اهم قضيه في مجتمعنا

[reem80]

السلام عليكم
موضوعي اليوم موضوع اجتماعي ومهم للمرأه
واتمنى من البنات يشاركونا بكل معلوماتهم
الموضوع الله يسلمكم عن البنت العقيم او الرجل العقيم
واتمنى من البنات الي صديقتها قريبه لها اهي عقيم ماتييب اعيال او زوجها ما اييب عيال
تقول لنا شعورها بعد ماعرفت انها عقيم او شعورها بعد ماعرفت ان زوجها عقيم وهل زوجها طلب الطلاق منها او تزوج عليها وهل الزوجه طلبت الطلاق لأنها تبي اعيال
ياليت تشاركونا في هذا الموضوع المهم

 

[ام سعودمنبطحه بين القشع]

انا اعرف وحده تصيرلنا رجلها مافيه عيال وقالها بطلقج رفضت واقعدت معاه 5 سنوات من ديره لي ديره ويدورون العلاج اليييييييين الحمد لله لقو العلاج وربي رزقهم ببنوته اشحلاتها الله يخليها لهم


من رايي المرا تصبر على الرجال بس الرجال مايصبر من يسمع خبر يطلقها او يتزوج عليها الحريم طبعهم الوفا
حلو موضوعج ياريم

 

[m e m e]

انا يا قلبي صارلي سنتين متزوجه و احمد الله مايبت عيال ليلحين

المشكله اكيد مو ابريلي لان فحص و الحمد الله مافي الا العافيه

انا ليلحين ما فصحت بس ناويه قرييب

اكثر شي يقهرني و يحز ابخاطري اسألة الناس اللي مالها داعي
ها ما حملتي؟
لدرجه حتى ربع ريلي قاموا يسألونه ماخلوا شي حق الحريم

و غير هذا كل ماوحده حملت ماتقوولي و تقول حق الكل ان مايقولولي يعني شبسويلج بصكج عين مثلا و لا بحسدج؟\

وايد ناس عايرووني و رفعوا راسهم علي

بس انشاء الله كل تأخيره فيها خيره و هاذي قسمت ربي

انا وريلي فكرنا اذا خلاص ماكو امل نتبنى يااهل

و مافيها عيب بس المشكله ان مجتمعنا مايساعد
بس انا ويا تفكيرنا شويه غير

التبني شي انساني و ماعتقد ان فيها عيب و لا شي غلط

 

[reem80]

ليش نقلتو الموضوع عاد وايد مهم وحلو واجتماعي

 

[foozia_87]

حبيبتي انا عندي مشكله بالرحم وما لها حل الا عمليه والعمليه مو مضمونه ؟؟
واللي يعور قلبي ان اللي قراب مني يعايروني واذا مو بالكلام بالتصرفات او النظرات اطوف مره واثنين بس لي قعدة بروحي امووووووووووووووووووووت من البجي وريلي صابر علي بس هم احس ................
والله اني اموت بالياهال بس مو بيدي مو بيدي واللي دار مداري يحسسوني اني حاقده او حاسده فبعدوا عني وايد مع اني اخدم الكل والله ما ازعل على احد ولا احب اجرح احد و دايم احس اني وحيده وما اقدر اقول اللي في قلبي الا لكم
والله رحيم وعارف اللي انا امر فيه والله انها اصعب لحظات حياتي وادري انكم فاهمين مشاعري
ادعولي ربي يرزقني بالذريه الصالحه والحمد لله على كل حال

 

[أمونة الحلوة]

بصراحه خوش موشوع للطرح

المراه بطبعها وفيه وتصبر
انا عن نفسي صراحه ريلي كان مسويه عمليه يوم كان عمره 12 سنه كانت الخصيه وانتوا بكرامه مرتفعين فوق بالبطن وهذه الفتره تكونسن البلوغ وانتاج الحيوانات المنويه اهني بالكويت قالوله انزلهم له بس راح يطون عقيم ماييب اعيال اذا تزوج وابوه وداه لندن يسوي العمليه هناك وقالوله انه كل شي اوكي وان شاء الله يقدر اييب عيال
وطبعا يوم خطبني ماقالي احد هالكلام وعقب مامر سنه على زواجنا رحت ابي افحص سبب التاخير واكتشفت انه العيب منه عقبها قالي اللي صار معاه صراحه انا بالبدايه انصدمت وماتوقت الي صار معاي وكل من اللي حوالي قالي تطلقي احسنلج وباجر تتزوجين غيره وتوج صغيره ومن هالكلام اللي انتوا عارفينه بس امي وابوي كانوا خايفين اني اخذ هالقرار بس انا فركت بيني وبين نفسي حرام اني اتخلى عنه بهالوقت ولو تطلقت في وحده راح تقبله وانا احب ريلي الحمد الله ومرتاحه معاه فقبلت اني انطر وهذا امتحان من رب يالعالمين وانا عند ييقين انه ربي راح ياجرني على هالشي وراح يعوض صبري خير يارب

بس بعض الرياييل نادر مايصبر على مرته واذا صبر تلقين الاهل يحنون عليه نبي نزوج ونشوف عيالك المشكله انهم مايدرون انه هالشي مو بيدهم بيد رب العالمين اهو وحده الرزاف

اسفه على اطالتي

يارب ترزق كل محرومه بالذريه الصالحه اللهم امين

 

[زنوبة الحلوة]

والله الحمدالله على كل حال والله كاتبلنا ان نتزوج ونواجه هالمشكلة وانا عن نفسي ما ايد الوحدة تتطلق علشان ان ريلها عقيم او العكس

لان هالشغلة مو بيد الريال ولا المرة كلة بيد الله سبحانة وهذا امتحان من الله علشان يوف قدر صبرنا وشلون نواجة المشكلة والله الرزاق


انا يوم سمعت عن نتيجة ريلي الصراحة اهوا توقع اني اتضايق بس بالعكس قتلة مو مشكلة ولا يهمك ليش تتضايق الطب الحين تقدم وماكو مشكلة الا ولها حل

والله كريم انشالله وانشالله نطيح على علاج زوجي يارب ياكريم ويشافيه رب العباد

افوض امري الى الله ان الله بصير بالعباد

 

[giuo]

الللللللللللللللللللللللللللللللللله سبحانه يرزق الجميع وسكر احلوج الحنه والله

 

[giuo]

الللللللللللللللللللللللللللللللللله سبحانه يرزق الجميع ويسكر احلوج الحنه والله

 

[eng.q8]

الله يرزق الجمييييييييييييييييع يارب ويهديدهم

 

[m e m e]

الللللللللللللللللللللللللللللللللله سبحانه يرزق الجميع ويسكر احلوج الحنه والله

لووووووووووووول اي و الله صاجه هالحنه هاذي لاعبه بنفسيتنا عدل

حتى لو الوحده ماتبي عيال يخلوونهه غصب اتبيي اعيال و تشك بعمرها

 

[كويتيه مذهله 87]

انا وايد من اهلنا اكباار بالسن ماعندهم اعيال ويكون السبب من الزوج بس الحمدالله امدلعييينهم للاخر

بس اذا صارت من المرا اكيد يتزوج عليها او يطلقهااا يكون السبب من اهله يحننون عليه

بس فيه رياايييل متمسكين بحريمهم الي ما اييبون اعيااال

 

[ذكريات]

في بعض الرياييل يكونون انانيين ما يفكرون الا بنفسهم

انزين اذا انت تبي عيال يعني هالمسكينة ما تبي ؟؟

ليش اذا العكس و كان السبب منه اهي تقعد معاه و تتحمل و اهو لا؟؟

بعني حتى لو كان الاهل او ربعه يحنون .. اكيد اهي بعد اهلها و رفيجاتها بيقولون لها نفس الكلام

بس و الله بنات انتوا مالكم شغل بالناس لانهم بس شاطرين بالحجي

يعني اول شي يقولون ليش ما تييبون عيال و يحنون و لما تييبون واااحد و اهم يدرون ان هالواحد ما يه بسهولة

يقعدون يسالون متى تييبون له اخت او اخو .. يعني ماراح نخلص

 

[دمثة]

على حسب لمرأة اذا حبته بتقعد وذا ماحبته ونجرة وخناق ولوعة جبد ما تبي وسبحان الله

التوافيق من رب العباد

 

[صديقه]

الله يرزقنا ويرزق كل محروم الذرية الصالحة

 

[طووم]

انا صار لي 12 سنه اقدم وحده فيكم وماعندي ولا عند زوجي اي سبب يمنع بس امر الله والنعم بالله وناويه اسوي انابيب هالفتره وعسى الله يكتب لنا الخير ويرزق كل من تتمنى ويشفي كل وحده اللهم امين بنات ترا رحمة الله مو بعيده وانا عقب هالسنين اقول اذا الله كاتب لي بيصير واذا مو كاتبلي ماراح يصير لو اروح لالف طبيب دعواتكم لي ولاخواتي الي مثلي