اهااا انا حسبالي تتكلمين عن ارفيجتج القريبه توني انتبه ان بشكل عام
بالعكس عاد تدرين اذا اهي متعمده تقهرج وانتي حقرتيها وسويتي روحج ماتدرين عن شي ومو ملاحظه اشكثر بتنقهر ؟؟
اتخيلي انتي تسعين حق شي وتعبانه عليه ومسويه ومخططه وبالاخير ماكو ردة فعل من الطرف الثاني تحر صح ؟؟
فهني نفس الشي
ولا اردلها ياها ولا شي اسوي روحي ماحسيت بحركتها ولا انتبهت لها شنو سوت وشنو قالت لان لو رديتلها الحركه اهني بتستانس بتقول اي اكيد كنت قاهرتها من جذي ردتلي ياها وجذي عطيتيها الي تبيه ^_^
مثال قبل اسبوعين كنت زايره ناس وفي وحده من الموجودين ماتحبني ..
المهم سلمت عالموجودين كلهم واهي كانت قاعده تسولف ويا وحده ثانيه .. يوم يت اسلم عليهم جان تسلم علي وتدش داخل على طول ماردت قعدت ويا الحرمه وكملت السالفه لا شافتني وراحت داخل ..
اهي حسبالها بتظايق او بنقهر او بتستفزني عشان لا ايي مره ثانيه
بس انا سويت العكس تماما
تجاهلت حركتها وسويت روحي جني معطتها طاف ومو منتبهه عليها ولا على وجودها ولا على تصرفها وقعدت ويا الحريم سوالف وظحك ولا سالت فيها معنها سوت هالحركه تبيني انقهر واكلمها بس طنشت
واهي ماتت قهر
والحريم نقدو عليها قالو هاذي يايه تزور ولا يايه تقعد بروحها داخل
^_^
يعني خليها تسوي حركاتها وانتي حرقي اعصابها وسوي روحج مو ملاحظه ولاشي من حركاتها خليها تتعب وتاكل بروحها وتموت قهر
