اهتمام الحامل بنفسها من او ل شهر

[شيخه_البيض]

بنات يعطيكم العافيه
الحمدلله الذي من علي الحمل
ابي مواضيع عن اهتمام الحامل من كل شي شعرها لبسها جسمها اكلها
ياليت اللي تعرف تفيدني

 

[مشتطـه]

شدعوة من له خلق يهتم


جربي النساة والثقل عقب حطي موضوع هههههههههه

اول 4 شهور مالج خلق حتى الكحل
نساة وترجيع ولوعة جبد و فوق هذا ناس تكره الريل

عقب تبدى ملابسج تضضيج تكرهين جسمج

عقب يبدى الثقل وتكرهين الطلعه والكشخه بكبرها

وعسى ما انعزمتي على شي الا كنسلتيه وتعذرتي

الشعر خلقة بيكثر وبيصير روعه من الحبوب والفيتامينات اللي راح تاخذينها


الاكل دوري بالنت الاكل الصحي للحامل

الجسم حاولي ما تتعدين الوزن الطبيعي اللي ممكن تزيدة الحامل

اتوقع لما 12 كيلووو

 

[قَلبڪْ صًخرْ]

والله من حملت لنص رابع
كل ماتسبحت يتني دوخه
واقعد بعدها ساعتين جني بدوامه

وعقب ماهتميت بشي
اللهم ادهن بطني بس


وشعر مو شرط يتعدل
انا صار لوعه من حملت

 

[M!SS.LOBY]

اهتمي بالتغذية السليمة والمفيدة

 

[Perfume]

بالعكس حبيبتي استمتعي بهالفترة
انا اول ٤ شهور ذبحتني النساة
بس بعدها ونست عمري
طلعات وسينمات وكشخي بثياب الحمل يهبلوووون
وقصي شعرج اذا تبين وتمكيجي وتعدلي عشان تتعدل نفسيتج
وان شالله نساتج تكون خفيفة

 

[Perfume]

ومثل ما قالت مس لوبي
هالله هالله بالاكل الصحي المفيد

 

[غلايو]

عادي

الي متعود عالكشخه بيتم عليها


انا لازم كحل و مسكرا و اعدل حواجبي وجذي

و اكشخ عالخفيف وقلوس

و الشعر حمام زيت مرتين بالاسبوع

ماسك الشعر مره بالاسبوع

ادهن بطني و صدري
بزيت زيتون
و باقي جسمي ب فازلين

و جسمي حلاوه كل شهر مع بدكير ومنكير فالصالون ههه

و كل اسبوع مره اسوي حمام تنظيف عميق نفس المغربي لكن خفيف عشان البخار موزين
لكن استخدم سكراب و صابون مغربي وجذي

 

[شيخه_البيض]

شكرا يابنات
ان شاااء الله بهتم بعمري من ناحيه الاكل

 

[You FOR Me Only]

مثل ماقالو البنات اذا جربتي النساه بتلوع جبدج من كل شي خخخخخ

 

[ام الحلوااات]

انــتــي اهــتـــمــــي بــعـــمـــرج ولاتــهــمــلــيــن نـــفــســج
قــــد مــاتــقــدريـــن بــدوون لاتــكـلـفــيــن عـلـى عـمــرج
وحــــــلات الحــــامــــل اذا اهـتـمــت بـعـمـرهــــا زااانـــت نــفـسـيـتــهــا​

 

[حرم_الغلا]

اب


اب

 

[Ga6waah83]

الف مبروك حبيبتي والله يتمم عليج على خير يارب
بالنسبه للعنايه والله انا من النساة ماااالي خلق ششي ونفسيتي تعبانه ان شاءالله اعدي هالمرحله على خير

 

[امـ خــزامـى]

مبرووك حبيبتي الله يتتم ويهون عليك

مو شرط وحام
انا وحامي خفيف بس الصباااح اتعب ودوخه وغثيان وبعدين الحمدالله عادي

اهتمي اهم شي بفيتااميناتك ولا تهملينها ابد
والاكل الصحي وابتعدي عن المنبهات والشوكولاتة لانها تتفخ البيبي وتتعبك بالولاده
وتسمممنك وصعب تخسرين وزنك

استخدمي زيت السمسم واللوز مع زبدة الكاكاو من بالمرز
وكل جسمك دهنيه فيهم
وركزي على بطنك واخر ظهرك وصدررك

شعرك قصي اطرااافه واعتني فيه زيت وكريمات

حاولي تمارسين رياضة المشي وماتصيرين بليده اذا ماعندك مشاكل بالحمل

عبي نووووووووووووووووم لان الشهور الاخيره مارح تقدرين تنامين زين

واستمتعي بفترة حمللك

 

[M!SS.LOBY]

الحامل تخفف من التعب والارهاق

 

[شيخه_البيض]

مشكورين ماقصرتوا

 

[.:lady bug :.]

صح اول الحماله تعب
بس لابد اهتمام ومو شرط يصير حلو شعرج انا معاناه الحين
لازم تدهنين بطنج وصدرج عشان ماتطلع فيه علامات التمدد
اكلي فيتامينات
خليها فتره راحه لشعرج انا جذسي اسوي طول ال 9 شهور ماقصه اخليه وادهنه وحمامات زيت عشان لاقصيته عقب يصير شحلاته
وانا باخر حمايلي باخر الاشهر قصدي اسوي خلطات صابونيه واحط كرسي وافرك جسمي
وويهج اهتمي فيه اخذي سكرب حلو من الصيدليه وكريم مرطب
منو يقول الحماله فتره تعب واهمال غلطانه
بس صح في بنات مساكين يتعبون وايد

وشكرا والله يثبت مافينا ويسهل علينا يارب

 

[اينااس]

اه على النساة تعب ومالى خلق اعتنى بروحى حتى زوجى كر هته
الله يتمم على خير

 

[miss_uk]

مبروووك والله يتمم عليج ان شاء الله

لازم الاهتمام عشان ما تكتأبين بالحمل والنفاس

اول الشهور راح يقل اهتمامج بس مو بالمرة،، حاولي تكشخين بجايم يديدة روحي الصالون سوي شعرج..

استخدمي كريمات طبيعيه ...

بعد الثالث اذا حمالج مافيه مشاكل حاولي تمشين ثلاث او اربع مرات بالاسبوع وسوي رياضة الحامل تلاقينهم باليوتيوب

اهتمي بالاكل الصحييييي مهم للطفل وهم لج انتي بعد

 

[برنسيسة2007]

حبيبتي مبروووك ي قلبي الله يتمم عليج


بالعكس استمتعي فصلي فساتين حوامل يهبلون وحطي ميك اب بس ديريبالج من المستحضرات اللي فيها رصاص

وبنات حبيباتي ديروا بالكم من:
التشقير
الاشعه
المواد الكيميائيه اللي بصابون الشعر والماسكات وحمامات الجسم

ثانا خذيت دوره عن صعوبات التعلم عند الاطفال(وهم الاطفال الطبيعيين لكن يرسبون بالمدرسه وصعب يستوعبون المعلومه)
ومن الامور اللي خبرنا فيها الدكتور ان الاشيا اللي ذكرتها انا فوق اهي السبب لانها تسبب خلل طفيف في دماغ الجنين مايظهر بالفحص الطبي
وجلدج يعتبر جهاز يمتص اي شيء عليه من كريمات وغيرها


الله يحفظ اجنتكم يارب
وديروا بالكم من الموجات الكهرومغناطسيه اللي من الموبايل وشبكات النت