اه من قسوة الرجال

[نوري قرآني]

السلام عليكم ورحمة الله وبركاته
اكتب لكم وانا في اعلى مراتب الاحباط والتعب النفسي .
تعبانه من وضعي مع زوجي ...
تعبت من اهماله لمشاعري ورغباتي واحتياجيات ..
تعبت من انانيته وقسوته وجفاؤه .

طبيعة عمله تجاره ..
طول اليوم برا .. وإذا رجع جلس امام لاب توب أو مصارعه أو فلم أو نام .
كلامه قليل معاي ..
من سنه ما خرجت خرجه صاحيه معاه ، يخرجني مشوار بالسياره اشتري عصير او غرض على السريع .
أن طلبت منه اسبوع نطلع مع بعض قال ما اعرف الطريق ، أو كلمي أحد يروح معانا ..
ربي ما رزقني باطفال منه راسي وراسه في البيت ، ابي اسافر سفره بسيطه ما يرضى ..

دحين لي شهر علاقتي به مقطوعه ، فبيت واحد بس ما نتكلم مع بعض ..
أنا زعلانه من اهماله لي لدرجه صار بيتي مثل الفندق يرجع له وقت النوم بس .
وهو لاحظ زعلي ومع كذا ما يهمه ...
أضافة أنو على اي شيء صار يقول مو عاجبك روحي بيت أهلك .
احس اني رخيصه عنده .. احس انو مايحبني ولا يهتم فيني .
محتاجه للحب ومحتاجه اشعر بأنوثتي ومحتاجه اعيش عمري فله وناسه
ما يعرف يتعامل مع الانثى .
أن شعر أني زعلانه يطنشني كم يوم ثم يجي يسئلني ليش زعلانه ؟؟
مو اعتذار انما سؤال .
ولو ما رضيت يهددني معاد يجي يراضيني .
مجافيني شهر كامل اتخيلو .
صرت احسوه انسان غريب عني ، ما ابي اكلموه لان قلبي مليان منه .
اشعر بأن مالي قيمه عنده / فليش اروح اطلب منه الاهتمام والحب .
اصعب شيء لما كل شويه الزوج يهدد زوجته بالطلاق .
كل مرا يقولي منتي مجبوره تعيشي معاي روحي بيت أهلك .
أو يقول لستنا على البر مابيننا اولاد يربطونا بعض .
أو يقول لو عملتي كذا انت مالك جلوس ببيتي.
تعبت نفسيتي // وادمرت حياتي
ما ابي اخليه يحس اني مذلوله / ولا ابي احس بشعور الاهانه
ما ابي اكون مطلقه ؟؟ ولا ابي اعيش مهمله على هامش الحياه ...
ما ابي ادور على الحب والاهتمام بالحرام ...
ساعدوني اش اعمل بدون ما اذل نفسي ...

 

[بنت حظوظ]

لا تركضين وراه تحملي زوجج نمطه شمالي شرقي ابد انتي كشخي وطبخي وتعدلي وزوري رفيجاتج لا تكلمينه واشتغلي تجارة نفسه ناقشيه بالتجارة حتى لو ما تعرفين ساليه عن الاسهم والبورصة ارتفعت او لا وسوقي سيارة نافقشيه بالتجارة

 

[رنيم الروح]

حبيبتي وسعي بالك زوجك من النوع الي 1-مايعرف يعبر عن مشاعره حتى لوكان يحبك مايقدر يوصلها لك بالطريقه الي تبينها لكن بطريقته اهو -2-طبيعة عمله اتخلي تعامله جاااف حاولي تفهمينه حبيه كما هو
3-حبيبتي ترا اغلب الرجال جافين وفي السنه حسنه تلاقينه يهتم
4- ترا فيه رجال مايهتمون باماكن الطلعات لانه همه يكون بالبيت راحته في هالبيت
5- لا تعتبرين حياتك الزوجيه ونااااسه وتغيير جو بس لا تراالحياة الزوجيه هم ومسؤليه
وانا اقولك زوجك مافيه شي لكن جفافه في الاسلوب يمكن عشانه اتعود على هالاسبوب بسبب عمله وكل رجال وطريقته بالتعبير لانه مثل ماقلت فيه رجال مايعرفون يعبرون عن مشاعرهم وعلى الطلعه اتوقع انه يشوف انسب مكان يرتاح فيه بيته لانه على طول برا

ولا تكبرين الموضوع

 

[أعشقه]

لاحول الله .. وش له عاد يهدد فيك كل اشوي بالطلاق ويكفي انه مقصر معك باشياء كثيره
طيب لكم كم متزوجين .. وكم عمرك انتي ..
معقوله للحين مو عارفه شلون تتعاملين معه او تخلينه يهتم فيك ..
ويمكن ع حسب طبيعة شغله مايقدر يعطيك من وقته اصبري او اجلسي تفاهمي معه ماتدرين لعلى وعسى تنحل امور كثيره ..
بس من ناحيه ان ماصار بينكم شي لمده شهر هذي كبيره اصلا مايصلح يهجرك كذا بدون سبب ..
بس صعبه احد يتدخل من اهلكم في المشكله لو تدخل حد يمكن تكبر السالفه
الله يعينك ويسهل امورك دامك ماتبين طلاااق وتبين تعيشين معه مافي الا انك تتحملين هالوضع لين يتحسن او يتغير

 

[اشكي]

والله مااقول الا الله يعينا عليهم

 

[قره عيني صلاتي]

ماقول الا عسئ ربي يحنن قلبه عليج وويسخرله لج

 

[حبي للابد]

يا بعــد عمري ،، انتي سوي اللي عليج و لا تقصرين معاه بشي ، على الاقل تكونين بريتي ذمتج !

و هو لو يبيج بذمته صدقيني اذا شافج مهتمه فيه بيحس فيج ،،

و انتي لا تصيرين حزينه و كئيبه جذي بس يدخل البيت تعم الكآبه حوالينكم ،، و بيزهق منج

خليج مرحه و متفائله و زيدي ثقتج بنفسج انه لو يموت ما راح يلقى احلى منج او وحده تهتم فيه و تحبه كثرج ،،

مو شرط تسافرين ! مو شرط تطلعين ! اذا هو في البيت اقعدي وياه و سوي جو حلو ،، شدي انتباهه ،، بحركات بسيطه في البيت ،، أجريلج فيلم اكشن و

شوفيه معاه ، سوي اي شي يكسر الصمت بينكم !!! و سالفه انه يقول روحي بيت اهلج و مادري شنو ! قوليله بضحك و دلع : ليش انت تقدر تعيش من

دوني ؟ و ضميه على طول ،،

الله يكون بعونج و يوفقج مع ريلج و لا تتضايقين و كل ما تضايقتي اقري القرآن


تقبلي مروري

 

[ابيك لي بروحي]

الله يعينج حبووبه ويسخره لج ان شالله

 

[بسكوت بطعم التوت]

حبيبتي لاتجعلين زوجك محور حياتك عشان تقدرين تعيشين

 

[إم بــــرٍآك]

يمكن شآيف له شوفه عنده علآقآت بحيآته او بالنت وانتي على نيآتج مآتدرين عنه < هذآ أغلب الظن
حرآم عمرج يركض ع الفآضي مع إنسآن مهمل كلمي اخوج او ابوج يتفآهم ويآه وخلي إيمآنج بالله قوي
من القصص الي نسمعهم الزوجآت الي مثل حآلتج بسرعه ينجرفون لـ إشيآء عمر البنت مآفكرت فيهآ والسبب إهمآل زوجهآ
والله يهديه ويصلح بآله أدعي له إنتي بعد وشوفي مع من يمشي ..

 

[أم ميميتو]

الله يعينج

 

[مياسه الحساسه]

الله يعينك حبيبتي ويسخره لك
الاخوات ماقصروو

 

[حدى عنيده]

الله يسخره لج حبيبتي

 

[....وبس]

البناات كفوو ووفو

سوى الي يقولون عليه

وادعي رب العالمين يسخره لج

 

[القصيدة]

السلام عليكم و رحمة الله و بركاته

حياتي أنتي لازم تجلسين معه بهدوء و تسألينه بوضوح ( إيش أهميتك بحياته ؟! و إيش مشاعره لك ؟! و مدى رغبته في الاستمرار معك ؟! )​

أوكي ما يجلس في البيت كثير ،، قلنا تكشخي و تزيني .... etc​

لما يجلس في البيت ما يكلمك ،، قلنا حاولي تلفتين انتباهه و تدلعينه ... etc​

لكن توصل انو كل كلمة و الثانية يقول روحي لأهلك و إيش اللي جابرك علي ..!​

هذي لازم لها جلسة مصارحة و اتخاذ قرار ( إمساك بمعروف أو تسريح بإحسان )

و إذا عنده مأخذ عليك أو فيك شي مو عاجبه .. يوضحه لك حتى تقدرين تعدلين الخطأ ​

مشكلة مجتمعنا انو يشوفون الرجل دائماً صح و مهما ارتكب من الأخطاء اللي ممكن تصل للخيانة و العنف ،، الحل الوحيد عند البعض تكشخي له و دلعيه ..!​

و كأن المرأة ما عندها مشاعر و لا كرامة و كأن بعض الرجال ما يفيد معه أي حلول لأنهم بايعين من الأساس .! ​

و هذا أنتي قلتيها بنفسك ما تبغين تدورين ع الحب بالحرام - حاشاك و لا فيه إنسانة حرة مسلمة ترضاها لنفسها ​

الله يستر عليك و يسعدك و يوفقك :eh_s(17):​

 

[لجين]

حاولي تنافسينه مثل ما قالولج البنات

والله يكون بعونج

واهتمي باي هواية تحبينها ..

وخليه يحس انج مشغوله عنه يمكن

يحسسه هالشي بالغيره ويلتفت ناحيتج

 

[سوسو حبيبتى]

واضح انك من النوع الحساس وعندك ملل شديد والبيت فاضي عليكي الله يمله عليكي بالعيال ان شاء الله ويكونوا زريه صالحه

وواضح ان رييلك تقريبا شبه رييلي ..

حاولى تشوفي اهوا بيحب ايه واهتمي فيه سولفي معاه يمكن يكون مش فاهم انتي ايش يزعلك

وصج لما بيجي يسالك انتى ليش زعلانه مسكين اكييد ما يعرف .. لو ما يحبك ويبي يعيش معك كان ما سالك .

حاولى تتاقلمي هذا نصيبك يابنت الحلال ..

 

[زوجة عزيز]

الله يسخره لج

 

[عشقي بناتي]

ياعمري انا عيشي حياتك مع اهلك وجاراتك ومعارفك وخفي على نفسك وزوجك اشوي انا زوجي طبعه كذا مايسولف كثير واهتماماته ونمط حياته غير عني ومخليته على راحته لان ادري انه يحبني وانا كمان احبه على فكره انا لي تقريبا19سنه زواج الحين احنا نجلس بغرفه وهو بغرفه وصرت اوزع وقتي بينه وبين بناتي واحيانا نروح انا وياهم نجلس معاه لاني فهمت طبعه واتاقلمت معاه وبكذا ارتاح انا وياه

 

[هذا مزاجي]

الله يعينج ويسخره لج