انتي بيتوتية و لا هيتوتية على قولت الغاليه نونو و لا شنو نظامج بالضبط

[يا حلوه يا انتي]

السلام عليكووووووووووووووووووووووووووووم







ما ادري اليوم طرى على بالي اقيم نفسي من ناحية الطلعات و الهياته و المواجييب
يا ترى انا بيتوتيه اكثر و لا طلعاتي فوق المعدل الطبيعي و لا وضعي طبيعي بين البينين

و اللي خلاني اسأل روحي هالسؤال زرجي يقولي بسج هياته مع اني اشوف نفسي مو طلاعه ذاك الزود

انا تقريبا يوم و ترك او كل يومين خلال ايام الدوامات اطلع اخلص مشاويري و مشاوير اليهال اللي ما تخلص
بس في الويك اند اقضية طلعات ليل و نهار زواره مجمع العب اليهال زواره .... الخ

وريلي مو عاجبة يقولي انتي اووووفر ابيج تصيرين بيتوتية

انتو شرايكم معاه حق و لا كل ربات البيوت نفس وضعي

 

[غُمـۈض بَنيـۃَ]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

^
احس طلعاتك قليله
اجل انا شتقولين عني كل يوم اطلع
واوقات اطلع اكثرر من مره باليوم
< هيتوتيه بقوه هههههههههههههههههههه

 

[Al-RoRo77]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

وعليكم السلام ورحمة الله وبركاته
حلو ان المره اتغير جو وتطلع بس مو دايم
وانا عن نفسي بيتوتيه بس مو وايد يعني اكيد اطلع واغير جو بس مااحب الطلعه وايد بس مع ريلي فديته انا

 

[(حرفي سعودي)]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

انآ بيتوتيه

 

[شيخه الحلى]

انا قبل الزواج كنت حدي هيتوتيه
كنت ايام الكليه اخلص محاضرات واروح النادي واطلع من النادي يا اروح السوق ولا اروح مع البنات كافيه ولا مطعم ولا نتمشى ولا الاقيلي طلعه مع امي ولاخواتي
المهم اني ارجع باليل وما اقعد بالبيت

بس لما تزوجت!!!!!!!!!!!!!!!!!

زوجي خلاني حد البيتوتيه

اهوا بيتوتي ويخليني اقعد معاه بالبيت

لا وفوق هذا يقولي انتي هايته كله بره البيت
واننا وعليه علي كله بالبيت

مو كل المواجيب اروحها
الخميس ازور بيتهم
والجمعه قاعده بالبيت لأن زواره اهلي والسبت قاعدين بالبيت انا وياه ونادر ما نطلع السبت
والأحد ماكوو طلعه قاعده بالبيت والأثنين خواتي يزورون فأكون قاعدهب البيت
والثلاثاء يروح الدوانيه واطلع على كيف كيفي
والأربعا يكون قاعد بالبيت فما أترحك إلا إذا طلع راح بيتهم اطلع انا وامي لأن ممنوع اروح بروحي سوق ولا كافيه ولا مكان


آآآآآآآآآآآآآآآآه الحمد الله اني قزيت قز قبل الزواج
ولا لو مو طالعه قبل الزواج والحين بعد منحكره جان مت

 

[للزين هيبه]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

انا هيتوتيه
احب اهيت
احس اذا قعدت بلبيت اتملل<<

بس اذا خواتي متجمعاات وسوالف وحش
نأأأ بيتووتيه

 

[كندة العجمى]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

آنا عن نفسى بيتوتيه بحكم بعدى عن ديرتى الكويت ووقتى مع عيالى وزوجى بس طلعاتنا للشديد القوى ههههههههههااااى بس إذا جيت الكويت عند آهلى آستانس آول آسبوع بالهياتة والزيارات العائلية والمواجيب :016:بعدين آقول حق آمى خلااااص مليت تعبت من الدوجة :cxxxp: ويقولون خواتى هذا حنا دايم ماذبحنا إلا الواجبات قلت الله يعينكم هههههههههاااى :denya:

 

[غيوره ومغروره]

والله على حسب المزاج

مراااات اهيت لدرجة اني اطلع يوميا

ومرات ينزل علي وحي البيتوتيه واشتاق لبيتي واقعد بالبيت وماطلع لمدة اسبوعين

يعني تتيني حالات هياته وحالات بيتوتيه

 

[برد ابو الذهب]

هيوووتيه وبفوة

 

[twinsmam]

انا احس وضعي عادي اهيت يوم بالاسبوع اي اهو السبت عادة و يوم الجمعة زوارة و باجي الاسبوع اخلص مشاويري او اقعد بالبيت و اذا زهقت رحت عند امي

 

[tmtmt]

بالنص
احب اقعد بالبييت واااااااااااااايد
وبنفس الوققت احب اطلع

بس طلعاتي كله مع ابو الشباب
عشان جذي ما يتحلطم

 

[عشق موالي]

بيتوتيه اطلع بس في الويك اند

 

[kindar]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

عن نفسي


هيتووووووووووووووووته :eh_s(6):

تقريبا يوم بالاسبوع اقعد بالبيت ما اطلع كلش

 

[فرحة قلبي]

انا بيتوتية بالكويت بس ىالويك اند اطلع
بس اروح السعودية مايضل مكان ولا سوق ولا اي شارع ماروح اشوفة فديتها شوقتوني للحوسة والهياتة
مع ماماتي وخواتي

 

[حظ من عنده انا]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

بالنسبه لي انا بيتووتيه

واتمنى اصير هيتوتيه ..:RoadRunner:

بس ماعندي حد يساعدني على الهياته هههههههههههه


انا توني صعنونه زوجي يخاف علي من العبو :edbf4317b9:

عشان جذي مااطلع الا معاه والا اسير مسيار مواجيب يعني من ويين لوين اطلع :080402ask_prv:

 

[& شرطان الذهب &]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

كل يوم اطلع ع الا قل 4 مشاوييييييير غير روحه المدارس

 

[اشتياق]

بيتوتيه
يمكن مرات اطلع بالاسبوع مره وتكون مستوصف او الفرع
لووووووووول

 

[ورده الكرستال]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

بيتوتيه حتى النخاع

مخليه الهياته لزوجي اذا قعد بلبيت تحسينه قاعد على نار

 

[دوت نت]

رد: رد : انتي بيتوتية و لا هيتوتية على قولت الغاليه نونو و لا شنو نظامج بالضبط

كل يوم اطلع ع الا قل 4 مشاوييييييير غير روحه المدارس

:cxxxp: خخخخخخخ حددي المشاوير ماني مستوعبه

 

[$حبيبة عبودي$]

رد : انتي بيتوتية و لا هيتوتية على قولت الغاليه نونو و لا شنو نظامج بالضبط

حسب المزاج ...بين وبين لا اطلع واجد ولا اقعد واجد