انـا اليوم عرفتج باجر حمولتج كلها راح تعرفج

[~*~الملكة~*~]

الســلام عليكم


بنات هذا الموضوع يمكن نزلوه عضوات قبلي وااااااااايد



حياتكم الخاصه ملك لكم مو للناس



والله العظيم يوم الخميس في عضوه منزله موضوع انا عرفت اهيا منو ومنو حمولتها ومنو ريلها


زعلت وتضايقت ليييش تكتب مثل هالموضوع


واحب اقولها مثل ما انتي قاعده تتكلمين عن حمولتج بالنت وتفضفضين همومج للبنات

بصوووووره تفصيليه الي انا يالبعيده عرفتج وعرفت كل حماة تكلمتي عنها


باجر هالموضوع يصير سلاح ضدج ويخلون زوجج يشوفه !!!

وانتي مسويته للبنات ملاااااك واهله شياطين !!!!

زوجج يصير لي واهله عزيزين علي انا ماارضى عليهم

اليوم انا عرفتج وسترت عليج باجر غيري راح يفضحونج ويقولون فلانه مرت فلان

تتكلم عن زوجها وعن اهله بالنت

شنو وقتها راح تبررين موقفج شنو راح تقولين !!!

فكرررت مليون مره ادزلج رساله خاصه واقولج بس قلت الي تكلمت عن زوجها واهله

اكيييييييد بتتكلم عني !!!

وفكرت اني اكلم وحده من الاهل تكلمج بس قلت لأ حرام افضح البنت بين اهلنا ....

مو علشانج والله علشان زوجج واهله

وقررت اني احط هالموضوع للكل

واتمنى كل وحده تكلمت عن حياتها بصورة تفصيليه تعتبر هالموضوع موجهه لها

الكويت صغيره والمنتدى كل من يدخله حياتكم ملك لكم لا تقولون تفاصيلها للغير

باجر تصير سلاح ضدكم



بنات انتو اذا سمعتو وحده حشت فيكم عند وحده تزعلون وتقلبون الدنيا

فما بالكم بالي ينشرون غسيلهم بالنت !!!

فكرو مليووون مره قبل لاتنزلون الموضوع ترضين احد يفضحج ويتكلم عنج

اكيد ماترضين فلا ترضين هالشي على غيرج !!!!

 

[عاشقة_الجمال]

اي والله انا معااااااااج

اللي تبي تعمررررر في بيتها لا تتكلم عن احد بشكل واضح بالنت

يعني اذا انتي في مشكله وودج تشكين همج حاولي انج تغيرين بالشخصيات

لا تتكلمين بصراااااااااااااااااااااااااااحه

يعني كاااااااااه الحين راعيه الموووضوع عرفت وحده بالمنتدى وما رضت بالحجي اللي مكتووب

ولوو صاحبه المووضووع عقلها صغير ممكن ترووح تفضح البنت وتقووولها تعالوو شووفوو تتحجى عنكم بالنت

ونفس الشي اذكر اختنا احلى سماء مسكينه يووم حماها ما ادري منوو من حمووولتها عرفتها

وسووو لها مشكله وقالوو لريلها مرتك فاضحتنا بالنت

خلووو بالكم يا بناااات

تبووون تشكووون همكم اشكووو بس حاولووو تغيرووووون بالقصه شوووي عشان لحد يمسك عليكم شي

 

[ملواكي]

صج كلامج 100%
كتبوا قصصكم من غير اي تفاصيل احسن
انا مع ان البنات يفضفضون بس من غير لا يدشون بالتفاصيل الخاصه او اللي ادل عليهم لان الكويت اصغيره


وزين سويتي سترتي عالبنت ماله داعي اتكلمين احد من اهلها او اهل زوجها لان البيوت اسرار انتي تقولين عنهم زينيين بس اهي الي عايشه وياهم.

 

[كلي ثقه و سنع]

رد : انـا اليوم عرفتج باجر حمولتج كلها راح تعرفج

صاجه اميه باليه

 

[trakmia]

للرفع واتعظو يابنات ولا تفظحون نفسكم بنفسكم

 

[قلبي عبدالله]

معاج حق

مو ضروري شرح التفاصيل

طرح المشكله بشكل عام يفي بالغرض
وفيكي الخير انك مافضحتيها

والله لو غيرك شهرت فيها عند حمولتها وخلتها خروف العيد

 

[ربيعه]

والله الناس فيها فضول مو طبيعي وشوفي شلون كل ماتدشين تلقين مليون وحده زايره ملفج الشخصي خير ؟ شنو تدورين ؟


وبعدين الوحده بتفضفض وكلن عارف نفسه وهي تقول قصتها من وجهه نظرها يمكن انتي واصلج الموضوع غلط ؟؟ عالعموم لحد يدور ورا الثاني واذا انتي عرفتيها ليش مازمه الموضوع جذي؟؟ مافيها شي ترا واذا حمواتها شافو الموضوع ( بالصدفه) يصير خير ساعتها

ومشكوره عالنصيحه

 

[FeShinGoOo]

رد : رد: انـا اليوم عرفتج باجر حمولتج كلها راح تعرفج

صج كلامج 100%
كتبوا قصصكم من غير اي تفاصيل احسن
انا مع ان البنات يفضفضون بس من غير لا يدشون بالتفاصيل الخاصه او اللي ادل عليهم لان الكويت اصغيره


وزين سويتي سترتي عالبنت ماله داعي اتكلمين احد من اهلها او اهل زوجها لان البيوت اسرار انتي تقولين عنهم زينيين بس اهي الي عايشه وياهم.

معاهاااااااااااااااااااااااااااااااااااااااااااااااااااااااااااا

صح انتي تقولين عنهم زينين بس اهي الي عايشه وشايفه الوضع اشلون وماكتبت الا متاذيه منهم

 

[المرتاحة]

اوكي تكلمت البنت بالتفصيل بس ماكو بنت تذكر تفاصيل دقيقة ,

خلوا البنات يفضفضون حتى لو انتي تشوفينه ظلم لكم بكلامها بس اهي قاعده تتكلم من وجهة نظرها اهيا

انا ما اقول جذي علشان اشجع البنات على التأليف بالعكس انا ضد هالشي بس اللي انا اقول يعني ماله داعي تلاحقون الناس حتى بالمنتديات

يا اختي خليها تقول اللي تقول وتفضفض يمكن مو لاقيه احد يسمعها و الله يعلم شنو هي ظروفها

ةاذا تكلمت عنكم انتي ليش تزعلين دام واثقه من نفسج ويمكن تطلع مو اهيا البنت اللي في بالج اشكثر بنات مشاكلهم تتشابه

الله يهديكم بس

 

[أسم والسلام]

جزاك الله خير على الستر

وانا ماخذه راحتي لأني سعوديه هههههههه منتدياتنا أصير رسميه مره يمكن وحده تعرفني وتنشر أسرار أهلي وحمولتي هههههههه

يعني منتدى كويتيات الأقرب لقلبي


الصقله ضايعه هههههه

نصيحتي للي تبي تخورها وتبط الجربه تكتب في منتدى خارج دولتها ترتاح

 

[حبيبي مالكني]

رد : انـا اليوم عرفتج باجر حمولتج كلها راح تعرفج

صح كلامج
بس احيانا البنات يكونون مضغوطين ويبون يفضفضون اهنيه

 

[~*~الملكة~*~]

اي والله انا معااااااااج

اللي تبي تعمررررر في بيتها لا تتكلم عن احد بشكل واضح بالنت

يعني اذا انتي في مشكله وودج تشكين همج حاولي انج تغيرين بالشخصيات

لا تتكلمين بصراااااااااااااااااااااااااااحه

يعني كاااااااااه الحين راعيه الموووضوع عرفت وحده بالمنتدى وما رضت بالحجي اللي مكتووب

ولوو صاحبه المووضووع عقلها صغير ممكن ترووح تفضح البنت وتقووولها تعالوو شووفوو تتحجى عنكم بالنت

ونفس الشي اذكر اختنا احلى سماء مسكينه يووم حماها ما ادري منوو من حمووولتها عرفتها

وسووو لها مشكله وقالوو لريلها مرتك فاضحتنا بالنت

خلووو بالكم يا بناااات

تبووون تشكووون همكم اشكووو بس حاولووو تغيرووووون بالقصه شوووي عشان لحد يمسك عليكم شي

والله والله كنت بقول حق ريلي بس مسكت نفسي خفت على بيت المره لاني ادري لو قلت حق ريلي

ماراح يرضى بهالشي بحكم صلة القرابة الي بين زوجها وزوجي ماراح يرضى عليه

 

[BiiShOoO]

صح لسانج

 

[~*~الملكة~*~]

صج كلامج 100%
كتبوا قصصكم من غير اي تفاصيل احسن
انا مع ان البنات يفضفضون بس من غير لا يدشون بالتفاصيل الخاصه او اللي ادل عليهم لان الكويت اصغيره


وزين سويتي سترتي عالبنت ماله داعي اتكلمين احد من اهلها او اهل زوجها لان البيوت اسرار انتي تقولين عنهم زينيين بس اهي الي عايشه وياهم.

انا مابي اقول شنو صلة القرابة واكتفيت بكلمة من بعيد

وانا اعرفهم من قبل لا اهيا تصير جنتهم ...

عشرة عمر معاهم

 

[~*~الملكة~*~]

صاجه اميه باليه

تسلمين

للرفع واتعظو يابنات ولا تفظحون نفسكم بنفسكم

مشكووره

 

[~*~الملكة~*~]

رد: رد : رد: انـا اليوم عرفتج باجر حمولتج كلها راح تعرفج

معاج حق

مو ضروري شرح التفاصيل

طرح المشكله بشكل عام يفي بالغرض
وفيكي الخير انك مافضحتيها

والله لو غيرك شهرت فيها عند حمولتها وخلتها خروف العيد

انا مابي افضحها لان بيتها راح يخترب

والله الناس فيها فضول مو طبيعي وشوفي شلون كل ماتدشين تلقين مليون وحده زايره ملفج الشخصي خير ؟ شنو تدورين ؟


وبعدين الوحده بتفضفض وكلن عارف نفسه وهي تقول قصتها من وجهه نظرها يمكن انتي واصلج الموضوع غلط ؟؟ عالعموم لحد يدور ورا الثاني واذا انتي عرفتيها ليش مازمه الموضوع جذي؟؟ مافيها شي ترا واذا حمواتها شافو الموضوع ( بالصدفه) يصير خير ساعتها

ومشكوره عالنصيحه

تخيلي انتي بس مبطله النت وتشوفين احد يتكلم عن بيت خالتج او بيت عمج
انتي شنو راح تسوووين ؟؟؟؟

معاهاااااااااااااااااااااااااااااااااااااااااااااااااااااااااااا

صح انتي تقولين عنهم زينين بس اهي الي عايشه وشايفه الوضع اشلون وماكتبت الا متاذيه منهم

مافي ناس شريين بطبعهم شوفي اهيا شنو مسويه الي جذي اهما يتعاملون معاها

 

[Tosta M7mSha]

تسلم ايدج على هالموضووووووووووووع بصراحه بردتي قلبي!
صج استغرب من الي تذكر تفاصيلهااا اهنيييي! يعني ماكو احد مايعرف هالمنتدى وعلى قولتج الكويت صغيييره!
شتسوى عليكم اذا احد عرفكم خاصه بمواضيييع تقدر تحلها او تدور حلها بشكل عام مو شرط تنقل التفاصيل واشصار وليش ومنو

زييين سويتي كتبتب هالموضووع علشان يتنبهون البنات

ملاحظه: ما اقصد ان ممنوع الوحده تفضفض! كل شي بحدووود وفي شي يستحق الفضفضه وفي شي لااااا عموما الشكوى لغير الله مذله

 

[FeShinGoOo]

رد : انـا اليوم عرفتج باجر حمولتج كلها راح تعرفج

انا وحده من الناس قبل لا اتزوج كنت اقول الناس تحسدني على حمولتي ماشاء الله كانو يهبلووون
كنت اخاف اتكلم عنهم لا انظرب عين بس عقب ماتوفى عمي طلع الصج والكل يقول عنهم خوش ناس ويقدسهم ..!! بس مهما كان العشره والسكن فبيت واحد يكشف اشياء ماتطري عالبال

طبعا اهم شي ماتذكرهم بالاسم يعني لو بطلت المنتدى وشفت وحده تحش باهلي ماتوقع انها بتصير فضحيه لانه مهما كان ماذكرت التفاصيل لا اساميهم ولا العايله ولا وين ساكنين

 

[FeShinGoOo]

رد : انـا اليوم عرفتج باجر حمولتج كلها راح تعرفج

وحاسه فيج وفاهمه قصدج يمكن لو بنات حمواتي يقرون مشاركه لي تسيء لحمواتي بيتضايقون على خالاتهم ..
بس هل هاذا يعني اني لازم اسكت وما اشتكي ..!!
صدقيني المنتدى يعتبر متنفس حق اغلب العضوات ..!!
انا وحده لا زوج يسمعلي ولا اهل يسمعونلي ولا اقدر اكلم حمواتي واوقفهم عند حدهم ..!!
الجا حق منو ..!! الواحد ينفجر صدقيني كل انسان محتاج النصيحه شتسوي الي ماعندها احد يوقف معاها ..!!

 

[غلا رشرشها]

رد : انـا اليوم عرفتج باجر حمولتج كلها راح تعرفج

اي والله ساعات كلامهم يقهررر
خصوصا اذا ماوضحت لنا الحقيقة بذاااتهاا...

اي والله صاجة ياختج قبل كم يوم عرفت وحدة ماتوقعت انا نعرف بعد//
تسلمين على طرحج يالغالية