انتي قسم انجليزززززي))))))خرررراط

[Attractive]

هلا بنوتاااااات


ابدء بموضوعي انا قسم انجلييزي ووحده من اهلي رايحه امريكه مره جالسين نتكلم ونسال عن الكلمات وصارا يسالوني وانا موب عارفه بعض الكلمات

وهذي الي رايحه امريكا قالت انتي قسم انجليزي ع اخرطي

والله بجد اتقهررررررررررررت





حسستني اني فااااااااشله


والله من كلمتها حطمتني وحسيت اني مالي فايده درست ولا لا انتي فاشله

والمشكله كلهم صاروا يايروني ويقولوا انتي قسم انجليزي وهذي الي رايحه امريكا صابره احسن منك
انقهرت قلت شي طبيعي الي يروح امريكا بيككون كذا بسرعه تتعلم يقولوا لي بس انتي انجليزي وهي ماتذاكر ومادري شنو وحامل
هي احسن منك


بجد انقهرت وهل صحيح ان هي افضل مني لانو انا قسم انجليزي وهي عندها محصول كلمات اكثر مني

بصراحه انا اتكلــــــــــــم عن قهرررررررررررر

 

[ر-وح الجوري-]

شكلها اللي رايحه امريكا ماخذه مقلب بحالها .. كلامك صح شي طبيعي بيكون عندها محصول لغوي اكثر منك لانها ممارسه للغه بحكم سفرها ..وباقي تسألينا هي أفضل منك واضحه هذي تتفشخر على راسك ومقهوره عشانك قسم انجلش مثلها وتخاف تصيرين احسن منها ..خلي عندك ثقه بنفسك وتعلمي كلمات جديده و تابعي برامج اجنبيه ..

 

[Tom ♥ Jerry]

,


خل تولي مآ عليج منهآ و لا تأثر عليج :/ !
مآ عندها ذووق الصراحه على كلآمهآ :×

 

[Patcholli]

الصراحه السالفه جدا تافهه وماتسوى تظيقين روحج عليهم ..!!
وشنو يعني اذا اهي اتقنت الكلام احسن منج عليها بستين الف عافيه ..!
انتي مشتغله ومعاشج ماشي وماكه وشاربه ونايمه ومستانسه .. كلامهم ماراح يزيدج ولا راح ينقصج ..
خلج واثقه من روحج وشي طبيعي الممارسه والاختلاط ويا شعب كامل بتعطيها خبره اكثر من دراسه 4 سنين ..
بس هاذا مايعد نقص لج حبيبتي انتي مو ناقصج شي ومو ظروري تكون نظرتهم فيج انج كامله وانج احسن وحده
اهم شي راحة البال والصحه والعافيه وان الله منعم عليج وماعليج قاصر بشي ..
قولي الحمدالله

 

[معزوفة عشق&]

شوفي حبيبتي لو انا بدالك والله ما اهتم ولا هم يحزنون ليه ماعندك ثقه بنفسك ؟؟!!

وبعدين بديهي اي واحد يروح لامريكا بيشرب اللغه في 3 ايام *_^

وانتي قسمك من احلى الاقسام ومو اي احد يدخله ويتوفق فيه .. هذول حساد وعذال ارمي كلامهم ورا ظهرك ,,

وبعدين انا تخصصي طبي وادرس لغه انجليزيه اجباري وبالاول كنت ميح باللغه الحين شاربتها شرب في 3 سنوات دراسه بس
ماعليك من كلام الناس اللي ما يخلص

 

[❤لبيـــه❤]

إهي ممآرسة ولغة
أنتي دراسسة

طبيعي حصيلتها اللغوية بالكلمات أكثر منج بس مو دليل إنج فاشلة ...
أوك سأليها بالققواعد وشوفيها تجاوب صح ولا لا؟؟؟

مدري لمتى راح يتموون بعض هالحريم المقارنة وتكسسير المجاديف عندهم له الأولويـة ؟؟

خليج وآثقة بنفسسسج وزيدي حصيلتج اللغوية بالقراءة والممآرسسة

وعسسسى ربي يوفقج ..

 

[solitude]

حبيبتي السالفه واضحه
تفوشر وتبي تحسسج بانها احسن منج
اكيد عايششه بامريكا بتعرف تكلم لانها تمارس اللغهه يوميا
بس خترد ديرتها بترد متنحه
انتي غير دارسة اللغه يعني رحتي ولا مارحتي تعرفين
لاتضايقين عمرج ع شي مايسوى

 

[جلكسيه اس 3]

حبيبتي. والله ليش تضايقين
لو كانت اتحبج و تبي مصلحتج جان قالت العكس
عطيها طاااف و رايها خل اتخليه حقها
و ثاني شي حاشني فضول انتي وين تدرسين

 

[دلوعة صلوح]

ماعليج فيها القهر ومايسوى

 

[^LILY^]

حمد الله والشكر
ما عليج منهآ عطيهآ طــآآآف
ولا تبينين ان كلامها مأثر عليج
خليج قويه قدامها

 

[لمعة سراب]

شوفي حبيبتي لو انا بدالك والله ما اهتم ولا هم يحزنون ليه ماعندك ثقه بنفسك ؟؟!!

وبعدين بديهي اي واحد يروح لامريكا بيشرب اللغه في 3 ايام *_^

وانتي قسمك من احلى الاقسام ومو اي احد يدخله ويتوفق فيه .. هذول حساد وعذال ارمي كلامهم ورا ظهرك ,,

وبعدين انا تخصصي طبي وادرس لغه انجليزيه اجباري وبالاول كنت ميح باللغه الحين شاربتها شرب في 3 سنوات دراسه بس
ماعليك من كلام الناس اللي ما يخلص

اختي ( ولاهم يحزنون ) آيه قرآنيه

 

[*...غنج عبس...*]

وييي مالج شغل فيهااا
خلي عندج ثقه بنفسج
والمهم انج تعرفين اللي تدرسينه
اماا انها رايحه امريكا ولقطت لها
جم كلمه وتتفلسف خليهآ تولي مآعندهآ
ذوق بصراحه ..

 

[كويتية222]

انتي تعرفين المادة اللي ادرسينها فقط

واهملتي تعلم حصيلة لغوية يديدة من الكلمااات

عموما الاكسنت الامريكي غير ياكلون الحروووف وعندهم مصطلحات غير ويديدة ما تمت بصلة للانجليزية البريطانية

هاااتي قاااموس وثقفي نفسج بكلمات يديدة +اسمعي الراديو دوري محطات امريكية

 

[رورو 88]

السالفه ماتسوى كلش بالعكس عطوج push ان اتكونين مثلها

لا تعتمدين عالدراسه لازم يكون عندج vocabulary كلمات اتساعدج حتى بالكتابه

ممممم مثلا

انتي ورفيجاتج تكلموا انجليزي مع بعض حتى لو خربطتوا عادي ضحكوا وكملوا

اشتري مسلسلات اول شي طالعيها بترجمه بعدين لا اطالعين كذا مره وبتعلمين وايد

احتكي بناس الانجليزي مالهم زين

انا معني ماكنت بثانويه امريكيه بس بالجامعه

وايد عبالهم ان حتى ثانويتي امريكيه لاني حابه الانجليزي وامارسه بحياتي

واذا اتحبين البرامج الاميركيه يعني مااتشوفين عربي همن بيساعدج وايد

ولا اتحرين نفسج حبيبتي لان كلش ماتسوى السالفه

 

[*peace*]

انا اقولج لاتقعدين مع هالناس لانهم قمه بالسخافه والملاقه

 

[بنوتة كول]

اجتهدي و أدرسي و أنجحي و خليهم يعرفون منو طالبة قسم الانجليزي خلي كلامهم تحدي لج و أثبتي نفسج
بالتوفيق

 

[قطوة@@]

تعرفين كلمه طااف

عطيها اكبر طااف وهالاشكال لا ياثرون عليج لانهم مشفح
تبين تقوين لغه حاولي تشوفين افلام اجنبيه و انتي ترجمه لنفسج الانجليزي ممارسه اكثر من دراسه و و الله تلقينها بقواعد الانجليزي و الاساسيات اهي الاخرطي مو انتي ذكرتيني بوحده معاي بالثانويه امها امريكيه كانت بالمحادثه اوكي بس بقواعد الانجليزي و الله تييب اصفاار لانها فاشله

 

[مفسرة الاحلام]

انا مثلك تخصصي لغة انجليزية

العيب مو منك ولا هو دليل على شطارة الى رايحه الامريكا هم حصلوك مو واثقه من نفسك صيده سهله يحطمون فيك

بعدين حبيبتي احنى فى الجامعه 5 سنوات كله نتلقى ونسمع ونكتب على على ورق وللاسف مافي ممارسه ماعندنا practice للغة
احنى تحصلينا فاهمين كل شي بالانقلش من ادب وفونتيكس واصول وقواعد وقراءة وكتابه الا الممارسه وطلاقه اللسان لان ماعندنا بيئة تمارس هاللغة طوال الوقت من الطبيعي ماراح نتقنا بشكل بيرفكت

بعدين هذى الى جايه من امريكا اكاد اجزم انها تتكلم بالسلانق slang الى هي اللهجه العاميه الى ابعد ماتكون عن اللغه الانجليزيه الاصليه تحصلينا لقطت الاكسنت وقامت تفلسف عليكم

ماعليك من احد بسسس رووووقي هذا الانقلش لو انه خرطي مثل مايقولون ليه قسم اللغة الانجليزيه مايقبل الا البنات الشاطرات وكلهن لو انهم ايش من الشطاره مايضبطون الاكسنت دامهم بين ناس مايتكلمون الانقلش الا في حال طلعو برا واخذو اللغه من المتحدثين الاصلين native speaker بجانب دراستهم للغة هذولا يرجعون لنا دوااااهي >الله يجعلنا مثلهم من غير مانتغرب

 

[om.googi]

مو مهم يفهمونج ويخلونج تطلعين بالمستوى اللي اهم يبونه لنفسهم بخصوص التمصخر ,, المهم ان انتي فاهمتهم .. فهمتي ؟

وصح لسان مفسرة الأحلام ,, قال تفلسفت بالـSlang عليج هاا ,, ابتلشنا بالمرضى اللي مالهم دوا​

 

[ماكو اسم #3]

انصحج تاخذين دورات بالثقه بالنفس

واقولج عمي كان رايح امريكا ( دوامه دازينه ) سنتين رد الكويت امريكي باللغه دخل امتحان الثانويه العامه ( عادها علشان يدش الجامعه ) والله انه سقط وهو مستواه باللغه كمحادثه اعلى من استاذه