انتي داخلة تفلمين وتسوين اكشن ؟؟

[سمر شمر]

بسم الله الرحمن الرحيم

شلونكم بناات

انا اليووم خلااص وصلت حدي

فقلت لاازم اكتب موضووع عن هالسالفة

اللي بصراااحة صايرة متدااولة بالمنتدى


الا وهي

تجي وحدة اتشكى من ابووها

والا من اخووها

والا من حمااتها

والبنت تعباانه نفسيا :eh_s(11):


تدخل عليها وحدة باااردة مبردة تقط عليهاا كلمة ((انتي تفلمين ))

واهيا حاطة رجل على رجل وتحكم بالاموور :rgewrg:

انتي شدراااج يوم انج تقوول تفلمين

والله بناات لييش ماتصدقوونهم انا عني اصدق

تدروون لييش
:eh_s(4):

فتحوو الجرايد واقرووو اهموووم والجرااايم والسوااالف اللي اتصييير
لاشفتوو هالجرايد خالية من هالسواالف حزتها احكمو ان كانوو يفلموون ام لا

مو والله انتي حاطة ريل على ريل ومرتااحة ابيتج وماعندج مشاااكل

تدخلين على وحدة كل اهمووم الدنيا فووق راسهاا وتكتبين ((بدا فلم الليلة
خلااص قالها رسول الله صلى الله عليه وسلم (من كان يؤمن بالله واليوم الآخر ، فليقل خيرا أو ليصمت)


واللي عندها اضااافة تتفضل وشكرااا :eh_s(7):

 

[ولااء]

انا معاج


بس تدرين ليش يقولون جذي لان في جم وحده تدخل وتكتب قصه عن زوجها او مشكله معاه وتحصلين الردود وصلت 70 او ممكن 90 تفكر حق البنت بحل

ويدعون لها وعسى الله يوفقج وعسى الله يسهل امورج

بالصدفه تحصلين لها موضوع او استفسار بنات يصير اسوي جذي انا مو متزوجه


طيب ليش الجذب ؟؟؟؟؟؟؟؟؟

هالنوع خرب على البنات اللي صج عندهم مشاكل حتى لو كانت غريبه او تشكين فيها بعد الناس اجناس وغير عن بعض



علشان جذي ياليت اللي يقرون الموضوع من بنات انها ماتشكك بمشاكل غيرها

والنوع اللي يحب يعيش قصص بالخيال ياليت مايخرب على غيره لان في بنات صج مالهم احد يعلمهم وممكن يستفيدون من ردود البنات

 

[نونو العصله]

لان ففي ناس تجذب وايدد
وفي رياييل يدشون بنكات بنات ويبون يتعرفون

وبعدين مبين الوحده اذا صاجه او جذب

 

[انا لها شمس]

مع البنات برايهم صح

 

[سمر شمر]

:eh_s(10):ويه توه ينزل الموضوع لومتخمر شوي مو احسن

 

[سمر شمر]

هلا بنااات نورتي الموضووع بالذمة


انا معاكم بس اللي تفلم واااضح من اسلووبها وطريقة حوارها

واعرف بنات يفلموون ولو تبيني اذكر لج جم اسم حفظتهم وحفظت اسمائهم

بس ماحب اشهر باحد

انا ماكتبت الموضوع منفراااغ انا كتبته بعد ماقريت انه جم وحدة تشتكي من الاهل


مو حبيب او قبيلة

لا

من اهلها ولماا تكتب مشكلة يدخلوون بناات يحطمونها بهالمسمى ..


ووونورتوو فديتكم

 

[أم الفناتك]

اي والله صاجه اللي ايده بالنار مو مثل اللي ايده بالماي انا صح بعض المرات استغرب من القصص بس اصدق ويبين اذا كان صج والا لا واللي تقول جذي يعني اتحسسني ان صايدتها بهالحجي اقل كلمه كتبيها الله يعينج اذا ماعندج رد

 

[المرتاحة]

اذا ما عندها دليل على ان البنت تجذب خل تسكت

واذا حست ان كلامها متناقض تستفسر منها يمكن البنت كتبت واهي مستعيله و ما حطت التفاصيل.. اذا استفسرتي اهني يبيين صج البنت من جذبها .. الركاده زينه

 

[برستيجي مآركة]

والله البعض يضطروون انو الواحد مايصدقهم لانهم يسجلون بااكثر من نك وتلاقينهم نفس الاسلوب
ومثل ماقالت العضوة ولاء الكذب والتناقض في المواضيع اللي ينزلونها
وبعضهم يستخدمون اسلووب خياالي زي العضوه اللي كانت كاتبه قصه بالفصحى عن خطيبها مافيها هدف ولافي شي يجرح الرواية كانت حدها تضحححك وواضح انها خرطي والاسلوب مبيووق..
والعكس صحيح في مشاكل نقراها يشيب لها الراس ونصدقها لان اسلوب العضوه راقي وماعهدنا عليها كذب من قبل..
واحب اضيف مو كل شي بعد نقراااه في النت اي شي نصدقه على طووول..
والسمووحة ع التأخير...
وشاكرة لج طرحج...

 

[*E.B.D.A.3*]

في وايد بنات عشان يتحاشون ردود الزف
تقول خطيبي!
انا لاحظتها اكثر من مره
تكتب وتكتب واخر شي ادزلها مسج اقولها انتو ملجتوا ليش مثلا اذا مسك ايدج وقام يتودد تقولين هذا يبيني عشان يلعب!
تقول لا احنا بس مخطوبين
اهم شيييييي
اي قولي صاحبج وفكينا !!!

لووول
يبيتها عالجرح حبيبتي صاحبه الموضوع

 

[حجيه هيونه]

امممممم

احيان من كثر ما الشغله ماتدش المخ الواحد يعتقد انه افلام ولاتنكرين انه كذا وحده قبل اعترفوا انهم كانو يفلمون

بالنهاية زمنا الحين صج يخوف والاشياء الغير معقوله قامت فعلا تصير الله يستر علينا

 

[granted]

حبيبتي بعض اليوزرات اتقولج انها عايشه فلم هندي معاناة وابجا وعوار قلب
ولمن البنات يساعدونها ردودها انتي سكتي انتي موفاهمه شي لاتبطلين حلجج انتي موضوعي يتعذرج
ولا تقعد اتمصخر على الحلول ولا اتنكت على حلول البنات
انزين احترميهم يزاهم الله خير الي يسمعون همج ويدعون لج ويحاولون يدورون حلول حقج
بس إحنا العرب حق التشكي جاهزين حق التغيير لا وألف لا
هاذي الفئه لو ان سالفتها صج اتشكين
وحتى اتحسين موحق اتدور حلول بس حق التمصخر وعوار القلب*

 

[xxx]

الزين يخص والشين يعم

وهالشي مو سبب عشان كل وحده تتهم الثانية

انا معاج بكل كلمة قلتيها وياليت الكل يقراه ويفهمه عدل

يعطيج العافية

:eh_s(17):

يستاهل التثبيت

 

[Tom ♥ Jerry]

,



انا الحين صايره بس اشوف رد خآرج المووضوع على طول حذف !!
لآنه رد يسحب وراه رد ثاني و يصير جات و طنازة و سوالف ! :/

المهم .. انا معاج في كل كلمه قلتيها و فعلا موضوع يستحق التثبيت
ياليت كل البنات يقرونه و يفهمون الكلأآم ..

يعني البنت اتيي تكتب مشكله انتي عليج يا تصدقين أو لا !
اذا صدقتي يا تقدمين حل أو تسكتين أو تردين بـ دعاء بالهدايه لها أو لـ فك الكربه ؛) .!
و اذا مآ صدقتي شفتي فوق بالشاشه مكتوب back !! طقي عليها بتردين القسم لووول


بعد تدخلي وحده تقول اشكره فلم ! ويع فلم هندي ..
شنو هالآفلآم و تتطنز على صاحبه المشكله ليش :| !!

يزآج الله خير يا قلبي على هالكلآم مآ قصرتي ..
يعطيج الف عافيه ؛) !

 

[>الحنان كله<]

تبين الصج مايحس الواحد بمصيبته غيره

 

[ام كوثر2007]

انا بعد ملاحظه هالشي انه دايم يقولوون تفلمين حق صاحبه المشكله ..


صح يمكن جم مره قاموا ناس يدخلون ويكتبون امور ما تدخل العقل ومبينه استعبااط


بس عاد احنا اهني نفهم انه فلم ويكون يمكن هالشخص ريال مو بنت

انا علي العموووم مريحه راسي .. اذا المووضووع احسه سخيف وما يسوا والله ما ادش ولا اعلق ولا لي شغل اصلا


واذا شفت الموضووع فعلا يستاهل انه الواحد يدخل ويكتب وياخذ من وقته ليش لا ..


مشكوره سمر ويعطيج العافيه وبالمبارك التثبيت تستاهلين .

 

[روح مغليهاM]

كلامك درر
وياليت البنات يحسوووووووون
وتسلمييين ع هالموضوووع ومبرووك التثبيت

 

[نونو العصله]

الله يهدي الجميع

كل كلمه يتحاسبون عليها

 

[نجمة كويتية]

لان ففي ناس تجذب وايدد
وفي رياييل يدشون بنكات بنات ويبون يتعرفون

وبعدين مبين الوحده اذا صاجه او جذب

:eh_s(15):

 

[Angel-Lady]

فعلا اشوف هذي الفئه الي تفكر جذي غريبه

جنه صايرين لنا كلمبو ولا كونان

خلو النصحيه و لا الحل الي بتقدمونه لوجه الله

قصو عليكم و لا جذبو المهم تاخذون عليها اجر لانها لوجه الله تعالى منتو خسرانين شي

مشكورة على الموضوع