انتي مغرورة !!!!!!!!!!!!!!!!!!!!!!!!!!!!!!

[شاهة]

السلام عليكم شلونكم بنات شخباركم

الصراحة بنات انا تقريبا صارلي سنتين مشتركة في المنتدي واستمتعت وايد

معاكم ,الصراحة حابة اخذ رايكم بشغلة شفتها تتكرر معاي وايد

مع ان ماهو طبعي ولا اسلوبي

كثير من الناس يقولون لي انج مغرورة !!!!!! طبعا الحمد لله الي يعاشرني

بعد مدة يقولي لا كنا ماخذين عنج هالفكرة بس طلعت فكرتنا غلط

طبعا هذا الي يعاشرني بس في ناس

يحط في باله اني مغرورة ويتعامل معاي علي هالاساس بدون اي شي وطبعا

هالشي يسبب لي مشاكل

يمكن تسالون ليش ياخذون عنج هالفكرة

طبعا انا ماني متاكدة بس احس انه هالشغله اهي الي مسببة المشكلة

انا هادية تقدرون تقولون انطوائية وخجولة ما اتكلم وايد الا مع الي اعرفهم

(وهذا ما احس يعطيهم الحق باتهامي بالغرورة)

الحين ودي اسمع اارائكم خواتي عن شلون احل هالمشكلة لان احس ناس

معاديتني من لاشي بس حاطين في بالهم اني شايفة نفسي

شي ثاني طبعا ادري صعب تكونون راي عني في المنتدي بس هل تحسون ان متكبرة او مغرورة في طريقة ردودي وكتاباتي ( الاعضاء الي صارلهم مدة معانا طبعا )


والسلام ختام


اختك شاهة :eh_s(17):

 

[مرت ريلي]

تدرين شنو أكره هالكلمة وايد يقولونلي ياها
أعطيج أمثلة
لما أتناجر شوي مع ريلي يقولي انتي مغرورة يدري أنقهر من هالكلمةوايد

اشتغلت بأربع أماكن للحين محد كان يحبني أول شي دايما يقولون شكلج شرية ونفيسة ومغرورة يعني بالعربي نسرة

بس اللي ما يعرفج ما يثمنج

يوم عن يوم أكتشف انهم يحبوني ويتعلقون فيني بشكل مو طبيعي

فما عليج منهم وطنشيهم ومردهم بيعرفون انتي شنو

وسلامتج ومشكورة عالموضوع حبوبة

 

[شاهة]

مشكورة مرت ريلي

 

[كندية]

حراااااااااااااااااااااااااااااااام عليج ...يعني انا ماشفتج ولا شيء بس ياحلاتج وحلات بساطتج ....
يبه انا نفس طبعج واللي يقول عني مغروره كيفه ...
شوفي الناس ماعجبهم شيء اذا صرتي هادية قالوا مغروره واذا تتكلمين وايد صرتي ماتستحين ...
اهم شيء اللي يريحج...خليج على الطبيعة اللي تعجبج ..مالج شغل بأحد

 

[شاهة]

حراااااااااااااااااااااااااااااااام عليج ...يعني انا ماشفتج ولا شيء بس ياحلاتج وحلات بساطتج ....
يبه انا نفس طبعج واللي يقول عني مغروره كيفه ...
شوفي الناس ماعجبهم شيء اذا صرتي هادية قالوا مغروره واذا تتكلمين وايد صرتي ماتستحين ...
اهم شيء اللي يريحج...خليج على الطبيعة اللي تعجبج ..مالج شغل بأحد

واي كلام ثلج علي القلب يارب يسعد ايامج علي هالكلام الطيب ويسقيج ويرويج من انهر الجنة قولي امين

 

[blue ocean]

اي والله الناس مايعجبهم العجب وحتى الملاك يطلعون فيه عيوب

عادي حبيبتي دامج عارفه انج مافيج هالصفه طاف اذا قالولج

جذي ابتسمي

 

[Satanicly]

لوووول عادي عادي توقعي هالشي من بناتنا .. صراحة أنا وايد تنقالي هالكلمة, المشكلة مو بس من الغريب حتى من الأهل, مع إني والله مو مغرورة و لا فيني هالصفة مع الناس, بس لأن ساعات ودج تسولفين و تعبرين عن إلي في خاطرج يسوونج مغرورة .. صراحة أنا ما قمت أهتم بحجي الناس إلي ما تعرفني و على أي أساس يحكمون بأخلاقي و هم ما يعرفوني .. أنا أقول ( Just ignore them) .

 

[SeNyOrA Q8eYa]

لالالالالالالا والله ما اعرفوج عدل حبيبتي ،،،
بالعكس انا وايد صارتلي معاج مشاركات وصارت بينا رسايل
وانتي بصراحه والله وبدون مجامله عسل تهبلين ولو مو مغرورة ماتردين بهالردود الطيبه ولا تردين على الرسايل ،،
ماعليج منهم ترى الناس مايعجبهم العجب ،،
انا بعد يقولون عني مغرورة اذا سمعت شي وماعجبني اسكت ما اشارك قالو هذي مغرورة شنو شالسالفه كيفي مو عاجبني الموضوع غصب..!!
ماعليج منهم يقولون اللي يقولونه ومردهم بيعرفون انتي شنو
وانا احبج ماعليج منهم

 

[الدنـ نور ـيا]

الثقة الثقة الثقة خلى علاقتج برب العالمين من تواضع لله رفعه ,والحمد لله دام صفت الغرور مو فيح فتجاهلي كلامهم حتى مايضيق خلقج وتصدقين كلامهم وبعدين الطامة الكبرى تصيرين مغرورة إنت الحكم مو الناس لأن النية عندج مو عندهم وسلامتج ياطيبة القلب .

 

[q8ia_cutaa]

وااااااااااااااااااااي جنج انا

اانا لاني هادية وماتكلم وايد عبالهم جذي من وانا ياهل

رفيجاتي يقولون اول ماشفناج يقولون وااي شكلها شايفة نفسها لووول

بس لما رافجناج يوم عن يوم نحبج اكثر لووووول

يمكن لاني انا استحي

واخر موقف صارلي بعد يوم الاربعا الي طاف

وحدة معاي بالدوام مو بقسمي<<اصلا اول مرة اشوفها
ركبنا الاصنصير <<جان تقوووول: انتي ليش كله مادة البوز وماتعطين ويه @@

صراحة انا عصبت

لوول

بس والله يعينا كلنا لوووول

 

[حبيبة أهلها]

السلام عليكم اختي الغالية شاهة

والله انا واختي كنا نسووووولف فيك البارح بالعكس ماشاء الله اخلاقك راقية واللي لفت انتباهي دينك ماشاء الله عسى الله يحفظك من كل شر

ورددي البيت اللي يقول

اذا اتتك مذمتي من ناقصا فهي الشهادة بأني كاملا

واسفة اذا في تحريف في البيت ههههههههه

ولاهمك كلام الناس والله انك احلى شاهة

 

[مرت ريلي]

عسل يا شاهة ولا يهمج كلامهم حبوبة

 

[ورد الاوركيد]

السلام عليكم
حبيبتي لا يضيق خلقج ولا شي تصدقين انا بعد يحسبوني جذي لاني ما اتكلم وايد بس انا جذي وطبعي جذي خلاص انا معاج والخوات كلنا ربع
ههههههههههه
:eh_s(7):

 

[رنين]

شهه اذا شلتي راي واحد و الا اثنين فيج فوق راسج بشوفونه كل الناس و يظنونه واقع!

يعني باختصار و لا يهمج...


اهم شي انتي تقعدين مع نفسج و تعرفين انتي شنو و منو و تتصرفين على ها الاساس بس...

و اللي يفهم غلط أو ياخذ موقف مشكلته مو مشكلتج


و لا تظنين بيون انج راح تحصلين رضا أو محبة كلللللللللل الناس.....لابد تلاقين من يعاديج أو اذا ما عاداج عالاقل يزعل عليج او اقل بعد مايفهمج!


خلي اهم شي في قلبج......(((يا ربي انت شلون شايفني؟)
و اسعي للصوره المثاليه عند ربج فقط لاغير...

هذا السلاح الوحيد اللي يخلي الناس غصب طيب يحبونج حتى لو ما يبون

 

[شاهة]

اي والله الناس مايعجبهم العجب وحتى الملاك يطلعون فيه عيوب

عادي حبيبتي دامج عارفه انج مافيج هالصفه طاف اذا قالولج

جذي ابتسمي

:eh_s(6): والله بلو اوشن وايد ابتسم وشاقة الكشرة بس مثل ماقلتي الناس ما يعجبهم العجب
اسمج رومنسي بطريقة مو طبيعية يعطي احساس بالهدوووووووووووء
شاكرة مرورج ماتقصرين

 

[شاهة]

لوووول عادي عادي توقعي هالشي من بناتنا .. صراحة أنا وايد تنقالي هالكلمة, المشكلة مو بس من الغريب حتى من الأهل, مع إني والله مو مغرورة و لا فيني هالصفة مع الناس, بس لأن ساعات ودج تسولفين و تعبرين عن إلي في خاطرج يسوونج مغرورة .. صراحة أنا ما قمت أهتم بحجي الناس إلي ما تعرفني و على أي أساس يحكمون بأخلاقي و هم ما يعرفوني .. أنا أقول ( Just ignore them) .

بالضبط لان تبين تعبرين عن رايج تصيرين مغرورة لازم تقولين حاظر وان شاء الله
اي مايصير كل واحد له راي وشخصية ما يصير نصير نسخ من بعض
علي قولتج نعطيهم اقنووووووووور قوي بعد :eh_s(8):
مشكووووووورة علي مرورج يالغالية ماتقصرين

 

[شاهة]

لالالالالالالا والله ما اعرفوج عدل حبيبتي ،،،
بالعكس انا وايد صارتلي معاج مشاركات وصارت بينا رسايل
وانتي بصراحه والله وبدون مجامله عسل تهبلين ولو مو مغرورة ماتردين بهالردود الطيبه ولا تردين على الرسايل ،،
ماعليج منهم ترى الناس مايعجبهم العجب ،،
انا بعد يقولون عني مغرورة اذا سمعت شي وماعجبني اسكت ما اشارك قالو هذي مغرورة شنو شالسالفه كيفي مو عاجبني الموضوع غصب..!!
ماعليج منهم يقولون اللي يقولونه ومردهم بيعرفون انتي شنو
وانا احبج ماعليج منهم

حبتج العافية يا حبيبة الكل انت العسل المصفي والله
وصاجة مثل ماقلتي الناس مايعجبها العجب , الله يعينا بس
حيااااااااااج الله يا حبيبة الكل :eh_s(21):

 

[شاهة]

الثقة الثقة الثقة خلى علاقتج برب العالمين من تواضع لله رفعه ,والحمد لله دام صفت الغرور مو فيح فتجاهلي كلامهم حتى مايضيق خلقج وتصدقين كلامهم وبعدين الطامة الكبرى تصيرين مغرورة إنت الحكم مو الناس لأن النية عندج مو عندهم وسلامتج ياطيبة القلب .

يا هلا بنور الدنيا الحمد لله اول ما اطالع اطالع ربي بتعاملي مع الناس واتضايق اذا شفت المغرور مو بعد اصير مغرورة بس هالناس اظنتي يصير لهم نوايا ثانية
شاكرة مرورج الغاليو نور ولاتحرمينا من الطلة الحلوة

 

[شاهة]

وااااااااااااااااااااي جنج انا

اانا لاني هادية وماتكلم وايد عبالهم جذي من وانا ياهل

رفيجاتي يقولون اول ماشفناج يقولون وااي شكلها شايفة نفسها لووول

بس لما رافجناج يوم عن يوم نحبج اكثر لووووول

يمكن لاني انا استحي

واخر موقف صارلي بعد يوم الاربعا الي طاف

وحدة معاي بالدوام مو بقسمي<<اصلا اول مرة اشوفها
ركبنا الاصنصير <<جان تقوووول: انتي ليش كله مادة البوز وماتعطين ويه @@

صراحة انا عصبت

لوول

بس والله يعينا كلنا لوووول

يا هلا كويتية كيوت , بالضبط كيوت ناس ماتعرفج وتقولج انت علي شنو شايفه نفسج @@ اي يبا اعرفج تعرفيني لاحول ولاقوة الا بالله
اتيك التهايم وانت نايم :eh_s(4):

 

[شاهة]

السلام عليكم اختي الغالية شاهة

والله انا واختي كنا نسووووولف فيك البارح بالعكس ماشاء الله اخلاقك راقية واللي لفت انتباهي دينك ماشاء الله عسى الله يحفظك من كل شر

ورددي البيت اللي يقول

اذا اتتك مذمتي من ناقصا فهي الشهادة بأني كاملا

واسفة اذا في تحريف في البيت ههههههههه

ولاهمك كلام الناس والله انك احلى شاهة

يا هلا ويا غلا بحبية اهلها ماتقصرين علي الكلام الطيب خجلتيني والله :eh_s(22):
ان دل يدل علي طيبج وطيب اصلج , الي يحز في الخاطر لما تكونين كافة خيرج شرج وفجاة تطلعلج وحدة تقولج مغرورة بدون سبب
والبيت صح ما فية شي
اذا اتتك مذمتي من ناقص **** فهي الشهادة لي باني كامل
الله يرزقج علي قد نيتج الطيبة انت واختج ولا انحرم منكم ومن سوالفكم الحلوة