اه ياربي ...بويضاتي طلعوا اكياس ماي

[شمخانيه]

اه ياربي ...بويضاتي طلعوا اكياس ماي

رجع بخفي حنين
توني طالعه من المستشفي
نتيجة سحب البويضات
نوووووو اجز
ما فيه بويضات طلعوا اكياس ماي
منو تعرف السبب

 

[غيوم الحب]

حبيبتي ماعندي علم .... بس ماحبيت بدون لا ادعيلج

الله يرزقج بالذريه الصالحه انشالله بدوووووون علاج

انشالله البنات يفيدونج

 

[MaNaNa]

حبيبتي شمخانيه الله يعوضج خير
لالالالالا تزعلين .. الله مو كاتبهم لج بس جان سألتي الدكتور عن السبب؟؟
بس صدقيني ماكو على التنشيط الطبيعي يحسن حاله المبايض ( مراميه ) الكل يمدحها
بس ما ادري اذا تنفع نشربها مع ابر التنشيط ؟؟

 

[دلولي]

الله يرزقك يارب عاجلا غير اجلا بالذريه ياقلبي

 

[chanel N22]

الله يعوضج خير يارب العالمين وان شاء الله الشهر الجاي حامل من غير طبيب يارب العالمين

 

[حلمي الأمومة]

الله يعوضج يارب بالحمل السليم من غير ابر ولا شيء ماهو عسير على الله

لاتزعليين يمكن خيره ربي ما كتب لج لسبب انتي ماتعرفينه

قولي الحمدلله لاحول ولا قوة الا بالله
ربي اجرني في مصيبتي واخلف لي خيرا منها

وديري بالج تجزعيين وتعترضيين على امر الله وتقوليين ليش ياربي ومن هالكلام
صدقيني ربي ينزل علينا هالمصايب اختبار لنا واذا صبرنا يعوضنا خير

قولي الحمدلله اقل شي عندج امل تسويين مرة ثانية وثالثة ورابعه غيرج ازواجهم صفر وما عندهم الا امل واحد او اثنيين
اصبري 000 اصبري 0000 اصبري
وابشري بالفرج من الله
اسال الله بمنه وكرمة انه يعوضج خير انه ولي ذلك والقادر عليه

 

[كويتيه مذهله 87]

حبيبتي اكيد الدكتوور يعرف ليش صار معاج جذي
حاولي تدشين قوقل لازم فيه سبب

 

[@@@ام حمووودي@@@]

حبيبتي بعد عمري والله ضيقتي خلقي .... الله يعوضج خير يارب .. وعساها خيره انشاء الله ...وعسى الله يخليلج بنتج يارب ويصلحها ...ويرزقج من غير علاج وابر .... حبيبتي والله يعوضج انشاء الله.. وهذا امر الله والله قادر يرزقج من غير علاج ...وين سويتي عمليتج عند منو ؟؟ وشنو ابرج اللي خذيتيهم ...

رددي الدعاء (( اللهم اجرني في مصيبتي واخلف لي خيرا منها ))

 

[نكهةالبرتقال]

شمخانية ، اذا كنتي من النوع اللي دورتك مو منتظمة أو التبويض ضعيف ، فهذا شي طبيعي

بس مو معناته أنت كل شهر ما عندك بويضات ، يمكن شهر و شهر ، لكن قضاء و قدر إن صار وقت السحب ماافي

أنا أدري بتعبك و احباطك و الله كريم اهو الوحيد القادر على تعويضك و أسأله يرزقك من حيث لا تحتسبين

احتسبي هالمصيبة عند الله و ربك كريم

لكن بذلي كل الأسباب و سألي الدكاترة و بحثي في النت عشان تتجنبين هالشي المرة الياية

 

[مناوووي]

الله يعوووووووووووووووضج حبيبتي


عسى الله يرزقج

 

[ms.dlw3h]

والله ماعرف
كااااااان سالتي الدكتور
الله يرزقج ان شاااااااااااءالله وجميع البناااااااااااااات

 

[شمخانيه]

لا مانسيت ذكر الله وانا بغرفة الافاقه
اول ماصحيت من البنج اسالهم بشروني ما احد رد علي
بعد شوي ياني الطبيب وقال لي الخمس بويضات كلهم طلعوا اكياس ماي
والله يابنات هوه يكلمني وانا اقول انا لله وانا اليه راجعون اللهم اجرني في مصيبتي
بس ودي اعرف شنو السبب مع انه كل شئ ماشي صح وحجمهم 20

نكهةالبرتقال
دورتي منتضمه وتجدم احيانا

@@@ام حمووودي@@@
السلام د.محمد بكري

 

[حلمي الأمومة]

ابشرج عيل بالفرج القريب وانا واثقة من هالكلام

بس ليشش ماسألتي الدكتور شنو السبب وما يبيبن لما كنتي تسويين سونار قبل العمليه ؟

 

[غلا عيوني]

الله يعوضج يارب ماتدرين ربج بيختبرج وان شالله ربي يرزقج الولد الصالح منغير علاج امين يارب لاتضايقين حبيبتي والله حاسه فيج

 

[نواااال]

الله يكون في عونج احنا نتعب ونسعي ونمشي في هالمشوار والله سبحانه وحده الي يعلم وين الخيره
ويكتب لنا اذا في حمل او لا بس علي الاقل يكفي احساسنا انا سعينا وبذلنا مجهود وسوينا الي علينا الله يرزقنا ومايحرمنا امين

 

[شمخانيه]

بعد ما دورت في قوقل
لقيت شئ مهم
اذا صار لك نفس حالتي البويضات اسحبوها اكياس ماء وفشلت عملية الانابيب



علشان تعرفون هل البويضة فاضية او كويسة للتلقيح وهذي بالعادة يتجاهلونها الاطباء النصابين علشان نسوي التلقيح وبعدين يقولون البويضة فاضية بعد السحب .... وعلمني اياها الدكتور حمد الصفيان .... انك تسوي تحليل اسمه e2 من 10 يوم بالدورة ... اذا البويضة فاضية لايمكن ان يصل الى 800 ... وهذ التحليل لما تسوينه 10 يوم من الدورة بيكون منخفض جداولازم تكررينه كل يومين فاذا وصل 800 معناته البويضة كويسه ... انا اسويه الى اليوم العشرين من الدورة احيانا يصل 800 يوم 14 واحيانا يوم 15 على حسب كل وحدة اما اذا تم اقل من 800 فالبويضة غير صالحة

 

[بقلبي مجلسك]

الله يرزقنا يارب ماتدرين وين الخيره فيه الله اللي يرزق والله اللي يعلم بالحال
ربي لاتذرني فردا وانت خير الوارثين

 

[lovemyself]

حاسه فيج والله صج ما صارتلى بس اعرف خيبة الامل
عسى ربى ما يخيب املج
يااااااااااااااااااااارب ترزقها

 

[MaNaNa]

حبيباتي... انا سالت دكتور الاعشاب البرفسور جابر القحطاني الي يطلع على الاخباريه السعوديه
عن جوده الاجنه بشكل عام
وقالي لالالالازم المراه تهتم بغذائها قبل وخلال وبعد الحمل
حاولي تجنب اي ماده مصنعه في الاكل يعني حاولي تخلين اكلج طبيعي 100%
مكعبات الدجاج واندومي والمواد الحافظه الي في العصيرات واغلب الاطعمه تجنبيها وخففي من السكريات والحلويات
اكثري من الاسماك واللحوم الطازجه والخضروات والفواكه الطبيعيه (سكريات طبيعيه) خااااصه الاناناس من اول يوم دوره
ونصحني بعجوه المدينه وشرب المراميه بعد الدوره
ونصيحه من اخت خففي الديااااااااااااااي واذا تقدرين تقطعينه افضل والا استخدمي دياي علفه طبيعي
لان كله هرمونات هالمعلومه قالتها لي سستر هنديه في المستوصف وجربتها شخصيا وانتظمت الدوره عقبها ماشاءالله
صدقيني مو ذابحنا يا الكويتيات الا المطاعم وهالفاست فود محد قام يهتم باكله كل شي نبيه بسرعه
حتى الحليب مانشرب طبيعي كله طويل المدى والا مال التموين
تكفين راقبي اكلج يوم واحد وشوفي كل وجبه جم ماده مو طبيعيه فيها ؟؟ والله المطلوب بس انج تستبدلينها بشي طبيعي

هذا اجتهادي والباجي على الرحمن يرزقنا من حيث يشاء بغير حساب
ياااااااااااااااااااااارب

 

[كويتية ورديه]

طبعا التغذيه لها دور كبير .. حبيبتي الله يعوضج ويرزقج ان شاءالله وانا اراجع عند محمد بكري وذبحني بالتلقيح الصناعي وسويت عنده منظار التكيس ولا نزلت علي الدوره لي الحين ... مع ان يقولون شاطر بس مادري الله كريم