انفوسنتر

[فرآشة]

السلام عليكم ورحمة الله وبركاته

بداية شلونكم شخباركم ؟؟

انفوسنتر حابه اسجل عندهم

انا باخذ المستوى التأسيسي والمستوى الأول بهالصيف وبكمل بعد في المدارس

اللي ابي اعرفه جم مستوى عندهم بمافيهم التأسيسي وجم مدة المستوى ؟ وبما اني طالبة بدخل 12 السنة الياية تتوقعون المستوى جم عندهم اللي يتفوق على المنهج يعني مثلا بريتش كونسل قالتلي وحده مستوى المتوسط عندهم اللي يدخله يمصخر منهج المدرسة فمادري عن انفوسنتر ؟

 

[zainab.91]

ماعندي علم وودي اعرف عن دورات انفو سنتر
انا رحت برتش كانسل واهوا معروف قوي وتاخذ عليه شهاده دورتهم لمدته شهر في مرتين بالاسبوع وفي 3 ايام بالاسبوع على حسب المستوي اب 220 دينار و يسون لج قبلها امتحان مستوى عشان يعرفون يحطونج باي ليفل ونصيحة من الحين اكتسبي لغة تستفيدين حق الجامعة والله يوفقج :*

 

[ام السرور]

اي والله اخذي انجليزي من الحين احسن وتقوي عدل والله باجر تحتاجينها بالجامعة لا تنطرين لما يحدج الزمن انت بعدج اصغيرة وبسرعة راح تتعلمين واستفيدي فترة الصيف
انا ما تعلمت اللغة إلا لما قررت اني اكمل دراسيتي واشرطوا علي الأيلز او التوفل والجيمات وكلهم مربوطين باللغة بس الحمدلله راح الكثير ما باقي إلا القليل بالنسبة حق انفوسنتر بصراحه انا ما جربت بس ولد عمي جرب وندم والحين هو معاي بإكسبرشن
بس المهم لا تستعجلين اللغة مو شهر ولا شهرين ولا ثلاث لازم توصلين لمرحلة الي من بعدها ما تحتاجين لا معهد ومدرس وانت تقوين نفسك بنفسك
اعرف وحدة الله يوفقها يارب ما إبخلت على باي نصيحة حتى للحين تتصل علي احينا بس عشان تتاكد اني ما قطعت مع انها عربية بس دايما تكلمني انجليزي حتى لو غلطت ما تضحك على بالعكس تصلحلي وقالتلتي اذا تبين تتعلمين لا تخجلين نهائيا وغلطي مني لي باجر انت هني عشان تتعلمين والإنسان يتعلم من الخطا اهم شي ان الشخص يشتغل على عمرة
ومثا ما قتلج دام انج للحين باقي لج سنة على الجامعة استغلي الفرصة وهذا نصيحة من اخت اكبر منكم مرت بعقدة اللغة
واذا احتجتي اي استفسار قوليلي وانا اعرفج على الأخت او استفسرلك منها وارد عليج مو بس انتي اي وحدة تبي مساعدة في اللغة والله انا حاضرة وبالخدمة
الله يوفقنا كلنا .... امين