حبيبتي الله يحفظهم لج يارب اولا طبيعي بالاربعين اصعب فتره والله يكون بعووونج اهم شي انتي هدي نفسج واخذي راحه وقت نومتهم الصبح او العصر خلي احد من الاهل يساعدج فيهم وريحيلج لو ساعه عشان يصير فيج حيل تسهرين وتجابلين وشيلي مسؤليتهم برحابة صدر وراحة بال عشان ما تتعبين مسؤليه عليج عليج يا تشيلينها باعصاب وتعب يا براحة بال ورضا..
بعدين لازم كل ساعتين او 3 ساعات تعطينهم رضعتهم وتخلينهم يكملونهاااا او على الاقل يشبعوون مو اذا نامو تسكتين تحسبين ان شبعوا؟؟ ترى مو شرط يكون شبعان يكونون تعبوا حياتي من المص وطاحت احنوجهم ويبون يريحون وانتي تحسبين اشبعوا وتخلينهم على نومتهم غلط لازم تقعدينهم لعبي بويوهم دلدغيهم فججيهم المهم يكملون رضعتهم بحيث تنتظم كل ساعتين او 3 (هذا كلام دكاتره على فكره)
غلط الياهل تعطينه رضعه كل نص ساعه شوي او كل ساعه لان راح تسببله غازات وكله يصيح وماينام وفعلا جربت هالطريقه مع توأمي الله يحفظهم و وايد ارتحت منها
والله يعينج يارب ان شاءالله اكون فدتج بشي عالاقل
