الله يوفقج حبيبتي ويعوضج عن قبل
بشكل عام حافظي على زوجج عن طريق:
* الكلام الطيب ، كلام الحب
* حنيتج عليه واهتمامج فيه وحبج له
* ابتسمي دوووم بويهه خلج فرفوشه
* عطيه حقه الشرعي وتزيني وتكشخي له
*اذا نوعه يحب اللأكل، تفنني له بالطبخ
*اذا اختلفتوا، سايسيه لا تستخدمين اسلوب التحدي وياه
*بينج وبين اهلج ورفيجاتج: حافظي على اسرار بيتكم وحتى الأشياء
اللي اظايقج منه ومشاكلكم لا تقولينها لحد خلج أمينه على بيته وأسراره
وستره .. إلا إذا لا قدر الله في مشكلة مو عارفه تحلينها اهني استشيري
الحكيم من أهلج/اللي تعرفينهم
* أهله: حبيهم وخليه يحس انج تحبينهم ومحترمتهم
وفي كتاب تحفة العروس انصحج تقرينه .. فادني بأمور الزواج
وايد وخاصة من الناحية الشرعية ليلحين أقرا فيه .. وحتى أشوف
فيديوات باليوتيوب للدكتور طارق الحبيب وايد يتكلم عن أمور اتعلق
بالزواج :eh_s(22):
باختصار كوني انتي وناسة وسعادة ريلج مثل هالحديث:
رسول الله صلى الله عليه وسلم قال: "الدنيا متاع وخير متاع الدنيا المرأة الصالحة" (رواه مسلم)
وقال رسول الله صلى الله عليه وسلم: "ما استفاد المؤمن بعد تقوى الله عز وجل خيراً
من زوجة صالحة إذا أمرها أطاعته وإن نظر إليها أسرته وإن أقسم عليها أبرته
وإن غاب عنها نصحته في نفسها وماله" ( رواه ابن ماجة)
هذي نصايح عامة والله يوفقكم ويتمم عليكم ويرزقكم الذرية الصالحة يا رب :eh_s(17):
