انسي انسي انسي..... شلون انسى!!!!!!!!!!!!!

[بمبرة]

السلام عليكم ورحمة الله وبركاته
حبيباتي كويتيات ابي مساعدة منكم ؟
قصتي: بعد ولدي الثاني حاولت احمل والله ماكتب وتحاليلي كلها سليمة والحمدللة (سامحوني اذيتكم معاي بس شسوي مالي غيركم بعد الله )
المهم قالت الدكتورة اللي ماخر حمالج النفسية لازم تنسين الموضوع وتنشغلين بشي ثاني وراح تحملين بإذن الله :eh_s(11): سؤالي الحين

شلون انسى؟؟؟؟؟

والكل يعرف ان الوحدة فينا من تغسل من العادة(تكرمون) تقعد تحسب ايام التبويض ووقت الدورة الثانية ...صح بنات اغلبيتنا جذيه المهم:

اكرر عليكم
شلون انسى سالفة الحمال ؟؟؟؟؟
عفية ساعدوني:eh_s(16)::eh_s(16):​

​

​

 

[*دبدوووبه*]

بمبرة حبيبتي
لو تبين صج تحملين
انتي وريلج بتتساعدون فيهالشي
خصصي شهر كامل لج انتي وريلج
استانسو فيه
اجرولك منتجع
شاليه
فندق
سافروا جم يوم
عيشو حياتكم
وانتي حاولي تتغيرين حق زوجج في هالفتره
سويله اكشنات
خليه يحس ان تغيرتي فجأ ويستانس منج
خلي همج الحين كلا ريلج
عيشي حياتج الحين بسيطه
وحاولي تركزين في امور ثانيه
وان شاءالله اكون حاولت اوصل لج معلومه بسيطه
او مجرد
محاوله

 

[أمواج البحر]

حبيبتي خليها على ربج

والله يلوم اللي يلومج اكيد صعب تنسين

بس حاولي تلهين تفكيرج بأي شغله ثانية

ودام انج حملتي مرة فإن شاء الله تحملين مرة و مرتين و ثلاث و اربع

والله يرزق كل محرومه بالذريه الصالحة

 

[بمبرة]

جزاكم الله خير يا امواج البحر ودبدوبة:eh_s(7)::eh_s(7):

 

[طم طم]

الله يعينج يا رب ... ويرزقج بالذريه الصالحه الصحيحه ان شاء الله

 

[@ الرسامة @]

طلعي وزوري وسافري وغيري جو وراح تنسين وسبحان الله بس تشيلين التفكير عن هالسالفة تحملين

 

[أم عواشي]

سافري !!!
انا اختي جذيه اذا سافرت تحمل و اذا اقعدت تحسب ماتحمل :|
انسي هالشيء !!!! كل شيء بيد الله لهي نفسج اب اي شيء

 

[*سكون*]

وكلي أمورج لله وان شا الله بتحملين .. الله يرزقج بالذرية الصالحة

 

[um-naser]

حبيبتي أنا مريت باللي تمرين فيه عسى الله يرزقج مثل اللي عندي انشاء الله
أنا عندي اسم الله عليهم ولدين وثلاث بنات في ولا مرة حطيت في بالي اني حامل طلعت حامل----الشهر اللي أعالج فيه وأسوي محاولات ووقت الدورة أحلل على بالي حامل أطلع مو حامل ولما أشيل فكرة الحمال من راسي ولا أهتم انها تأخرت ألقى نفسي حامل (نصيحه داومي على أكل حبوب اللقاح لأنها تقوي المبايض)

 

[LaSt WoMeN]

شلون تنسين ؟؟ شغلي روحج حبيبتي لا تقعدين فاضية .. سوي لج مشروع و شغلي روحج بهدف معين .. مشروع تجاري .. او احسن لج مشروع حفظ القرآن الكريم أو سور معينة منه .. حطي لج خطة و التزمي فيها يعني وقت تخلصين فيه المشروع و راح تنشغلين عدل

عسى الله يرزقج و يسعدج و كل المحرومات من الذرية يا رب

 

[البيداء_77]

بعد عمري واللة انا نفس حالتج اذا عرفت اذا قدرت انسى اعلم

اللة يلطف في حالنا ويرزقنا من عنده

 

[الفنانه79]

ويييييييييييييييييه ماعندج سالفه
انا اصلا ماحملت الا لما نسيييييت

لا لعلمج كنت اخذ ابر بس هم نسيت سويتلي جدول

تخيلي اروح اغز الابره واروح السينما
اخذ علاجي واروح المعارض ارورلي شي حق ارمضان اروح اقعد بكافيه اطلع السوق اتمشى ارجع البيت هلكانه يالله الفراش والنووووووووووووووم وارجع الصبح دوام غير الاستقبالات والزواره والعزايم

جك بم الا انا تعبانه برمضان اروح حق د معصومه ابي طبيه لان ظهري يعورني من الابر تقولي مااعطيج طبيه الا اذا حللتي وانا ابجي مابي مابي

اتحللي واطلع حامل واييب ولدين توأم زي القمر الله يرزقج مثلهم

 

[امراة من زمن الحب]

وانت الصادقة شلون ننسى واحنا نعد الايام عد

 

[بمبرة]

مشكورين حياتي على مشاركتكم الحلوة:eh_s(17)::eh_s(17):
وراح اسوي اللي قلتوه وعسى الله يرزق الجميع الذرية الصالحة وما يمر رمضان الا كلنا نتنسى :eh_s(9)::eh_s(9):

 

[فوز الكويت]

والله صج كلامج

انا من ولدت بنتي ومن طلعت من النفاسوانا اخطط للحمل بس للحين الله ما كتب

الله يصبرنا صج ما نقدر ننسى بس شنو نسويالصبر علاجنا

 

[ام جاسم]

انا نفس حالتج ماني قادره اشيل فكره الحمال من بالي بس قاعده و احسب اوقات التبويض الله يرزقج ويرزقني ادعييييييليييييي

 

[ام محمد]

حبيبتي ان نفس سالفه عندي بنت وولد والدورة مغربطه وريلي يريد عيال وينتضر شهر بعد شهر وماكو نتيجه ولله يعين

 

[الغــ مرت ــالي]

انا سمعت من فوزيه الدريع
اذا تبين تنسين وتكون نفسيتج اوكي حق الحمال سويلج مشروع خيري

او اي شي في تصدق على الفقراء عرفتي حبيبتي

 

[أم وضاحي]

أمسدي...!
أنا أول ما تزوجت قعدت سبع شهور وحللت و زوجي حلل و كل شي طلع طبيعي بس ما صار حمل لغاية ما قالت لي بنت خالتي عن وحدة إيرانية تمسد و تحملين بعدها على طول بس لا زم أتجيني ثاني يوم الدورة و فعلا ما صدقت خبر أول ما جاتني الدورة اتصلت فيها و جاتني على طول ثاني يوم و أمسدتني ثلاثة أيام أمسدت بطني و رجولي و يدي و ظهري و بعدين ( الصدمة ) قالت أبي أشيك داخل على أتأكد أنج نظيفة قلت أنا فيني الدورة قالت أعرف بس أبي أعرف إذا فية ترسبات قديمة ولا لأ لأنها إهي إللي تمنع الحمل إذا كان كا شي طبيعي, و بعد ماشيكت قالت فيه ترسبات و حطت لي فتيلة علشان تنظف الرحم و المهبل و فالت خليها ثلاثة أيام و عقب الثلاثة أيام رجعه شالتها و حطت وحده غيرها و قالت إنها بتنظف عدل و بتضوق المنطقة و دور الشهر جاتني الدورة و قالت ما علية و ردت مسدتني و ما كملت من مسودها شهر إلا أنا حامل بدحدوحتي و ضاحي سلم قلبها.
و ألحين بس أنتظر وضاحي تكمل الست شهور علشان أخليها تمسدني مرة ثانية .
أنا أختي بعد ما ربت مسدت و حملت بسرعه و أخت صديقتي كملت السنة و ما حملت و لما أمسدت أحملت على طووووووووووووووول
و موفقين إن شاء الله

 

[أم وضاحي]

شنو يعني امسدي
!

يعني مسود...
شغلة يعرفونها هل قطر و البحرين و الأمارات بس ما أدري عن باقي الخليج
و تقوم فيها مرة متخصصة بالهشغلة يعني مو أي حد
هي تقريبا مثل المساج بس تركز لج على منطقة الرحم و الظهر و لهم طريقة خاصة , عشان ترفع لج الرحم من عقب الولادة و تلف لج بطنج عشان ما يتهدل و يرجع كأنج ما قد حملتي و ربيتي.
وللي ما تحمل تنظف لها الرحم و تظوق عتدها المنطقة .
تعالوا قطر و أنا أخليها ترويكم عملي.....خخخخخخخخخخخخ