انقذوني والي يعافيكم

[مترجمه]

سلام بنات من غير مقدمات ولدي مسكه اسهال صارله اسبوع وعطيته اس 26 مافاد وعطيته ايزوميل هم مافاد شلحل صحته راحت من الاسهال ودايخ ع طول

 

[شـوق@]

فوحي بطاطه واذا خلصت وكليه

وعطيه روووب بعد زين

 

[Australia girl]

البطاط المفيوح زين وهمن الموز ومايشوف شر

 

[مترجمه]

عمره ٣ ششهور حبيبي ماياكل

مشكورين ع العموم ماقصرتوا

 

[المكسيكيه]

عطيتي مطهر للمعده
انا بنتي يوم كانت بعمره حاشها اسهال والله من ثاني جرعه وقف اسهالها
بس اشوف اسم الدوا وحطه

 

[ام جي جي الحلوه]

حبيبتي فوحي لها حلبه وعطيها ماي الحلبه وايد زين للاسهال

 

[ام جي جي الحلوه]

الله يقومها بالسلامه

 

[جذابه بنت ذيابه]

عطيه مووز وروب

 

[PuPa^^SWeeT]

عطيييه ماي العيش




عصير تفاح

 

[مترجمه]

مكسيكيه حق شنو المطهر ماله مضار؟؟؟. اذا فاد فيدني يامال الجنه بلحق عليه بحولونه اميري يعطونه حليب نباتي وانا مابي يصير نباتي

جذابه ياليت ياكل عشان اعطيه



لوبا سويت ان شالله بعطيه ماي عيش

ام جي جي الله يسلمج

 

[ام عفاف الكويت]

حبيبتي مايشوف شر
انا افوح لولدي كنت بطاطه
وروب

 

[zain-alq8]

لاديري بالج الحلبه موزينه للمواليد روحي الطبيب صدقيني لاتلعبين فيه بذمتج ولدج روحي ارشحلج الدكتور المخيزيم ببرج مزايا بالجابريه حيل فاهم

 

[zain-alq8]

بنات شلون تفوحله بطاط وموز واهو عمره ثلاث شهور لاتعطينه ولاشي لادواولاخرابيط ساعات يكون فايروس ويروح انتوا روحي الطبيب ومليشووف شر

 

[مترجمه]

مشكوووورين كلكم ماقصرتوا وزين الكويت لامستحيل اوكله بعده صغيرون ناطره السبت باجر واوديه مرة ثانيه والله كريم

 

[كوكي العسل]

اختي عطيه محلول الاملاح من الصيدلية يعوض جسمه اللي خسره

ترى مو زين لا سمح الله يمكن يصير فيه جفاف

وراقبي حفاظته وبوله تكرمين اذا مايبول طيران على المستشفى