اوديله هدية ولا اطنش مثل ماطنش فيني

[boliana_q8]

بنااات شخباركم

بقولكم سالفة باطة جبدي

بعد جم يوم عيد ميلاد ريلي
وبصراحة انا احب اسوي مفاجآت وحركات
بس قبل جم شهر صار عيد ميلادي مايابلي شي وليلحين احن عليه اقوله وين هديتي
ويضحك ويقولي انا هديتج

انتوا اشرايكم انسى واشتريله هدية ولا اطنشه وايبله كيكة مثل ما يابلي؟؟

 

[زوجة عزيز]

لا اتييبن له

 

[اميرة زوجي]

جيبيلو هدية ما فيها شي زوجك وبيستاهل وممكن بس تعنلي هيك هو يخجل لانو نسي عيد ميلادك ويعوضك وما ينسى السنة الجاية
كمان مو حلوة تعامليه بندية و ازا بدك تكسبيه اهديه ودلليه

 

[Freakya]

ماله داعي

 

[وجـه البـدر]

لا والله طاف

 

[G!RLooNa]

ييبيله كيكه و كتبيله عليها كل عام و انت معاي و ييبيله كرت كتبي فيه احترت شنو اييبلك هديه بس ما لقيت هديه اكبر مني حقك

 

[Gifts&Occaions]

يمكن وقتها ماكان عنده وطاف وقت على المناسبة انا اقولج استانسي معاه واحتفلي بعيد ميلاده حتى لو بشي بسيط

 

[غلا-زوجي]

مالج شغل بأحد بينج وبين نفسج شوفي هل اهو يستاهل انج تصيرين احسن منه وتييبين له هديه ولا اهو مو كفو؟؟؟؟؟
يعني في رياييل طول العمر مدلع مرتة ويشتريلها ومايخليه تدفع بشي بس حزة المناسبات الرياييل مو مال هالسوالف عندنا وعندج خير

 

[خالف تعرف]

ييبيله وقوليله ناطره هديتي

 

[om MaRyooM]

عادي تصير حبوبة لاتزعلين نفسج


بس ييبيله شي بسيط يعني هدية وكيكة بس من غير تكاليف وخبة ومفاجات

 

[بيتي بوب بس كويتيه]

عادي حبوبه ييبيله هديه
واذا على هديتج روحي السوق معاه واشتري الي يخاطرج فيه
وقوليله هذي هديتي

 

[الغاليه نونو]

لاتفشلينه يمه يمكن ماعنه بيزات يشتريلج وبعدين اهو صااااج اهو احلي هديه بعد اشتبين يالعوبه

طيبي خاطره بكيكه واذا تقدرين تشتريله منها تكسبين قلبه ومنها تقربينه صوبج اكثر انا ضد فكرة المعامله بالمثل
اذا صار الريل زين صرت زينه واذا شان اصير اشين منه لاااياقلبي مااااهكذااااااااااااا العلاقه الزوجيه

شوفي انااااااا صار لي قرن مع الشايب الله يطول بعمري وعمره ويخلينا حق بعض والله العظييييييييييييم مايوم رحت السوق ودشيت عليه ايدي فاضيه لازم اهديه واتمحلس له واتقرب له والحس مخه وصلعته بعد
لوبيدي شريت له الدنيا باللي فيها بس العين بصيره والايد قصيره يمه اللي اقدر عليه اسويه بس هالشي مفعووووله عجيب

 

[DeSeRt RoZe]

ويييييييي
تدرين؟ أنا برايي اشتريله هدية وخليه يوم حلووووو غير باجي الايام عشان انتي تستانسين غيرو جو مافيها شي
لا تصعبينها الدنيااااا حلوه
وصدقيني راح يتعلم منج ويردها لج بيوم
استااااانسوووو

 

[منال القلب]

اخذيله كيكة وكرت وكتبي داخل الكرت.. هديتك اهي " انا " >> وحطيله غمزة لوول على اساس رديتله ياها..

 

[عـيّــآره]

انا اشوف لو تقصين عليه بذيج الكيكه << شغل منزلي طبعا وترصين عليها شموع وكتبي كلام سنع على اي ورقه طايحه قدامج بقلم حبر .. ماتدرين يمكن عيد ميلادج الجاي تلقين ذيج الكيان الي صافه تحت ومفتاحها عند راسج ...

 

[محتارة وبصيح]

هههههه وهو الصاج هو هديتج حمدي ربج عندج ريل ومرتاحه مو مثلي اه ودي له هدية وقولي له كل عام وانت بخير

 

[))) ساره (((]

خذيله شي بسيط كبك قلم اي شي

 

[مزيوونه حيل]

حراااام
كسرتي خاطري

 

[هيبة ملك]

إذا يستاهل جيبي

 

[حلوه بس بلووه]

عادي يبيله هديه وكيكه وسويله حفله وتدلعي وقولي شفت طيبة قلبي وسوالفي احسن منك