بسم الله الرحمن الرحيم
الحمدلله الذي رزقني والله يرزق كل وحده و يفرح قلبها :eh_s(7):
اول شي احب اشكر كل وحده حطت موضوع او سؤال لاني استفدت من كل مشاركه انحطت
موضوعي مو عن استقبال ولاده لاني ما سويت بس كان ترتيبات بسيطه وحبيت احطلكم بعض الصور
بالبدايه الترتيبات و التجارب
الموالح :
جربت لازورد اللي بالرايه .. طلبت منهم سامبلز وبصراحه شكل مرتب وحلو وطعم لذيذ خصوصا الورق عنب اللي على شكل سوشي بس عيبه شي واحد ما يوصل الا فوق ال 40 دينار يعني مستحيل بطلب كل يوم فوق ال 40
هذا صورت السامبلز
بعطها طلبت من وحده تسوي بالبيت ودزتلي سامبلز من العينات اللي عندها
وكانت فكرتي اني احط الموالح بصحن مع الجاي يتوزع
هذا شكل الموالح .. متنوع وفي اشياء حلوه
درزنهم ب 2 وربع .. عجبني واتفقت معاها كل يوم توصلي 6 درازن المستشفى
بعدها افتريت على اشياء عشان احطهم عالطاولات .. مابي ورد .. فكرت يا مكسرات يا جوكلت
وبالاخير طلبت من لاديراخ هالكاكاو
واخيرا الكاكاو اللي بوزعه عالناس
انا اشوف انه العلب وايد ارقى من التوزيعات والخبه .. خصوصا انه المحل اهو نفسه يغلفه وانتي بس طلبي ويوصله لج بلا لويه
الاختيار كان بين فوشون او قوديفا او غراوي
بس بنات عمي 2 اسبقوني وسوو من قوديفا و الثانيه من فوشون
فاخترت غراوي
وهذا اللون اللي كنت مختارته
داخله حبتين كاكاو
يتبع ....
والف الحمدالله على السلامه
