اهي شالموقف البايخ ...

[هيبة فتاه]

سلام عليكم ورحمه الله وبركاته
ماني مطولتها عليكم :eh_s(2):
امس صار معاي موقف موقادره انساه
اتصلت علي وحده من رفيجاتي تب تعزمني على غدا
المهم البنت ما امون عليها وايد ...
و لما طلبت لنا الغدا حسيت اني انحرجت وايد
و يا دور اني اكل ... من كثر الاحراج صحن السباكتي قدامي و قاعده اكله بقفشه مو بشوكه عاد اهي تغمز لي وتقولي ب شوكه شوكه :eh_s(2)::eh_s(2)::eh_s(2)::eh_s(2):
ساعه كامله وانا ايمع ويهي دشيت بملابسي من الاحراج
يابنات ابي اصير واثقه من نفسي الحيا ذبحني شلون اتخلص من هالموضوع

 

[Um Tuki]

وثقي بنفسج ..
الناس صارت ما تشوف بعض ..
لاتحطين افبالج ان في احد يطالعني
تصرفي بعفوية بس حاسبي لتصرفاتج ..

اسلوبج هذا يبعد الناس عنج
الحين الناس صارت تبي الناس لمفرفشة واللي توسع الصدر .. محد يبي ناس مالها خلق و تستحي ههههههه

 

[فوفو22]

الحياء شعبه من شعب الايمان اللي انقرضت الحين

اما الثقه بالنفس فانا جدا احبها واطبقها بحذافيرها لدرجه صار عندي طفوووح

بدايتها


١-كوني صادقه مع نفسك ،،،،،،وابتعدي عن الكذب في خلق الاعذار باختصار كوني صريحه جدا

٢- انتي تعانين مش من قله الثقه انتي تعانين من الخجل وهذا يكون فيك من زمان. وعلاجه جدا سهل

٣- تحتاجين تدريب بسيط وعقبها تنطلقين ،،،،،

٤- التدريب ما يصير بكتابه او محاضره واجب يكون عملي ،،،،،وماعندي مانع اجعلك اكثر جرأه ،،،،،اختار وقت ويوم قبل ما اسافر خلال هالاسبوع

فوفو

 

[مودي كويتي]

يوووه اثاري مثلي واجد يستحون حتى انا بعد خجوله جدا ودايم في الجمعات ع الصامت ما اتكلم اللهم إذا انسألت ارد وفي المواقف ادوده ووجهي يقط الوان الله المستعان ياليت اخت فوفو لاتبخلين علينا بطرق تعزز من الثقه بالنفس وشكرا

 

[Red Al Rainbow]

آحــس آنآ بعد جيه !!! ><

 

[shak!shoka]

عادي ليش مكبره الموضوع ،، طلعي و اختلطي بالناس والايام تعلمج كل شي

اهم شي ما تنطوين و تنعزلين



هاذي مواقف تحصل عادي وايد ولا تحطين ببالج شراح يقولون عني شنو بينتقدوتي

 

[N.o.d]

انا كنت جذي انحرج اكل وبسرعه اتوهق وكله فشله وفشله بس سبحان اللي غيرني

قمت اكل نفس لما اكون بالبيت وتلقائيا تعلمت الحين عادي عندي صار

السالفه يبيلها ممارسه وتجاهلي المحيط وركزي باكلج واستمتعي وخلي الوضع يمشي طبيعي

 

[قآنون كيفكـ!!]

حبيبتي انتي بس خجولة شوي
يبيلج تعودين ع المجتمع وتتصرفين بكيفج
بعد كل واحد ينام ع الجنب اللي يريحة
انا من الناس اللي اكل الاسباغتي بقفشة
عاد شلون تتجمع معاي مادري بس صج استمتع فيها عكس الشوكة
وعادي بالعكس مستانسة والباجي طااااف

 

[Pinky -cat]

موضوع سهل يمكن مالج بالاقااءات الاجتماعية والتواصل وايد بس مع الوقت راح تعودين وبعدين اهيا بنيه حالج حالها
عادي خلج طبيعيه عيل لو باجر زوج مستقبل شراح تسوين هههه


حبوبه ما فيج الا العافية وثقي انج زينة بس يبيلج شوية توخرين المستحا

 

[Patcholli]

انا كنت مثلج بس عودت روحي غصب اني اصير ريلاكس وقت الي اكون معزومه ودايما فكري قبل لاتتكلمين واخذي نفس واذا حسيتي انج منحرجه لاتتكلمين على طول سكتي ثواني وركزي وعطي الاجابه الرد التلقائي بدون تفكير اهو الي يزيد الاحراج لانج راح تتصرفين تصرفات او تقولين كلام ماتقصدينه

 

[M!SS.LOBY]

كلامج عدل احياننا الوحده فينا حيييل تستحي

 

[M!SS.LOBY]

بس لا تنحرجين وايد عزميها بعد انتي عشان ينكسر حاجز الحيا بينكم

 

[Al Maha]

هههههههه حد ياكل سباغيتي بقفشه

 

[M!SS.LOBY]

هههههههه حد ياكل سباغيتي بقفشه

معاج حق بس كانت مستحيه مو مستوعبه هههه

 

[هيبة فتاه]

انشالله تعدي هالمرحله

 

[M!SS.LOBY]

اب اب اب

 

[أبكاني ذنبي]

هههههه مثلي ماعرف اكل اذا استحيت او اقط بدلياات

واايد استحي

بس ماعليج جم يووم وتنسين هالفشيله

 

[امـ خــزامـى]

سهاااله حبيبتي
والبنات ماقصرووا

 

[عن النسآ أفرق ~]

كل واحد عايش لنفسه
وأهم شي الثقه لو فيج ثقه جان خذيتيها عل ضحك
حبي نفسج شويه راح تحسين بالثقه
وكل شي طاف p;

 

[VET-Nour]

هههههههه