انتي مع هالشي ولا ضده؟

[ᆻŠ вªĺŌÓŃă]

حياكم الله وياهلا ويامرحبا :eh_s(7):


ندش بالموضوع اللي اهو (( الخـــــل )) الكل يعرف فوايده وانه مذيب لشحوم وحيل يضعف

استفساري اهو قريت انه تظيفين ملعقتين خل على بطل ماي وتشربينه قبل كل وجبه يسد الشهيه وينحف
سمعت وانا حابه اسوي هالشغله بس جاتني انتقادات حيل من الاهل :eh_s(10):
اللي يقول يسببلج قرحه بالمعده واللي موزين
يااربي انتوا شرايكم انا اشوف انه حيل مخفف بالماي
يلا ناطره رايكم حبيباتي

 

[كيكه توفي]

رد : انتي مع هالشي ولا ضده؟

والله مادري وايد سمعت مو زين

 

[انا لحبيبي .]

رد : انتي مع هالشي ولا ضده؟

​

حبيبتي الخل بااستمرار اله اضرار على الجهاز الهضمي سواء كبسولات أو سائل
1) قرحة في المعدة

2) قرحة في الإثنى عشر

3) قرحة في المريء

4) تقرحات في القولون

5) بواسير

6) إرتداد في المعدة

7) تهيج بالقولون



​

 

[ام مهرة 2009]

الي اعرفه انج تستخدمين قفشة وحدة على قلاص ماي بعد الوجبات
مدة شهر مو اكثر
موفقه

 

[3oosh <3 MJ]

رد : انتي مع هالشي ولا ضده؟

حبيبتي انصحج ابتعدي عنه وخليه بس فالسلطة
انا كنت اشربه وسبب لي قرحة

 

[المستغفرة 74]

رد : انتي مع هالشي ولا ضده؟

الحين لما نتبل اللحم او الدجاج للشوي نحط معاه خل
عشان يذوب اللحم ويخلية يستوي بسرعة فما بالج لما ندخلة بالمعده والاحشاء الطرية وغير يمر بالكلى
بالمنطق اكييد بيضر اكثر من ما يفيد

 

[طـفولية]

رد : انتي مع هالشي ولا ضده؟

كلششش مو زييين ..
ديري بااالج .. اقل شي قرحة ..
غير ان دكاترة قالوا ان خرااابيط
اهوا الخل بحد ذاته مفيد
بس ان يحرق الدهون ابد ماله علاقة ..وحطيلج قفشة بالسلطة افيد

نظمي وجباتج وقنني الكمية ومشي نص ساعة كل يوم الى ساعة وتصيرين منيكان
بلا خل بلا غيره​

 

[ام^تبوله]

أنا بعد سامعه ان موزين​

 

[بريانكا تشوبرا]

رد : انتي مع هالشي ولا ضده؟

انا كنت بسويه
بس قالولي يسبب بلاوي
ابعد عن الشر وغنيله
ماانصحج فيه
موووفقه

 

[فجر_الكويت]

رد : انتي مع هالشي ولا ضده؟

نصيحتي بدلية بزنجبيل وجاي اخضر وليمون وشربيه بعد وقبل كل وجبه

 

[ᆻŠ вªĺŌÓŃă]

رد : انتي مع هالشي ولا ضده؟

مشكورين حبيباتي على هالمعلومات يعني نوخر عنه كل شي ولا القرحه الله يكافينا شرها
يلا عسى ربي يوفق كل من ردت علي يااارب