انحراف الغضروف { حدددي خايفة }

[M!sS roo7 alm!sk]

السلام عليكم

شلونكم بنات؟

ان شاءالله تكونون بأتم الصحة والعافيـة..

مثل مو مبين بالعنوان

اليوم رحت المستشفى وخذوا مني عينات دم وحددوا لي موعد العملية لتعديل الإنحراف..

بس وربي خايفـة من شغلة وحده..

انا خشمي حلوو والله مو مدح فيني بس خايفة بصراحة العملية تأثر على الشكل الخارجي لخشمي..

سألت الدكتور قالي العملية كلها من داخل وماراح تأثر على الخشم من برى:0bee2e8d89:

بس حددي مو مطمنة مع العلم اني مضطرة اسويها لأن عندي ضيق تنفس مو طبيعي

فيااريت يابنات اللي سوتها او تعرف احد مسويها تعطيني خبر بالنتايج وهل كانت تمام ولا لا..

انتظركم​

 

[بنوته 1988]

شوفي حبيبتي اهم ش يكون الدكتور ثقه.. صلي استخاره.. انا حاسه فيج كان عندي انحراف ولحميه.. وسويت تجميل
سوتيها عند دكتور ثقه بلبنان من سبوعين ونص تقريبا ,, والحمد الله من ناحيه النفس بعد ماعطاني الماي والملح وانظف كل يوم الحين صرت اتنفس مثل الناس .. بس خبرج متورم من التجميل .. بس اهم شي دكتور ثقه لان هاذي خشم ,, لاتلعبين فيه,

 

[M!sS roo7 alm!sk]

بنوتة 1988

مشكورة ياعمري..

ان شاءالله راح اصلي استخارة وبتوكل على الله..

والحمدلله على سلامتج..

تسلمين والله لأنج عبرتيني ورديتي..

موفقة يارب​

 

[منوله كويتيه]

سلااااااااامتج حبيبتي وماتشوفين شر

انا نفس مشكلتج وخاايفه اسويها لكن بتوكل على الله وبسويها بالعطله الصيفيه لأن حالتي من سيء لأسوأ

ماقلتيلنا وين بتسوينها و عند اي دكتور بالضبط

وبانتظار النتيجه اللي ان شاء الله تسر خاطرج وتشجعني اسويها

سلاااامات:tek:

 

[دمعة_ حزن]

منو دكتورج حبيبتي ؟

 

[هاشمية ولي الفخر]

سلامتش يالغلا
ماتشوفين شر

انا اخوي سواها وماتغير بشكل خشمه شي
سويها وماااعليش شر

 

[M!sS roo7 alm!sk]

سلااااااااامتج حبيبتي وماتشوفين شر

انا نفس مشكلتج وخاايفه اسويها لكن بتوكل على الله وبسويها بالعطله الصيفيه لأن حالتي من سيء لأسوأ

ماقلتيلنا وين بتسوينها و عند اي دكتور بالضبط

وبانتظار النتيجه اللي ان شاء الله تسر خاطرج وتشجعني اسويها

سلاااامات:tek:

الله يسلمج ياقلبي..الشر مايجيج..

انا سويت الفحوصات والتحاليل بمستشفى حكومي..

وخليتهم يحطون الموعد بعيد شوي حتى اقدر استخير واشوف نفسي مرتاحة للعملية ولا لا..

الله يسمع منج وتكون سهله..

وعسى الله يشافيج يالغلا وتكون نتيجة العملية تمام التمام..

بس ها طمنينا عنج..

موفقة فديتج​

 

[M!sS roo7 alm!sk]

منو دكتورج حبيبتي ؟

والله يالغالية هو دكتور مصري بمستشفى حكومي..

بس يمكن والله اعلم اسويها بدار الشفا..

حياج ربي قلبوو​

 

[M!sS roo7 alm!sk]

سلامتش يالغلا
ماتشوفين شر

انا اخوي سواها وماتغير بشكل خشمه شي
سويها وماااعليش شر

يسلملي راسج ياقلبي..

الشر مايجيج..

والحمدلله على سلامة اخوج..

ان شاءالله ربي ييسر وتكون سهله ومافيها مخاوف..

مشكورة غلاتي..​