** انصدمت صدمه حياتي // الحمدلله على كل حال :: دشوا وشوفوا سالفتي

[نور الديرة]

السلاام علييكم
اكييييد كلكم اللحين تقوولون هذي شنوو سالفتهاا
انا تووني متخرجه من الثاانويه من القسم العلمي و الحمدالله نسبتي 92 يعني زينه قدمت قدراات مرتين
المره الاولى انا عباالي اني نااجحه ركزوا على كلمه عباالي المهم درجااتي كاانت على الحفه بس الحمدالله المهم اني نااجحه و المره الثاانيه قدمت قدراات و سقطت بس ما زعلت لأني قلت انا نااجحه بالأول بس اليووم انصدمت صدمه حياااتي رحت علشااان ابي اغيير رغبااتي و غيررت وعطووني الورقه الي فيهاا رغبااتي ( البيضه الي تكوون نسختين وحده حقي و حده حقهم الي اوقع عليهاا بإختصاار شديد الي فيهاا بياناتي عرفتووها المهم وقبل لا اطلع شفت فيها نسب بالمعدلات المكاافئه وسألت الموظفه و قاالتلي هذي معدلاتج بالقدراات !
شنووووووووووووووووووو هذي معدلي و مكتوب معدلي 75 بالهندسه اي صح انا نيست اقولكم انا ابي ادخل هندسه
ودي اصييرمهندسه هذا حلم حيااتي المهم قلتلهاا شلوون معدلي 75 انا حااسبته و طالعلي 81 وقاالتلي نطري خليني اجيك و رااحت جيكت و قاالت لا والله يا اختي هذي الي طالعلي بالكمبيوتر قلت شلوون انا نااجحه بالاول قالت الي طااله بالكمبيووتر انج مو نااجحه في ولا وااحد انا في هالحظه لا تشووفوون حالتي انصدمت قلت يمكن قلطاانين بس للاسف طلعت انا الي قلطاانه ورديت البيت و جيكت بالنت على درجااتي بالقدراات و طلع صج انا سااقطه بالأثنيين بس انا ليلحين ماادري شللون عباالي اني نااجحه بالاول ليلحين ماادري شلوون بس انا متأكده اني انا شاايفه درجااتي بالامتحاان الاول كنت نااجحه فيهم كلهم بس على الحفه الظااهر اني شاايفه الدرجاات الادنى عباالي درجااتي
بس والله شي ما يدخل العقل الحمدالله على كل حاااال قبل كاان عندي امل اني انقبل بس اللحين لأ
والله مادري شسوي اللحين ادخل اي كليه والله ماادري شنوو تنصحووني فيه ادخل كليه العلوووم و احوول هندسه ولا اقعد كوورس كاامل واقدم على القدراات بس انا ماااني ضاامنه نجااحي بالقدرااات ولا ضااامنه اني اقدر احوول لان التحويل صعب ولازم اجييب 3 نقااط
والله ماادري شسوي حييييل محتاااره عفيه سااعدووني الله يخليكم
والي عندهاا فكره بالتحويل و هالسواالف تفييدني الله يجزااها خيير
وساامحووني على القرقه​

 

[..Balsam..]

أول شي قولي الحمدلله على كل حال ..

ثانيا اذا انتي راغبة بكلية الهندسة بشّدة .. عندج اختيارين ..

1- يآ تدرسين عدل وتجيبين مدرسين عشان تقدمين قدرات الكورس الجاي .. بس تكونين أكيده انج راح تدرسين عدل عشان حرام مايضيع عليج كورس ..

2- واللي انا انصحج فيه أكثر .. انج تدخلين كلية العلوم .. تدرسين فيها كورسين وتشدين حيلج وترفعين معدلج وتحولين الهندسة التخصص اللي تبينه .. واذا ماحولتي كملي بالعلوم واعتبريها خيره . وهي ان شاء الله خيره .....

بس أهم شي لا تتضايقين ... يمكن لو انج دخلتي الهندسة ماراح تسوين عدل فيها وتضطرين تحولين علوم .. وعشان جذي ربي ماكتب تدخلينها ..

الله يوفقج ..

 

[ملآمح ترف]

نفس صدمتي :eh_s(2):

الله يرزقنآ

 

[نور الديرة]

أول شي قولي الحمدلله على كل حال ..

ثانيا اذا انتي راغبة بكلية الهندسة بشّدة .. عندج اختيارين ..

1- يآ تدرسين عدل وتجيبين مدرسين عشان تقدمين قدرات الكورس الجاي .. بس تكونين أكيده انج راح تدرسين عدل عشان حرام مايضيع عليج كورس ..

2- واللي انا انصحج فيه أكثر .. انج تدخلين كلية العلوم .. تدرسين فيها كورسين وتشدين حيلج وترفعين معدلج وتحولين الهندسة التخصص اللي تبينه .. واذا ماحولتي كملي بالعلوم واعتبريها خيره . وهي ان شاء الله خيره .....

بس أهم شي لا تتضايقين ... يمكن لو انج دخلتي الهندسة ماراح تسوين عدل فيها وتضطرين تحولين علوم .. وعشان جذي ربي ماكتب تدخلينها ..

الله يوفقج ..

مشكوووره حبيبتي على النصيحه
بس انا قاالولي ان المدرسين ما ينفعوون حق القدراات يقوولون احسن الدوراات الي تقدمهاا الجاامعه قبل امتحاان القدراات
وكليه العلووم اخااف اني ما اجييب معدل عاالي
الله يكتب الي فيه الخير
بس انا بغيت اسأل اذا قبلتني كليه العلووم وانا مابي ادشها ابي اعييد القدراات شلوون اوقف قيدي فيها ولا شلوون
واذا مانجحت بالقدراات اقدر ادخلهاا مره ثاانيه
ماعليه طولت علييج

 

[نور الديرة]

مــــلامح ترف الله يعينه على هالصدماات
الله يكتب لناا الي فيه الخير
بس ما قلتيلي شنوو رااح تسوين ؟؟

 

[..Balsam..]

بس انا بغيت اسأل اذا قبلتني كليه العلووم وانا مابي ادشها ابي اعييد القدراات شلوون اوقف قيدي فيها ولا شلوون
واذا مانجحت بالقدراات اقدر ادخلهاا مره ثاانيه
ماعليه طولت علييج

لااا حبيبتي عادي ..

اذا انتي قدمتي رغباتج واقبلتج العلوم خلاص تعتبرين طالبة علوم ..

اللي أقدر أقوله لج . اذا صج صج طموحج هندسة أرضي بالواقع وأدخلي كلية العلوم وأخذي مواد اختيارية مشتركة بين العلوم والهندسة وتكون سهلة عشان تضمنين انج تاخذين فيهم زين و ترفعين المعدل ان شاء الله ...

هذا اللي أقدر انصحج فيه لأني مو طالبة علوم ولا هندسة .. أتمنى ان البنات مايقصرون ويساعدونج أكثر مني ..

 

[اخت خالتهم]

نفس اختي بس ماراح احطمج دخلت العلوم وكملت ما قدرت تحول
فـ شوفي انتي دوري كليات تفيدج وتحسين انج تحبينها

 

[3ian-el7r]

نفس الحآآله والصدمه اهي اهي

انا معدلي صآآر 67

امبيه نزلت وآآآآآآآيد

وانا حلمي بالهندسه طووووووول حيآآتي

بس سبحان الله

انا حطيت الهندسه اول وحده وثاني وحده الحقوق

انا ماكنت ابي الحقوق بس قبل موعدي بيومين كله افكر بالحقوق جذي شعور وانا مومتصوره اني ادش الحقوق طول حيآآآآآآآآآآتي هندسه هندسه هندسه وبسسسسسس

والله ورحت واستخرت للحقوق والحمدالله

بس للحين ابي الهندسه

والكل قالي لاادشين العلوم لان لودشيتي صعبه التحويل منها

فمادري

والله يووفقنا والله يكتب اللي فيه الخير لنا

سوري ع الاطاله

لاني جد حآآآآآآآآآسه فيج وحدي متحطمه

 

[عاشقة المايسترو]

حبيبتـي ..

هذا اللي الله كآتبه ويمكن خيره .. ~

أنصحج إذا إنتي مو متأكده تقدرين عالقدرات لا تقعدين كورس لأن راح تتعبين نفسياً من قعده البيت وتتأخرين عالفاضي :/
ثاني شي إذا إنتي مو متأكده تقدرين تحولين من علوم لا تدشين علوم ..

مادري طب مساعد يقبلونج أو لا بس إذا إنتي حابتها غيري رغباتج وخلي الطب المساعد رغبه ثانيه ..

أو علوم إداريه كليتي تخصصاتها قويه ووظايفها مضمونه والكليه قويه بعد !

يعني بإختصار إذا مو متأكده تقدرين تحولين من علوم روحي غيري رغباتج لأن لو علوم رغبه ثانيه راح يقبلونج فيها :/

وإذا تبين أي شي لا يردج إلا لسانج ..
وإذا تبين همن راسليني عالخاص .. موفقه حبي :*

وتأكدي حتى لو برايج ضاع الحلم يمكن تكون خيره من رب العآلميـن ..

 

[sarah125]

صباح الخير حبيباتي ....انا ايضا نفس حالتكم ..اختبار القدرات نزل معدلي الى ال79% وايضا كنت ابي هندسه.
طبعا انا عدت اختبار الرياضيات 5 مرات ولا قدرت اعديه ابدا:lkmnkl: عديت بس الكيميا والانجليزي،مريت بأزمه نفسيه كبيره الى ان قررت اني اقدم على البعثات الداخليه واسجل بجامعه خاصه على حساب الحكومه..بالفعل الحمدلله قدمت على جامعة الشرق الاوسط الامريكيه وقبولني هندسه صناعيه،كان اقل نسبه اقبلوها للهندسه الصناعيه هي 87.2%..............صج ان االجامعه شوي بعيده عن بيتنا لكن انا مرتاحه لهذا القرار،ولا ان تعب سنيني كله يضيع بكليه ماراح القى نفسي فيها.ومانقول غير حسبي الله على اللي يحطون هالقرارت الارتجاليه.​

 

[نور الديرة]

مشكووورين حباايبي والله ما قصرتوا
الله يجزااكم خير و يوفقكم دنيا واخره
والله خففتوا عني شوي

 

[ملآمح ترف]

هلآ حيآتي


حطيت طب مسآآعد
وآدآريه

 

[Little_Queen]

انا رفيجاتي 3 نفس حالتج

و دخلوا علوم

و حولوا لي هندسه

اللي طموح و يبي هدف جدام عينه ما يقول صعب ! و يتغلب على كل صعب !

دخلي علوم و حولي لي هندسه ترى تحويلهم سهالات و المواد مشتركة وايد و اذا لا قدر الله و الله ما كتبلج تحولين ما تكون هالمواد ضاعت عليج

دخلي علوم و روحي التوجيه و الارشاد بكليه الهندسه و سألي عن شروط التحويل بالظبط و اشتغلي على انج تحولين


والله رفيجاتي 3 من علوم لي هندسه

2 تخصصوا ميكانيكا
و وحده تخصصت عماره

لا تقولين صعب و ماقدر و مستحيل

و هم اكو حل ثاني

و انا هم اشجع هالحل
انه مثل ما قالو البنات .. تقعدين بالبيت و تمتحنين قدرات شهر 12 الياي ...
و تشدييييييييييين حيلج عدل عدل عدل و تييبين الدرجه انشالله

لأن ماشالله انتي نسبتج قوية حيل بس القدرات خااااااافسج خفاس !

و لا تقعدين تقولين بيضيع علي كورس ! ترى كله كورس يعني 3 شهور مووووووووووو وايد ولا حسافه بمستقبلج

لا تقولين رفيجاتي بيسبقوني و الدنيا بتمشي و انا بوقف ! اهم شي مستقبلج يمشي صح

 

[sarah125]

نور الديره.................هذا رقم مجلس الجامعات الخاصه اللي هو مسؤل عن عملية تنظيم البعثات الداخليه اتصلي فيهم واستفسري عن امكانية التقديم على الكورس الثاني

22240591​

 

[sarah125]

وهذا رقم الجامعة نفسها ...جامعة الشرق الاوسط22251400 ...اتصلي فيهم واستفسري منهم...​

 

[نور الديرة]

Little_Queen مشكووره حبيبتي والله كلاامج ريحني

sarah125 مشكووره يا حيااتي ما قصرتي انشالله رااح اكلمهم

 

[نور الديرة]

ملآمح ترف الله يوفقج انشالله

mostaqilla~CBA مشكووره والله ما تقصريين

 

[نور الديرة]

بناات بغيت اسألكم عن كليه الصيدله اذا عندكم فكره عنهاا تحتااج قدراات ؟؟؟
ومعدلي المكاافئ يدخلني ؟؟؟؟ والله ما اتوقع خخخخخخخخ
و اقدر ادخل كليه العلووم واحول صيدله ؟؟؟

 

[sarah125]

حبيبتي نور الديره............كلية الصيدلة من ضمن مجموعة العلوم الطبيه ....يعني لازم تنقبلين بالعلوم الطبيه وتجتازين السنه الاولى عندهم وبعدين تختارين كلية الصيدله..........انا ماخليت كلية ما استفسرت عنها ورحت لها بعد....يعني خذيت المعلومات من مصدرها الاساسي​

 

[فـــخـــر]

ليش جذي ؟؟

نسبتج عاليه وهم يسوون لج قدرااات

<< تصروعت

الله يستر شبهبب السنه الجايه


الله يكتبلج اللي فيه الخير