انتي سليمه وطولتي على ماحملتي .. تعالي ابيج

[عروسة فوشيآ]

السلام عليكم

شلونكم ي حبيبات قلبي



بنات انا صار لي فوق السنة متزوجه

وماصار حمل ولله الحمد



سويت فحوصات انا وزوجي الحمدلله كل شي سليم


يابنات والله السستر والدكتوره حفظوني حتئ لمن اييهم يطالعوني ها لاتقولين نزلت



الدكتورة تطالع تحاليلي وتقول كل شي ممتاز غريبه بس سبحان الله ممكن مايصير حمل

حتى تقول ماشاء الله مافي نقطه التهاب .والرحم تمام الحمدلله الحمدلله الحمدلله

المهم قلت لها انا متشوقه للحمل وزوجي حيل حيل متشفق



عاد بتبدا كورس معاي 3 شهور

هالشهر اخذت كلوميد حبتين باليوم

اذا نزلت الشهر الياي بتزيد الكميه

والشهر الثالث راح تكون معاها ابر تفجيريه





ابي اعرف منو كانت سليمه واخذت كلوميد وحملت

احد نفس تجربتي



او تعرفون احد

 

[ghadeerq8]

شلونج حبيبتي انا بعد نفسج خذيت كلوميد الشهر الي طاف و طلع معاي سبع بويضات بس ربي ماكتب يصير لي حمل و هل شهر بعد خذيت و راح اسوي سونار داخلي بعد ثلاث ايام و بقول للدكتوره تعطيني ابر تفجير و الله يرزقج و يرزقني انا هل شهر بشتري تست التبويض الي بالصيدليه و بتابع التبويض و الله يرزقج و يرزقني

 

[@سيدة نفسي@]

انا كررت هالنصيحة امية مرة ولازلت عند كلمتي

يابنات تصدقووووووووووووووووووووووووا..

الصدقة علاج لكل شي .. طلعوا صدقة غااالية عليكم

أو مال انتوا تبونه تصدقوا فيه وربي بيرزقكم ان شاءالله

من واسع فضله

 

[مسؤولة تعيين]

انا بجري يبته من اول شهر ماشاءالله وعقبها قعدت 5 سنوات مايبت عيال والحين الحمدالله بفضل اللهحامل حمل سليم الف الحمدالله
تدرين شنو السر ؟؟؟
كان مولد الرسول عليه الصلاة والسلام وسبحان الله بهالفتره كل الي حواليني وتزوجوا عقبي صار عندهم اثنين وثلالث عاد ذيج الليه رجعت البيت فرشت سيادتي وقعدت اصلي وابجي من قللللللللب واطلب من ربي من قللللللللب ان يعطيني الي ابيه واقسم بالله ان مامرت 3 ايام وكنت ادري مووو حامل بس من كثر ما احلل كان عندي تحاليل اخشهم بالدرج جان اقول خل استخدم واحد بدال ماينتهون واقطهم جان احلل والا حااااااااامل
تدرين شنو الدعاء من قلب والصدقه تسوي المعجزات
اختي قعدي الليله بينج وبين ربج واشكيله حالج وصدقيني ماراح يخيب ظنج

 

[тεķάηαн]

السسلام عليكم حبيبتي
انتي نفس رفيجتي تمت سنه وشي ماحملت واهما مافيهم شي
اخرر شي طلع من وضعيتها بعد الجماع
يعني الله يسلمج لما تخلصين انتي ظلي منسدحه على ظهرج و رفعي ريولج وخلي ريلج يسبقج
وتمي انتي على هالوضع لمده نص ساعه ع الاقل وروحي غسلي ، جربيها يمكن تفيدج $$
وصح مثل ماقالو البنات الصدقه والعمره تفيييذ يمكن فيكم نفس لا سمح الله
لا تجربين ادويه و خرابيط الا بعد ماتجربين كل الطرق الطبيعيه احسن لج
تقبلي قرقرتي الزايده وان شاءالله اكون افدتج ��

 

[احساس طفلهـ]

البقره وأصدقه

وإنشاء الله تحملين من غي علاج

 

[أم معاذ الكندري]

أختي ما انصحج في إبر التفجير
وأختي استمري بالدعاء والصدقة وسورة البقره واذكار الصباح والمساء والاستغفار
أنا فجر فيني الأفغاني لمه قال بس
وأنا ما فيني شئ ولا ريلي
بعدها قررنا نسوي تلقيح وفعلا قبل لا ابلش سوو لي الصبغه للرحم أهي أشعه دقيقه تبين شنو في الرحم
وبعدها قبل التلقيح بسبوع أخذت إبر التنشيط وبعدها لقحت وما عطاني إبر تفجير
ترا إبر التفجير خطره أختي والله
وع فكره التلقيح بستين دينار أختي بس التحاليل والإبر تطلع عليج ب خمسميه وع حسب بس مؤ غاليه

 

[بنفسجيه_Q8]

الله يرزقج عليج بصدقه والاستغفار

 

[بدون بس مغتربه]

انا بعد سليمه ولي اكثر من سنه وللحين ماحملت

بس بعد مااخذت كلوميد ولا شي دكتورتي قالت بشوف اول شلون تنتجيت البويضه..
والله كريم

 

[ميمي..]

بنات اقروا سوووره البقره اختموها كل يوم مررره ماتتخيلون فايدتها على حياتكم
وكل يوم اكلوا ملعقه سمسم والعسل الطبيعي بعد زييين
هالنصايح كلها شفت نتايجها بناس اعرفهم الله رزقهم
والله يرزقكم اجمعيييييييييييييييين يارب وتفرحون

 

[ميمي..]

واكييييد لاتنسون الاستغفار والدعاء بالثلث الاخيرر ودايما ادعوا بألحاح وكل ماحسيتوا نفسكم تكاسلتوا عن الصلاه والدعاء
هذا معناه اقتراب الفرج والشيطان قاعد يوسوس لكم بترك الدعاء ساعتها قوومي تووضي وصلي وادعي

 

[$$كويتية$$]

كلام البنات عدل تصدقي وصلي ركعتين بليل

وكثري من الاستغفار..والصلاه لاتاخرينها واايد

والله يكتب لج الي فيه الخير والصالح..ماعليه كل تاخيره فيها خييرة :***

 

["*آآآنؤؤؤقهـ*"]

الله كريم

يرزقنا انا نفس حالتج ماكو سبب يمنع


الحمدلله

 

[اخت خالتهم]

جربتي وضعية السجود ؟
جربيها لانه اسرع لدخول الحيوانات المنويه

 

[سمو النفس]

ربي يرزقج نفس ماقالوا البنات الصدقه ولاتنسين الدعاء ،، انا سوريت حقن مجهري والمره الاولئ فشلت وكنت ادعي ربي بكل سجده وابكي واحس اني ارتاح والحمدالله لمن سويت الثانيه نجحت ً ماشاء الله و يوميا اقري البقرره والاستغفار والصدقه

 

[sweet-love]

اانا كانت كل تحاليلي سليمه وبعد زوجي ظليت خمس سنوات ما حملت بعدين قررت اخذ حبوب ملوميد سبحان الله ماحملت بس كان عندي امل كل يوم وكل شهر وكل سنه اني راح احمل وكل يوم ادعي ربي وواثق انه راح يرزقني احاول قدر الامكان ابتعد عن اي شي يغضب رب العالمين عشان يستجيب دعائي ولله الحمد بعد فتره قررت اخذ ابر الكلوميد والابره تفجيره ووسبحان من جعلها سبب في حملي وادري لولا فضل الله ماحملت والحمدلله يبت حملت والحين بعد بسنه حملت بدون ابر ولاكلوميد

حبيبتي توكلي على الله وكثري دعاء في الاوقات مابين الاذان والاقامه واخر الليل وقت السجود وقت المطر وتصدقي وامثري قراءة القران ابتعدي عن الاشياء اللي تغضب رب العالمين وكثري استغفار وعسى ربي يرزقج عاجلا غير اجل ويرزق كل من تتمنى

 

[عروسة فوشيآ]

حبيبات قلبي

وحدة وحدة فيكم

ماقصرتوا

كلامكم ريحني


وان شاء الله ابشركم قريب




احبكم في الله

 

[دايم على البال]

انصحج نصيحه لا تلعبين بنفسج بالادويه وانتي وريلج مافيكم شي
انا قعدت سنتين ماحملت وكل مانزلت اتحطم نفسيتي

سوي مثل ماسويت لا تهتمين بالحمال لانه النفسيه تلعب دور
واهم شي مستمره ع الاستغغار بعد كل جماع ارفع ريولي فوق تاج السرير واقعد استغفر لين انام

نصيحه لا تاكلين الحبوب توج اول سنه بسم الله شتقولين حق ناس صارلهم خمس سنين
ادعي ربج لانه هو رزاق الكريم مو دكتوره والاحباط اللي ياج منها لا تروحي لها
خلج طبيعي ولا تفكرين بالحمل ولا بالدوره عاااادي جدا وضعج وانتي مكبره السالفه احمدي الله

 

[أأأميرة الورد]

حبيبتي جربي يمكن رحمج مايل مايوصل له السائل المنوي

الدكاتره مايعرفون الرحم المايل

جربي تروحين لحرمه تمرخج

 

[الـــغـــلآ]

وانا بعد اقول نفس الشي جربي هالثلاث شهور تروحين عند معالجه شعبيه تكون معروفه مثل ام فيصل حيل يمدحونها

جربي يمكن الله يكتب لج الحمل عندها و يكون علاجج بسيط دام ما فيج شي الحمدلله .. لان حرام تلعبين بنفس بالحبوب و الابر التفجيريه وانتي ما فيج الا العافيه