انظلمت و تطلقت :(

[يارب دبرني]

سلام عليكم

ودي افضفض ودي اي وحدة مرت بمثل تجربتي تذكر شسوت عشان تنسي ؟
بنات ما ادري شلون اشرح لكم حالتي بس ابجي 24 ساعه
ظلمني وطلقني ما يخاف من الله حسبي الله ونعم الوكييييل
ماكو قصوور مني اهو كان يدور الزله علي مداور ما يخاف من الله
والله احبه بس طلع موو كفوو
وهمن وانا اتحسب عليه قلبي يعورني عليه
احبببيبببيببببه والله

شلون انسي ؟؟؟؟
تقولون شغلي روحج شغلت روحي
طلعت ورحت ورديت ماكو فايده لازق براسي
حتى وانا انام احلم فيه بس خلاص برتاح والله

والله والله والله انا بحاله ما يعلم فيها الا رب العالمين محتاجه دعواتكم بهالشهر الفضيل ربي يمسح علي قلبي ويعوضني ويرزقني الزوج الصالح
والله اني منقهرة ومحترة


احبكككم

 

[كليـ دلعـ]

الله يمسح ع قلبج ويعوضج خير

 

[qoot]

خيره انسان باعج ويدور الزله عليج شتبين فيه

كثري من الاستغفار وعسى الله يفرج همج ويرزقج من حيث لاتحتسبين

 

[lulu_q88]

الله يعوضج باللي يحبج ويصونج

والله يمسسح على قلبج ويصصصبرج

 

[*E.B.D.A.3*]

هذا مو حب الي قاعده تحسين فيه ترى ،،
لان لمه يكون الرجل جبار وقاسي ، الشخصية الضعيفة الي حولينه تتعلق فيه، لان تلقى فيه القوة الي اهيه مفتقدها ،
فتتعلق فيه اكثر واكثر

مع انه قاسي وظالم ، بس مراح تعرف تعيش بدون هالشخصية المتسلطة !
في جانب فيج يجب ظلمه لج! والود ودج تعيشين طول عمرج مظلومـة .. لانج عشقتي احساس هالقوة الي فيه ، الي انتي ماتملكينها
فتشوفين فيه شي ، ماتشوفينه بنفسج ، حبيتي احساس الاخضاع التام لسلطته وجبروته .. لانها تعذي النقص الي فيج
واشكره يعني اقص ايدي اذا ماكان يتعذر ويقولج انا ريال لازم اشك لازم اغار وهذا من صالحج وانا ادور مصلحتج ألخ
مو الشخصية القوية عشان تسيطر لازم تعنون افعالها الظالمة تحت مسميات لذيذة لا تقاوم !!!

هم ما أنكر ،، في نمط شخصيات وانتي منهم ، الي ما تتحمل الرفض ، واذا انرفضت، تسوي ارتداد عكسي ! اذا كانت تجب هالشخص!
بعد الرفض راح تموت على ترابه !! وتتمنى لو يرد لها ساعه بس !!


الحل لمشكلتج ،،
لازم تتعرفين حق نفسج وتكونين صريحه ، انج ماكنتي تحبينه الا لانه متسلط عليج وظالمج !!
وان غلاته زادت بعد مارفضج وطلقج !!!
لازم تعزلين الحب عن الي قاعد تحسين فيه الحين !! لان احساسج الحين اهوه ضعف ، نقص ، مو حب ..
عالجي ضعفج ، وحطي بين عيونج كل عيوبه بكل مرة تفكرين فيه ..
اسمعي الناس شتقول عنه ، خواتج واهلج ،، خلي الناس تسمعج الكلام الي يسم البدن عنه ، ماعليه ،، الحقيقة مــرة ..
ولازم تواجهينها !!

اكيد حياتكم ماكانت كلها هواش وطق ،، في لحظات جميلة وحلوة ،،
انسيها وشيليها من بالج لان الي يحب مايسوي جذي ... الي يحترمج من قلب ، مايعطيج لحظة وحده حلوة ويعيشج باجي العمر بجحيم
سمي الاشياء بمسمياتها،، وركزي على كل السلبيات لانها اهيه الحقيقة والواقع المر الي عيشج فيه ..

أي بنت شخصيتها قوية مراح يكون عندها نفس احساسج هذا !!
بتشوفينها فاتحه موضوع اهني تعيّد لانها تطلقت ! مثل بعض الاخوات الي شفنا مواضيعهم بالقسم

 

[Gomrhom]

الله يعوضج يابعد عمري

وربج موجود ماينساج

 

[M!SS.LOBY]

لا حول ولا قوة الا بالله

 

[M!SS.LOBY]

الله يعوضج ويرزقج بالزوج الصالح

حبيت اقولج شئ صدقيني خيره من عند رب العالمين لا تتحسفين هذا نصيبج الله يكتب لج اللي فيه الخير

والحياة ما توقف عند احد

 

[يارب دبرني]

هذا مو حب الي قاعده تحسين فيه ترى ،،
لان لمه يكون الرجل جبار وقاسي ، الشخصية الضعيفة الي حولينه تتعلق فيه، لان تلقى فيه القوة الي اهيه مفتقدها ،
فتتعلق فيه اكثر واكثر

مع انه قاسي وظالم ، بس مراح تعرف تعيش بدون هالشخصية المتسلطة !
في جانب فيج يجب ظلمه لج! والود ودج تعيشين طول عمرج مظلومـة .. لانج عشقتي احساس هالقوة الي فيه ، الي انتي ماتملكينها
فتشوفين فيه شي ، ماتشوفينه بنفسج ، حبيتي احساس الاخضاع التام لسلطته وجبروته .. لانها تعذي النقص الي فيج
واشكره يعني اقص ايدي اذا ماكان يتعذر ويقولج انا ريال لازم اشك لازم اغار وهذا من صالحج وانا ادور مصلحتج ألخ
مو الشخصية القوية عشان تسيطر لازم تعنون افعالها الظالمة تحت مسميات لذيذة لا تقاوم !!!

هم ما أنكر ،، في نمط شخصيات وانتي منهم ، الي ما تتحمل الرفض ، واذا انرفضت، تسوي ارتداد عكسي ! اذا كانت تجب هالشخص!
بعد الرفض راح تموت على ترابه !! وتتمنى لو يرد لها ساعه بس !!


الحل لمشكلتج ،،
لازم تتعرفين حق نفسج وتكونين صريحه ، انج ماكنتي تحبينه الا لانه متسلط عليج وظالمج !!
وان غلاته زادت بعد مارفضج وطلقج !!!
لازم تعزلين الحب عن الي قاعد تحسين فيه الحين !! لان احساسج الحين اهوه ضعف ، نقص ، مو حب ..
عالجي ضعفج ، وحطي بين عيونج كل عيوبه بكل مرة تفكرين فيه ..
اسمعي الناس شتقول عنه ، خواتج واهلج ،، خلي الناس تسمعج الكلام الي يسم البدن عنه ، ماعليه ،، الحقيقة مــرة ..
ولازم تواجهينها !!

اكيد حياتكم ماكانت كلها هواش وطق ،، في لحظات جميلة وحلوة ،،
انسيها وشيليها من بالج لان الي يحب مايسوي جذي ... الي يحترمج من قلب ، مايعطيج لحظة وحده حلوة ويعيشج باجي العمر بجحيم
سمي الاشياء بمسمياتها،، وركزي على كل السلبيات لانها اهيه الحقيقة والواقع المر الي عيشج فيه ..

أي بنت شخصيتها قوية مراح يكون عندها نفس احساسج هذا !!
بتشوفينها فاتحه موضوع اهني تعيّد لانها تطلقت ! مثل بعض الاخوات الي شفنا مواضيعهم بالقسم

كل اللي قلته جنج قاعده وياي صاجه صاجه صاجه
مستحيل اقتنع
ومستحيل افهم

حتى اذا سمعت من اهلي حچي عنه يسم البدن علي قولتج اعصب ما ارضي عليه
ما ادري اهوو غباء ؟ ثواله فيني
وتخيلي اقول خيولي
علي طول الدمووع تنزل مو قاعده اقنع روحي مستحيييل

ربي يكوون بعوني

 

[يارب دبرني]

خيره انسان باعج ويدور الزله عليج شتبين فيه

كثري من الاستغفار وعسى الله يفرج همج ويرزقج من حيث لاتحتسبين

الكل يقووول بس انا ما افهم وما استوعب .. شلونن ؟

 

[امـ خــزامـى]

ابداااع ابدعت كالعاااده

قالت اللي بقلبي ومااعرفت اطلعه


بس بضيف عليها ان انت واضح انك حاليا مصدوومه ومو مستوووعبه ولسى مطلقه جديد


بس مصيرك تنسين وتعيشين حياااتك

نسينا ناس عشنا معهم عمر مو مثلك سنه ويمكن اكثر ويمكن اقل بعد

ربي اخذهم من الدنيا كلها حزنا عليهم وعقب عشنا حياتنا
مااانكر باقيه الذكرى وببالنا بس الحزن راااح ومانذكرهم الا بالخير


انت ان شاءالله فتره وتنسينهم وان شاءالله يجي اللي ينسيك ويهنيييييييك

وربي يعوض صبرك خير

 

[Om zayd]

حسبي الله يمكن خير
لله سبحانه له حكمه في كل شي
الله يعوضج يا قلبي ويريح قلبح
اشغلي نفسج بذكر الرحمن
لانه سبحانه الوحيد اللي يقدر ينسيج ويريحج ويسمعج

 

[قــمر]

سبحان الله لو يقتنع الانسان بس ان كل شيء يبدي من فكره وتفكيره وأفكاره بيصير بخير مفروض انتي تسيطرين ع افكارج مب تخلين افكارج تسيطر عليج اللحين الحاله اللي انتي فيها كلها بسبة تفكيرج طول الوقت قاعده تقولين احبه وبموت بدونه صج بتموتين يا اختي هذا مب حب الحب يرتقي فينا ويرفعنا للأعلى مب ينزلنا ويذلنا مصيرج في يدج تبين تنسينه وتعيشين حياتج تقدرين تبين تعيشين دور الضحيه وتتمين طول عمرج في قهر وحسره بعد تقدرين انتي قرري شنو تبين

 

[أم حسوون]

السلام عليكم حبيبتي ، ركزي على الآية القرآنية ( عسى أن تكرهوا شيئا وهو خير لكم ) سبحان الله الإنسان في لحظات المصيبة ينسى أشياء كثيره وينعزل على نفسه ، بس ترى هالمرحلة راح تعدي ويقل الحزن شوي شوي مع الحياة بس لاتنسين ترددين في هالوقت اللهم آجرني في مصيبتي وأخلف لي خيرا منها وربي بيعوضج بس أحسني الظن دائماً بالله .

 

[قلب الزعابي]

صدقيني فتره وبتعدي
كلنا لما يستويلنا شي فالبدايه ننقهر وما نرضى بس شوي شوي بتستوعبين ان اللي قاعده تسوينه هذا تعذيب لج
دامه ظلمج وطلقج وباعج بيعيه
فكري فيها انتي تحترقين عشانه وهو ولا مفتكر فيج
شو اكثر من جي تعذيب لج
خلاص انسيه الله انعم علينا بنعمة النسيان وهي مع الايام بتنسين أكيد
الجائي لله وكل ماتذكرتيه اتغوذي من الشيطان واستغفري
ليييش اتيبين طاريه ليييش أهلج ايبون طاريه خلاص صفحه وانطوت لا تذكرينه ولا أهلج حتى
هو باااعج خليه هو يتحسر مب انتي
فالنهايه ربي يعوضج خير والسموحه

 

[Royof]

حبيبتي

انا نفسج مطلقه و ماكو سبب كلش كلش و ربي شاهد

والحمدالله ماضعفت ولا تعبت و بالعكسس فرحة لان مومنه بان كل شي خيره بحياتنا وشلته من حياتي ولا فكرت فيه ابدا لان انسان باع وطلق خلاص انتها من حياتي ابدي صفحه جديده و لا كاني تزوجت رجعت لاهلي و اخترت لي غرفه وقاعد اثثها و مسويت لي برنامج اشغل فيه نفسي و مقضيه وقتي عند اهلي و الزوارات وكل ما طرا الشيطان بالي طليقي استغفر لين يروح عن بالي و كل ما حسيت بضيقه فرشت سجادتي وصليت وقريت سورة البقره و الحمدالله وربي مرتاحه و الكل مستغرب من اهلي عبالهم لي الحين مصدومه و ما ابين لهم و انا مشاءالله ماضعفت لشيطان ورضيت بقسمتي وقضاء الله
و متفاءله ان ربي بيعوضني بحياتي ..

اتمنى يا اختي ما تضعفين لشيطان ابد هاذا مو حب لطليقج لا الشيطان قاعد يلعب فيج

ابدي حياه جديد ردي البنوته اللي ماتزوجت اهتمي بنفسج و لا طرا على بالج طليقج قولي بنفسج من يكون اعطيه ثانيه من تفكيري لا بفكر شلون ارضي ربي شلون ارضي امي و ابوي شلون ابرهم


احب اعطيج معلومه والله كل ماتضايقت اني فقدت طليقي اقول الحمدالله ما فقدت والديني و اشكر ربي لان وربي اصعب شي الواحد يفقد والدينه هم اللي مالنا غنى عنهم

الزوج يتعوض بسس والله الام و الابو ما يتعوضون بشي ... اختي انتبهي لعمرج ولا يلعب فيج شيطان و قوي ايمانج


الله يبرد على قلبج و يعوضج

 

[Maria ~]

يا حياتي " وعسى أن تكرهوا شيئا و هو خيرا لكم " ما تدرين شنو حكمة رب العالمين من هالشغله
اقري سورة البقرة و سورة يس =(

 

[مدّهره !]

الله يجبر قليبج ...’

 

[زوجة عزيز]

الله يعوضج باللي احسن منه

 

[يارب دبرني]

حبيبتي

انا نفسج مطلقه و ماكو سبب كلش كلش و ربي شاهد

والحمدالله ماضعفت ولا تعبت و بالعكسس فرحة لان مومنه بان كل شي خيره بحياتنا وشلته من حياتي ولا فكرت فيه ابدا لان انسان باع وطلق خلاص انتها من حياتي ابدي صفحه جديده و لا كاني تزوجت رجعت لاهلي و اخترت لي غرفه وقاعد اثثها و مسويت لي برنامج اشغل فيه نفسي و مقضيه وقتي عند اهلي و الزوارات وكل ما طرا الشيطان بالي طليقي استغفر لين يروح عن بالي و كل ما حسيت بضيقه فرشت سجادتي وصليت وقريت سورة البقره و الحمدالله وربي مرتاحه و الكل مستغرب من اهلي عبالهم لي الحين مصدومه و ما ابين لهم و انا مشاءالله ماضعفت لشيطان ورضيت بقسمتي وقضاء الله
و متفاءله ان ربي بيعوضني بحياتي ..

اتمنى يا اختي ما تضعفين لشيطان ابد هاذا مو حب لطليقج لا الشيطان قاعد يلعب فيج

ابدي حياه جديد ردي البنوته اللي ماتزوجت اهتمي بنفسج و لا طرا على بالج طليقج قولي بنفسج من يكون اعطيه ثانيه من تفكيري لا بفكر شلون ارضي ربي شلون ارضي امي و ابوي شلون ابرهم


احب اعطيج معلومه والله كل ماتضايقت اني فقدت طليقي اقول الحمدالله ما فقدت والديني و اشكر ربي لان وربي اصعب شي الواحد يفقد والدينه هم اللي مالنا غنى عنهم

الزوج يتعوض بسس والله الام و الابو ما يتعوضون بشي ... اختي انتبهي لعمرج ولا يلعب فيج شيطان و قوي ايمانج


الله يبرد على قلبج و يعوضج

اي والله هذا اللي يذبح بدوووووووون سبب
يعني لو غلطانه غلط چايد واعرف غلطتي عادي
بس جذي يدور الزله !!!!!!!!