهى العرس

قاعد يحاجي روحه الحين اهو معاها

واهى معاه

وخذى نفس طوووووويل


بنفس الحزه

عادل يقط البشت وخذى فونه وقرب من فطوم

اللي كانت روعه

وشغل لها اغنيه وقال هذا اول اهداء مني لج

وكانت تسمعها فطوم

ومستحيه

كانت الاغنيه " الله يهنيني " لـ اسيل عمران

الله يهنيك فيني
والله يهنيني فيك


ياعسى تبقى بيديني
وياعسى أبقى بيديك


إن طلبت أعطيك عيني
والله ماتغلى عليك


اللي مابيني وبينك
اغلى من الدنيا ذيك


تتذكرين أول مره نلتقي فيها؟


ايه


ولاتضحك أحلفك
في لقانا الاولي


لما جا كفي بكفك
وكانت عيونك علي


ارتبكت من زود لطفك
وقلت في نفسي اثقلي


رغم إني ما أعرفك
بس شعرت إن انت لي


وهذا احنه يا حياتي
نبتدي درب جديد


أوعدك حتى وفاتي
ما أتركك لحظه وحيد



معاك اشعر بذاتي
والرضا فيني يزيد


ما أخاف وما أحاتي
والحزن عني بعيد



=====================

مرت 5 سنين على زواجهم عاشوها بكل حب

كان عادل ونعم الزوج والحب وفطوم حبته وايد

واهو خذى بيدها وساعدها انه في مراكز

لعلاج التأتأه وفعلا مع المتابعه مع المركز

تحسنت فطوم وااااااااااايد

كانت بالنسبه له كل شى

واهى بعد

ولما وصلت الجنون في الحب

كان اهدائهااااا


حبيبي خايفة هالحب يكبر
و قلبي يعشقك اكثر و اكثر
واذا شفت اني ما استغني عنك
تخليني ومن حبي اتنكر


من اللي حط هالفكرة في بالج
يا روحي لا يصورلج خيالج
اني اقدر انسى الحب وابعد
وربي واللي خالقني مقدر

اخاف بيوم تزهق وتملل
ولا اكون بعيونك مثل الأول
اخاف تلاقي غيري لك حبيبه
وتخليني على الحب اتحسر

محال انه تجي مني مضرة
احبج والعمر ياعمري مرة
واذا كل شيء تغير في حياتي
غرامج مستحيل انه يتغير

ابي منك عهد واضح وصادق
معي تبقى وعمرك ماتفارق
ولك مني احبك للنهاية
اسيرة حب ومنه ما اتحرر


عهد ابقى على حبي وحبج
ولآخر نبضة في قلبك احبج
يا اغلى حلم حققته بعمري
يافرصة في حياتي ما اتكرر
.....

كان على هالحب الكبير مشكلة الانجاب

نتيجة كل التحاليل تثبت سلامة عادل

لكن فطوم فيها ضعف

بس لازم متابعه وعلاج حتى يتم الحمل


عادل مومهتم لهذا الموضوع كثر اهتمام فطوم

كان دايما يقول لها انتي تكفيني

واذا الله ماكتب لنا عيال انا راضي وموزعلان

وفعلا عادل وصل لمرحلة العشق لــ فطوم

وكانت دايما تسأله لو حصل وتفارقنا

شنو بتسوى

كان جوابه دايما الله لااييب ذاك اليوم

بس لوصار يمكن اموووووت

عاشوا هالــ 5 سنين مثل الحلم

سفرات وطلعات وحب ماله حد

بس تظنون ام عادل تركتهم جذي

كانت من اول شهور زواجهم واهى تسأل عن الحمل

ام عادل : انت عبالك قاعد تصغر ، العمر يركض

وانت عمرك 30 وداش بــ 31

قولي انت قاعد تتعالج ؟؟؟

عادل : الله يهداج مافيني الا العافيه

وفحوصاتي زينه

ام عادل : عيل العيب منها

عادل : اهى مافيها شى بعد ، والله موكاتب

الحين شى

ام عادل : اذا منك قولي ، مراح احن عليك

عادل تضايق : والله مافيني شى

بس فاطمه فيها ضعف بسيط

ام عادل بس سمعت كلمة " ضعف "

والله ماني امك ولااعرفك، طول عمرك متعبني

قبل زواجك وبزواجك

تبي تحرمني من عيالك

عادل : عيال شيخه مومكفينج

ام عادل : اذا تبي رضاى ابيك تتزوج

عادل : هذا اللي لايمكن يصير

انا احبها ومابي اجرحها

ام عادل : ماقلت طلقها ، ماسويت غير حقك

عادل : يايمه مااقدر

ام عادل : فهمت الحين اما انك خايف منها

والا البلا فيك انت

عاد الرياييل مايحبون احد يطعنهم برجولتهم

عادل متضايق : خلاص يايمه مايصير الا

اللي تبينه

****

اكيد كلكم تسألون شصار على خالد وفواز

ووليد

البارت الياى اكمل لكم

والمفاجئه اهى فوووووز


" خالــد "

الاياوقت وين اللي على بالي يجي ويروح

هذاك اللي ملك قلبي وتفكيري ووجداني

اموت بطيفه اللي لا لمحته تنتشي بي روح

احس اني اذا شفته كأني بعالم ثاني

احبه والامل باني في قلبي من غلاه صروح

حبيبي لويمر طيفه يبدد ماضي احزاني

احبه حب لو يدري عن اللي بخافقي من بوح

نسى كل الزعل وارخص حياته دون حرماني

تحملت كل خطا منه واذا اخطا بعد مسموح

حبيبي ماعليه ازعل اذا اخطا وخطاني

تذكرته وانا ناسي ونسيته والوفا مجروح

غريبه حالتي والله وهو ذكراه بنسياني



خالد صار عمره 27 سنه ، موظف بوزارة الاعلام
ومازال يشارك في المعارض التشكيليه

ومانسى فطووم

تزوج من سنتين وعنده بنت سماها على اسمها

خالد : انا تزوجتج ، ماتزوجت الخدامه

زوجته : انت شاللي ناقصك ؟؟

خالد : ابي احس اني متزوج ولي زوجه تهتم

فيني وعامله حسابي

زوجته : هذي انا ، عاجبك عاجبك ، موعاجبك

انت حر ، مومستعده اتغير عشان احد .

خالد : انا مو أى احد ، انا زوجج محتاج اهتمامج

وبنتج محتاجه لج

زوجته : اعتقد ماقصرت وياك

خالد : لاتهدمين بيتج بيدج ، ولاتنسين طيبي

معاج

زوجته باستفزاز : وانت سويت لي شى

للاسف ماكان يبين معاها الطيب

كافي الحريه والثقه اللي عطاها لها

عمره ماقال لها لا ، عشان بس يونسها

ماطلب غير حقه ، وكان هذا جزاه

الجحود والنكران


ولانه خالد وايد طيب ومايحب احد يشوفه

زعلان

خالد : الظاهر انتي متضايقه وبعذرج

زوجته : ماني متضايقه

خالد : خلاص عاد ، مافيها شى لو عاتبتج

زوجته بنفسيه : انـــزين

خالد قرب منها : احبج

زوجته : خالد ترى مومراهقين احنا

خالد : شقلت الحين

زوجته : احبج ومادري شنو

خالد : اى حلالي وبقول اللي بقلبي

زوجته : ياليت تحتفظ فيه ، مااحب

هالسخافات

خالد : الحين الكلمه الحلوه والطيبه

صارت سخافات

زوجته حقرته وماردت عليه

اسلوبها الجاف معاه ، بعدت المسافات مابينهم

شخصية خالد كانت تحتاج للحب والحنان

كانت نسخه من طبع امه الجاف والصعب

فقد التركيز في رسوماته

فكرت وايد في طلاقها

لانها زوجه موعامله حسابه وهياته ورفيجات

حتى بنتها ماتدري عنها

كان دايما يقول انا مومهم عالاقل بنتج

ماكانت حق مسؤوليه وزواج

عطاها اكثر من فرصه وماكو فايده

واللي مثلها ماتستاهل تعيش يوم واحد

مع خالد


خالد طول عمره ماله حظ ، رغم انه طيب

ومحد حس فيه الا اللي جربوا الحب

لما تحب احد وتبيه ، تموت الفين مره وهو

جدامك ومع غيرك مومعاك

لما تحس هالدنيا من غيره ولاشى وبقربه

تصبح كل شى

موعيب تكون ضعيف جدام الحب

هذا دليل انك واااااايد انسان

موقاسي وماتحس وتسخر

خالد غلطته انه زرع فطوم في قلبه سنين

الين صارت جزء من حياته

اصعب شغله لما تحتاج انسان مومحتاجك

بشى !!!

وبسبب تربية ام سالم وقسوتها على عيالها

طلعت واحد فاسد والثاني فاقد حب

كل واحد فيهم تدمر لكنه بطريقته

وليد دمره الفساد ، وخالد دمره حبه

لانه ماشاف الحب واهو بين امه وابوه

ولقاه مع فطووووم

وليد صار قاسي وعديم احساس وشعور

وخالد صار انسان مسكين وضعيف

ومهزوم

عمر القسوه في تربية عيالنا تطلعهم

رياييل

وعمر الدلع في تربية عيالنا يطلعهم مايعين

التربيه الصح لما نستخدم الاعتدال

القسوه في حزتها

والدلع في حزته


فطومه الصغيره : بابا تتاو

خالد : ياعيون بابا ماعندي ككاو

فطومه الصغيره : تتاو

خالد : مصره لووووول

فطومه الصغيره : تتاو

شالها انشالله بوديج الجمعيه وتشترين كل

تتاو موجود

فطومه الصغيره : تتاو

خالد : نزين يايبه لوووول ،ميري فطومه معاى

ميري : اوك بابا

خالد حنوووون لاقصى حد ويابخت بنته

**
اما وليد تزوج 3 مرات وطلق ، ولاوحده من

تمت معاه سنه وحده

وليلحين مستمر بسوالفه البطاليه

وام سالم اقتنعت انه عمر الزواج

مايعقل انسان بعيد عن ربه

نفس الصلاه دامها موبقلبك مراح تصليها ابد

***
فجور صار عمرها 19 واهى اول سنه بالجامعه

وليلحين ماتغير طبعها

كل الناس فاضين وماكو شغل

وسخيفين

فواز 21 سنه في معهد دورات خاصه

والمغازل اللهم لاحسد تطور حيل عنده

***

اما فوز 26 سنه ماتزوجت خالد او وليد

مثل ماتوقعتوااااا

مراح اقول شى الحين ( نحاسه )

***


فطوم شايله صينية العصير والكيك

عادل : حيالله بالحامل والمحمول

فطوم : الله يحييك ، قلت اكسب فيك اجر وادلعك

عادل : افا افا ، عشان الاجر بس

فطوم : بس بس

عادل : متأكده بس

فطوم : مووايد متأكده

عادل : لووووول ، يختي عليها

فطوم : هالكيكه اول مره اسويهااا

عادل : اهاا ، نظام اجرب فيك

فطوم : اااى

عادل : اى بعد

فطوم : لوووووول اى

عادل : عيل سجلي عندج وصيتي ، يمكن اموت
جود وصيتي مكتوبه

فطوم : اسم الله عليك يومي قبل يومك

عادل بعياره : امين

فطوم : شنووووووووو

عادل : لووووووووول ، شكل الكيك بيصير

بويهي مو بطني

فطوم : اى شكله جذي

عادل : احبـج

فطوم تسوي روحها ماسمعت

عادل : مومشكله ، بصوت اعلى احبـــــــــــــج

فطوم : ادري

عادل : لا والله ، عيل مراح ادلعج

فطوم : ماتقدر

عادل : اقدر لاتتحديني

فطوم : اتحداك

عادل قام وقعد يمها : اقدر

فطوم تطالعه : ماتقدر

عادل يطالعها بحب : اى مااقدر

فطوم بابتسامه : موقتلك ادري

عادل : ااخ قلبي احبج احبج احبج

فطوم : ميته فيك

عادل : لاتقولين ميته ، دوم انشالله جدام عيني

فطوم تبتسم

عادل : قولي امين

فطوم : امين

عادل : عسى الله لايفرقنا ، مااتخيل حياتي من غيرج

فطوم : عارفه مكانتي عندك

عادل : ومكانتي !!!

فطوم : يعني ماتدري !!

عادل : ادري ، بس احب اسمعها

فطوم : انت حياتي ، هالكلمه اعتقد كافيه

عادل : اكيد كافيه ياقلبي

والحين وكليني كيكة الموت على مااتشهد

فطوم : عااااااااااااااااادل

عادل : لوووووووووووووووووول

****

عادل مسوي نفسه وحش :حتتباس يعني حتتباس و حنقفل الاوضه بالترباس وتتباس ياعباس

فطوم حاطه ايدها على حنجها : لووووووول

عادل: شفتيني وانا وحش

فطوم : اى ماشالله طالع كيوت

عادل عفس ويهه : وحش وكيوت ماتركب

فطوم : نركبها

عادل : جهزي نفسج للقبه

فطوم : مابي اقب

عادل : حتتباس

فطوم : لوووووول تأثير الكيكه قوى

عادل : كله منهاااااااا

عادل يقلد دعاية البنك الوطني

فطوم بجامتج عجييييييييبه

عطيني بووووسه

فطوم تقلد اللي بالدعايه وتخزه

جان يرقص نفس رقصتهم جدامها

فطوم ماتت ضحك : لووووووووووووووووووول

عادل : خربتي الدعايه اللي بالدعايه ماكانوا يضحكون

فطوم : مينووووووون

****
فوز ابلة تاريخ في الثانويه

ومتزوجه من اخو رفيجتها بالدوام من 3 سنين

وعندها ولد عمره سنتين وحامل

والمفاجئه انه زوجها متين وملامحه عاديه حييل

وتمووووووووووووت فيه

النصيب تمنت مزيون وخذت العكس

بس لو اطلبوا منها تنفصل عنه

بتقول خذوا روحوا احسن من انكم تاخذونه مني

وهذي رفيجتها تحبها حييييل


ولما خطبتها انحرجت بالبدايه منها لما شافته

وفكرت ترفضه

بس بعد صلاة الاستخاره

ولانه الله كاتب تاخذه تزوجته

وماكان عاجبها بالبدايه ، حتى كان يحس انه

مغصوبه عليه

نواف : انتي ماتبيني ومغصوبه على

فوز : لا طبعا

نواف : عيل ليش احس مالج خلق لي

فوز : تتوهم ، يمكن لاني مرهقه

نواف كان خوش ريال وبالعشره خلاها تحبه

الين صارت ماتستغني عنه

والحب الصح اللي اهو بالعشره والزواج

***

نواف : حبي انا بالمحل الحين ، اى لون تبين الخامه

فوز : سوده ، نفس اعمالي بالدنيا حبي

نواف : لووووول ، اوك


نواف عشق فوز بسبب المرح اللي فيها

والحب مو بالشكل ترى

***


فجور : يمه بتيي فطوم وفوز بنطلع نتعشى

ام فواز : انتو روحوا

فجور : تقعدين بروحج شتسوين

ام فواز : مراح اقعد بروحي يدج بيي اليوم

يتعشى عندنا

فجور : اوك



صوووت بريك قوووووووى بالشارع


ام فواز : الله يستر شالصوت السياره لايكون

حادث

فجور : لا يمه هذي فوز وصلت

ام فواز : هذي مينونه ، حسبي الله على

ابليسها توها محلله حامل ومعاها ولدها

وخدامتها المسكينه

فجور : يمه فوز حالفه تنتقم لووووول

فوز :قووووووووه

ام فواز : اى والله هذي صوت سيارتج

فجور : يعني اجذب

فوز : شنووووو

ام فواز : انتي معاااج ارواح

فوز بغباء : انزين

ام فواز : شنو انزين ، تبين تذبحينهم

فوز : عيل ماشفتيني بالدوار

فجور : اى يمه ماشفتيها

ام فواز : شتسوين بالدوار

فوز : اقعد افر افر بالدوار لما الوع جبود الناس

لين صار الدوار بسبتي مهجور

ام فواز : يلا عاد بسج جذب، وسوقي عدل

متى تعلقين ؟؟

فوز : شبي بالعقل

فجور : يمه الكل يعقل الا اهى

ام فواز : لا لازم تهدي بسياقتها ، شوفي

ويهه خدامتها شلون مخترع

وولدها ، هذا تعذيب

فوز : ماعليه يمه لازم اخليهم يواجهون الحياه

ام فواز : ماكو فايده منج

فجور : اتصلي على فطوم عشان نروح

فوز : توني داقه عليها تقول يايه ، يمه انا

بخلي خدامتي وولدي عندج

انتي بس خلي عينج عليه ، وخدامي راح

توكله وتبدله

ام فواز : هذا الغالي توصيني عليه

فوز : فديتج يمه انشالله اشوفج عروس

ام فواز : ويعه

فجور : لووووووول اتخيل امي عروووس

فوز : لاتتخيلين فيلم رعب

فجور : لووووووول

ام فواز : وبتحطين ولدج عندي

فوز : اى ، ماتقدرين تشوفين ويهه

وماتخلينه عندج

ام فواز : محد يقدر عليج


سالم العود مع خالد بالسياره

سالم العود : سلم وروح

خالد : يبه قول السايق موصلك

سالم العود : مومعقوله كل مره بالغصب

تدش تسلم ، خلاص السالفه صارت قديمه

وانقطاع صلة الرحم موزينه

خالد : شدعوه يايبه عمري ماقطعت فيهم

حتى من بعد السالفه ، ايي واسلم

سالم العود : عيل شفيك ؟

خالد : اليوم خميس واكيد بناتها عندها

سالم العود : قصدك فطوم

خالد سكت

سالم العود : انزل بس


جرس الباب

فجور : هذي اكيد فطوم

ام فواز : لا ، فطوم معاها مفتاح ، هذا يدج اكيد

دش سالم العود وخالد وكان خجول حيل

فوز تطالع فيه : خالد شلونك

خالد : انتي شلونج فاطمه

فوز تبتسم : انا موفاطمه ياخالد

خالد تخربط كان بيقول فوز

ام فواز : شلونك

خالد : انا بخير وانتي شلونج خالتي

ام فواز : الحمدالله ، حياكم

خالد : انا استأذن

ام فواز : تعشى معانا ، بس انا ويدك

سالم العود : عيزت فيه


تبطل باب البيت وكانت فطووووم

فطوم : السلام

خالد فز قلبه ومن غير مايطالعها : وعليكم السلام

فطوم حست بشى لما شافته بس ماعرفت شنو

راحت عند يدها وباست راسه

سالم العود : هلا في بنتي الغاليه

فطوم : هلا يبه شلونك

سالم العود : بخير

فطوم : خالد شلونك

خالد يطالعها : بخير وانتي

فطوم : الحمدالله

خالد : استأذن ياجماعه

فطوم بعد ماطلع خالد سرحت وكانت تطالع

الارض ، بس وين راح تفكيرها ، وليش سرحت


بسيارة فوز

فطوم كانت ساكته

وفجور تحاجي فواز بايق منها الايبود

ومتحلفه فيه

فجور : سده بويهي

فوز : انا منه اطلع لج من الفون وازنطج

فجور : جب بايقه الايبود مالي

فوز : ناس بايقين ايبود ، وناس بايقين قلوب

فجور : مافهمت

فوز : فطوم انتي معانا

فطوم : هلا

فوز : هلا فيج

فطوم : ماسمعت شقلتي

فوز : مممم ، تدرين غلط باسمج

فطوم : خالد !!

فوز : اى

فجور : بنته على اسمج شعليج ، ياليتج خذيتيه

فطوم : عيب انا على ذمة ريال واحبه

فوز : ندري ، ماقلنا شى ، قاعدين نسولف

فطوم : مااحب هالسوالف

فوز : باجر تجربين فجور ، تحبين زوجج

نفسي انا وفطوم

ياحلو بطتي

فجور : بذمتج هذا دلعج حق زوجج

فوز : اى دلعه عندي بطتي وتختوووخ

فطوم : لووووووول

فجور : الله يعينه

فوز : شصار على مراجعتج للعياده ؟؟

فطوم : ليلحين اكل منشطات

فوز : حجم البويضه ليلحين صغير

فطوم : المره اليايه راح تعطيني ابره تكبرها

فوز : بس كل مره نفس العلاج

فطوم : ماكو شى مضمون ، اللي الله كاتب

يتم الحمل

فوز : انشالله بس انتي كثري من الدعاء

فطوم : انشالله


خالد بالسياره

كان يتذكر اول مادشت سلمت

ويعاتب نفسه ، ليش موقادر انساهاااااا


****
بدوام فطوم

الكل شاغله الفضول ودايما سؤالهم لها

ماحملتي ؟؟؟

كانت تكره هالسؤال المتكررر

لوو بحمل راح تدرون

ليش السؤال اللي يكدرني ويذكرني

طبعا امل واسماء مازالوا معاها

ومازالوا بنفس الاسلوب المليق


وفطوم مازالت بنفس ضعف الشخصيه

ومازالت لطيفه تنبط جبدها من طريقة فطوم

ودايما كلمتها لها " متى راح تتعلمين "

***
شيوخ : يايمه انتي تضايقينه جذي ، واهو ريال

وعارف وين مصلحته

ام عادل : 5 سنين متزوجين

شيوخ : يمه ماتدرين شاللي بين الريال ومرته

ام عادل : يقول فيها ضعف

شيوخ : يمكن فيه اهو ، قتلج ماتدرين شاللي

بين الريال ومرته

ام عادل : نخليه جذي

شيوخ : شنو تبين تسوين له يعني ، ويمه

انا ملاحظه حيل اسلوبج مع فاطمه يجرح

ام عادل : موعاجبه احد انا

شيوخ : انا اشوف جدامي ، البنت اشوفها تتضايق
والا عشان بنت حلال نتمادى
والله يايمه ماتلقين مرت ولد مثل فطوم ل عادل ، لو ملسونه جان تتهاوش معاج
وتحرش عادل عليج

ام عادل : ماتدرين لو تحرشه !!!

شيوخ : يمه ترى يبين اذا الوحده تحرش والا لا

ام عادل : اخوج لاعبه بعقله صاير مثل المسبه

شيوخ : والله عادل من تزوجها ماكو احسن منه ، والا عشان مدللها صار مسبه ومسويه له شى

***

في شقة فطوم

عادل توه داش ، وفطوم بالمطبخ تسوي عشاا

عادل : لاتسوين عشان

فطوم : مو داز مسج اجهز العشا

عادل : صح

فطوم : غيرت رايك

عادل : لا

فطوم : يننتني

عادل : عشاى انتي ، باكلج

فطوم : لوووول ، روح بدل على مااجهزه

عادل : بساعدج

فطوم : لا شكرااااا

عادل : والله احسن الطباخين الرياييل شعرفكم انتووووو

فطوم : انزين روح بدل بس

عادل : انزين كله تزف والله

فطوم : فديتك

عادل : اى جذي دلعيني ، لاانحرف

فطوم : لاتنحرف ابيك

عادل : وانا ابيج وابيج وابيج

***
عادل كان حاط هديه حق فطوم

خاتم الماس عند طاولتها ورجع يتعشى

بعد العشا

عادل : حبيبتي روح الدار هاتي مسباحي على طاولتج

فطوم : انشالله

لما راحت قال عادل بينه وبين نفسه : يس

شافت العلبه فطوم وبطلتها

كانت داخلها ورقه مكتوب فيها

" لو اقدر اهديج قلبي ماتأخرت "

فطوم : يابعد قلبي

ولما رجعت للصاله ومعاها الهديه ، عادل مسوي نفسه برئ

فطوم قعدت يمه : اولا مشكور ، وثانيا ليش كلفت على عمرك

عادل : اولا العفو ، وثانيا ماكلفت على عمري لانج عمري

فطوم : شالمناسبه ؟؟

عادل : تاريخ اليوم مايذكرج بشى

فطوم : لا مو عيد زواجنا ، ولاعيد ميلادي

عادل : اليوم عيد ميلاد حمني ، اليوم اللي فيه شفتج اول مره

فطوم مصدومه : من صجك ، حافظ هالتاريخ

عادل يعدل بقعدته : اى حافظه ، موعشان ولد اختي والله ، عشان اني في هاليوم شفتج فيه

فطوم : موعارفه شقول صدمتني

عادل : قولي احبك

فطوم : دوم احبك ، ودوم تخليني احبك اكثر

عادل : مو اكثر مني

فطوم : صج ياعادل

عادل يأشر على قلبه : هالقلب لو تفتحينه راح تتعجبين شكثر انتي متربعه فيه

فطوم : ولو رحت عنك

عادل : مااخليج تروحين

فطوم : ولو رحت عنك

عادل : قتلج راح اموووووووووت

فطوم : انا اللي لورحت عنك امووووووت


في شقة فوز

فوز تلعب مع ولدها لما خلصت لعب

مسكت ولدها وصارت تكلمه مع انه مايفهم ولايدري وين الله قاطه

فوز : اسمع عبودي ، انا ابشرك بمستقبل مشرق في ظلي

وعبود يطالعها وسعبولته طايحه ويقول ماما

فوز : دام انا معاك وبطتنا معانا انت لاتحاتي

ومازالت السعبوله تطيح

نواف يضحك : خلاص بسوي رجيم

فوز : لا الله يخليك كل ماسويت رجيم انتفخت زياده

نواف : لووووول خلاص مراح اكل عشاج اليوم

فوز : انا عشيت ولدي اهم شى

نواف : افا وانا

فوز : رجيم رجيم

نواف : باجر ببلش

فوز : ماكو باجر

نواف يعني زعلان : انزين

فوز : كسرت خاطري ، خلاص بسويلك

نواف : عاشت ام عبودي

فوز : بسويلك عشان لااقوم القى عبود مفقود

نواف : شنو اكل لحوم البشر

فوز : تسويهااااااااا

فوز قامت ترقص مع عبودي اللي قاعد يرقص على الاغنيه بالتلفزيون

ونواف يصفق لهم وقام يبي يرقص معاهم

فوز : لاااااااااااااااااااااااا ااااااااااا

نواف : شفييييييج

فوز : لاترقص الله يخليك تحت في ناس ساكنين ، تنخسف فينا القاع

نواف : لوووووووووووول ، بسوي رجيم بسوي



فوز : ياحلوك يابطتي والله عاجبني واحبك


نواف : يعني ارقص


فوز : لااااااا



*****


زوجة خالد منى

منى : هذي مرت اخوك شيخه شتبي

خالد : شفيها ؟؟

منى : ذبحتني تعالي ننزل تحت ، او تتصل ايي عندج والا تيين عندي

خالد : شنو غلطت فيه ، عشان تبي اليمعه

منى : انا مااحب

خالد : اهلي ماتحبين تقعدين معاهم ، بس رفيجاتج ماشالله على نفسيتج

منى : حاطه دوبك ودوب رفيجاتي

خالد : لانهم اهم مني ومن بنتج

منى : شسوي اذا هذا تفكيرك

خالد : ليش جذي تتكلمين ، ليش تقلبين من كل سالفه خناق

منى : منك

خالد : ترى لكل شى حد ، وانا صبرت عليج

منى : خوفتني

خالد : اعوذ بالله منك ياابليس ، انا طالع

**

وتم الطلاق لما منى تعدت حدودها وتطاولت على امه ، وتهاوشت معاها

اهني ماقدر اكثر يتحملها ، لانه صارت لاتطاق

واكبر دليل انها مو كفو انها تنازلت عن حضانة بنتها من غير لايطلب خالد منها هالشى

***

ام سالم : ياولدي باجر ازوجك اللي ابرك منها

خالد : يمه انا موزعلان ، انا تحملتها وايد ، بس تقل ادبها معاج لااااااا

ام سالم : انا قتلك لاتطلقها

خالد : يمه انا ماارتحت معاها ، لاتشيلين ذنبي


**

ومرت سنتين

وكل محاولات فطوم للعلاج ماتتم

والنفسيه تعبت وصارت تحس انها حمل ثقيل

يعني الحين مر على زواجها 7 سنين


في زوارة ام عادل

ام عادل وجدام فطوم وعادل وشيوخ

ام عادل : يابنتي اللي تحب زوجها ، تحب سعادته ، وعادل ماقصر

عادل موعاجبه كلامه امه : شسالفه يمه

فطوم فاهمه بس شتقول

شيوخ : يمه تعالي شوى ابيج

ام عادل : اخلص كلامي بالاول

شيوخ : يمه

ام عادل : بس ولا كلمه ، يافاطمه

فطوم بحزن : هلا

ام عادل : انا عمري ضريتج بشى والا عادل ضرج

فطوم مختنقه : لا ياخاله

شيوخ : يمه

ام عادل حقرت شيوخ : مو عيب لو تزوج ، وانتي بتظلين العزيزه الغاليه

فطوم اختنقت زياده

عادل : يمه انا مابي اتزوج سكري على الموضوع

فطوم : انا بمشي

عادل يطالع فطوم وحاس فيها : انا بطلع معاج

ام عادل : ان جان ترضين اكون موراضيه على عادل وغاضبه عليه شى ثانيه

فطوم : انا بمشي

شيوخ : قعدي يافطوم

فطوم : عادل بتيي

عادل : روحي بسيارتي وانا ارجع مع شيوخ

فطوم : براحتك

*****




فطوم واهى بالسياره تبجي ، احبه وابي سعادته ، بس مابيه يتزوج ، اهو قال مايهمه

ومر الوقت ورجع عادل البيت متأخر

وفطوم مانامت تنطره

عادل كان حيل متضايق ومتكدر

دش الغرفه وكانت فطوم بفراشها قاعده

عادل : السلام

فطوم : وعليكم السلام

عادل : ليش مانمتي ؟؟

فطوم : انطرك

عادل : خلاص نامي بنام

فطوم حست انه عادل شايل هم الدنيا على راسه ، بس ماقدرت تسأله شصار


بعد ماناموا

الساعه 3 الفجر فتحت فطوم عينها مالقت عادل يمها

قامت وراحت للصاله ولقته منسدح على القنفه يفكر

فطوم : ليش قاعد اهني ؟؟

عادل : مافيني نووووم

فطوم تبي تنسى الموضوع كله ولا تييب الطاري

فطوم : روح لفراشك

عادل : بقعد شوى

فطوم : اللي يريحك


فطوم راحت لفراشها وماغفت لها عين ، ونفس الحال عادل اللي قاعد بالصاله


والصبح فاتح فطوم بالموضوع

راح اتزوج


******
وليد ليلحين في الفساد مستمر ورفاق السوء

ولانه يبي عيال ، تزوج للمره الرابعه

والكل متوقع راح يتم الطلاق

لكن هالمره لا

لانه تزوج زوجه صابره صالحه صبرت عليه

مو دلوعه من اول مشكله على طول طلااااق

مانختلف انه فاسد

بس لابد الوحده تصبر ، ومع العيال يتغير

والتذكير بالله سبحانه

وفعلا وليد زوجته دخلت قلبه حيل

وغيرت وايد اشياء منه

واهو من نفسه كره حياته ، لانه دايما يحس بضيقه وعدم راحه

ومحد كان يدري انه وليد كان يفكر

انه لازم يتغير من طريقة حياته

والشغله اللي قلبت حياة وليد

الحلم اللي حلم فيه

حلم القبر

حس نفسه انه بالقبر صج

زوجته حذرته انه تنبيه

اسلوب زوجته بالنصح اهى اللي قربت وليد منها ومن ربه

في ناس مثل ابو سالم وام سالم طريقتهم بالنصح غلط

والله يهدي من يشااااء

***

اما خالد له سنتين مطلق ومومفكر يتزوج الحين

فوز ليلحين بالهبل اللي اهى فيه وعندها عبود وهيونه

***

فطوم : طلقني عيل

عادل : مراح اطلقج

فطوم : انت ماتبيني

عادل : لاتصيرين انتي وامي على

فطوم : مامنعتك تتزوج ، بس طلقني

عادل : احبج ومابي اطلقج ، وادري تحبيني

فطوم تبجي

عادل متكدر: كل شى صار جدام عينج ، قوليلي شنو اقدر اسوي ؟؟

فطوم بعتب : انت قلت مايهمك ، وانا مستمره بعلاجي ، وضعفي بسيط

عادل : ادري ، بس امي يافطوم ، واحنا من 7 سنين متزوجين

فطوم : وانا ياعادل

عادل : انتي حبيبتي ، واللي بيتزوجها للعيال بس

فطوم تبجي : شقاعد تخربط ، انت تضحك على منوووو !!!

عادل : قوليلي شسوي ؟؟

فطوم : طلقني

عادل : امووووت ولااطلقج

فطوم : زواجك يعتبر موووتي بعد

عادل قام وحط راسه على حضنها وقال : انا تعبااااان لاتزيدين على

فطوم رفعت راسها فوق : لا تتعب خلاص


عرفت انه مابيدها شى

بيوم زواج عادل

فطوم كانت بعز الجرح ترسم السعاده عشانه

لكنه حاس فيهاا

وعيونه ترسل لها لاتخافين انا على وعدي

***
عادل اهمل زوجته اليديده وطول يومه مع فطوم

كانت زوجته اليديده مو سهله ودايما تحرض عادل على فطوم

لكن عادل ماكان يسمع لها ، ودايما يخانقها

اهى ماتتكلم فيج ، فلا تتكلمين فيها

ورغم انه فطوم تكره زوجته لكن عمرها ماتحجت فيها او حرضت عادل عليها

كانت تقول معذوره عادل مقصره معاها في اهتمامه لي فلازم اعذرها

" ياليت كل الناس نفسج يافطوم جان هالدنيا بخير "

مر ت 4 شهور على زواج عادل وحملت زوجته

كانت فرحه كبيره ل عادل وجرح ل فطوم

عادل : مو عشان حملت بتغير عليج

فطوم بس تبتسم

شوى شوى عادل انشغل في حمل زوجته

بس مانسى فطوم حبيبة قلبه

***
لكن بعد ولادة زوجته الحال تغير

وين عادل اللي مايقدر يفارق فطوم

حست بهذا التغيير لكن ماتكلمت

وبيوم من الايام فطوم شرت لها عصافير

وحبت تفاجئ عادل فيهم

عادل : لوووووول هذيل عيالج يعني

فطوم تضايقت : عيالي !!!

عادل : اى ربيهم عاد اى مدرسه بتودينهم

فطوم و العبره واقفه : تطنز

عادل : لوووووووووول



راح منها واهى مجروحه ولاحس

وين عادل اللي من عيونها يفهمها



صار عادل يسمع كلام زوجته في فطوم

وتتبلى عليها

زوجة عادل : طقت ولدك ، جدام امك

عادل :هذي مينونه

زوجته : هذي بالزواره وسوت جذي ، لو اسكن معاها يمكن ذبحتني

ولانه زوجته تدري انه مراح يسأل امه قالت جذي ، واذا مثلا سألها وجذبتها ، راح تلقى عذر ترقع لنفسها وبتقول عبالي امك شافتها

" كيدهن عظيم "

عادل : هالعقيم تبي تذبح ولدي

زوجته : هذا واهو 8 شهور مارحمته

عادل معصب : خلاص انا اعرف اسنعها

***

فطوم المسكينه عمرها ماكرهت ولد عادل بالعكس كانت تعطف عليه وتلعب معاه

اذا ماشافت احد موجود

بس الظلم عاد


عادل داش على فطوم بشررررررره

عادل : فاطمه فاطمه

فطوم : هلا

مسك ايدها ولفها ورى ظهرها وبيده الثانيه شد شعرها وقرب اذونها من حلجه

عادل : مولانج عقيم تنتقمين من اليهال المساكين

فطوم تبجي : شفيك

وبداخلها تقول اهو قال لي انا عقيم امبلا سمعتها قالها

عادل : وربي عارفه يعني شنو وربي

ان مدت ايدي لولدي ماتلومين الا نفسج يالعقيم

دزها للطوفه ومسك باب الشقه بيطلع وطالعها بنظره

روحي تعالجي احسن من المرض اللي فيج مو بس من الحمل

فطوم لمت يدينها وتمسك مكان الالم

صدمه ، اعز انسان يعايرني

وصارت تبجي كل شى كان بسرعه

مومستوعبته
*****

فطوم بالارض تبجي وحاطه ايدها على حلجها

وفونها كان يدق ويدق ويدق

تتذكر ملامحه ، كانت ملامح انسان كارهني

مو اهو عادل

تسندت بيدها على الطوفه وقامت

ومازالت تمسك مكان العوار بيدهاااااااااا

كل ظنها الاتصال منه يعتذر

بس مومنه

طاح من عينها كل شى كان حلو وكبير

وخايفه انه بعد من عينها يطيح

مسحت دموعها وايدينها ترتجف

وراحت للحمام تتسبح

يمكن لا لمس الماى جسمها

يلمس معاه جرح ايدها والقلب ويشفيه

بس اول ماحست بالماى

انهارت اكثر بجي واهى مغمضه عيونها

" مولانج عقيم تنتقمين من اليهال المساكين "

" يالعقيم "

" تعالجي من المرض اللي فيج مو بس من الحمل "

فطوم تتذكر كلامه وينعاد في بالها الين تعبت وقالت بصوت عالي بس خلااااااااااص

وسدت اذونهاااااااا

***

محد كان يدري عن اللي يصير مع فطوم حتى اهلها

وكل من سألها انشالله يعدل بينكم ومرتاحه ، تقول اى


لكن زادت الديون والاقساط على عادل ، وقرر يسكن في بيت امه

خاصه انه اجار الشقتين غالي

ام عادل رحبت خاصه انها ساكنه بروحها مع خدامتها والسايق بس

زوجة عادل عبير : لا طبعا موموافقه

عادل : حبيبتي انتي شايقه الديون قصت ظهري
وليلحين ادفع تكاليف عرسي منج

عبير : طلعها اهى وسكنها عند امك

عادل : بس هم لازم نطلع من هالشقه ، حسي فيني

عبير : تبيها تذبحني وتذبح ولدك عشان ترتاح

عادل : تخسي ، اذبحها قبل تلمس شعره منكم

عبير : والله مراح تحرسني انا وولدي طول اليوم

عادل : انتي بالطابق الثاني بتكونين ، واهى تحت ، وبحذرها ماتصعد للدور الثاني

وانتي لاصرت موموجود قفلي شقتج عليج

ولاتنسين امي عندج

عبير : خايفه من هالمريضه المعقده

عادل : لاتخافين حياتي ، اذا سوت شى علميني

عبير بابتسامه حقيره : لاتوصيني !!


عادل قلل روحاته ل فطوم وصار كل 3 ايام يمر

وخاصه انه فطوم تعالج ، وعلاجها يعتمد وجود زوجها ، حتى يعطيها حقها الشرعي

خاصه لما تاخذ ابر ومنشطات ، وهالشغلات لازم وجود الزوج يمارس حقه مع زوجته حتى ينجح العلاج

فطوم : انا قاعده ادفع فلوس على هالعلاج ياعادل

عادل : بتذليني يعني

فطوم : مو اذلك لكن جذي ماكو فايده من الابر والمنشطات دامك موموجود

عادل : محد قالج كملي علاج

فطوم : انا ابي عيال

عادل بابتسامه : وانتي مصدقه راح تحملين

فطوم وعيونها غرقت : كافي ياعادل

عادل : هذا اللي اخذه منج تبجبج

فطوم : مابجيت ، لانه محد يستاهل، وانتبه على كلامك

عادل : استاهل غصبن على اهلج ، وماقلت غير الصج ، واذا حاطه عذرج مقصر

من الشهر الياي راح نسكن عند امي يعني ماكو عذر

فطوم حاسه انه راح تصير مشاكل لو سكنت هناك بس ماتقدر تعترض


***
بعد مرور شهر

ام فواز : باجر راح تسكنين عند خالتج

فطوم : انشالله

ام فواز : ماوصيج يابنتي مالج شغل بزوجته

فطوم : ليش حاطين ببالكم اني بتعرض لها

ام فواز : و احد قالج انج تتعرضين لها

فطوم : لا يايمه

ام فواز : قوليلي يابنتي

فطوم : لا يايمه

ام فواز : انا ادري انج مالج شغل بأحد ، لكن قصدت لو تتحرش فيج ماعليج منها

فطوم : انشالله


في بيت ام عادل

ام عادل : الحين البيت صار له حس

عادل : انشالله عاد مومتضايقه

ام عادل : اتضايق انه ولدي عندي

عادل : الله يخليج لي يايمه

ام عادل : وتترس هالبيت كوكش يهال

وفطوم وعبير كانوا واقفين يسمعون

عادل : انشالله ، تسمعين ياعبير امي تبي كوكش يهال

وماكلم فطوم ولا طالعها

فطوم نزلت راسها وابتسمت

عبير بمكر الحريم : خالتي تامر امر ، مااعرف اقول خالتي ، دايما اتخربط واقول يمه
شايفتج امي والله

فطوم تطالعها منصدمه من عيارة الحريم

ام عادل حرمه كبيره وتستانس على هالكلام ، وعبير احسن وحده تنافق

عادل : شفتي يايمه عبير شكثر تحبج

فطوم نسى وجودها عااااااادل




كنت اعرفك لما كان الحب يعرفك
كنت اعرفك لما كان الطيب وصفك

كنت اشوف الدنيا فيك
كنت احب خوفي عليك

لكن انته اليوم ثاني
جاحد وقلبك اناني

والسؤال عني يكلفك
كنت اعرفك

كنت اصدق كل كلمة
حتى كذبك كنت اصدقه

كنت احسبك شي أسمى
مثلك صعب في يوم ألقى

وابعدك عن كثر شكى
وانجرح واسكت وما اشكي

كنت اشوف الدنيا فيك
كنت احب خوفي عليك

عد واحسب كم عذرتك
وكم عذر خليته عدى
وعد جروحي من عرفتك
ولا جرحي صعب عده


خالد مع بنته قاعد عند البحر عشان تلعب

واهو يحب قعدت البحر وايد ، يحب يطالعه من غير مايتكلم

يحس بسكوته انه قال كل اللي بقلبه

كان يسرح ويرجع يطالع بنته شلووون تلعب بالرمل

بنته اللي صار عمرها 3 سنين

فطومه الصغيره : بابا تعرف تسوي بيت

خالد : اى اعرف اسوي بيت كبييييير بعد

فطومه الصغيره : ابي بيت كبيررررررررر

خالد : بس ساعديني

فطومه الصغيره : احط رمل

خالد : اى

اللي يحب بس مره في حياته، مااعتقد قلبه ممكن ينفتح لحد ثاني

وهذا اللي صار مع خالد

ولما خلص من البيت ، انشغلت فطومه فيه

واهو رجع للبحر من يديد

**

فوز تحضر عشان حصص باجر

ومتربعه بوسط الصاله

وعبودي وهيونه يحوسون عندها

نواف توه داشه : السلام

فوز : وعليكم السلام بطتي

نواف : ياحلوكم مانمتوووووا

فوز : لا ناطرين الغول

نواف : افاااااا عندنا غووووووول

فوز : اى وتوه داش

نواف : لووووووووول ، لوتدرين البنات شكثر يلحقوني بالسوق

فوز : يبون يعرفون انت رايح والا راد ، ماكو ملامح

نواف : لووووول مومصدقه

فوز : بسالفه ماكو ملامح امبلا مصدقه

نواف : ادق عليها الحين

فوز : دق

نواف قاعد يدق : حسافه ماترد

فوز : لاني دعيت عليها الحين بالموت ، اكيد ماتت الحين

نواف : دعائج مستجاب

فوز : عبالك نفس دعائك اللي مايتعدى السقف

نواف : لووول ، ليش بالله دعائي مايتعدى السقف

فوز : دعائك حده السقف وينزل مايوصل

نواف : اقول حضري ، الله يعين الجيل اللي بيتخرج على ايدج

فوز : جيل فاشل

نواف : وانتي متوقعه العكس

فوز : لا طبعا

نواف : عبالي

فوز : العب مع عيالك بس لاتندمج باللعب وتتغشمر معاهم

نواف : عادي خليني اندمج

فوز : موانته ماتدري ، كل مااندمجت تصير مصيبه يابالبيت يابعيالي

نواف : شرايج اندمج فيج

فوز : معاى اخذ راحتك

نواف : شيطانه لوووووووول



الساعه 6 المغرب

في بيت ام عادل

نزلت تحت فطوم ، وكانت موجوده خالتها ، اللي كانت نفسيتها مع فطوم موشى

فطوم : شلونج خالتي

ام عادل بنفسيه : هلا

فطوم حست انه بداية تغيير وتأثير عبير وصل ل خالتها

فطوم ضمت يدينها لصدرها وصارت تطالع التلفزيون مع خالتها

وخالتها مو معتبره فطوم موجوده اصلااااا

نزلت خدامة عبير ومعاها ولد عادل ، ام عادل هاتيه عندي ، وانشغلت فيه

فطوم كانت تبتسم لما تشوف الياهل يضحك مع خالته

كانت وايد متشوقه لليهال وتحبهم

قامت ام عادل بتروح تصلي

ام عادل ل للخدامه : عينج على الولد لاتروحين مني والا مني تسمعين

كانت تقصد فطوم انها بتضره

فطوم : خالتي انا عنده لاتحاتين

ام عادل حقرت فطوم ورجعت عادت نفس الكلام للخدامه

فطوم انجرحت واااااايد ، شاللي شافوه مني

انا مومجرمه والا مااخاف ربي


نزلت عبير واهى عافسه ويهه لما شافت فطوم حتى ماسلمت

فطوم تبي تتقي شرها وصدت عنها

عبير للخدامه : روحي المطبخ

اول مايت خالتها : هلا عبير انتي اهني

عبير : انتي مو بالمستشفى

ام عادل : مستشفى !!!!

عبير : فطوم مو قلتي خالتي بالمستشفى طاحت عليكم وتوني بدخلتج ادق على عادل

فطوم انشل لسانها

ام عادل : ياللي ماتستحين تتفاولين على بالمرض والطيحه

فطوم من الصدمه ساااااااااااكته ورافعه حواجبها منصدمه

عبير : استغفرالله صارت تتمنى لج الطيحه ، ماتحب احد تبين تذبحنا كلنا

ام عادل : انتي اذا عبالج تتفاولين ربج فوقج ياخذ حقي وحق ولدي منج

فطوم : تجذب ماكلمتها حتى

ام عادل : جب ، انا ناغزني قلبي منج من تزوجج عادل ، والا ريلج الاولي ليش طلقج ، شافج مينونه

فطوم : حرام عليج ياخالتي

ام عادل : وتقوليلي حرام عليج ياللي ماتستحين وترادديني

عبير : خالتي شفتي اللي صار هذا كله قوليه ل عادل ، اخاف مايصدقني

ام عادل : عادل عارفها ومتحملها

فطوم : لايتحملني ، محد جابره على


طبعا ام عادل وعبير حرشوا عادل على فطوم خاصه لما نجحت تمثلية عبير


فطوم في غرفتها والضيقه تمكنت منهااااااا

عادل توه داش عليها وعيونه حقد وغل

فطوم حاطه ايدها على خدها وتنطره يصدمها اكثر ويجرحها اكثررررررر

عادل واقف و يكلمها وكانت فطوم قاعده

عادل : انتي شنو من البشر ، لهدرجه الحقد والغيره وصلت فيج

فطوم تطالعه وتحاول تتذكر عادل القديم

عادل : وين فطوم اللي قبل ، الظاهر كنت مخدوع فيج ، انتي انسانه موطبيعيه

موكافيه عزيتج ورزيتج ، تحملت العقم اللي فيج ، ومافاد دلعي وطيبي معاج

فطوم : باقي شى بعد ماقلته

عادل : تدرين مااحب طريقتج هذي

فطوم : طريقة شنو

عادل : انج تستفزيني

فطوم سااااااااااااكته

عادل : لاتحقريني ياحيوااااااا.........

فطوم : احترم نفسك ، انا محد يقولي ..

عادل ماخلاها تكمل وخذاها من شعرهااااا ووداهاا للحمام واهى ماسكه ايدينه هدني هدني

عادل : جب انتي حيواااااا..... ونص

فطوم هالمره مابجت ولانزلت دمعه منها

بس من داخلها ماتت لما مات حب اغلى انسان

واهو ماسكها من شعرها شووووفي ويهج بالمنظره ، شوفي شلون العلاج والحقد والغيره خلتج ، مايدري حالها انسل من الهم

فطوم : الحقد عندك وعند زوجتك الظالمه ، انتو ظلمتوني

عادل : وامي ظالمه بعد ياللي ماتستحين قوليها

طلعها من الحمام وحذفها على الفراش

وثاني مره صار يطقها بس هالمره بالعقاااااااال


كان الصوت واصل ل تحت

وعبير وام عادل مستانسين

ام عادل : خليه من عمرها ساحرته اللي ماتخاف ربها ، صار اليوم اللي تتعاقب فيه

عبير : اعوذ بالله كل الذنوب فيها سحر وحقد وغيره ، من جذي ربي عاقبها بالعقم

ام عادل : ودي يذبحها

عبيربنص ابتسامه وبصوت وااطي : مو كثري


لما انتهى عادل وفرغ حقده وعصبيته عليها

هذا يزاج واقل من يزاج

وخلاهااااا ورااااح

فطوم ماقدرت تتحرك من الالم

ودموعها حرقت خدودها

واثار العقال ملت جسمها الضعيف اللي ضعف زيااااده من هالعايله

بعز الجرح غفت المسكينه من كثر الالم

وبعد ساعه رجع عادل

عادل : هيي انتي قومي بسج عياره وتمثيل
فطوم اول مافتحت عينها صارت تطق عادل عبالها يبي يطقها وتبي تحمي نفسها

عادل : وتبين تطقيني بعد ، ماكفاج اللي ياج

فطوم: طلقني عشان ارتاح وترتاح

عادل يضحك : لوووووووووووول ، بس جذي​

هذي الساعه المباركه اللي بفتك منج

بس قبل لااطلقج تتنازلين عن كل شى

فطوم : اتنازل عن شنو !!!!

عادل : عن المأخر ، وكل الهدايا اللي عطيتهم لج ، وخاصه الذهب والالماس

هالاشياء المفروض لناس تسوى وتستاهل مو لج انتي

فطوم بنظره كلها عتب : اكيد ناس ماتسوى

عادل : جب

وهذا اللي حصل عشان يطلقها تنازلت عن كل شى

واول ماوصلت لها ورقة الطلاق

تذكرت لما كان يقول لو نفترق راح اموت

وابتسمت

وعادل نسى انه كانت موجوده في حياته يوم من الايام شخص اسمه فطوم

عبير نسته وانشغل معاها ومع عياله


ناظرني بطرفه عينه ...
وقال لو تفارقنا أمـــــــوت ..!!!
وأفترقنا ...
لارسايل ... ولا صــــوت ...
وكنت أسأل ,,, دايم أسـأل ... ياترى وش صار فيه ..؟؟؟
قالوا : "" بـخــيــــــر ""
ماعليه صار أجمل وأبتسمت وقلت هذا اللي أبيه ...
بـــــــس ...
كيف انا صدقته يوم قال لوتفارقنا بــــمـــــوت ..!!!!


في بيت ام فواز

ومرور شهر على طلاقها

فطوم تنزل تحت وتدندن ، والكل كان موجود

فجور فواز وفوز وام فواز

ام فواز : هلا بالغاليه

فطوم : الغاليه انتي حبيبتي

فوز قامت وسلمت على فطوم : شلونج ياقلبي الحين ؟؟

فطوم : انتي شنو شايفه ؟؟

كانت شخصيه ثانيه مو فطوم المسكينه ،

فوز : الحمدالله شايفتج زينه

فطوم : عيل ليش الاسئله ، وتغمز عينها ل فوز

وصارت تلعب مع عيال فوز

فجور : انا خايفه عليها من الحره

ام فواز تبجي

فوز : يمه الله يهداج روحي الحمام لاتشوفج فطوم

قامت ام فواز للحمام ، وليلحين فطوم تلعب كره مع هيونه وعبود

فطوم : باخذ عيالج الجمعيه بشتري لهم ولي اغراض اوك

فوز : هذيله عيالج بعد وتامرين عليهم

فطوم تحاجي اليهال تعرفون اى وحده سياره خاله فطوم

عبودي 4 سنين : اى

هيون سنتين ماتفهم

فطوم : يلا يابطل ورني

وطلعت فطوم مع اليهال والخدامه

فواز كان متكدر ، بس مابيده شى ، صج داس في بطن عادل
بس مع هذا يحس ماطلع حرته فيه

فوز : روحي نادي امي يافجور

فجور : اوك

ام فواز بعد مايت وغسلت ويهه

فوز قعدت يم امها وباست راسها وحضنتها : يايمه عشانج وعشان فطوم لاتبجين جدامها

فجور : فوز غصبن عنها هذي بنتها

فوز : ولو

ام فواز : انشالله يايمه

***
" ولانه كما تدين تدان "

عبير كل اللي كانت تسويه في فطوم من ظلم وتتبلى عليها ، صار في ام عادل وتبلت عليها

ماتمت معاهم سنتين وفرقت عادل عن اخته

وتسببت بمشاكل مع امه واخته شيوخ

ام عادل حست بالندم الكبير وانها ظلمت فطوووم وايد ، وصارت ماتنام الليل

وتحلم احلام مزعجه بسبب فطوم

" نام مظلوم ولا تنام ظالم "

ونفس الحال لــ عادل اللي صحى من غيبوبته غيبوبه الظلم

صار يقارن عشرة عبير وفطوم واطباعهم

صج عبير يابت هاليهال ، بس دخلت الشر لبيته

وصار يتذكر عمر فطوم اللي عاشت معاى 7 سنين ما تكلمت في اهلي يوم

عرف من نفسه انه زوجته ظلمت فطوم وايد ، وخاصه لما كانت تتبلى على اخته وامه

واصبح يلوم نفسه ، المفروض من نفسي مااصدق في فطوووووم

اللي اعرفها واعرف قلبهاااااا

بس فات الاوان ياعادل

بعد ماخسرت فطوم وامك واختك ، تبي اللي مات يرجع يعيش

شيوخ : ماعرفتوا قيمة هالبنت ، ذليتوها وطقيتوها ، واخذتوا كل حقوقها ، تالي حضرته طلقها

ام عادل : ولا رفعت على اخوج قضيه

شيوخ : ااخ يايمه ودمعت عين شيوخ

ام عادل : مابي اموت وانا ظلمت بنت الناس ، ماني قادره اتهنى في نومتي

شيوخ : لانكم ظلمتوها شوفي شصار فيكم

انتي موقادره تتهنين ، وعادل خسرته كل شى ، وذبحته بالطلبات الين صار مديون للكل

ام عادل تبجي : حرام عليج انا ماني امج

شيوخ : لانج امي خايفه عليج من عذاب رب العالمين


ونوت ام عادل تروح تتسامح من فطوم ، وتسمع منها كلمة انها محللتها

وقالت لــ عادل اللي كان يبي هالشى بعد

****



في بيت ام فواز

تتصل على فوز

ام فواز : يايمه داقين بيون

فوز : مايستحون شيبون

ام فواز : تعالي

فوز : اكيد بيي عشان يتوحدون في هالمسكينه


ام فواز ومعاها فجور اصعدوا لغرفة فطوم اللي كانت لاهيه بالنت

اول ماقالت الخبر ل فطوم

كانت ردت فعل فطوم عاديه : انقرصوا منها

ام فواز : شنو يابنتي

فطوم تبتسم : ولاشى

ام فواز : اذا ماتبين تشوفينهم لاتنزلين ، انا مابيهم ايون بس اذبحتني ام عادل وشيخه

فطوم : وليش ماانزل الله يهداج

ام فواز : عادل بيكون موجود

فطوم : جذي راح انزل اكثر

فجور : فطوم محد يجبرج تضغطين على نفسج

فطوم : محد يقدر يجبرني على شى


الساعه 5 العصر

عادل وشيوخ وام عادل موجودين والخجل ماليهم

كانت موجوده بالصاله ام فواز وفوز وفواز

تالي نزلت فطوم

ام عادل اول ماشافت فطوم راحت لها ضمتها وتبجي حلليني يافاطمه وسامحيني

فطوم وخرت خالتها عنها : استريحي ياام عادل

عادل يطالع فطوم بندم، وعيونه تقول شاللي سويته فيج !!

وعيون فطوم تجاوب ، اللي سويته جرح كبير ياعادل

شيوخ تبي تتكلم وقاطعها عادل : ادري عبير اعمتني ، وانا طلقتها ابشرج و كرهتني بكل شى ، مابيها ، فرقت بيني وبين اهلي

فطوم حاطه ريل على ريل وتسمع

عادل : ادري غلطت عليج وغلطت وايد ، وانتي رايتج بيضه ماشفت منج الا الخير

ادري اذيتج ، بس والله احبج وابيج ، سامحيني تكفين عشان ارتاح

وهذي كل الهدايا ارجعها لج لانهم حقج ، حتى لو طلقتج ، وحتى لو ماسامحتيني ابيج تاخذينهم

شيوخ : فاطمه امي واخوى والله لوتشوفين حالهم يحن قلبج عليهم ، انتي قلبج كبير ويتحمل ، وامي والله ماتنام ليلها ، وصارت تبجي شيوخ

ام فواز وفوز يطالعون فطوم

فطوم : انا مسامحتج ياخالتي ، وانت ياعادل مسامحتك
وهالهدايا عطها لناس تسوى وتستاهل

عادل يطالعها مكسور وندمان

فطوم : مراح اغلط عليك ، او اهينك لاني راح اعاملك بأصلي

واذا شايف عبير خدعتك ، دور غيرها

اما ترجع تدورني ، صدقني مراح تلقاني

عادل : فطوم حبيبتي

فطوم عطت ظهرها ل عادل وغمضت عينها لما سمعت كلمة حبيبتي وكانت بتنزل دمعه بس منعتها تنزل

فطوم واهى تبي تروح: يمه تأكدي ياخذ هداياه معاه

شيوخ سكتت ونفس الحال ل ام عادل بس عادل وقف : فطوم

فطوم حقرته وراحت لغرفتها

وكانت هذي اخر مره تشوف فيه فطوم عادل وامه


ولانه هالدنيا تغير اطباعنا

تغيرت فطوم وصارت اقوى من قبل

تعلمت ماتشتكي للي مايستاهل تفتح قلبها له

واذا زاد الهم وتبي تفضفض

قالت للهم " اوش ياجرحي سكوت "

عرفت شلون توقف امل واسماء واللي مثلهم عند حدهم

صارت تعرف ترد الين صار الكل يعمل حسابها

" غريبين ياااا هالبشر "

فطوم المسكينه مارجعت لحياة فطوم اليديده

وخذت فطوم مكانها الصحيح انها الاخت الكبيره لاخوانها

اللي صاروا يشوفونها الاخت اللي نعتمد عليها

وماعادت فطوم في عين فوز بنتها ، صار العكس

صارت تشوفها فوز هذي اختي الكبيره اللي مراح اخاف عليها بعد اليوم

***

وبنهاية القصه خالد تزوج فطوم ، اللي الله رزقها بتوأم


بالسياره خالد وفطوم مشغلين

" مابنكسر صابر "



مابنكسر صابر لو فرصتي تمضي

والحظ لو عاثر بصنع انا حظي

لو تنتثر احلامي برجع ارتبها

ولو تصعب ايامي بعيش وما احسبها

يامسهل الدنيا مهما تعاندنا

عادي التعب عادي والهم هو ملحه

ولو مالحزن بادي مانفهم الفرحه

مابنكسر صابر لو فرصتي تمضي

والحظ لو عاثر بصنع انا حظي

***

اتمنى القصه نالت اعجابكم

فقدت احبابي

 

[كول تكره سكول]

رد : اوش ياجرحي سكوت

يسلمو


اب اب اب

 

[a7la thekra]

عجييييييييييييييييييييييييييييييييييييييييييييييييييييييييييييييييييييييييييبه