انصكيتي عين

[ام شعيع]

السلام


اكيد مر عليج الاصابه بالعين

اوسمعتي عن احد صابته العين والعين حق


قولو لنا تجاربكم مع الحسد


انا ياكثر ما تسدحني العين وراح اقولكم من المواقف الي صارتلي واكثرها بالعروس


عطونا مواقفكم لا هنتوا

 

[ياناس هنوني]

رد : انصكيتي عين

انا بعد عرس من العرووس بالضبط

طلعت لي عين بفخذي علامة عين جذي جنها مرسوومه رسم

 

[كميثره]

انا بقولج هالموقف ما صارله شهر

كنت بعزا بنت عمتي الله يرحمها عاد كل ما وحده تيي تسالني شنو حاطه حق بشرتج @@ وانا كانت نفسيتي زفت ومالي خلق احد صج فراقه عاد كل ما وحده تقولي اقولها والله العظيم مو حاطه شئ المهم يوم ثاني قعدت من النوم ولا ويهي كله بقع حمرررررررررررررره عاد ريلي زفني زف يقولي جان قاليلهم حاطه كريم اساس حسبى الله ونعم الوكيل .

ويوم الثاني وحده قالت لي رموشج طوووووول بس حساااافه خفيفه والله العظيم يوم ثاني رموشي نصهم طاحت عين ما صلت عالنبي


وعندي واااايد مواقف لي عوده باذن الله

 

[ماركة انثى]

رد : انصكيتي عين

صراحة جدنتني العين

بعد ماجبت بكري الله لايوريج لاني صغيرة
صار معاي اجهاض متكرر بالشهر الثامن

ليومج هذا وانا اعاني ​

 

[I don’t care]

حصنو اعماركم بالرقيه الشرعيه كل فجر واقرو البقره كل يوم ايه طويله وفوايدها عضيمه وماراح تاخذ من وفتج غير نص ساعه والله خير حافظ

 

[شمسهس]

رد : انصكيتي عين

كل مارحت عرس ارجع متشنقله وما اتوب
علي قولت امي تشترين العين بفلوس
صارتلي كوارث من العين

 

[القوارير]

رد : انصكيتي عين

الله يكافينا ويكافيكم شر كل حاسد

 

[الأميرة جوري]

رد : انصكيتي عين

انا كنت ما اعرف الاذكار كلش وصابتنى عين لانى والله الحمد مو غرور فيني بس علي قولت الناس واللي اسمع منهم ملكة جمال حتى بزواجى الكل قام يسولف فيني خصوصا انى بعيده شوي عن زوجى وطحت بالفراش شهرين ما احس بالعالم بس اذكر امى توكلنى وتشربني بغيت اموت وكنت نص عقل يعني مره احس فيهم ومره لا ....وماخلو شيء اهلي كل الفحوصات من راسي لاصغر اصبع بريلي والنتيجه سليمه بعدها قريت عند الشيخ ابوسامى الحداد وقال لاهلي هذي عين قويه يبيلها وقت بس لازم يوميا عندي واللهم لك الحمد تعافيت علي ايده بعد شهرين وكان قبل زواجى بمده قصيره وانصحكم بالاذكاااااااار حتى علي عيالكم اول ماتطلعون من البيت ...والله يشافي كل مريض ويكافينا شر العين والحسد والامراض اللهم آآآمين

 

[lolayasmeen]

هلا ام شعيع والله المواقف كثيره واللي اغلبهم اشكره يقولونها بويهج ويصيرلج شي بس الحمدلله
انا دايم اتحصن احس انها خفت وايد والمواقف لاتعد ولا تحصي اولهم جسمي خرب بسبه العين
هههههههههههههههههههههههههههههههههههههههههه

 

[{ انعم دفشة ~]

وااااااايد والله

بس اقوى شي كان على دراستي لان اغلب بنات عايلتنا بالهم مو للدراسه وبالغصب ينجحون

وانا من اولى ابتدائي- صف 12 من المتفوقين لاء وبمدرسه اجنبيه < كملت

بس ياتني ذيج العين اللي ما صلت عالنبي ومن دخلت الجامعه وانا كرهت شي اسمه دراسه

ادش المبنى اتصيدني ضيقه حتى ساعات اقعد ابجي والله لين ما اتيني امي تاخذني.. وطلعت من الجامعه سنتين قاعده فالبيت

الكورس الياي برجع اكمل دراستي < وما علمت حد غير امي و2 من اخواني بس
دعوووااااتكم لي ان الله ييسرها واتخرج على خير وسهاله

 

[عذبني السهر]

رد : انصكيتي عين

آآآآآآآآآآآآآآآآه من العيييييييييييين كان شعري كثيييييييييف وناعم وطويل

ومرت عمي عينها كانت بتطلع لأن بنات عمي شعورهم كشه

وصار شعري يحتتتتتتتتتتت وخفيف اااااااااااه ماابي اكمل قلبتي عليييي الموااااااااجع

 

[عذبني السهر]

رد : انصكيتي عين

صصصصصصصصصصصح تذكرت موقف قوي مرة كنت بعرس بنت جيرانا

والعيون كلها علي اقسم بالللللله رديت وفستاني كله مخرم صاير نفس حرج الزقاير بس على شكل عيون ماادري من شنو؟؟؟؟

 

[ام شعيع]

رد : رد: انصكيتي عين

هلا ام شعيع والله المواقف كثيره واللي اغلبهم اشكره يقولونها بويهج ويصيرلج شي بس الحمدلله
انا دايم اتحصن احس انها خفت وايد والمواقف لاتعد ولا تحصي اولهم جسمي خرب بسبه العين
هههههههههههههههههههههههههههههههههههههههههه

هلا فيج يا قلبي مواقفنا مع العين نكتبها بمجلدات

من كثرها

اما جسمج الي اخترب انا اقول من العين والحلج ههههههههههههههههه:dddds:

 

[ام شعيع]

رد : انصكيتي عين

انا سمعت مره عن وحده كانت متسبحه وشعرها ما شاء الله طويل وكثيف وناعم راحت تحاجي امها عن شغله ولقت وحده من قرايبهم قاعده مع امهاوتقول تمسكها من شعرها تقولها نشفي شعرج تقول صطني صداع مو طبيعي بنفس الحظه وترح دارها تنام وما قامت الا ثاني يوم وهي تصارخ وشعرها صار مثل الخوذه تشربك وتقول نطق عليه يطلع صوت ويقرا عليها اخوها وهو مطوع وهي تصيح وما لقو حل لشعرها غير القص

 

[~LiBrA~]

رد : انصكيتي عين

والله الموقف لا تعد ولا تحصى ههههههههه

بس الموقف الي ماانساه اول ماتزوجت كنت رايحه بيت عمي بروحي

تعرفون عروس وكنت مبدعه بالعبي حزتها مو الحين خخخخ


اول ماشافتني خالتي الحلوة جان تقولي حلوة عباتج @@ جان اقولها مشكورة


واناا طالعه عند باب البيت يدش الكعب مالي بين فتحات الكاشي وتنلوي ريلي واطيح

والله عورتني ريلي بالغصب سقت روديت البيت


استغفر الله ياربي كلمة ماشالله ماتنقال

وخالتي يحليلها لها سوابق ولواحق بسوالف العين ماشالله عليها

 

[Smetk 3'lay]

عدي وخربطي انا شبعتتتتتتتتتتتتتتتتتتتتتتت من العيون وربي هالناس ماتخلي احد بحاله على كل شي مناشبينج هذا من وين وهذا ليش وشمعنى انتي وحظج هالكبر ليش احنا لا يبوييييييييييييييييييييييي حسبي الله ونعم الوكيل انا طول عمري محسوده والعين علي

 

[om_dodo]

الله يكافينا الشر

 

[ذوؤوؤق]

العيـــــــــــــــن وما أدراك ماالعيــــــــــــــن


خل اقولكم شي من اشياء من المواقف


تخيلــــــــــــــووووا ياجماعه كل ماروح عرس تصكني حرررراره احس لو رقصت بأطيح صرت انحرج من الناس عبالهم مالي خلق بس من اطلع من الصاله نص ساعه ساعه مافيني إلا عافية ربي..... معنى اقرى الأذكار وارقي نفسي


شغله ثانيه وهذي المؤلمــــــــــــــة جداً في حياتي وبالصميم........


انا طوول عمري متفوقه يدخلوني اولمبياد فيزياء ورياضيات وكل شي يشركوني فيه المدرسه
لما وصلت اولى ثنوي كنت جايبه 94 او 95 جان تقولي عمتي جيبي هالنسبه برابعه ثنوي جان اقول اجيب اعلى منها جان تقول اي عندج مضادات عيووون!!!!!! ........ وغير جذي كانوا امهات رفيجاتي يشوفوني ادرس نفسي وادرس اخواني (( امي أميه وانا ذكيه جداَ ولله الحمد )) ..... بالعربي كنت مرجع لأي أم يسألوني عن الدروس
المهم براااابعه ثنوي السنه الأهم والفاصله ............. صارت ظروف قوويه وقاهره في بيتنا ماسمحت لي اداوم في كل الايام ..... ماذكر اني اعرف رفيجاتي اللي بالصف.... لأني ماداوم ..... تخيلوووا جبت نسبه تدخل معهد ورضيت وصرت موظفه عاديه واللي كانوا يجيبون جيد وجيد جدا صاروا بأرقى الوظائف ربي يوفقهم ويحميهم من العيون....



وفي قصص وايد عن هالموضوع بحاول أسردها بأوقات ثانيه ....​

 

[فيونه المزيونه]

انا مرضت من 11 سنه وكنت اسوي تحاليل كل مره وتوني ادري ان الي فيني عيني بس حسبي الله على الي حاسدتني

 

[myfashionbag]

رد : انصكيتي عين

المواقف وايد بس اهم شيء لمن احد يمدح عقبها يقول ماشاء الله تبارك الرحمن اغلب الناس يقولون ماشاء الله بس ويسكتون لأ لازم يكملونها ويقولون تبارك الرحمن او يقولون ماشاءالله لاحول ولا قوه الا بالله مذكورهالايه كامله بسوره الكهف