انقذونى متوهقة

[ايشوريا]

السلام عليكم ورحمة الله وبركاتة



بنات عفية ساعدونى اختى عرسها 3-5 تو اليوم جابو المهر وقالوا انهم حددوة وما سالونا المشكلة اختى عندها مناطق غامجة انتوا عارفين الاكواع والركب و---------:rgewrg: وابى احسن دكتور او دكتورة او خلطة تنفع زوجها مطلق وفوق هذا اختة تقول اخوى وسواسي نظافة ويحب المراة الا تهتم بنفسها من الداخل قبل الا برا :eh_s(14):ونقزات عن زوجة الا طلقها وانها ماتهتم

تكفون ساعدونى ما فية وقت :yaaaaaarb:

 

[العـــذوب]

الله يعينكم
والله انا مو من الكويت والا كان افييدك

بس اهم شي تبدا الليزر وبرنامج توحيد اللون من بكره

وان شاء الله البنات مايقصرون باسم المركز المناسب

 

[لميس نفسي]

وه


والله الرياجيل ماعندهم سالفه

يعني حسبالهم أحنى ملائكه

شفيها اذا الركبه او الكوع غامج

يعني احنا مواجانب خليجيين

والله انا من ناحيتي

لاتتعب اختج وتوصل لمرحلة الكمال لان الكمال بس لله

ومع ذلك مايمنع انها تسوي

بس انا حتريت شوي . . ..


شوفي حبي بقولج طريقه بس تلتزم فيها اختج

يوميا تدهن بزيت زيتون المناطق السوده وتاخذ ليمونه وتحط فيها ملح خشن وتفرك فيها

وبعدها تغسلها وتحط كريم مرطب المرطب لازم يوميا

وبعد السبوح تحط كريم فيتامين سي

وهذا اشياء طبيعيه

اما في منتج عند انور حق الاماكن الغامجه وهي كريم اساس بس حق الكوعه والركب تستخدمه عند انور ب 9

وعند النسائم كريم اسمه سالي هانسن ب 4


والله يوفقها ان شاء الله

ويصلحها ويهنيها مع زوجها

وصح الوسواسي شي لان اخوي وسواسي وحيل متعذبين معاه

بس خليها تنتبه وتطول بالها لان الوسوسه تعتبر مرض ولازم تعايش معاه


والله يوفقكم ويوفقنا

وسوري اذا ضايقتكم . ..

 

[ايشوريا]

اهلين العذوب ماتقصرين بس واين يسون توحيد الجسم بعيادات جلدية او صالون لان ما اعرف ومشكورة

 

[ايشوريا]

مشكورة لميس والله متوهقة لانها تقول وسواسي نظافة واهتمام حيل يكرة المراة الا تهمل بنفسها وعاد اختى مهملة وفوضوية وطفارتها الترتيب ماادري اشلون بيعشون مع بعض

 

[لميس نفسي]

مشكورة لميس والله متوهقة لانها تقول وسواسي نظافة واهتمام حيل يكرة المراة الا تهمل بنفسها وعاد اختى مهملة وفوضوية وطفارتها الترتيب ماادري اشلون بيعشون مع بعض

هذي اقسام سبحان الله

الله يخلي التضاد يجتمعون مع بعض عشان تساوى الدنيا

فعادي مرت وايد ان الزوجه عكس الزوج

وانا مثل ماقلت الوسواسي صعب (( كتجربه مع أخوي

فلازم تطول بالها

والله يوفقها .. .

 

[شوارفسكي]

مالج شغل بالكلام ياما رياجيل قالو نبي ونبي وخذو حريم كلش مو نفس مواصفات اللي قالوها وطارو فيها هذا نصيب لاتخافين وتوترين اختج طبعا كلامي مايمنع ان اختج تبلش حمامتت مغربي وحده بوحده

 

[دنـــدونـــه]

حبيبتي لاتوترين وتوترين
اختج معاااج خلج ريلاكس
وروحي لدكتور ينصحونج فيه
للجلديه والنت متروووس تجارب
بنات مع الدكاتره فيه دلال التكريت
وفيه الدكتور علاء بعيادة بوشهري كلينك
اختي عنده تسوي تقشير لبشرتهاا والله حلو
وفيه دكتور بشوره يمدحونه
وانا وحده امدحتلي ايمن علوان بالاوروبي كلينك
وانشاءالله الله يسهل الامور بس عليهاا الدعاء بالسجوود
انه الله يسهل امورها ويجملها بعين زوجهااا
ويحببه فيهاا ويسخرلهاا زوووجهااا
وانشاءالله ربي بيسعدهااا​

 

[إأبك إنـأ إبيك]

إب إب لعيؤؤنـج ..

 

[سويت فانيلا]

اب اب

 

[خشف العذارى]

خل تستمر على خلطات من العطاريين
او تسووووووووووووي ليزر وهذا الافضل

 

[ضايعه بينهم]

والله ثم والله دخلت عشانج وراح تدعيلي من قلب لاتحاتي اختج
من تجربتي كريم زبدة البحر بيومج تلاحظين الفرق لا دكاتره ولا خرابيط مايجي اسبوع الاتلق لق من الكريم
دعواتج لي بالوظيفه

 

[تمرهـ }..]

انا ابي بعد ههههههههههه
الله يوفقها ان شا الله .. و الترطيب اليومي مهم ..
و يمدحون كريم الدوكين ..

 

[مارياq8]

Re: رد: انقذونى متوهقة

اب اب

 

[مشتــآقـه]

حياتي في عندنا عضوه عندهاا كريم الكل يمدحه وصراحه انا طلبته منها من اسبوع ومن الضغط تنطر كميه تجيها هذا الكريم يقولون انه يبيض الجسم والاماكن الحساسه باسبوع واذا مانفعج باسبوع تردلج فلوسج وانا بجربه هالاسبوع واول مااجربه باذن الله ابلغج اذا نفع اولا عشان تجربينه

تقبلي مروري

 

[Cuta2010]

حبيبتي الغلا ميخالف تذكريلنا اسم التاجره و اسم الكريم ...

حابه اقرا الموضوع ما عيج امر :eh_s(7):

 

[ايشوريا]

بنات يعطيكم العافية وانشاء الله ربي يوفقكم ويسر اموركم

 

[زهره الجلنار]

خليها اتسوي حمامات مغربيه واترطب جسمها على طول وفي خلطة بنات خالتي يسوونها بالاربعين لانه بالحمال وايد يصيرون غامجين وحلوه الخلطه اتبيضهم هرده وشكر وليمون تخلطينهم مع بعض واتحط الخلطه بالليل والصبح اتسبح بس لما اتغسل اتفرك بحركه دائريه

 

[حبي لكـ وهـم]

الله يوفقها ماعندي شي يبيض بسرعه الا خلطه داهيه مطير


تلقينها بقسم العنايه

 

[نورعيونك]

خل تسوى برنامج بصالون والمنطقه الحساسه تسوى ليزر يقولون تفتح وترتاح مراوحده