انصدمت !

[كويتيه واقعيه]

السلام عليكم ورحمه الله وبركاته

بنات



انصدمت حدي دريت اليوم ان زوجي مو مطوع خايفه الصراحه صارلي سنه ونص حسبالي مطوع واخر شي طلع لا :eh_s(2):

 

[مارشميلو..]

شلون يعني مو مطوع
مايصلي ولا يصوم ويسوي اشياء محرمه ومن الكبائر ولا مقصر بدينه
ولا شقصدك بالظبط

 

[فوفو22]

شنو قصة الاختصارات

قولي السالفه بالتفاصيل

عشان نعطيك حلول

فوفو

 

[استاهل الصيت]

قوووووولي التفااصيل

لوول

 

[مولاي الفرج]

حبيبتي يعني مايصلي مايصوم موداير باله عليكم؟؟

 

[zqertya]

؟؟؟؟؟؟؟؟ كلمات متقاطعه ؟؟؟؟؟ يعني احنا انكمل القصه ولا شنو حبيبتي كتبي القصه عشان انعرف شسالفه ؟

 

[احلى من القمر]

شنو مطوع ومو مطوع؟؟؟؟؟؟

 

[ابدا يالغالي مانساك]

اتوقع قصد الاخت المطوع يعني الملتحي اقولج ياختي الايمان بالقلب لاهو باللي يحط لحيه ياما فيه مطاوعه مايشرفون هاللحيه الي يحطونه وفيه العكس يعني الانسان ايمانه وتقاه بالقلب وربي بوفقح

 

[باااربي]

مو شرط مطوع
المهم ملتزم بصلاته وصيامه
ويخاف الله !! كافي

 

[موج-البحر]

المطوع = الرجل الملتزم من كل الجوانب الحلال يسويه والحرام يتركه

كذا وحدة حسبالها ان المطوع = لحية طويلة

حبيت بس اوضح معنى الالتزام

واظن مافي احد مايتمنى انسان يخاف الله بكل شي والحلال حلال والحرام حرام

​

 

[|{ خـيـألْ }|]

الله يهدي الجميع

 

[درة أهل الطولات]

ان شاء الله يصير مطوووووووووع

 

[كويتيه واقعيه]

هلا حبوبات الله يهديكم ماقدرت ادش وانا لما كتبت الموضوع في قسم المشاكل الاجتماعيه فصل علي النت ومادريت اني كتبته المهم بنات لما خطبني مادري قالوا انه مطوع وملتزم ماشاءالله وفيه لحيه وانا فرحت بهالشي حيييييل قلت الحمدلله يارب وحذي وسنه ونص ملجتي وانا تفكيري انه مطوع يعني ملتزم ملتزم بعد فتره تخيلوا بنات سنه ونص وانا ماخذه فكره انه شي وبعدين (صارت شغله اعذروني ماقدر اذكرها في المنتدى) عرفت انه مو مطوع ولا ملتزم وشفته بالسوق ولا كان فيه لحيه ولا شي بس انسان عادي يعني لو تحطين اغاني يمكن مايقول شي بس انا انصدمت لان طول هالسنه والنص تفكيري فيه غير واحس كونت شخصيه عنه وفجأه احس اني ما اعرفه وصرت خايفه كله ومتوتره ولا قبل كنت مرتاحه الحمدلله بس الحين احسني مصدومه هم ماغشونا ولا شي عادي ولا قالوا انه هو مطوع بس الظاهر انه لما شافوا لحيته حسبالهم مطوع وملتزم امبي شعور يخوف احس اني منقهره ومرعوووووبه وفكرتي عنه انه ايمانه بالله قوي ويخاف الله ولا يحب المعازف ويبتعد عن المحرمات مو مثل شباب هالوقت في شياء عندهم عادي انا عندي مو عادي انا مابي ابدي حياتي مع شخص مو ملتزم واخاف يطلع مايصلي ولا مايخاف الله ولا يغازل ولا ولا ولا وخاصه انه هو صغير بالعمر مو حيل كبير يعني !! الزبده يابنات اني احس فيني شعور غريب وخووووووف وصدمه تخيلوا لو انتوا عايشين شنه ونص تفكرون بالشخص انه جذي وجذي ومكونين فكره فجاه كل هذا يطلع خيال ..

 

[∫ ∫ ∫ ∫ جــوان ∫ ∫ ∫ ∫]

8
8
8
مقدرين شعورج حبيبتى

بس ما نقدر نحكم عليه واحنا ما عرفنا شنو شفتى عليه

بس ما اقدر اقولج الا عليج بصلاه الاستخاره وادعى انه الله يهديه لج ويصخره

وترى مو كل من ربا لحيه صار مطوع ممكن ما تكون له لحيه بس يكون خايف ربه الدين بالقلب حبوبه

والله يوفقج

 

[كويتيه واقعيه]

جزاك الله خير اختي جوانا صاجه وانا معاج بس الصدمه وماتسوي كنت باوج صدمتي لما كتبت الموضوع وربي صعب تكونين ماخذه فكره واخر شي يطلع خيال انا غلطت لما حطيت موضوعي هني مكانه بالمشاكل الاجتماعيه

 

[pusy cat]

يعني يا مطوع يا ماتتزوجين ؟؟

اذا جذي معناته اغلب البنات بيعنسون

حبيبتي الطيبون للطيبات اذا انتي ملتزمه الله بيرزقج الزوج اللي يناسبج وتستاهلينه

اتوقع قصدهم مطوع يعني ملتزم بصلاته وخوش واحد لكن لا تتوقعين ان في ملائكه تمشي على الارض

مهما كان حتى لو انه مطوع في شياطين حوالينه وطبيعي الانسان يغلط ويتوب وانتي عارفه ان الماسك على دينه كالماسك على جمره

واذا على سالفة الاغاني انتي وشطارتج لي خذيتيه تقدرين اتأثرين فيه وتسحبينه تودينه عمره معاج وتنصحينه وتعطينه اشرطه دينيه
ومع الوقت انشالله الله بيهديه

بس مو معناته انج تردينه لأنه شخص عادي وانتي تبينه بيرفكت

ترى ماكو احد كامل ترى حتى المطوع قابل للانحراف

 

[FeShinGoOo]

معقوله اهلج ما سألو عن الولد ولا قعدو معاه ولا كلموه ولا شافوه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[Tom ♥ Jerry]

,


آمممم مآدري شنو اقولج !
بس حبيبتي آهوة مثل عليج في بعض الشغلات و لا لأ ؟!
يعني سوا نفسه يصلي وآهوة اساسآ مآ يصلي :/ ؟!

آنزين شنو الشغله الي شفتيها عليه عرفتي آنه مو مطوع
قوليلي و لو بالخاص بس عشان نعرف نساعدج ،
هاذي شغله الشغله الثانيه ,،

حطي في بآلج آنه يامآ رياييل لحيه و دشداشه قصيره و الحآله حآله و آهوة من دآخل لا يعرف
الله و لا الدين ولا هم يحزنون ,’
و يآمآ شفنآ شباب ماشالله صج بنطرونآت و تي شيرتات و قصات و شغلات
بس اسمله عليهم مآ يتركون الفرض و آخلاااق عاليه ,،

يا قلبي الآخلاق مو بالشكل اتيي ,،
الآخلاق من دآخل آنتي شوفي شنو آهوة شنو آخلاقه مآ عليج
عنده لحيه و لا لأ :/ !
آهوة يمكن مآ خدعج يمكن كآنت عنده لحيه بسيطه والحين شالها :/
وين المشكله يعني عادي .,،!
يمكن عشان اللحيه انتي حطيتي في بآلج آنه آهوة دين و ملتزم بس آهوة صج ملتزم بس من دآخله
آهم شي الآلتزآم من الدآخل مآ عليج من الشكل ,،
يامآ ناس شكلهم رآقي بس للآسف لا يعرفون آخلاق و لا اسلوب و لا شي :/
بالله شنو تسوين بـ شكله في هالحآله ،

آنتي لاحظي تصرفآته وخليه يصلي و خلي ايمآنه يصير بالله قوي .،
يعني ذكريه لمآ يأذن خل يروح يصلي بالمسيد و جي شغلات
حببيه بالدين و خليه يترك الشغلات الحرآم ,،


,

 

[حكاية شهرزاد]

الغلطة انج بنيتي وهم من عندج وهو مافيه ..
هذا كله بسبب تحفظ العائلات وحيائهم في مناقشة الخاطب ..

يمكن حاط اللحية ديزاين .. في شباب يحطونها ستايل ..

ويمكن هالريال زين ,, بس انتي فكرتيه مطوع يعني فكرتيه زين اكثر ..

معليه حبيبتي , المرة الصالحه اللي مثلج ماينخاف على ريال معاها ..

يعني اذا هو عادي باجر انتي من نصايحج وقوة ايمانج بتصلحينه وبتخلينه مايسمع اغاني ولا شي ثاني ..

هذا في حاله اذا كان هو طيب حيييييل ومسالم يعني يتشكل ...

عاد هذي من صوبج يا عيني بتعرفين .. انتو مخطوبين يعني بتقدرون تتكلمون في التلفون ومن التلفون ومابين السوالف بتعرفينه عدل هل هو سلس ولا عنيييييييييييد ...

موفقة

 

[لف ليدي]

حبيبتي لاتظلمينه يمكن مومطوع لكنه احسن الرياييل اخلاق وصلاه ورحوم بوالديه اشدراج وبعدين مومعقوله اهلج يزوجونج من غير مايسالون وبعدين انا لاحظت ان السالفه كلها فيج يعني انتي تخيلتي انه مطوع ولما شفتيه انصدمتي حبيبتي الناس ماينحكم عليهم من مظاهرهم
اخذي هالموقف مره بالكليه دخلت المصلى اصلي والا تدخل ذيك السفور لابسه قصير وتطلع من جنطتها ثوب وتغطى وتصلي ولما طلعت من المصلى محجبات ومنقبات بره ماادخلو للصلاه
سبحان الله لو اسالج منو توقعين يصلي المحجبه والا السفور جان قلتي المحجبه فلا تحكمي عليه وانتي ماتعرفينه
اسفه طولت بس انا مثل اختج