انهبلت من التفكير تعالوا فكروا معاي؟؟؟

[دنياالوله]

شلونكم حبيباتي وخواتي
بدش بالموضوع على طوووووول
بنات امس كنا بالمخيم انا وخواتي ورفيجات اختي وبنات خالتي ورفيجات بنات خالتي وبنفس الوقت يصيرون جيرانهم ومخيمين يمنا...........................قلت قصة حياتي لووووووووووووول
بس عشان احطكم بالصوره
فكنت حييييل لاهيه بالشيل والحط بما ان عندنا ضيوف
فكنت مخليه تلفوني على الطاوله ومو صوبه كلش فشفت تلفوني مع وحده من بنات جيران بنت خالتي
فقلت لها عن حسن نيه شوفي جهازي ماعرف اشغل البلوتوث لان جهازها نفس جهازي فقالت اوكي وخليت التلفون من غبائي طبعا او عن حسن نيه معاها
فقعدت تحوس فيه البنت واختي الغبيه يمها
وبعدين عطتني التلفون قالت ماعرفت له ؟؟؟؟؟؟؟؟؟؟؟؟؟؟؟؟؟؟
وبس انتهى اليوم على خيييير
من باجر بنروح البر والا ادق على زوجي ويكلمني عادي جان يقولي فيه رقم غريب من اليوم يدق علي وطلعت لي وحده بتعرف :rgewrg::rgewrg:
قلت له صج؟؟؟؟ قال ايه والله بس انا ماعطيتها وجه ؟؟؟؟؟؟؟ ودي اصدق طبعا بنات انا زوجي له سوابق
مشيت الموضوع عادي مانتبهت بعدين جاني احساس انها البنت اللي كان معاها تلفوني مادري ليش
لما قلت حق خواتي جان تقول لي اختي تصدقين طاحت عيني عليها تقرا مسجاتج
وانصدمت منها غبيه قلت ليش ماخذيتيه منها قالت مادري انسبهت
ماودي اظلم احد بس السالفه واضحه اليوم كان عندنا عشا بالمخيم وماجوا كان ودي اشيك على تلفونها
لا تقولون غلطانه لا يمكن مو اهي ليش بالوقت اللي انا موفيه دق تلفونه بالغلط وعلى قولته اكثر من مره وليش ريلي قالي مع انه مو من النوع اللي يقولي كل شي بالعكس كان حريص اني مااطيح عليه
انا عندي احساس انها بينت له انها تعرفه او تعرفني ف خاف وعلمني
مادري حدي محتاره؟؟؟:bbbiu:
بنات انا اقول يمكن تقول ان زوجي صابر علي جم سنه ماحملت ف يكون فرصه بالنسبه لها
انا عندي ولد بس الله يحفظه وعمره 7 سنين
او انه يشبه ممثل ف عجبها خو اهي اكيد داشه ع الصور دام شايفه المسجات


شوروا علي ش سوي:krkrkr::krkrkr:

 

[لاتكابر غلطتي]

لاتوسوسين فديتج ..
وتعوذي من الشيطان
واذا بتتاكدين اخذي منها تلفونها ع بونه ماعندج رصيد وجيكي ..
وهم اخذي تلفون زوجج ودقي منه وسمعي صوتها اذا هي او لا ,,
ووحاولي انج تزرعين الثقه بينج ويبنه ..

والله يستر عليكم ويخليه لج ولولده

 

[ام بس بس 2010]

رد : انهبلت من التفكير تعالوا فكروا معاي؟؟؟

ووويه ديري بالج روحياخذي الرقم الى داق علي زوجج ودقي عليهاوشخليها على توقف عند حدها ودامج زووجج له سوابق همن اقولج ديري بالج حيااااااتي وانت بعد تقولين زوجج الله يخليج لج يشابه ممثل همن اقووولج اخذ الرقم الى داق على زوجج وزفيها وااااااايليش ساكته ليما اللحين روحي اخذي الرقم ودقي قطعي الشك باليقين اهى وله غيرها المهمريلج وبيتج حبيبتي وترى ولله بنات هالايام والله مايحلى بعينهم الا الى متزوج وسلامتج

 

[دنياالوله]

بنات انا زوجي كان لاعب ف عشان جذي كان له سوابق

 

[ضايعة بدنيتي]

رد : انهبلت من التفكير تعالوا فكروا معاي؟؟؟

حبيبتي وانتي ليش ما حطيتي رقم سري على الموبايل عشان ولا احد يقدر يفتحه ولا يتعبث فيه من غير علمك ؟؟

عموما ان بعض الظن اثم ومعاك حق انك تشككين لان تتابع الاحداث يخليك تربطين كل هالامور ببعض ..

ليش ما خذتي الرقم من عند زوجك ؟؟ اذااااا كانت فعلا هي الي متحرشة فيه وبينت له معرفته فيكم يمكن بتكون متصله من رقمها ..

ومردها بتجي لا تحاتين .. وهي بتكون مأمنة انك ما تدرين عن شي ابد وبعدين استأذني منها انك تبين تشيكين تلفونها . وشوفي الي تقدرين تشوفينه .

بس الغلط منك للاسف .. المفروض تلفونك ما يكون مرمي للي يسوى والي ما يسوى

الحين نجي لزوجك ... قولي الحمدلله مليون مرة ان ربي رزقك بالذرية .. سواء 1 ولا 10 . والله يحفظ لك وليدك ويخليه لك . وان شاء الله تحملين عاجلا غبر آجلا وانتي خلك واثقة بربك وخلك واثقة بنفسك وقومي بواجبك على اكمل وجه

ربي يهدي زوجك ويسخره لك ويبعد عنكم شياطين الجن والانس

 

[دنياالوله]

حبيبتي ضايعه بدنيتي مشكوره ع هالدعوه ولك بالمثل بالعكس حبيبتي الف الحمدالله عالنعمه والله يخلي لي وليدي
وادري اني غبيه ع قطت التلفون بس والله نسيته انشغلت بالضيوف
وادري انها غلطتي بس قدر الله وماشاء فعل

 

[فـــهـــد]

تقدرين تشوفين الرقم من رجلج وتخلين بنت خالج تسولف معاها وانتي تدقين من رقم سعودي أذا قالت حق بنت خالج انا مشغوله شوي اكلمج معناتها معاها خط ثاني محد يعرفه

 

[أنهار الورد]

حبيبتي حتى لو كان زوجج له سوابق مثل ماتقولين لو يبي يخربط معاها ويعطيها وجه كان ماقال لج السالفة ان احد يتصل وجذي
لو اتصلت مره ثانية خليه يحط ع السبيكر واسمعي الصوت واكيد بتعرفينها بس انتي المفروض من الاول ما تخلينها تمسك تلفونج لانه شئ خاص فيج
يااارب ماتكون هي بس بنفس الوقت شهالصدفه يعني اللي عقب ما تركت التلفون صارت تجي مكالمات لزوجج
ان شاء الله خير وربي يبعد عنج وعن زوجج كل اذى

 

[انثى استثناء]

شوفي انا من راي انج تسالين بتات خالج عن رقم تلفونها اذا نفس الرقم الي دقت فيه على زوجج اوكي انت قطعت الشك باليقين

بس مو تقولين السالفه لبنات خالج حاولي تحصلين على رقمها بهدوء يمكن مو اهيه

بس انت شنو شفتي البنت حسيتيها خفيفة و يعني تبين البنت الي مو اوكي يعني عندها حركات و نظرات خاصه

و لا شنو ؟

 

[انثى استثناء]

شوفي انا من راي انج تسالين بتات خالج عن رقم تلفونها اذا نفس الرقم الي دقت فيه على زوجج اوكي انت قطعت الشك باليقين

بس مو تقولين السالفه لبنات خالج حاولي تحصلين على رقمها بهدوء يمكن مو اهيه

بس انت شنو شفتي البنت حسيتيها خفيفة و يعني تبين البنت الي مو اوكي يعني عندها حركات و نظرات خاصه

و لا شنو ؟

 

[EmMy]

رد : انهبلت من التفكير تعالوا فكروا معاي؟؟؟

لا تخلي جوالك بيد احد
هذا الزمن ما تأمني أحد والله انه يخوووف
الله يخلي لك زوجك ويوفقكم يارب

 

[ديانا سبنسر]

اااالله يفكج من شرها اللهم اميين

 

[جـــواهر]

عشان ديرين بالج ثاني مره حطي رقم سري ..

انا اختي واهي اختي ماحبها تمسك تلفوني وتشوف مسجاتي مع زوجي

من عقب ما انحطيت بموقف محرج ... مع اخوي يتعبث بتلفوني ولقيته داش ع المسجات

وكلامي انا وزوجي ووووووووووووصخ والله اني قعدت يومين ماطالع بوجه اخوي بس قلعته

سكووو يتليقف ويقرا سوالفنا انا وزوجي

 

[ام الوردة]

خلي زوجج يدق عليهاااا ويسمعج صووتهاااا عاد اذا اهي العني ابو خيرها الخير

عشاان تتوب

واذا شاااااافتج تتحاااااااشاج

 

[بحر الذكريات]

دقي من تليفون زوجج عليها واشخليها شخال ومنها اتعرفين اذا هي والا لا

واستغفر الله مابي احط بذمتي بس شكلها هي

 

[الأميرة جوري]

امبيييييييييييييييييه ديري بالج انا ما ودي اظن فيها لان بعض الضن اثم بس والله لو انا مكانج اقوله واصارحه في وحده تعبثت بتلفونى ليكون اهى وقولي له ديربالك غثتنى وجريئه ......خليه يفهم ..وثاني مره غيري اسمه بتلفونج لبنت او خلي لتلفونج رقم سري محد يفتحه ...انا اذكر رفيجتى كانت مخطوبه ومن غيرت رفيجتها دقت عليخطيبها وشوهت سمعتها بس اهو صادها وانفضحت وانكشف امرها مع انه كان ناوي يطلقها ...دنيا تخووووووووووف لا تامنين احددددددددددددددد انتبهي

 

[الغلاااااا]

اخذي رقمها من بنت خالتج وجيكي هالرقم موجود بتلفون زوجج ولا لأ
واخذي تلفون زوجج ودقي عالارقام اللي يقولج انها بنت تتحرش ودقي من تلفونه وشوفي شلون ترد بميانه ولا لا
اذا ميانه معناته زوجج معطيها وجه
وانشالله مايكون الا الخير

بس نصيحه لاتأمنين لأحد الا التلفون

 

[زغزوا]

رد : انهبلت من التفكير تعالوا فكروا معاي؟؟؟

لا حبيبتي الحل عندي وانا بو هندي هههههه
سمعي حبيبتي اخذي الرقم من ريلج وروحي سألي بنت خابتج عن رقمها
وشوفي اذااهو نفسه
بس هم تطلع اذكى وتكون داقه من رقم ثاني
بس تقدرين تتاكدين من بنت خالتج لانها رفيجتها وتعرف صوتها بالفون

 

[ح ـــــور~]

رد : رد: انهبلت من التفكير تعالوا فكروا معاي؟؟؟

بقولج راي اول شي اخذي الرقم من رجلج ودقي علي البنت من تلفونج وحلاتها تكون قبالج لما تدقين وهي ترد وكلميها

وثاني شي رجلج حلو منه انه قالج بالعكس تطمني انه احسن من قبل وواثق بنفسه

ديري بالج تبينين له انج شاكه فيه ،،،

والله يسخركم و يخليكم لبعض ،،

 

[al-musk]

نطري وشوفي لاتظلمين أحد والغلط اكيد منج لأنج عطيتيها تلفونج وانتي مو صوبها..وسهل تعرفين هي منو..واذا طلعت هي فلاتسكتين لها بس طبعا بعد ماتتاكدين مليون بالمية