انجرحتي-انكسرتي-انذليتي-ادخلي وما راح تندمي

[أنوثه ملكيه]

الكـــل هنا يــــــعاني
مجــروح
يصرخ بآهاااته
*انتهت حياتة لانه خلاها لعيون شخص واحد...او مقهور لنكران الجميل..




من هنا اناديـــــك..



انا محبــــــــتكم الخالصه ..
أمد لك يد العون والقلب الحنون واللمـسه الحانيــة..



أنا مستعدة أوقـف معك وآخذ بيدك بس تساعديني
بنفسك وتسمعين كلامي وتقرين كلامي مره
واثنين وثلاث حتى تفهمين المضمــون*_*









أوعــــــــــديني تسمعين كلامــي وتفهمينه
وتقريــنه للأخيــر..
أو اسمحـــــــي لي اقول لك هذا مو مكانــك..إلا اذا
وثقتي بربــي وثم مديتي لي يدك



( إن الله لا يغير ما بقوم حتى يغيروا ما بأنفسهم )











اول شي بالنسبه للصدمة النفسية والتجربه
القاسيه إلـي مريتي فيها ..





ابي اقول لك ترا مافيه اي انسان ع وجه الارض
ما مر بتجربه قاسية فاشله اليمه موجعه..




وياما بتسمعين وتشوفين والله مافيه اي انسان ع
وجه الارض مامر بتجربه اليمه كسرت اشياء
كثيره داخله وتحطمت احلامه بزمن قاسي وناس
اقسى مافيه احد مرتاح بحياته هذي الدنيا كذا
ماتسوى عند ربي جناح بعوضه .. ولاتسوى
الدنيا تنزل من عيونك الحلوة دمعه وحده ع
اشياء ماتسوى ابد



ريحي قلبك وارحمي نفسك إلي صار صار وإلي
انهد انهد وإلي انكسر انكسر قضاء الله وقدره ..
ماتدرين وين الخير فيه




معقووله ياقلبي من اول صدمة نفسيه تنهارين
وتعيشين نفسك بقهر طول هالسنه!!




ليه..؟



حرام عليك ؟



تذبلين وانتي بعمر الزهور




إلي قاعده تسوينه غلط في غلط وحرام عليك
مايجوز ترمين نفسك بيدك بالتهلكه !




عشان شي انتهى بس لاتخلين الماضي يأثر ع
حياتك لانه راااح للأبــد ومستحيل يرجع لو
اجتمعت الامه ع انهم يرجعون الماضي مستحيل يرجع



خلاص انتهى راح ارميه بزنزانة النسيان



لاتخافين من شي صدقيني اذا لك حق بتاخذينه



اذا كانت تجربتك المريرة وصدمتك انك فقدتي احد
تحبينه صدقيني ماهو خير لك ولو كان خير لك
كان ربي جمعك معه غصب عن كل الي يرضى
والي مايرضى
وان كان ظلم ريحي قلبك ونامي قريرة العين
اقسم لك بجلال الله بتاخذين حقك الظلم الشي
الوحيد الي مستحيل تموتين الا وانتي شفتي حقك
بعيونك بالدينا قبل الاخرة

.....يتبع لا تردون بليز :eh_s(17):

 

[أنوثه ملكيه]

انفضي عنك غبار الهم والقلق والماضي ترا الي



يفكر بالماضي حمق وجنون ومضيعة وقت








خلاص انسي الماضي لاتقولين مااقدر..!!





وش استفدتي من الماضي؟



لازم ايمانك بالله يكون اقوى من كذا


اعتبريها تجربه مرت عليك واستفدتي منها


ياما حتشوفي لازم تكوني قويه


بكره بيكون عندك زوج وبيت



وين القوة هنا!



وين الام الي كلها قوة ويعتمد عليها !!



بكره بتشوفين اكثر وبتنصدمين اكثر



لازم تكونين قوية وايمانك بالله كبير وتثقين برب



العالمين



عشان تكونين ام قويه تخاف ربها وواثقه من نفسها يعتمد عليها وحكيمه ماتخاف الا من خالقها وبس













تؤمن بأن الله تعالى كتب مقادير الخلائق قبل أن



يخلق السموات والأرض بخمسين ألف


سنة .والحديث رواه مسلم








حبيبتي عيشي حياتك تراااها قصيرة مرره



وربي ماراح تحسين بنفسك الا عمرك كبير وانتي


ما انجزتي شي ولاصار اي شي و من الي انتي


كنتي خايفه منه


ترا 99% من الاشياء الي تخافين منها غير







صحيحه.




حبيبتي اذا كان الماضي هو السبب خلاص من





اليوم انسيه



وتوكلي ع ربك


اذا كان حب وعندك ذكريات من الي تحبينه ارمي









كل شي يذكرك فيه ..اذا كان اي حق بتاخذينه



ياقلبي وربي وربي بتاخذينه







لازم تكوني اقوى من كذا لاتتعثرين من اول صدمة

 

[أنوثه ملكيه]

منقول ^^ والله يجزى إللي كاتبته خير
نقلته لكم من حبي لكم
واتمنى مانقلته يخفف عليكم

 

[غلآ نوآف]

موضوع حلو
يعطيج العافيه

 

[ايماني بالله]

جزاج الله كل خير واتمنى ان نستفيد منه ونطبقه

 

[شذونه]

اسهل شي بالدنياااا الكلاااام

 

[جنون العاطفه]

الله يجزاج خير


وفعلآآ اسهل شيء بالدنيا الكلام

لكن الحمدلله على كل حال ​

 

[طموحه بزياده]

مشكووووره كلام يشرح القلب مقنع وكله صحيح



اللي فات مات


الانسان المتشائم دائم ينظر للوراء وللماضي

 

[سميتك الغلا كله]

*جزآج آلله آلف خير ع آلموضوع ..
وآلحمدلله يَ رب ع كل شي : (

 

[قمر بيت أبوها]

متفائله رغم كل الجراح الأمل بالله باق ولا الناس تتتغير اليوم يجرحونك بس يحتاجونك تلاقينهم جنبك والذل عمره ماكان بين البشر الذل لله سبحانه وتعالي
واللي يغلط بحق الغير يلاقي افعاله بدنياه قبل اخرته
بس ياليت الألم اللي الي شعرنا فيها يموت عشان نسامح هالناس مو اكثر

 

[أنوثه ملكيه]

لو الكـلآم سهل ماكان خربت بيوت من كلـآم النـآس
ولو الكـلآم سهل مـآكآن رفعنا معنويـآت أخوانا وأزواجنا وأمهاتنا وربعنآ ب الكـلآم
ولو الكـلآم سهل مآكآن وآسينا وضحكَنا وبكيَنا من كلآم
بالعكس الكلـآم له قدره عجيبه على موآسآة البشر و وله قدره عجيبه على تعديل المزاج
وله قدره عجيبه على تهدئة النفس

وأفضل الكـلآم هو كلـآم (الله عز وجل ) القرآن الكريم

 

[عسل سل]

مووضووع حلو مشكووره

 

[روانتي 12]

مؤضؤع بقمةة رؤعةة . . وفعلآ الماضي درس نتعلم منةة . .
يعطيج العافيةة حبيبتي على هالطرح آلآكثر من رائع . .

 

[أنوثه ملكيه]

حلوه و روانتي2

منورين الله يعجل أيامكم راحه وسعاده

 

[حكايا احساس]

جزاك الله خيراً

فكرتك رائعه

 

[Special eve ~]

كلام حلو ويشرح الصدر

فعلاً الكلام سهل لكن تطبيقه يكون اسهل ان شاء الله اذا اقتنعنا فيه
الحياة حاضر ومستقبل اكثر من انها ماضي ماله معنى الان

يعطيج العافية حبيبتي ^^

 

[دلوعته 89]

كلام روعه جنج تكلميني
يزاج الله خير

 

[دلوعته 89]

حبيبتي ذكرتي نقطه مهمه ودي أزيد عليها حق كل وحده تبجي على فراق واحد سواء حبيبها طليقها اللي باعها صديقتها :

اعرف وحده تركها حبيبها تمت سنه كامله موقادره تنساه سنه كامله تسمع اغنيته وتبجي مالقت اللي يسد بمكانه
هالقصه مو من تأليفي واهيا معاي بالجامعه والحين تخرجت

المهم بعد سنه ردلها حبيبها وكلمته فتره ورد هدها مره ثانيه اهيا هني كرهته ونسته ومرت سنتين ماتدري عنه وتزوجت ثاني
بعد سنتين اكتشفت انه يشرب وسكير وعنده سوالف بنات كل هذا ماكانت ملاحظته واهوا حريص محد يقدر يجكه لكن اذا الله بغى يكشف حقيقة شخص حق أحد يدبر الأمور بطريقه مانستوعبها

تخيلو لو متزوجته واهو يشرب وعنده سوالف؟
اهيا الحين تحب ريلها ومرتاحه معاه وتحبه حب مو طبيعي ويحبها ماشاءالله الله يهنيهم

وانا شخصيا كنت أحب واحد ويحبني بس أهله وأهلي وقفو بطريجنا عشان اختلاف العوايل والعادات والتقاليد .. الحين بعد مده وبعد مانسيته اكتشفت انه بخيل بخل مو طبيعي الله يهديه ويصلحه مع انه كان كريم بس الطبع يغلب التطبع لو ماخذته جان انا الحين متطلقه وكارهته محد يعرف الغيب غير الله

الفايده: خلي الله يدبر امورج ويختارلج خلي الله ينظم حياتج صح لا تركضين ورا أحد باعج تأكدي ان الله ماخذاه منج إلا لحمايتج لأنه مافيه خير لج. يمكن فيه خير لغيرج بس مو لج فلا تتدخلين بتدبير الله للأمور وكلي أمورج حق الله

وعسى أن تحبوا شيئا وهو شر لكم

ودي أوصل هالرساله حق كل بنت وكل ريال الله بلاهم بالتعلق بشي مو لهم بس مو عارفه شلون يليت تساعدوني بنشرها

 

[فراشه بيضا]

وياما بتسمعين وتشوفين والله مافيه اي انسان ع
وجه الارض مامر بتجربه اليمه كسرت اشياء
كثيره داخله وتحطمت احلامه بزمن



فيه ناس ماشالله مامروا باي شي مع انهم ناس موزينين ومتهنين وعايشين وامورهم كلها ماشيه
وفيه ناس وين ما طقها عوجه حظ ماكو

 

[الموجه الهادئة]

الله يجزاك خير حبيبتى