انصحيني يمكن تكونين بمحلي يوم من الايام

[سكره في زمن مر]

[size="6"][/size]سلام حبيباتي شلونكم ياعسولات
مثل مااغلبكم عارف انا جبت بناتي التوام على السابع والحمدلله على كل حال ولدتهم بشهر 10 والحمدلله طلعو صدق متعذبه حييييييييل لانومه ولاقعده بس عندي خدامه واليوم تبي تروح للمكتب لانها على قولتها تعبت ماتقدر بالليل تجي تنام عندي وتساعدني فيهم مع شغل البيت مع اني اخليها تقيل بس طابت نفسي منها وقاعده اقول لزوجي انا ماعندي شغل شقتي صغيره ومافي ذاك الشغل مابي خدامه مدري انا على صواب او لا؟؟؟؟

الشي الثاني والاهم زوجي من ولدت مانمت بغرفتي ابددددن حتى طلعتي الاربعين مدري شلون حسيت اننا نبوق كل دقيقه قاعده علينا وحده وزوجي يقول مستحيل تنامين عندي بالغرفه بناتك يقعدوني وانا نومي خفيف وعلي دوام تعب علي ودي تجين بالغرفه بس صعبه مع ان حماتي عندها ولدها الله يصلحه عن 100 طفل حركي مزعج عاد اليوم تقولي انا زوجي مستحيل يستغني عني اذا انا مثل وضعك مايقدر كان مثل زوجك بس صار نومه ثقيل تعود على ازعاج ولده انتي روحي لغرفتك وخلي زوجك يتعود والله اني انقهرت ليه زوجي نومه خفيف مليت من وضع هذا نايمه بروحي وفوق هذا تعرفون بناتي صغار لااطلع ولااروح ولااجي مرات حماتي تجيني مليت كرهت نفسي اشغلت وقتي اصلن ماني فاضيه من بناتي بس ابي اطلع اشم هوا ابي ناس ابي جمعه على فكره انا سعوديه وزوجي كويتي حالتي صعبه حيل يعني حتى ببيتي ماني ماخذه راحتي من الخدامه وغرفتي ودي انام فيها زي قبل زهقت حياتي ماعندي بعد الله الاانتم اشكيلكم مدري شسوي انصحوني شجعوني تعبانه حيل الله عالم بحالي والله

 

[سكره في زمن مر]

عفيه ردو

 

[Your Dream]

وعليكم السسسلام ألف مبروك والحمدلله عالسسسلامه

اول شي لازم تنامين بالغرفه نفسها لازم يتعود ويساعدج




انا عارفه وضعج مع التوأم ، الله يعينج


خلي مميتهم بنفس الوقت ونوميهم مبجر عالساعه ٧ جذي




لا ناموا زهبي روحج وعيشي حياتج مع زوجج


ولاتشكين لزوجج لكن طلبي منه يساعدج وقوليله ان عندك توأم وهذا شي كبير ونعمه من الله


ومن هالحجي ....


لا. تشكين للناس ولا تضايقين روحج حاولي تعودين نفسج على هالحياه لان توج بأول الطريج




بالتوفيق -

 

[Your Dream]

نصيييييييييحه لاتهملين نفسج

ولاتخلين التوأم عذر اذا ما استانستي مع زوجج


وغيري الجو وسوي حركات وليالي رومانسيه




وخليج فرفوشه ولاتنكدين علييييه

 

[سكره في زمن مر]

حبيبيتي الله يوفقك لانك رديتي علي بس شسوي اذا قعدو بنص الليل يصيحون والله تعبانه حدي من هالوضع كل العالم جابت توامه ذنبي اانام بروحي وبعيد عنه واذا على الشكوى للناس مااقدر غصبن عني ابي افضفض ماعندي احد واللي ينصحني يقول اصبري محد حاس فيني والله

 

[Bnt-USA]

حبيبتي حاسه فيج المره تحتاج تنام يم زوجها وتتضايق لما يقوللها لاتنامين عندي

احسن حل
انج تحطينهم بالغرفه الثانيه وتفتحين الباب ،، واول ما تسمعينهم يبجون تروحين لهم
هذا الحل اللي احسه مناسب

او انج تكلمينه وتتفاهمين معاه قوليله اخليهم عندي بالغرفه معاك و اول ما تبجي البنت اركض فيها بره

؛( الله يسخره لج ويهديه وقوليله كلنا امهاتنا وابهاتنا تحملونا جذي كلمي امه قوليلها تكلمه وتسولفله عن ازعاجه يوم كان صغير

 

[سعوديه 1]

موضوع الخدامه انتي تبين حريتك بالشقه وحلو انك قادره تستغني عنها

اما زوجك ما يبي تنامين بالغرفه لا تسمحين له بهالشي هذولا بناته ويتعود باجر قولي ما تبي ازعاجهم انت نام بالصاله <
وبيتعب ومرده للغرفه ..

وتقدري تخلي البنات بغرفتهم وفي جهاز سماعات تحطينه عندك من تسمعي صوتهم ترحين لهم ..

او انك تجيبي مربيه تهتم بالبنات مو خدامه لانها مابتتحمل شغل بيت وتووام الله يخليهم لج

 

[الجسوره]

هلا حبيبتي ,,, ما عليش سامحيني انتي غلطانه انج قلتي ما ابي خدامه و الغلط الاكبر انج تنامين بروحج ... تناقشي معاه قولي له انا استوحش اني انام بروحي و اخاف طلعي لج اي عذر بس اهم شي تنامين بنفس الغرفه و فهميه مثل ما انت تعبان من قعدت البنات بنص الليل انا تعبانه دبل تعبك و و مثل ما هم بناتي هم انت ابوهم ... و اصلا معرف اللي عندها توأم ع طول يكون عندها خدامتين انا اخوي جذي عيال توأم و عنده خدامتين وحده حق البيت و الثانيه للجهال اذا طلعتي او نايمه او اي شي ... و اذا ع الليل وحده خليها تنام مبجر و الثانيه متاخر ,, عشان اذا قعدت وحده من بنات الصبح تكون وحد من الخدمه موجوده تباشر البنوته و ترتب البيت ,,, و ثانيه تعطينها مجال تنام لانها نايمه متاخر و بجذي ان شاء الله تنحل المشكله و اتمنى اني افدتج

 

[سكره في زمن مر]

حبيبتي حاسه فيج المره تحتاج تنام يم زوجها وتتضايق لما يقوللها لاتنامين عندي

احسن حل
انج تحطينهم بالغرفه الثانيه وتفتحين الباب ،، واول ما تسمعينهم يبجون تروحين لهم
هذا الحل اللي احسه مناسب

او انج تكلمينه وتتفاهمين معاه قوليله اخليهم عندي بالغرفه معاك و اول ما تبجي البنت اركض فيها بره

؛( الله يسخره لج ويهديه وقوليله كلنا امهاتنا وابهاتنا تحملونا جذي كلمي امه قوليلها تكلمه وتسولفله عن ازعاجه يوم كان صغير

اليوم باذن الله اكلمه ياليته يقتنع بدون مجامله اويضايقه وجودي ادعيلي

 

[سكره في زمن مر]

موضوع الخدامه انتي تبين حريتك بالشقه وحلو انك قادره تستغني عنها

اما زوجك ما يبي تنامين بالغرفه لا تسمحين له بهالشي هذولا بناته ويتعود باجر قولي ما تبي ازعاجهم انت نام بالصاله <
وبيتعب ومرده للغرفه ..

وتقدري تخلي البنات بغرفتهم وفي جهاز سماعات تحطينه عندك من تسمعي صوتهم ترحين لهم ..

او انك تجيبي مربيه تهتم بالبنات مو خدامه لانها مابتتحمل شغل بيت وتووام الله يخليهم لج

مربيه صعبه شوي وميزانيتنا ماتسمح اليوم بكلمه ادعيلي

 

[سكره في زمن مر]

هلا حبيبتي ,,, ما عليش سامحيني انتي غلطانه انج قلتي ما ابي خدامه و الغلط الاكبر انج تنامين بروحج ... تناقشي معاه قولي له انا استوحش اني انام بروحي و اخاف طلعي لج اي عذر بس اهم شي تنامين بنفس الغرفه و فهميه مثل ما انت تعبان من قعدت البنات بنص الليل انا تعبانه دبل تعبك و و مثل ما هم بناتي هم انت ابوهم ... و اصلا معرف اللي عندها توأم ع طول يكون عندها خدامتين انا اخوي جذي عيال توأم و عنده خدامتين وحده حق البيت و الثانيه للجهال اذا طلعتي او نايمه او اي شي ... و اذا ع الليل وحده خليها تنام مبجر و الثانيه متاخر ,, عشان اذا قعدت وحده من بنات الصبح تكون وحد من الخدمه موجوده تباشر البنوته و ترتب البيت ,,, و ثانيه تعطينها مجال تنام لانها نايمه متاخر و بجذي ان شاء الله تنحل المشكله و اتمنى اني افدتج

والله ياقلبي ادري بي شسوي حيل محكوره والله احس في احد يراقبني وهذي خدامه رقم 4 حظي اغبر بالخدامات طابت نفسي منهم وعلى فكره حاولت افرق بين رضعتهم ونومهم للاسف ماقدرت ادعيلي

 

[همي رضى خالقي]

جم اعمار بناتج؟ وعندج اهل بالكويت ؟
تدرسين ولا موظفه ولا بطاليه
الاهم من هذا كله لازم خدامه لا تقولين ما ابي مهما كانت ظروفج الخدامه اساس

 

[Royof]

حبيبتي

سالفة الخدامه لا لازم خدامه وعندي لج حل اذا انتي مشكلتج تبين حريتج في خدم بالساعات جيبيهم جم ساعه يقومون بشغل البيت وانتي قومي بناتج

واذا على سالفة زوجج والله نفس المشكله صارت لوحده اعرفها ومارضت تنام بغرفه بعيد عن زوجها اول شي يتضايق بعدين تاقلم وصار نومه ثقيل ماعليج منه ولا ترضين تبعدين عنه في مثل حطيه حلقه باذنجج ((لاتقلبت المخاد تقلبت المواد ))

 

[ياهم لدي رب]

باليل نامي مع زوجج والخادمه مع البنات وانتي طلي عليهم وبالنعار خلي الخادمه تنام لاتقعد الا 11 وانتي باشري زوجج صباحا ملابسه وريوقه
والخادمه ساعديها يعني بس تغسل المواعين وانتي غسلي الملابس والبنات اذا كبروا وضاروا سنتين خلاص الخادمه ماتقربهم وامرهم سهل


وادعي الله

 

[شادن33]

الخدامه ضروريه
والنومه بغرفتج ضروريه لازم يتعود علي البنات قوليله ما اقدر أنام الا بفراشي أخاف
شبيعهم على الساعه تسع وبعدين دهنيهم وسبحيهم عقب عطيهم ينسون يروحون بسابع نوووومه
واتفرغي لريلج

عموما الالطفال على اربع اشهور يتعدل نومهم لاتحاتين

 

[عويتقة]

امي تقول لك لا تتركن زوجك ينام لحاله حتى لو هو مايبي نامي معاه بنفس الغرفة والله يعينك على تربية التوأم ماشاء الله ادري انهم متعبين بس بكرة يكبرون وتسهل تربيتهم

 

[TINA]

الحمدلله على سلامتك و يتربو بعزكم يا رب
الصراحة انا ما استغنى عن الخدامة ما اقدر اجابل بنتي و بيتي و زوجي و طبخ و انا بعد موظفه لا مستحيل صراحه رغم كل مساوئهم يريحونا ممكن تجيبي وحده وتساعدك و لما يدخل زوجك البيت تروح دارها و بليل تنام قريب من البنات و انت مع زوجك و اذا بكو روحيلهم وخلص و اذا لا سمح الله ما حسيتي عليهم من تعبك الخدامه تقوم لهم الله يسهل اموركم يا رب

 

[بخـــارى]

ادعي ربج ييسرلج امورج

 

[معزوفة عشق&]

حبيبتي لا تتضايقين والف الحمد لله ع سلامتكم هذا اهم شي
ثانيا زوجك لازم يتحمل مسؤوليتهم خليه يحس فيك ويتعود ع ازعاجهم وبعدين لا تخافين الاطفال المواليد يبيلهم اقل شي من 6 - 10 شهور عشان يتعدل نومهم وبعد كذا حاولي تخلي نظام نومهم معاكم
وانتي بعد قدري وضع زوجك يعني عنده دوام صعبه ماينام الليل فانتي يوم مثلا خليهم ينامون بنفس الغرفه ويوم لا منها يتعود عرفتي ..؟؟
واذا حسيتي مافي أي استجابه انا اشوف انك تكلميه وتقولي كل اللي ف خاطرك لعلى وعسى يحس ..
ودايما ادعي ربي يسخرهم ويسخر زوجك لا ولاتتذمري ’’

 

[.. BNT ..]

يبي لح ممرضتين يمسكونهم حزة الليل لو يوم بالاسبوع
او بالويك اند ،،، لانه موحاله حالتج بتنمرضين حذي
شوفي نفسج مع ريلج بهذيك الليله وونسيه
مشكله اللي اهلها مو يمها بنفس الديره حان شالو عنج