انذار معدل ثالث ساعدووني

[مسؤولة تعيين]

السلام عليكم
شلونكم بنات
انا طالبه بجامعة الكويت بقالي سنه واتخرج باذن الله
مشكلت ان عندي انذارين بالمعدل العام وراح ينزل لي هالكورس انذار ثالث
انا مجتازه 90 وحده ومع هالكورس يصيرون 105 وحدات
معدلي العام 1.74
انا قادره ارفعه بس ماراح اقدر اشيل الانذار
الا اذا عطوني كورس اول ومافصلوني لاني اطلع ميداني كورس اول والميداني ريفع المعدل
راجعت عمادة شؤون الطلبه وراجعت عمادة القبول والتسجيل وسجلات المقيدين وراجعت التوجيه والارشاد بكليتنا (كلية التربية)
تكفوون فيدوني محد عطاني كلمه اطمني كلهم مايدرون الي يقولي احتمال يفصلونج والي يقول مادري والي يقولي يحق لج كورس استثنائي يعني محد عطاني خبر اكيد
تكفوون الي عندها تجربه او تعرف احد مر بهالظروف تطمني والله حييل خايفه
حرام انفصل وانا مابقا شي واتخرج
:eh_s(2):​

 

[مسؤولة تعيين]

أستغفر الله الذي لا اله الا هو الحي القيوم واتوب اليه

 

[دكتورة سارة]

روحي الشويخ العمادة و سئليهم نعم هذا مستقبلج
إذا كلش كلش روحي حق العميده
و بعدين أظن دام هالكورس مجتازة 105 وحدات يبقالج كورسين و تتخرجين فراح يسوونلج حاله استثنائية
خاصه ان عندج كورس صيفي عندج فرصه كبيرة لرفع المعدل
حاولي بالكورس الصيفي تاخذين 3 مواد من اللي يايبه فيهم (دي) و رفعيهم لي ( أ) أو (ب) راح يصعد
و الكورس الأول كملي باقي موادج بشرط يخلص الكورس الأول و يصير معدلج 1.90 و فوق
و بعدين تاخذين الكورس اللي وراه الميداني و انتي مرتاحه على أساس وحداته وايد و خاصه اذا يبتي فيه (امتياز) راح يرتفع معدلج وايد
اذا حسيتي ان معدلج محتاج رفعه شويه اخذي الكورس الصيفي اللي وراه هم المواد اللي ماخذه فيهم (دي ) و انشالله تتخرجين معدلج فوق 2.5
روحي باجر الشويخ و طمنيني عليج
و لا تسكتين و تتهاونين عن حقج
الله يوفقج و يسهل لج كل أمورج يا رب

 

[مسؤولة تعيين]

حياتي مشكوووووووووووووره على هالدعوه الحلوة وان شاءالله باجر بروح بس باخذ ريلي معاي لان انا كلش مومعطيني ويه والله بهالحر يخلوني اصفط سيارتي بعيد وامشي من مبنى لي مبنى

 

[دكتورة سارة]

ابوي انتي طمنيني عليج لي رحتي ها

 

[مسؤولة تعيين]

لا حول ولا قوة الا بالله

 

[لورا آشلي]

راح يقولون لج ان بيتشاورون بموضوعج بلجنه خاصه

فـ لا تخافين دام لجنه خاصه يعني محلوله ان شاء الله

خاصه انج تعتبرين خريجه

بس شدي حيلج ورفعي المعدل

 

[دكتورة سارة]

لا حول ولا قوة الا بالله

قوة
هااا شصار عليج طمنيني
رحتي العمادة ؟

 

[مسؤولة تعيين]

ماصار شي ليلحين ضايعه بالطوشة
بس بغيت اسال الاخت لورا اشلي راح يفصلوني كورس والا اكمل عادي ؟
واذا عندج تجربه عفيه كتبيها
ابي اي احد يطمني

 

[omsalem]

الله يوفقج

 

[مسؤولة تعيين]

بنات مشكورين حبايبي والله ماقصرتوا
عسى الله يةفقكم
وانا ان شاء الله شاده حيلي وقعد ادرس عدل عدل بس نزل معدلي يوم كنت حامل وولدت قيصريه ووايد تعبت بس الحين متحسفه وانصح كل الطالبات ان مايغلطون غلطتي ويوقفون قيدهم لين يولدون
بنات تكفون اي وحده عندها تجربه او اجابه تكتبها
وجزاكم ربي الجنه

 

[مسؤولة تعيين]

استغر الله الذي لا اله الا هو واتوب اليه

 

[love life]

حبيبتي انا توني بس بقولج اللي اعرفه
الصيفي ما ينزلون انذار
فحاولي اللي يايبة دي تعيدينهم واخذي اوفر لود مادة سهلى بس تظمنين الي وتييبين اي
والله يوفقج

 

[noo7a]

استغفر الله
من زين جامعتهم الي ذالينا عالانذارات و الفصل
شوفي حبيبتي روحي العماده بشويخ و ساليهم
واهم عندهم حسبه معينه بعدد الوحدات الي مجتازتها و جم كورس باقيلج
بحالتج انتي راح يعطونج فرصه للانذار الرابع بس انشالله مايحوشج لان باقيلج كورسين وتخلصين
وبالصيفي حاولي تاخذين مواد اختياريه رفعي فيها معدلج انشالله توصلين لي نقطتين وان ماوصلتي ماعليه خوف لان الصيفي ماينزل انذار
وقبل لا تسجلين مواد الكورس الاول حسبي الدرجات الي تتوقعين تاخذينها بالمواد اذا شفتي انها ما ترفعج لي النقطتين
هم اخذي مواد رفع معدل لمن تضمنين ان انشال الانذار بعدين ردي كملي اخذي مواد من قسمج
وانشالله موفقه

 

[noo7a]

وبالنسبه لنصيحتج انا بسويها بوقف قيدي بالولاده الكورس الاول
مع ان امي تقولي راح تملين من البيت و بروحج متاخره لاني دفعه ٢٠٠٦
بس يمعود المعدل كلش ما يساعد اني اجازف فيه اكثر
واذا عالتاخير اهي خربانه خربانه مافرقت على كورس زياده

 

[مسؤولة تعيين]

أستغفر الله ربي وأتوب اليه

 

[مسؤولة تعيين]

لا حول ولا قوة الابالله العلي العظيم

 

[مسؤولة تعيين]

بنات بليز ساعدوني

 

[مس روبنز]

لا تحاتين إن شاء الله ما يفصلونج
شدي حيلج وعيدي مواد درجاتج فيها نازله
لأنها تطير المعدل فوق
ومسموح لج 10 مواد للإعاده​

 

[مسؤولة تعيين]

الله كريم