انفعاليه زياده عن اللزوم

[ورد المطيري]

سلام عليكم

مشكلتي اني انفعاليه حييل ومااتحكم بأعصابي خصوص بالاماكن العامه وتسبب بأحراج لنفسي والي معي يعني لاعصبت ماشوف الي حولي اقط الي بيدي وشكثر قطيت فوني شسوي دايم تصير هالحركه مع امي أو خواتي أو رفيجاتي بسوق وانا من النوع الي اتنرفز ،رفيجتي تقول روحي طبيب نفسي يعالجج تكفون شسوي نفسيتي تعبانه ....

 

[القصيدة]

السلام عليكم و رحمة الله و بركاته

عوافي يا الغاليـــــــــــــــة :eh_s(17):

أنا قبل انفعاليـــــة كثير و مازلت إلى حدٍ ما لكن الحين أقل بكثيـــــــــــر الحمد لله و هذا طبع للأسف لكن ممكن نخفف منه

أكثري من التعوذ بالله من الشيطان الرجيم و من الغضب

و ذكّري نفسك قبل تروحين لأي مكان أو تلتقين بأحد انو لما تحسين بالنرفزة تغيرين المكان

حتى لو كنتي باجتماع عائلي ،، روحي المطبخ أو دورة المياه .. أهم شي لا تجلسين في نفس المكان

و أنتي لوحدك خبّري نفسك انو لازم تمسكين أعصابك و لما تهدأين ارجعي للناس

مرة بعد مرة راح ترتاحين و تهدأ انفعالاتك أكثر لأنك راح تلاحظين الفرق بين نفسيتك لما تنفعلين و بين لما تكظمين غيظك

و على فكرة ترى العمر له دور ،، كل ما تكبرين بالعمر راح تقل الانفعالية و تهدأ أعصابك أكثر

موفقـــــــــــة غلاتي :eh_s(17):​

 

[هاديه احمد]

تأكدي ان العصبية تنفر الناس منج
وكل ماحسيتي بعصبية اتوضأي واذكري الله

 

[ms> pink]

كم صفحه تقرين من القران يوميا؟؟

زيديها وداومي على القرأن لانه مهذب للنفس .
ولله راح تتغيرين وتهدا اعصابك .استمري شهر وشوفي الفرق

 

[الخجل الانثوي]

حاولي تسكرين قبضت ايدج حييييييييييييل وتستغفرين بقلبج وخلاص<< انا جذي انفعاليه حدي لو بطلع معاهم
وقالو لي لا اقلب البيت ليش ومدري شنو وشيفكهم مني خخخخخخخ
بيسكتوني مو قادرين اممممممممم بس سكري ايدج واستغفر وخلاص موفقه

 

[banoota 3sal]

و عليكم السلام و الرحمة

حبيبتي حالتج هذي تدل على ان الأدرينالين بجسمج يفرز بكميه كبيره
جربي تقللين من إفرازه بإنج تعودين نفسج إنج تاخذين نفس عميق بهدوووء
و مارسي الرياضات اللي تهدي الاعصاب (( خصوصاً اليوقا ))
أتمنى تساعدج و اذا انفعلتي مره ثانيه
راجعي طبيب و قوليله عن حالتج و سأليه عن الطرق اللي تقلل فرز الأدرينالين
لأن كثرة إفرازه سبب بالغضب و الانفعال و ممكن ساعات تلقين نفسج ترجفين و..و.. إلخ

أتمنى إني أكون أفدتج
و تقبلي مروري حبيبتي d:

 

[أعشقه]

والله انا نفس حالتك بس هالفتره يعني لي سنه ونص وانا اشوف نفسي كذا
حتى من عصبيتي قام يجي لي صداع واحس بضغط كبير في راااسي وقلبي قام يالمني وحتى جسمي مدري ليييه
واحاااول والله اني اتخلص من هالشي بس مو قادره وبسسسسسسرعه ازعل حتى لو الشي مايزعل
اذا عرفتي علاج او حل عطيني اياه .. وربي يمن عليك وعلينا بالصحه والعافيه

 

[@ كويتيه @]

حبيبتي إذا. عصبتي. توضي وهي من مميزات أبعاد الجن عن الانسسسس وتعوذي من ابليسس

 

[sosowaty]

اااااااااب

 

[ورد المطيري]

مشكورررين يابنات ماقصرتوا ان شاء الله راح ابدى اسوي نصايحكم وان شاء الله اتحسن موفقييين ..

 

[يسحرني بنظراته]

انت انفعالية مع اشخاص معينين؟
ولا كذا مع الكل !!!

 

[روانتي 12]

أمسسكككي نفسج قد ماتقدرين وحاولي ماتعصبين مهما ماصار .. لين ماتصير حالتج أحسن .. ومع الوقت بأذن الله راح تروح هالعصبيه ..,^^

 

[ابي اصير ممثلة]

عادي وايد ناس نفسج

 

[91 hellokitty]

السلام عليكم اول شي خطوه حلوه انج حاسه بهل شي معترفه فيه ونصيحتي لج انج تكثرين استغفار ولما تحسين نفسج بتعصبين قولي بقلبج مايسوى اني اعصب واحرج الي وياي كل شي بالتفاهم يصير او غيري المكان واستغفري ولاتنسين التمارين الرياضيه والاسترخاء وقراءة القراءن

 

[منال 1986]

الله يعينك