انشالله تجميلي !!

[^^ مس كيوت ^^]

السلام عليكم

مابي اطول عليكم..انا حامل بتوام والحمدلله وهذا ثاني حمل لي وبتولدني باذن الله دلال السالم..فا بسال عن الخياط التجميلي من تحت...هل مؤلم لدرجه اني ما اقدر ارضع او اقعد؟؟
واذا بسويه بجم تكلفته عند دلال لاني ما سالتها؟

 

[^^ مس كيوت ^^]

7 مشاهده ولا احد رد

 

[الأميرة جوري]

الله يسهل عليج

 

[^^ مس كيوت ^^]

واي بنات شنو محد سوا خياط تجميلي يعني؟!!

فيدوني ترا حدي امي اسالها لا وبعد تستحي مني

 

['Basma']

ماعندي فكرة والله

وان شالله تقومين بالسلامة

 

[sosowaty]

و عليكم السلام

للاسف ما عندي اي فكره

 

[زين ودلال]

اذا مع الولاده ماراح تحسين بعوار عقب الا العوار العادي

بس اذا عقب الولاده ألم مو طبيعيييييييييييييييي

انا جربت الاثنين

بس السعر ماعندي خلفيه

انا دكتورتي فوزيه القطان

 

[NODA 2]

اي في الم بس يعني تتقدرين تتحملينه بس الي يتعب لما بطيح الغرز تحسين شي يقزز انا عند نفسي كنت اتاذا بالقعده

 

[بنت الرحاب]

فيه نوعين خياط تجميلي انتي حددي فيه خياط يسوونه لج مع الولاده وهذا كل البنات الي والدين طبيعي يسوونه ويختلف من دكتوره الي الثانيه وفيه خيااط تجميلي بعد الاربعين وهذا تدخلين عمليات وتسوينه واهو عباره عن تجميل للمهبل كامل تضييق وهذا لازم عمليه وموعد وبنج الاول المه محتمل وطبيعي الثاني متعب االي ابعد الحدود واكتبي بقووقل تجاربكم مع الخياط التجميلي بتشوفين قصص تبجي ونسيت اقوولج الخياط الاول تقدرين تحملين علطوول اذا حابه اما الخياط الثاني فشرط ماتحملين الابعد٣ او اربع سنين ولادتج راح تكون فيه شوي صعبه انا انصحج مدامج توج وعيالج شويه خلي هالتجربه لما تكونين خلاص مو ناويه تحملين عشان يعمر معاج الخياط والله يسهلج اموورج ويرزقج بالتووام المتعافي كامل الخلق والخلقه

 

[^^ مس كيوت ^^]

في خياط عادي بعد الولادة خياطة الشق الي فتحته الدكتوره لكن أنا ابي الخياط التجميلي الي من داخل ومن برا بسويه اثناء الولادة .. هذا الي أتكلم عنه فا ياليت الي مجربينه يردون علي .. الم الخياط جم يقعد معاج ؟

 

[ناتشوو]

مؤلم
بس اخذي مسكنات قوية قوية
خاصة اللي اسمه فولتارين
يريحج وداري ع نفسج بالقعدة مو تاخذين راحتج
ع اساس مو حاسة بألم
انا كل ولاداتي تجميلي
خياط داخلي وخارجي
واخذ معاهم المسكن القوي والالم محتمل
بس اخر ولادة الدكتورة ماسجلت لي المسكن القوي ع طول
مسكن سخيف ماساعدني
كنت ابجي بالمستشفى
اول مرة اعيش هالالم
حزتها قعدت افكر بعمليات التجميل اشلون يتحملونها
ليما طلبت ابرة مسكن
وصج ريحتني
مفعولها سريع
المهم سوي تجميلي
ماادري عن خياط دكتورتج
واطلبي منها اقوى مسكن
خاصة فولتارين
بس في امراض تمنع تاخذه مثل الربو